Zechariah 12

Kamba (Mbivilia) 1956

← Chapter 11 Jump to: Chapter 13 →

1Ũito wa ndeto ya Yeova ũndũ wa Isilaeli. Ũũ nĩw’o Yeova ũnũkwasya, ũla ũtambũũkasya matu, na ũkwatasya mwambĩlĩlyo wa nthĩ, na wũmbaa veva wa mũndũ nthĩnĩ wake:

2Sisya, nĩngũtw’ĩkĩthya Yelusaleme kĩkombe kya kũlũsya kwa ngo syonthe sya andũ ila imĩthyũlũlũkĩte, na ĩngĩ kĩkeethĩwa ĩũlũ wa Yuta kũtw’ĩkanĩw’anĩ kwa Yelusaleme.

3Na kũkeethĩwa mũthenya ũsu, ngatw’ĩkĩthya Yelusaleme ĩvia ĩito kwa ngo syonthe sya andũ; onthe ala meĩyaĩkya yo makokitĩka mũno; na i mbaĩ syonthe sya nthĩ ikamĩlĩlĩĩla.

4Mũthenya ũsu, ngakũna kĩla mbalasi na ũtĩsyo, na ũla ũmĩtũlĩte ngamũkũna na ndũũka, easya ũu Yeova; na ngasalukĩlya nyũmba ya Yuta metho makwa, na ngakũna kĩla mbalasi ya ngo sya andũ na mbindu.

5Na anene ma Yuta makaasya ngoonĩ syoo, Ala matwĩe Yelusaleme nĩmo vinya wakwa nthĩnĩ wa Yeova wa nguthu Ngai woo.

6Mũthenya ũsu ngatw’ĩkĩthya anene ma Yuta ta kĩlĩo kĩ mwaki katĩ wa ngũ, na ta ũmũĩ mwakanu katĩ wa syove sya ngetha; na makamina ngo syonthe sya andũ ila ithyũlũlũkĩte kw’onthe, ngalĩ ya kw’oko kwa aũme na kwa aka; na ala ma Yelusaleme makatũa o ĩngĩ kũndũ kwoo, o Yelusaleme.

7Yeova nake akatangĩĩa maeema ma Yuta mbee, nĩ kana ndaĩa ya nyũmba ya Ndaviti na ndaĩa ya ala matwĩe Yelusaleme ndĩkanenevw’e kwĩ ya Yuta.

8Mũthenya ũsu Yeova akamasesea ala matwĩe Yelusaleme; na mũthenya ũsu ũla mwonzu katĩ wamo akeethĩwa ta Ndaviti; na nyũmba ya Ndaviti ĩkeethĩwa ta Ngai, o ta mũlaĩka wa Yeova mbee wamo.

9Na kũkeethĩwa mũthenya ũsu, ngamantha kwananga mbaĩ syonthe ila syĩũkĩa Yelusaleme.

10Na ngatulũĩla nyũmba ya Ndaviti, na ala matwĩe Yelusaleme, veva wa mumo na wa kwĩsũvana; na makanzisya ũla matonyie, na makamũmetea, o tondũ mũndũ ũmeteaa mwana wake e ũmwe, na makeethĩwa na woo nũndũ wake, ta ũmwe wĩthĩwaa na woo nũndũ wa ĩkithathi yake.

11Mũthenya ũsu kũkeethĩwa kĩmeto kĩnene Yelusaleme, ta kĩmeto kya Atatilimoni mwandanĩ wa Mekitoni.

12Na ĩ nthĩ ĩkameta, kĩla mũvĩa w’oka; mũvĩa wa nyũmba ya Ndaviti w’oka, na iveti syoo syoka; mũvĩa wa nyũmba ya Nathani w’oka, na iveti syoo syoka;

13mũvĩa wa nyũmba ya Livai w’oka, na iveti syoo syoka; mũvĩa wa Asimei w’oka, na iveti syoo syoka;

14mĩvĩa yonthe ĩla yatialile, kĩla mũvĩa w’oka, na iveti syoo syoka.

← Chapter 11 Jump to: Chapter 13 →