bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Leviticus 24
Leviticus 24
Kamba (MBIVILIA ŨVOO MŨSEO)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 25 →
1
Mwĩai Ngai nĩwaneenie na Mwose amwĩa atĩĩ,
2
“Ĩaĩe andũ ma Ĩsilaeli ũmee nĩmakũetee mauta ala maseo vyũ na makelemu maumĩtw'e mĩtĩnĩ ya mĩthata nĩ kana matũmĩawe taanĩ ila syĩ Ĩeemanĩ ĩtheu ya kũkomanĩa na Ngai, nĩ kana vethĩawe ve kyeni kĩla ĩvinda.
3
Kĩla mũthenya ĩa mawĩoo, Alũni akakwatasya taa isu ila syĩ Ĩeemanĩ ĩtheu ya kũkomanĩa na Ngai, ngalĩko ya nza ya suka ĩla ĩvithanĩtye Ĩsandũkũ ya Ũtianĩo yĩla yĩ vala Vandũnĩ Vatheu Mũno, na aisyĩkalya syakanĩte kũvika kwakya. Ũtw'ĩo ũũ no nginya ũatĩĩawe ĩvindanĩ yonthe yĩla yũkĩte.
4
Alũni akasũvĩaa taa isu silĩĩlwe kĩndũnĩ kya kwilĩĩla taa kĩseũvĩtw'e na thaavu mũthei, na no nginya asisye iendeeae kwakana kĩla ĩvinda syĩ mbee wa Mwĩai Ngai.”
5
Mwĩai Ngai nĩweeie Mwose atĩĩ, “Osa mũtu mũvinyu wa kĩlo mĩongo ĩlĩ na inya ũue mĩkate ĩkũmi na ĩlĩ, kĩla mũkate ũuĩtwe na kĩlo ilĩ sya mũtu.
6
Vanga mĩkate ĩsu mĩthĩa ĩlĩ kĩla ũmwe wĩ na mĩkate thanthatũ yilĩĩlwe ĩla mesanĩ yũmbĩĩwe thaavu mũthei na ĩkaiwa mbee wa Mwĩai Ngai.
7
Ĩkĩa ũvani mũtheu kĩla mũthĩanĩ wa mĩkate wĩthĩwe nthembo ya kũvĩvw'a yumĩw'e Mwĩai Ngai vandũ va mĩkate ĩsu.
8
Kĩla mũthenya wa Savato mũthembi akaiaa mĩkate ĩsu mbee wa Mwĩai Ngai. Mũthembi akatethasya wĩa ũsu nĩ kana eanĩsye ũtianĩo wa Ngai na andũ ma Ĩsilaeli kũvika tene na tene.
9
Mũkate ũsu nĩ wa Alũni na ana make na makaũĩsaa me vandũnĩ vatheu, nũndũ kĩu nĩ kĩlungu kĩtheu vyũ kwondũ wa athembi kĩla maĩlĩte kũkwataa kuma nthembonĩ syonthe sya kũvĩvw'a ila syumĩaw'a Mwĩai Ngai.”
10
Ĩvinda yĩmwe mwanake ũmwe ũla inyia wake waĩ wa mbaĩ ya Ĩsilaeli na ĩthe wake waĩ Mũmisili nĩwaendie kũla kwĩ andũ ma Ĩsilaeli. Mwanake ũsu na mũndũ wa mbaĩ ya Ĩsilaeli nĩmambĩĩisye kũkita me vala maeema mambĩtwe.
11
Mwanake ũsu nĩwaumie Ĩsyĩtwa ya Mwĩai Ngai, na kwoou andũ ma Ĩsilaeli mamũtwaa kũla kwĩ Mwose. Inyia wa mwanake ũsu eetawa Selomithi mwĩĩtu wa Ndivili kuma mbaĩnĩ ya Ndani.
12
Nĩmavingĩie mwanake ũsu vandũ meeteelete Mwĩai Ngai amatavye ũndũ mekwĩkana nake.
13
Nĩvo ĩndĩ Mwĩai Ngai weeie Mwose atĩĩ,
14
“Osa mũndũ ũsu ũmũtwae ũtee wa vala maeema mambĩtwe, na andũ onthe ala maneewie ayĩuma Ĩsyĩtwa yakwa mayilĩĩla moko mũtwenĩ wake nĩ kana makũsĩĩe kana e na ĩvĩtyo. Mamina kwĩka ũu andũ onthe ma Ĩsilaeli nĩmamũkimange na mavia akw'e.
15
Ĩtina wa ũu tavya andũ ma Ĩsilaeli ũmee kana mũndũ o na wĩva ũla wĩuma Ngai no nginya aĩvĩe naĩ yake
16
kwa nzĩa ya kũawa. Mũndũ o na wĩva wa mbaĩ ya Ĩsilaeli kana mũeni ũtwĩe katĩ woo ũla wĩuma Mwĩai Ngai no nginya akimangwe nĩ andũ ala angĩ onthe ma Ĩsilaeli akw'e.
17
“Mũndũ o na wĩva ũla wĩũaa ũngĩ no nginya oawe,
18
na mũndũ o na wĩva ũla wĩũaa nyamũ ya mũndũ ũngĩ no nginya aĩvĩe kwa kũete nyamũ ĩngĩ; thayũ vandũ va thayũ.
19
“Ethĩwa mũndũ nĩwaũmĩsya ũngĩ, no nginya o nake ekwe ũndũ weeka mũndũ ũsu.
20
Ethĩwa mũndũ ũsu atũla ũla ũngĩ ĩvĩndĩ, o nake aĩlĩte kũtũlwa ĩvĩndĩ; ethĩwa atonya ũngĩ itho, o nake aĩlĩte kũtonywa itho; ethĩwa nĩwakũa ũngĩ ĩeo, o nake aĩlĩte kũkũwa ĩeo yake. Ũndũ o na wĩva ũla mũndũ weeka aũmĩsya ũngĩ, o nake no nginya ekwe ũu.
21
Mũndũ o na wĩva ooaa nyamũ no nginya aĩve nyamũ ĩngĩ, ĩndĩ mũndũ ooaa ũngĩ, o nake no nginya oawe.
22
Mwĩao ũsu nĩ kwondũ wa andũ onthe: Andũ ma Ĩsilaeli na aeni ala matwĩe katĩ woo, nũndũ ninyie Mwĩai Ngai wenyu.”
23
Mwose amina kũtavya andũ ma Ĩsilaeli ndeto isu, nĩmoosie ũla mwanake waumĩte Ngai mamũtwaa ũtee wa vala maeema mambĩtwe na mamũkimanga na mavia akw'a. Kwa nzĩa ĩsu andũ ma Ĩsilaeli nĩmeanĩisye ũndũ Mwĩai Ngai weeaĩie Mwose.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27