Nehemiah 10

Luganda (BIBU1) (BIBULIYA ENTUKUVU)

← Chapter 9 Jump to: Chapter 11 →

1Olw'ensonga eno tukola endagaano ennywevu, ne tugissa mu buwandiike, n'abakulembeze baffe, Abaleevi ne bakabona baffe bagenda kugissaako emikono.

2Abassaako emikono be: Nekemiya owessaza, mutabani wa Kakaliya, Zedekiya,

3Seraaya, Azariya, Yeremiya,

4Pasukuru, Amariya, Malukiya,

5Kattusi, Sebaniya, Malluki,

6Karimu, Meremoti, Obadiya,

7Danyeli, Ginnetoni, Baruku,

8Mesullamu, Abiya, Miyamini,

9Maaziya, Bilugayi ne Semaaya; abo baali bakabona.

10Abaleevi: Yeswa mutabani wa Azaniya, Binnuyi okuva mu bazzukulu ba Kenadadi, Kadumiyeli,

11ne bannaabwe Sebaniya, Odiya, Kelita, Pelaaya, Kanani,

12Mika, Rekobu, Kasabiya,

13Zakkuri, Serebiya, Sebaniya,

14Odiya, Bani ne Beninu.

15Abakulembeze b'abantu: Parosi, Pakati-Mowabu, Elamu, Zattu, Bani,

16Bunni, Azugadi, Bebayi,

17Adoniya, Biguvayi, Adini,

18Ateri, Kezekiya, Azzuru,

19Odiya, Kasumi, Bezayi,

20Karifu, Anatoti, Nebayi,

21Magupiyasi, Mesullamu, Keziri,

22Mesezabeli, Zadoki, Yadduwa,

23Pelatiya, Kanani, Anaaya,

24Ozeya, Ananiya, Kassubi,

25Kallokesi, Piluka, Sobeki,

26Rekumu, Kasabuna, Maaseeya,

27Akiya, Kanani, Anani,

28Malluki, Karimu ne Baana.

29“Abantu, abalala, kwe kugamba nti bakabona, Abaleevi abaggazi n'abayimbi, abaweereza b'omu Kiggwa, n'abo bonna abeeyawula mu bantu b'omu nsi ezo olw'Etteeka lya Katonda, wamu ne bakazi baabwe, batabani baabwe ne bawala baabwe, na bonna abasobola okutegeera,

30ka beegatte ku baganda baabwe abakungu, nga beesiba n'ekikolimo oba n'ekirayiro nti ba kutambulira mu Tteeka lya Katonda lye yawa ng'ayita mu Musa omuweereza wa Katonda, nga ba kukwata n'okutuusa ebiragiro by'Omukama Katonda waffe byonna, ennamula ye n'amateeka ge.

31Era nti tetujja kufumbiza bawala baffe bantu ba mu nsi, n'abawala baabwe tetujja kubawasiza batabani baffe.

32“Abantu b'omu nsi bwe banaaleetanga ku Sabbaato eby'okutunda n'emmere yonna batunde, tetujja kubibagulangako ku Sabbaato ne ku nnaku entukuvu; omwaka ogwomusanvu tujja kuguwummulanga, na buli bbanja tulisonyiwe.

33Twetema okutuukiriza ebiragiro: buli mwaka okuwangayo ekyokusatu ekya sekeli ku mulimu gw'Ekiggwa kya Katonda waffe:

34ku lw'Emigaati gy'Okwolesebwa, ku lw'ekitone eky'obuwunga eky'etteeka, ku lw'ebitambiro ebyokye ebya buli lunaku, ku lw'ekitambiro ky'oku Sabbaato eky'etteeka, ku mbaga y'Okuboneka kw'Omwezi, ku mbaga enkulu eziragiddwa, ku lw'ekitambiro ekitukuvu, ku lw'ekitambiro olw'ekibi okuddaabiriza olwa Yisirayeli, ne ku lwa buli kidda ku Kiggwa kya Katonda waffe.

35“Ffe, bakabona, Abaleevi n'abantu abalala bonna tukubye obululu okuwa buli nnyumba ya bajjajjaabwe ekiseera mu mwaka w'eneereeteranga enku ez'okukozesanga ku mwaliiro gwa Katonda waffe, nga bwe kyawandiikibwa mu Tteeka.

36Tujja kuleetanga buli mwaka mu Kiggwa kya Katonda waffe amakungula agasooka ag'ettaka lyaffe, n'ebibala ebisooka ebya buli muti oguleeta ebibala.

37Nga bwe kyawandiikibwa mu Tteeka, tujja kuleetanga mu Kiggwa kya Katonda waffe, eri bakabona abaweerezaamu, abaggulanda baffe mu baana baffe, na buli kiggulanda mu nte, endiga n'embuzi zaffe.

38Tujja kuleetanga mu mawanika g'Ekiggwa kya Katonda waffe, eri bakabona, ebisooka eby'obutta bwaffe, n'ebitone byaffe, ne ku bibala eby'emiti, ne ku vviini gye twakasogola, ne ku muzigo gw'oliva. Tujja kuwanga Abaleevi ekyekkumi ku birime byaffe, anti Abaleevi be bakuŋŋaanya ekyekkumi mu bibuga byonna gye tukolera.

39Kabona asibuka mu Aroni ajja kubeeranga n'Abaleevi ng'Abaleevi bakuŋŋaanya ekyekkumi. N'Abaleevi ba kuleetanga ekyekkumi mu Kiggwa kya Katonda waffe bakisse mu materekero g'enkuluze.

40Abayisirayeli ne bazzukulu ba Leevi, ebitone eby'ebisooka eby'eŋŋano, evviini ensu n'omuzigo, banaabitwalanga mu mawanika awaterekebwa ebintu by'omu Kitukuvu, bakabona, abaweereza, abaggazi n'abayimbi gye babeera. Tetujja kusuulirira Kiggwa kya Katonda waffe.”

← Chapter 9 Jump to: Chapter 11 →