bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Isaiah 10
Isaiah 10
Lahu Bible Edited © Thailand Bible Society and Bible Society of Myanmar, 2010, 2020.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 11 →
1
Nawˬ hui gʼa luˬ gʼa sheˆ tuˬ yoˬ. Awˬ lawn kʼo, nawˬ hui lehˬ maˇ hteˇ maˇ cawˇ ve awˬ liˇ uˉ paˍ teˍ te teh taˍ leh, ngaˬ ve chaw teˇ hpaˍ hta‸ fawˉ mehˍ piˇ chehˇ ve yoˬ.
2
Oˇ hkʼe te ve awˬ hkʼaw lo nawˬ hui lehˬ haˍ ve gʼawˇ ve chaw hui hta‸ nyiˉ tiˍ taˍ leh, mehˇchawˇma leh yaˇcuˬshi teˇ hpaˍ ve mawˇ hta‸ hiˉ yuˬ chehˇ ve yoˬ.
3
Gʼuiˬsha ciˍ yanˍ laˇ ve kʼo, nawˬ hui hkʼaˬ hkʼe te tuˬ le. Vuiˇ ve mvuhˇmiˬ lo cawˬ ve kawˆ tuˬ dawˇ haˍ tuˬ awˬ ceuˬ yawˇ nawˬ hui awˬ hkʼoˆ gaˬ la piˇ ve kʼo, nawˬ hui hkʼaˬ hkʼe te tuˬ le.
4
Nawˬ hui lehˬ, tiˇ pehˍ ve hta‸ gʼa hkanˍ tuˬ yoˬ. Oˇ hkʼe maˇ heˆ kʼo, ma‸ bawˆ kuiˬ lo shu hpeh gʼa ve chaw hkʼe, shu gʼawˬ kʼai ve hta‸ gʼa hkanˍ tuˬ yoˬ. Chi hkʼe hpeh‸ ve ka‸, Gʼuiˬsha nyi ma zuhˆ ve maˇ peuˬ sheˍ. Ciˍ yanˍ piˇ tuˬ yawˇ ve la‸ sheh che taˍ sheˍ ve yoˬ.
5
Gʼuiˬsha kʼoˆ ve, Aˍsuˇriˆ chaw hta‸ suhˆ taˬ hkʼa shuˍ ngaˬ yehˇ leh, ngaˬ nyi ma zuhˆ ve chaw hui hta‸ ciˍ yanˍ piˇ tuˬ yoˬ.
6
Ngaˬ hta‸ nyi ma zuhˆ tuˬ te laˇ ve chaw leh, Gʼuiˬsha hta‸ maˇ shiˍ ve chaw ceuˬ hta‸ te luˬ piˇ tuˬ, Aˍsuˇriˆ chaw hta‸ ngaˬ kʼai tcuh tuˬ yoˬ. Yawˇ hui lehˬ, chaw oˇ ve teˇ hpaˍ ve mawˇ jeˬ hta‸ hiˉ yuˬ luˬ yuˬ leh, chaw yaˇ teˇ hpaˍ hta‸ je‸ hkʼa shuˍ ya‸ kʼaw‸ hkʼoˆ lo naˆ nehˆ piˇ tuˬ yoˬ, teh‸ kʼoˆ ve yoˬ.
7
Ya‸ hkʼaˇ, Aˍsuˇriˆ jawˇmawˇ lehˬ yawˇ ve nyi ma hkʼaw haiˬ ve awˬ ceuˬ hta‸ dawˇ nyi chehˇ ve yoˬ. Yawˇ lehˬ, chaw ceuˬ maˇ maˇ hta‸ te luˬ piˇ tuˬ dawˇ cheˆ taˍ peuˬ.
8
Yawˇ lehˬ caˆ muiˬ leh kʼoˆ ve, Ngaˬ ve ma‸ poˍ lonˉ teˇ hpaˍ lehˬ jawˇmawˇ teˇ hpaˍ hpeh‸ ve yoˬ.
9
Ngaˬ lehˬ Kaˍlaˍneˍ venˇ, Hkaˍhkeˍvenˇ, Haˍmaˆ venˇ, Aˍ paˆ venˇ, Saˍmaˍriˆ venˇ leh Daˍmaˍsehˆ venˇ chi teˇ hpaˍ hta‸ bawˆ yuˬ gʼa taˍ peuˬ.
10
Ngaˬ lehˬ Yeˍruˆsaˍlehnˍ venˇ leh Saˍmaˍriˆ venˇ a‸ kehˉ shaˉ ho‸ cawˬ maˇ jaˇ ve venˇ oˇ ve teˇ hpaˍ hta‸ ciˍ yanˍ piˇ taˍ peuˬ.
11
Ngaˬ lehˬ Saˍmaˍriˆ leh venˇ oˇ ve awˬ hkʼaw lo cawˬ taˍ ve shaˉ ho‸ hkʼaˬ peu-eˬ ve hta‸ te luˬ piˇ taˍ peuˬ. Chi teˇ pawˆ Yeˍruˆsaˍlehnˍ venˇ leh venˇ oˇ ve awˬ hkʼaw lo cawˬ taˍ ve shaˉ ho‸ teˇ hpaˍ hta‸ htawˇ ngaˬ oˇ hkʼe kʼaw‸ te piˇ tuˬ yoˬ, teh‸ kʼoˆ ve yoˬ.
12
Ya‸ hkʼaˇ Gʼuiˬsha kʼoˆ ve, Ziˉonˍ hkʼaw leh Yeˍruˆsaˍlehnˍ venˇ hkʼaw lo ngaˬ te tuˬ cawˬ ve kanˉ hta‸ te taˉ peuˬ hkʼaw‸ nawˉ, ngaˬ lehˬ Aˍsuˇriˆ jawˇmawˇ hta‸ ciˍ yanˍ piˇ tuˬ yoˬ. Awˬ lawn kʼo, yawˇ lehˬ nyi ma uiˍ leh caˆ muiˬ puiˉ jaˇ ve yoˬ, teh‸ kʼoˆ ve yoˬ.
13
Aˍsuˇriˆ jawˇmawˇ caˆ muiˬ leh kʼoˆ ve, Kanˉ hkʼa peu-eˬ hta‸ ngaˬ hkʼaˇ ngaˬ te taˍ ve yoˬ. Ngaˬ lehˬ, awˬ gʼaˇ uiˍ leh cuˇ yiˍ cawˬ ve yoˬ. Ngaˬ lehˬ mvuhˇmiˬ teˇ mvuhˇmiˬ leh teˇ mvuhˇmiˬ awˬ kaˍ lo cawˬ ve miˬ tcuhˉ hkʼa peu-eˬ hta‸ hpaˆ baˬ leh, yawˇ hui shaw hpoˆ taˍ ve mawˇ jeˬ teˇ hpaˍ hta‸ hiˉ yuˬ lu yuˬ gʼa taˍ peuˬ. Nuˇ paˍ lonˉ hkʼa shuˍ, ngaˬ lehˬ mvuhˇmiˬ oˇ ve teˇ hpaˍ hta‸ naˆ nehˆ piˇ taˍ peuˬ.
14
Awˬ nu ve chaw ceuˬ teˇ hpaˍ lehˬ, ngaˆ hpui ehˉ hkʼe hpeh‸ leh ngaˆ u hta‸ hkʼa sha sha-ehˬ yuˬ gʼa ve hkʼe, yawˇ hui ve mawˇ jeˬ teˇ hpaˍ hta‸ ngaˬ yuˬ gʼa taˍ peuˬ. Ngaˬ hta‸ ho laˇ tuˬ toˍ la‸ kʼuˉ teˇ maˬ ka‸ maˇ hpe. Ngaˬ hta‸ kuˬ heuˉ laˇ tuˬ, maw‸ kʼaw teˇ maˬ ka‸ maˇ ngaˉ, teh‸ kʼoˆ ve yoˬ.
15
Ya‸ hkʼaˇ Gʼuiˬsha kʼoˆ ve, Nuˇ paˍ teˇ hkeh lehˬ yawˇ hta‸ tcuh caˇ chehˇ ve awˬ shehˍ hpaˇ a‸ kehˉ uiˍ ve yoˬ teh‸ kʼoˆ hpeh‸ aw laˇ. Liˉ leu lehˬ yawˇ hta‸ yehˇ chehˇ ve awˬ shehˍ hpaˇ a‸ kehˉ uiˍ ve yoˬ teh‸ kʼoˆ hpeh‸ aw laˇ. Suhˆ taˬ lehˬ, chaw yaˇ hta‸ yuˬ shi toˇ ve maˇ heˆ. Chaw yaˇ lehˬ suhˆ taˬ hta‸ yuˬ shi toˇ ve yoˬ, teh‸ kʼoˆ ve yoˬ.
16
Jawˇmawˇ Gʼuiˬsha lehˬ, caˇ bvuhˆ dawˬ bvuhˆ leh chu jaˇ ve chaw hui awˬ hkʼoˆ lo naˬ beuˬ gaˬ la piˇ tuˬ yoˬ. Yawˇ hui ve awˬ to hkʼaw aˬ miˍ to‸ tawˆ la tuˬ yoˬ.
17
Iˉsaˍreˍlaˆ ve awˬ gʼeuˆ hpeh‸ ve Jawˇmawˇ Gʼuiˬsha lehˬ, aˬ miˍ hpeh‸ la tuˬ yoˬ. Iˉsaˍreˍlaˆ ve da‸ kehˬ jaˇ ve Gʼuiˬsha lehˬ, aˬ miˍ ha hpeh‸ la leh mvuh‸, aˉ chuˇ buiˇ leh awˬ ceuˬ hkʼa peu-eˬ ve hta‸ teˇ nyi tiˉ awˬ hkʼaw lo to‸ baˬ piˇ lawˬ tuˬ yoˬ.
18
Kawˆ tuˬ uiˍ ve a naˍ lehˬ, chaw yaˇ hta‸ te luˬ piˇ ve hkʼe, naˉ jaˇ ve hteunˍ lonˉ leh ti mi hkʼa peu-eˬ luˬ kʼai sheˆ kʼai tuˬ yoˬ.
19
Suhˆ cehˬ teˇ hpaˍ htawˇ i kʼai yawnˇ kʼai leh, suhˆ cehˬ hkʼaˬ nyiˇ cehˬ cawˬ taˉ sheˍ ve hta‸ yaˇ ehˉ teˇ hpaˍ ka‸ gʼaw gʼa tuˬ yoˬ.
20
Cawˬ taˍ sheˍ ve Iˉsaˍreˍlaˆ chaw teˇ hpaˍ lehˬ, yawˇ hui hta‸ te luˬ laˇ chehˇ ve awˬ nu ve chaw teˇ hpaˍ hta‸ gʼaˇ maˇ ca va chehˇ tuˬ ve awˬ yanˇ gaˬ la chehˇ ve yoˬ. Oˇ htaˇ, yawˇ hui lehˬ Iˉsaˍreˍlaˆ ve da‸ kehˬ ve Gʼuiˬsha hta‸ ceh tiˉ nyi hkʼaˇ suh leh gʼaˇ va tuˬ yoˬ.
21
Iˉsaˍreˍlaˆ chaw a ciˉ ceh tiˉ yawˇ hui ve Jawˇmawˇ Gʼuiˬsha geh kʼaw‸ hpfuhˆ kʼaw‸ la tuˬ yoˬ.
22
Iˉsaˍreˍlaˆ chaw teˇ hpaˍ lehˬ, chi beu‸ laˇ tsuhˇ gʼuiˬ pfuhˍ lo cawˬ ve shehˇ shiˍ hkʼa shuˍ maˇ jaˇ chehˇ ve htawˇ, a ciˉ ceh tiˉ kʼaw‸ hpfuhˆ kʼaw‸ la tuˬ yoˬ. Luˬ ve sheˆ ve teˇ ceuˬ yawˇ hui awˬ pon gu taˍ leh, yawˇ hui lehˬ luˬ ve sheˆ ve hta‸ hkanˍ keunˍ ve chaw teˇ hpaˍ hpeh‸ ve yoˬ.
23
Gʼuiˬsha lehˬ yawˇ kʼoˆ taˍ ve hkʼe, Iˉsaˍreˍlaˆ mvuhˇmiˬ hkʼa peu-eˬ ve hta‸ te luˬ te sheˆ piˇ tuˬ yoˬ.
24
Gʼuiˬsha lehˬ, Ziˉonˍ venˇ hkʼaw chehˇ taˍ ve yawˇ ve chaw teˇ hpaˍ hta‸ tawˇ yaw piˇ leh kʼoˆ ve, Eˇjiˇtu‸ chaw teˇ hpaˍ hkʼa shuˍ nawˬ hui hta‸ fawˉ mehˍ laˇ chehˇ ve Aˍsuˇriˆ chaw teˇ hpaˍ hta‸ taˇ kawˆ.
25
Ngaˬ nawˬ hui hta‸ ciˍ yanˍ laˇ peuˬ hkʼaw‸ nawˉ, maˇ maw maw gaˬ kʼo, Aˍsuˇriˆ chaw teˇ hpaˍ hta‸ ngaˬ te luˬ te sheˆ piˇ tuˬ yoˬ.
26
Ngaˬ, Gʼuiˬsha lehˬ Awˇreˍbaˆ haˉ hpawˇ paˇ lo Meˇdiˍanˍ chaw hui hta‸ jaw‸ hpehˇ ve hkʼe, yawˇ hui hta‸ htawˇ jaw‸ hpehˇ tuˬ yoˬ. Eˇjiˇ tu‸ chaw hui hta‸ ngaˬ tu‸ hkanˍ piˇ lawˬ ve hkʼe, Aˍsuˇriˆ chaw hui hta‸ htawˇ ngaˬ tu‸ hkanˍ piˇ lawˬ tuˬ yoˬ.
27
Awˬ yanˇ oˇ ve gaˬ la htaˇ, Aˍsuˇriˆ chaw hui ve kanˇ paˆ awˬ hawˉ lo ngaˬ nawˬ hui hta‸ ponˬ laˇ leh, nawˬ hui lehˬ yawˇ hui ve awˬ ceˬ gʼa kʼaw‸ te tuˬ ve maˇ heˆ, teh‸ kʼoˆ ve yoˬ.
28
Canˇ paˍ teˇ hpaˍ lehˬ, Miˆgaˍronˍ venˇ hta‸ hpanˍ laˬ leh, chi beu‸ Aˍiˆ venˇ hkʼaw chehˇ taˍ peuˬ. Yawˇ hui lehˬ, caˇ tuˬ dawˬ tuˬ teˇ hpaˍ hta‸ Miˆmaˆ venˇ hkʼaw shaw hpoˆ taˍ ve yoˬ.
29
Yawˇ hui lehˬ, kʼaˍ le‸ hta‸ hpanˍ laˬ leh, Geˍbaˆ venˇ hkʼaw deh chehˇ taˍ ve yoˬ. Raˍmaˆ venˇ yaˇ teˇ hpaˍ kawˆ jaˇ leh, jawˇmawˇ Sawˇlu‸ chehˇ taˉ ve Giˇbaˍ venˇ yaˇ teˇ hpaˍ hpaw toˇ chehˇ ve yoˬ.
30
Gaˍlenˍ venˇ yaˇ teˇ hpaˍ-oˬ, gʼaˇ hte‸ kuˬ-o‸. Lehˇshaˆ venˇ yaˇ teˇ hpaˍ-oˬ, hkʼa deh‸ na taˍ sheˍ. Aˍnaˍtoˆ venˇ yaˇ teˇ hpaˍ-oˬ, kʼaw‸ yaw hkʼaw‸ piˇ-oˆ.
31
Maˍdaˆmeˍnaˆ venˇ yaˇ teˇ hpaˍ leh, Geˍbenˍ venˇ yaˇ teˇ hpaˍ lehˬ, a shu yawˇ ve a sha‸ gʼa ponˬ tuˬ gʼuiˇ hpaw-e chehˇ ve yoˬ.
32
Canˇ paˍ teˇ hpaˍ lehˬ, Nawˇbaˆ venˇ hkʼaw chehˇ taˍ leh Ziˉonˍ hkʼaw leh Yeˍruˆsaˍlehnˍ venˇ hta‸ la‸ tsuhˆ pui te maˍ piˇ chehˇ ve yoˬ.
33
Gʼuiˬsha lehˬ suhˆ kʼaˉ hta‸ tawˆ ce ve hkʼe, yawˇ hui hta‸ ce kʼai piˇ lawˬ tuˬ yoˬ. Yawˇ hui awˬ hkʼaw lo nyi ma uiˍ jaˇ ve chaw teˇ hpaˍ hta‸ nyiˉ ya‸ piˇ leh tawˆ baˬ piˇ tuˬ yoˬ.
34
Hteunˍ lonˉ hkʼaw cawˬ ve suhˆ cehˬ teˇ hpaˍ leh, Leˍbaˍnonˍ hkʼaw hkʼoˆ lo cawˬ ve da‸ jaˇ ve suhˆ cehˬ hta‸ htu baˬ ve hkʼe, Gʼuiˬsha yawˇ hui hta‸ htu baˬ piˇ tuˬ yoˬ.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66