bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Isaiah 45
Isaiah 45
Lahu Bible Edited © Thailand Bible Society and Bible Society of Myanmar, 2010, 2020.
← Chapter 44
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 46 →
1
Kuˇruˆ lehˬ Gʼuiˬsha leuˆ yuˬ taˍ ve jawˇmawˇ hpeh‸ ve yoˬ. Mvuhˇmiˬ teˇ hpaˍ hta‸ bawˆ yuˬ leh, jawˇmawˇ teˇ hpaˍ hta‸ aˉ yaˇ yuˬ ce piˇ tuˬ Gʼuiˬsha yawˇ hta‸ leuˆ teh taˍ ve yoˬ. Gʼuiˬsha lehˬ, yawˇ awˬ pon venˇ taˍ meu‸ hpe‸ teˇ hpaˍ hta‸ hpaw baˬ piˇ tuˬ yoˬ. Gʼuiˬsha lehˬ jawˇmawˇ Kuˇruˆ hta‸ chi hkʼe kʼoˆ piˇ ve yoˬ.
2
Nawˬ awˬ pon ngaˬ ya‸ kʼaw gu laˇ leh, hkʼaw teˇ hpaˍ hta‸ hpiˬ lehˍ hpeh‸ la piˇ tuˬ yoˬ. Kuiˇ yuˬ te taˍ ve venˇ taˍ meu‸ hpe‸ teˇ hpaˍ hta‸ ngaˬ dawˆ paˆ leh, sho teˇ hpaˍ hta‸ nyiˇ taw tawˆ baˬ piˇ tuˬ yoˬ.
3
Baˬ kuiˬ, naˆ ho‸ kuiˬ lo faˉ taˍ ve hpu shi teˇ hpaˍ ngaˬ nawˬ hta‸ piˇ laˇ tuˬ yoˬ. Oˇ htaˇ, ngaˬ lehˬ Gʼuiˬsha hpeh‸ ve hta‸ maˇ kʼoˆ, Iˉsaˍreˍ laˆ ve Gʼuiˬsha nawˬ hta‸ leuˆ yuˬ taˍ ve hta‸ maˇ kʼoˆ nawˬ shiˍ la tuˬ yoˬ.
4
Ngaˬ leuˆ yuˬ taˍ ve Iˉsaˍreˍlaˆ chaw teˇ hpaˍ hta‸ ga piˇ tuˬ, ngaˬ nawˬ hta‸ leuˆ teh taˍ ve yoˬ. Nawˬ ngaˬ hta‸ maˇ shiˍ ve htawˇ, ngaˬ nawˬ hta‸ awˬ me‸ awˬ hponˇ maˇ maˇ piˇ taˍ peuˬ ve yoˬ.
5
Ngaˬ lehˬ Gʼuiˬsha hpeh‸ ve yoˬ. Awˬ kaˍ awˬ nu gʼuiˬsha teˇ gʼaˇ ka‸ maˇ cawˬ. Nawˬ ngaˬ hta‸ maˇ shiˍ ve htawˇ, nawˬ loˍ ve awˬ gʼaˇ awˬ shaˉ teˇ hpaˍ, ngaˬ nawˬ hta‸ piˇ laˇ tuˬ yoˬ.
6
Ngaˬ chi hkʼe te ve lehˬ, miˬguiˬ chaw yaˇ teˇ gʼaˇ le le ngaˬ Gʼuiˬsha hpeh‸ ve hta‸ shiˍ tuˬ leh, awˬ kaˍ awˬ nu gʼuiˬsha teˇ gʼaˇ ka‸ maˇ cawˬ ve hta‸ shiˍ piˇ tuˬ awˬ pon hpeh‸ ve yoˬ.
7
Awˬ gʼeuˆ leh naˆ ho‸ ve hta‸ maˇ kʼoˆ, da‸ ve awˬ bon awˬ shinˉ leh luˬ ve sheˆ ve awˬ ceuˬ hta‸ maˇ kʼoˆ, ngaˬ te hpanˍ taˍ ve yoˬ. Awˬ ceuˬ chi hkʼa peu-eˬ hta‸ ngaˬ, Gʼuiˬsha te hpanˍ taˍ ve yoˬ.
8
Mvuhˇ yeˬ laˬ ve hkʼe ngaˬ lehˬ mvuhˇ naw ma ve awˬ bon hta‸ ya‸ la piˇ tuˬ yoˬ. Miˬguiˬ lehˬ awˬ bon oˇ ve teˇ hpaˍ hta‸ ha‸ yuˬ leh, hteˇ ve cawˇ ve awˬ shiˍ naw‸ la tuˬ yoˬ. Ngaˬ, Gʼuiˬsha chi hkʼe hpeh‸ la piˇ tuˬ yoˬ, teh‸ kʼoˆ ve yoˬ.
9
Je‸ mu‸ hkʼu lehˬ yawˇ hta‸ te shehˍ hpaˇ hta‸ tawˇ kʼaw‸ shaˬ da‸-aw laˇ. Je‸ lehˬ mu‸ hkʼu te shehˍ hpaˇ hta‸, Nawˬ aˬ hto‸ ma te chehˇ ve le, teh‸ na nyi-aw laˇ. Mu‸ hkʼu htawˇ yawˇ hta‸ te shehˍ hpaˇ hta‸, Nawˬ maˇ cheuˬ law, teh‸ kʼoˆ piˇ-aw laˇ.
10
Aˬ hto‸ ma pa taw, nawˬ hui ngaˬ hta‸ cawˬ la piˇ ve le teh‸ chaw teˇ gʼaˇ yawˇ ve awˬ pa awˬ e hta‸ kʼoˆ piˇ-aw laˇ.
11
Laˬ tuˬ ve awˬ yanˇ awˬ hkʼaw lo hkʼaˬ hkʼe hpeh‸ la tuˬ ve hta‸ shiˍ shehˍ hpaˇ, Iˉsaˍreˍlaˆ ve da‸ kehˬ jaˇ ve Gʼuiˬsha chi hkʼe kʼoˆ ve yoˬ. Ngaˬ yaˇ teˇ hpaˍ-oˬ, nawˬ hui ngaˬ hta‸ te‸ chiˉ kʼaw‸ na nyi chehˇ tuˬ maˇ loˍ. Maˇ heˆ kʼo, ngaˬ hkʼaˬ hkʼe te cawˇ ve ngaˬ hta‸ kʼoˆ maˍ laˇ tuˬ maˇ loˍ.
12
Ngaˬ miˬguiˬ hta‸ te hpanˍ leh, chaw yaˇ teˇ hpaˍ hta‸ oˇ kaˬ lo chehˇ tcuh piˇ taˍ ve yoˬ. Ngaˬ ve kanˇ paˆ hta‸ yehˇ leh, mvuhˇ naw ma hta‸ te hpanˍ taˍ ve yoˬ. Mvuhˇ nyi, ha pa leh meu‸ keu shiˍ teˇ hpaˍ hta‸ htawˇ ngaˬ uˉ peunˍ chehˇ ve yoˬ.
13
Ngaˬ kʼoˆ ve hkʼe te leh, mvuhˇmiˬ hkʼaw hteˇ ve cawˇ ve hta‸ cawˬ la piˇ tuˬ, jawˇmawˇ Kuˇruˆ hta‸ ngaˬ kʼoˆ piˇ taˍ peuˬ. Yawˇ kʼai ve ya‸ kʼaw teˇ caˆ le le ve hta‸ ngaˬ hpiˬ lehˍ cawˬ la piˇ tuˬ yoˬ. Yawˇ lehˬ ngaˬ ve Yeˍruˆsaˍlehnˍ venˇ hta‸ kʼaw‸ gu te leh, htawnˍ hkʼaw hpeh keu taˍ ve ngaˬ ve chaw teˇ hpaˍ hta‸ hpehˇ piˇ tuˬ yoˬ. Chi hkʼe te tuˬ, chaw teˇ gʼaˇ ka‸ yawˇ hta‸ ngaˍ taˍ leh la‸ shawnˍ piˇ taˍ ve maˇ heˆ, teh‸ Gʼuiˬsha kʼoˆ ve yoˬ.
14
Gʼuiˬsha Iˉsaˍreˍlaˆ chaw hui hta‸ kʼoˆ piˇ ve, Eˇjiˇtu‸ leh Ehˇtaˍyawˇ piˆ mvuhˇmiˬ hkʼaw cawˬ ve hpu shi mawˇ jeˬ teˇ hpaˍ lehˬ, nawˬ hui ve mawˇ hpeh‸ la tuˬ yoˬ. Yawˇ hui lehˬ sho caˆ hpeh ve hta‸ gʼa hkanˍ leh nawˬ hui hkʼaˇ suh gʼa‸ laˬ tuˬ yoˬ.
15
Yawˇ hui teˇ hpaˍ nawˬ hui mehˆ gʼuˇ suhˍ lo boˆ taˍ leh, Gʼuiˬsha nawˬ hui geh chehˇ taˍ ve yoˬ. Iˉsaˍreˍlaˆ chaw hta‸ htaiˍ hkʼaw‸ piˇ ve Gʼuiˬsha lehˬ, yawˇ awˬ to hta‸ yawˇ faˉ taˍ ve yoˬ.
16
Shaˉ ho‸ hta‸ te shehˍ hpaˇ teˇ hpaˍ gʼa ya‸ taw tuˬ yoˬ. Yawˇ hui hkʼa peu-eˬ awˬ me‸ awˬ hponˇ luˬ kʼai tuˬ yoˬ.
17
Ya‸ hkʼaˇ, Iˉsaˍreˍlaˆ chaw teˇ hpaˍ lehˬ Gʼuiˬsha htaiˍ hkʼaw‸ ve hta‸ gʼa leh, co co taiˍ taiˍ gʼa ha lehˬ chehˇ tuˬ yoˬ. Yawˇ hui lehˬ, teˇ pawˆ ka‸ awˬ me‸ awˬ hponˇ kʼaw‸ luˬ kʼai tuˬ ve maˇ heˆ, teh‸ kʼoˆ tuˬ yoˬ.
18
Gʼuiˬsha lehˬ mvuhˇ naw ma hta‸ te hpanˍ taˍ ve yoˬ. Yawˇ teˇ gʼaˇ ceh tiˉ Gʼuiˬsha hpeh‸ ve yoˬ. Yawˇ lehˬ miˬguiˬ hta‸ htawˇ te hpanˍ taˍ leh, co co taiˍ taiˍ yeˬ chehˇ piˇ lawˬ ve yoˬ. Yawˇ lehˬ miˬguiˬ chi hta‸ shehˇ de lonˉ hpeh‸ piˇ ve maˇ heˆ. Chaw yaˇ teˇ hpaˍ ve chehˇ kuiˬ hpeh‸ la piˇ taˍ ve yoˬ. Gʼuiˬsha kʼoˆ ve, Ngaˬ lehˬ Gʼuiˬsha hpeh‸ ve yoˬ. Awˬ kaˍ awˬ nu gʼuiˬsha teˇ gʼaˇ ka‸ maˇ cawˬ.
19
Ngaˬ lehˬ baˬ kuiˬ lo tawˇ yaw leh, ngaˬ ve dawˇ hkʼaˇ hta‸ faˉ taˍ ve maˇ heˆ. Sho‸ sha‸ ve awˬ yanˇ awˬ hkʼaw lo ngaˬ hta‸ ca tuˬ Iˉsaˍreˍlaˆ chaw hui hta‸ ngaˬ kʼoˆ piˇ taˍ ve maˇ heˆ. Ngaˬ lehˬ Gʼuiˬsha hpeh‸ leh, hteˇ ve cawˇ ve tawˇ hta‸ ceh tiˉ yaw ve yoˬ. Hteˇ ve cawˇ ve awˬ ceuˬ hta‸ ceh tiˉ ngaˬ hpeu‸ maˍ piˇ chehˇ ve yoˬ, teh‸ kʼoˆ ve yoˬ.
20
Gʼuiˬsha kʼoˆ ve, Cawˬ taˍ sheˍ ve chaw ceuˬ teˇ hpaˍ-oˬ, suhˉ jeh kuiˬ lo hpawnˬ laˬ-o‸. Suhˆ yuˬ te taˍ ve shaˉ ho‸ hta‸ taˆ toˇ leh, htaiˍ hkʼaw‸ laˇ maˇ puiˉ ve gʼuiˬsha teˇ hpaˍ hta‸ oˉ kʼoˍ pui chehˇ ve chaw hui lehˬ, te‸ chiˉ maˇ dawˇ shiˍ puiˉ ve chaw hpeh‸ ve yoˬ.
21
Nawˬ hui shaˉ nanˉ lo laˬ leh kʼoˆ tuˬ cawˬ ve teˇ hpaˍ hta‸ kʼoˆ loˬ. Jehˬ da‸ tuˬ cawˬ ve teˇ hpaˍ hta‸ htawˇ jehˬ da‸ loˬ. Laˬ tuˬ ve awˬ yanˇ awˬ hkʼaw lo hpeh‸ la tuˬ ve awˬ lawn teˇ hpaˍ hta‸ kʼoˆ taˍ shehˍ hpaˇ a shu le. Yawˇ ve chaw teˇ hpaˍ hta‸ htaiˍ hkʼaw‸ piˇ shehˍ hpaˇ ngaˬ Gʼuiˬsha hpeh‸ ve maˇ heˆ laˇ. Awˬ kaˍ awˬ nu gʼuiˬsha teˇ gʼaˇ ka‸ maˇ cawˬ.
22
Miˬguiˬ chaw yaˇ teˇ hpaˍ-oˬ, ngaˬ geh kʼaw‸ hpfuhˆ kʼaw‸ la leh, htaiˍ hkʼaw‸ ve hta‸ ha‸ yuˬ-o‸. Ngaˬ teˇ gʼaˇ tiˉ Gʼuiˬsha hpeh‸ ve yoˬ.
23
Ngaˬ kʼoˆ taˍ ve tawˇ teˇ hpaˍ lehˬ cawˇ jaˇ leh awˬ tehˬ awˬ na biˇ la ve yoˬ. Ngaˬ ve awˬ to hta‸ cuˇ leh ngaˬ hkanˍ ve yoˬ. Chaw teˇ gʼaˇ le le ngaˬ mehˆ gʼuˇ suhˍ lo hkui tcuhˉ teh leh, ngaˬ hta‸ ka ti‸ yeˬ tuˬ yoˬ, teh‸ kʼoˆ tuˬ yoˬ.
24
Ngaˬ awˬ hkʼaw lo ceh tiˉ awˬ gʼaˇ awˬ shaˉ hta‸ gʼa mawˬ ve yoˬ, teh‸ yawˇ hui kʼoˆ tuˬ yoˬ. Ya‸ hkʼaˇ, ngaˬ hta‸ canˇ ve chaw teˇ hpaˍ lehˬ, awˬ me‸ awˬ hponˇ luˬ kʼai tuˬ yoˬ.
25
Ngaˬ lehˬ Yaˍkoˆ ve awˬ ceuˬ awˬ hkʼaˇ hkʼa peu-eˬ ve hta‸ htaiˍ hkʼaw‸ piˇ leh, yawˇ hui ngaˬ hta‸ chiˇ mvuh tuˬ yoˬ.
← Chapter 44
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 46 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66