bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Isaiah 49
Isaiah 49
Lahu Bible Edited © Thailand Bible Society and Bible Society of Myanmar, 2010, 2020.
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 50 →
1
Vuiˇ jaˇ ve mvuhˇmiˬ hkʼaw chehˇ ve chaw teˇ hpaˍ-oˬ, ngaˬ ve tawˇ hta‸ na sheˍ. Ngaˬ maˇ paw la shehˍ htaˇ ka‸, Gʼuiˬsha ngaˬ hta‸ leuˆ yuˬ taˍ leh, yawˇ ve awˬ ceˬ te tuˬ kanˉ chiˇ a‸ laˇ taˍ ve yoˬ.
2
Yawˇ lehˬ, ngaˬ ve tawˇ teˇ hpaˍ hta‸ aˉhtaw hkʼa shuˍ tcuhˆ jaˇ piˇ lawˬ leh ngaˬ hta‸ ha‸ shaˉ laˇ chehˇ ve yoˬ. Yawˇ lehˬ ngaˬ hta‸ tcuhˆ jaˇ ve hkaˆ ce hkʼa shuˍ te laˇ taˍ ve yoˬ.
3
Iˉsaˍreˍlaˆ-oˬ, nawˬ lehˬ ngaˬ ve awˬ ceˬ paˍ hpeh‸ ve yoˬ. Nawˬ hta‸ pa taw, chaw yaˇ teˇ hpaˍ ngaˬ hta‸ chiˇ mvuh tuˬ yoˬ, teh‸ yawˇ ngaˬ hta‸ kʼoˆ laˇ ve yoˬ.
4
Oˇ htaˇ ngaˬ lehˬ, Kanˉ te hkeu‸ jaˇ peuˬ. Ya‸ hkʼaˇ, te‸ chiˉ awˬ bon maˇ tawˆ la. Ngaˬ ve awˬ gʼaˇ peuˬ kʼai peuˬ. Ya‸ hkʼaˇ, ngaˬ te‸ chiˉ te gʼa ve maˇ heˆ, teh‸ yawˇ hta‸ kʼaw‸ yaw hkʼaw‸ piˇ ve yoˬ. Ya‸ hkʼaˇ, da‸ ve kanˉ hta‸ te puiˉ la tuˬ, ngaˬ Gʼuiˬsha hta‸ gʼaˇ va chehˇ ve yoˬ. Ngaˬ te taˍ ve kanˉ teˇ hpaˍ awˬ pon, yawˇ ngaˬ hta‸ bon na‸ laˇ tuˬ ve yoˬ.
5
Ngaˬ maˇ paw la sheˍ htaˇ ka‸, Gʼuiˬsha ngaˬ hta‸ leuˆ yuˬ taˍ peuˬ ve yoˬ. Hpaˆ da‸ guiˇ da‸ kʼai taˍ ve yawˇ ve Iˉsaˍreˍlaˆ chaw hui hta‸ kʼaw‸ shiˍ hkʼaw‸ veu laˇ piˇ tuˬ, yawˇ ngaˬ hta‸ yawˇ ve awˬ ceˬ te tcuh laˇ ve yoˬ. Gʼuiˬsha ngaˬ hta‸ awˬ me‸ awˬ hponˇ piˇ laˇ leh, yawˇ lehˬ ngaˬ ve awˬ gʼaˇ awˬ shaˉ hpeh‸ ve yoˬ.
6
Gʼuiˬsha ngaˬ hta‸ chi hkʼe kʼoˆ laˇ ve, Ngaˬ ve awˬ ceˬ paˍ-oˬ, nawˬ gʼa te tuˬ ve uiˍ jaˇ ve kanˉ teˇ hpaˍ cawˬ taˍ ve yoˬ. Cawˬ taˍ sheˍ ve Iˉsaˍreˍlaˆ chaw hui hta‸ uiˍ la da‸ la tuˬ te piˇ ve ceh tiˉ maˇ heˆ. Miˬguiˬ yaˇ hkʼa peu-eˬ htaiˍ hkʼaw‸ ve hta‸ gʼa tuˬ ngaˬ nawˬ hta‸ awˬ gʼeuˆ hpeh‸ tcuh laˇ tuˬ yoˬ, teh‸ ngaˬ hta‸ kʼoˆ laˇ ve yoˬ.
7
Shu canˇ leh chiˇ baˬ taˍ ve uˉ peunˍ shehˍ hpaˇ teˇ hpaˍ ve awˬ ceˬ paˍ teˇ gʼaˇ hta‸ Gʼuiˬsha chi hkʼe kʼoˆ piˇ ve, Jawˇmawˇ teˇ hpaˍnawˬ hta‸ ponˬ laˇ leh, nawˬ hta‸ taˍ uiˍ taˍ mvuh tuˬ te laˇ tuˬ yoˬ. Jawˇmawˇ yaˇ teˇ hpaˍ htawˇ nawˬ mehˆ gʼuˇ suhˍ boˆ taˍ leh, nawˬ hta‸ yawˆ yan tuˬ yoˬ, teh‸ kʼoˆ ve yoˬ. Awˬ tehˬ awˬ na chi hkʼe hpeh‸ la tuˬ yoˬ. Awˬ lawn kʼo, Iˉsaˍreˍlaˆ ve da‸ kehˬ jaˇ ve Gʼuiˬsha lehˬ, yawˇ ve awˬ ceˬ paˍ hta‸ leuˆ yuˬ peuˬ leh, yawˇ lehˬ ka ti‸ yeˬ jaˇ ve Gʼuiˬsha hpeh‸ ve pa taw yoˬ.
8
Gʼuiˬsha lehˬ, yawˇ ve chaw teˇ hpaˍ hta‸ chi hkʼe kʼoˆ piˇ ve yoˬ. Nawˬ hui hta‸ htaiˍ hkʼaw‸ laˇ tuˬ ve awˬ yanˇ gaˬ la htaˇ, ngaˬ nawˬ hui hta‸ ha kʼaˉ laˇ leh, nawˬ hui kuˬ chehˇ ve awˬ hkawˇ hta‸ na yuˬ laˇ tuˬ yoˬ. Ngaˬ nawˬ hui hta‸ ga laˇ leh ha‸ shaˉ laˇ tuˬ yoˬ. Nawˬ hui hta‸ teˇ caˉ te leh, awˬ nu ve chaw hkʼa peu-eˬ hta‸ htawˇ, ngaˬ shaˉ caˆ te tuˬ yoˬ. Chi beu‸ gawˬ cu gawˬ pehˆ hpeh‸ chehˇ taˍ ve nawˬ hui ve mvuhˇmiˬ hkʼaw, ngaˬ nawˬ hta‸ teˇ pawˆ kʼaw‸ chehˇ tcuh laˇ tuˬ yoˬ.
9
Htawnˍ hkʼaw chehˇ taˍ ve chaw hui hta‸, Tawˆ kʼai loˬ teh‸ ngaˬ kʼoˆ piˇ leh, naˆ ho‸ ve hkʼaw chehˇ taˍ ve chaw hui hta‸ htawˇ, Awˬ gʼeuˆ ba kuiˬ lo tawˆ la-o, teh‸ ngaˬ kʼoˆ piˇ tuˬ yoˬ. Yawˇ hui lehˬ, hkʼaw hkʼoˆ lo kʼaˆ caˇ chehˇ ve yawˬ moˍ hkʼe hpeh‸ tuˬ yoˬ.
10
Yawˇ hui lehˬ, teˇ pawˆ ka‸ awˍ meu‸ leh iˉ kaˆ shiˉ tuˬ ve maˇ heˆ. Mvuhˇ nyi leh shehˇ de lehˬ, yawˇ hui hta‸ chiˆ piˇ gʼa tuˬ ve maˇ heˆ. Awˬ lawn kʼo, yawˇ hui hta‸ ha‸ shehˍ hpaˇ teˇ gʼaˇ lehˬ, yawˇ hui hta‸ shiˍ kʼai piˇ tuˬ yoˬ. Yawˇ lehˬ, chaw oˇ ve teˇ hpaˍ hta‸ iˉ kaˆ gʼuiˬ tuˇ teˇ hpaˍ cawˬ kuiˬ lo shiˍ kʼai piˇ tuˬ yoˬ.
11
Ngaˬ ve chaw teˇ hpaˍ awˬ pon hkʼaw hkʼoˆ lo ngaˬ ve ya‸ kʼaw lonˉ teˇ caˆ te pawnˍ piˇ tuˬ yoˬ.
12
Ngaˬ ve chaw teˇ hpaˍ lehˬ, vuiˇ jaˇ ve mvuhˇmiˬ hkʼaw lo tawˆ la tuˬ yoˬ. Yawˇ hui lehˬ mvuhˇ nyi kʼehˬ hpawˇ, awˬ na hpawˇ leh awˬ hawˉ hpawˇ lo cawˬ ve Siˆnenˍ venˇ hkʼaw tawˆ la tuˬ yoˬ, teh‸ Gʼuiˬsha kʼoˆ ve yoˬ.
13
Mvuhˇ naw ma-oˬ, kʼa muiˬ chehˇ-oˆ. Miˬguiˬ-oˬ, nawˬ htawˇ ha lehˬ leh kuˬ chehˇ-oˆ. Hkʼaw pui teˇ hpaˍ hta‸ htawˇ gʼaˇ hte‸ kuˬ chehˇ piˇ lawˬ-o‸. Awˬ lawn kʼo, Gʼuiˬsha lehˬ yawˇ ve chaw teˇ hpaˍ hta‸ kʼaw‸ dawˇ sha la piˇ leh, tu‸ hkanˍ haˍ gʼawˇ ve yawˇ ve chaw teˇ hpaˍ hta‸ ha kʼaˉ piˇ tuˬ yoˬ.
14
Ya‸ hkʼaˇ, Yeˍruˆsaˍlehnˍ venˇ yaˇ teˇ hpaˍ lehˬ, Gʼuiˬsha ngaˬ hui hta‸ chiˇ baˬ peuˬ. Yawˇ ngaˬ hui hta‸ leunˇ kʼai peuˬ, teh‸ kʼoˆ ve yoˬ.
15
Chi hta‸ pa taw, Gʼuiˬsha yawˇ hui hta‸ kʼaw‸ yaw hkʼaw‸ leh kʼoˆ piˇ ve, Yaˇ miˇ teˇ gʼaˇ lehˬ, yawˇ ve yaˇ ehˉ hta‸ leunˇ kʼai leh, yawˇ paw taˍ ve yaˇ hta‸ maˇ ha‸ tuˬ ve leh laˇ. Awˬ e teˇ gʼaˇ lehˬ, yawˇ ve yaˇ hta‸ leunˇ kʼai puiˉ sheˉ ka‸, ngaˬ nawˬ hui hta‸ teˇ pawˆ ka‸ leunˇ tuˬ ve maˇ heˆ.
16
Yeˍruˆsaˍlehnˍ venˇ-oˬ, ngaˬ nawˬ hta‸ teˇ pawˆ ka‸ leunˇ maˇ hpeh‸. Nawˬ ve awˬ meh hta‸ ngaˬ ve la‸ taw kʼaw hkʼoˆ lo bvuh‸ keu taˍ peuˬ.
17
Nawˬ hta‸ kʼaw‸ gu te tuˬ ve chaw gaˬ la chehˇ ve yoˬ. Nawˬ hta‸ te luˬ te sheˆ laˇ ve chaw teˇ hpaˍ gʼa tawˆ kʼai ve yoˬ.
18
Chi beu‸ hkʼaˬ hkʼe hpeh‸ la chehˇ ve hta‸ chiˇ nyi sheˍ. Nawˬ ve chaw teˇ hpaˍ lehˬ, aˉ hkʼaw lo kʼaw‸ la tuˬ awˬ moˍ shawˍ chehˇ taˍ ve yoˬ. Ngaˬ lehˬ a sha‸ te‸ chehˇ ve Gʼuiˬsha hpeh‸ ve hkʼe, nawˬ lehˬ awˬ hpawˇ heuˆ tuˬ hpu hkʼeun shi hkʼeun teˇ hpaˍ hta‸ veu‸ deh taˍ ve yaˇ miˇ teˇ gʼaˇ hkʼa shuˍ gʼa ha lehˬ tuˬ yoˬ.
19
Nawˬ ve mvuhˇmiˬ lehˬ, luˬ kʼai peuˬ leh gawˬ cu gawˬ pehˆ hpeh‸ la peuˬ. Ya‸ hkʼaˇ, nawˬ ve mvuhˇmiˬ hkʼaw chaw yaˇ teˇ hpaˍ biˇ sheˆ kʼai tuˬ yoˬ. Nawˬ hui hta‸ te luˬ te sheˆ laˇ ve chaw teˇ hpaˍ lehˬ, nawˬ hui hta‸ vuiˇ kuiˬ lo gʼa‸ kʼoˬ ve hta‸ gʼa hkanˍ tuˬ yoˬ.
20
Shu ve mvuhˇmiˬ lo paw la taˍ ve nawˬ ve chaw teˇ hpaˍ lehˬ, Mvuhˇmiˬ chi ve i jaˇ. Ngaˬ hui chehˇ kuiˬ mvuhˇmiˬ awˬ suhˉ loˍ sheˍ ve yoˬ teh‸ teˇ nyi kʼo nawˬ hta‸ kʼoˆ laˇ tuˬ yoˬ.
21
Oˇ htaˇ gaˬ kʼo, nawˬ awˬ to hta‸ nawˬ chi hkʼe kʼoˆ tuˬ yoˬ. Yaˇ chi teˇ hpaˍ a shu ngaˬ awˬ pon paw la piˇ taˍ ve le. Ngaˬ ve yaˇ teˇ hpaˍ mehˉ kʼai peuˬ leh, teˇ gʼaˇ ka‸ maˇ kʼaw‸ cawˬ. Ngaˬ lehˬ, shu ve mvuhˇmiˬ hkʼaw lo gʼa‸ kʼoˬ laˇ ve hta‸ gʼa hkanˍ ve yoˬ. Yaˇ chi teˇ hpaˍ hta‸ a shu ha‸ shaˉ piˇ taˍ ve le. Ngaˬ teˇ gʼaˇ ceh tiˉ cawˬ taˉ ve yoˬ. Yaˇ chi teˇ hpaˍ hkʼaˬ lo laˬ ve le, teh‸ nawˬ awˬ to hta‸ nawˬ kʼoˆ tuˬ yoˬ, teh‸ Gʼuiˬsha kʼoˆ ve yoˬ.
22
Gʼuiˬsha lehˬ, yawˇ ve chaw teˇ hpaˍ hta‸ chi hkʼe kʼaw‸ kʼoˆ piˇ ve yoˬ. Ngaˬ lehˬ, awˬ nu ve chaw ceuˬ teˇ hpaˍ hta‸ tawˇ piˇ leh, yawˇ hui lehˬ nawˬ hui ve yaˇ teˇ hpaˍ hta‸ aˉ hkʼaw lo kʼaw‸ shiˍ kʼoˬ laˇ tuˬ yoˬ.
23
Jawˇmawˇ teˇ hpaˍ lehˬ, nawˬ hui ve awˬ pa hkʼa shuˍ hpeh‸ la leh, jawˇmawˇ ma teˇ hpaˍ htawˇ awˬ e hkʼa shuˍ nawˬ hui hta‸ ha‸ shaˉ laˇ tuˬ yoˬ. Yawˇ hui teˇ hpaˍ nawˬ hui mehˆ gʼuˇ suhˍ boˆ taˍ leh, nawˬ hui hta‸ yawˆ yan tuˬ yoˬ. Oˇ htaˇ ngaˬ lehˬ, Gʼuiˬsha hpeh‸ ve hta‸ nawˬ hui shiˍ la tuˬ yoˬ. Ngaˬ hta‸ dawˇ law gaˇ law chehˇ ve chaw lehˬ, teˇ pawˆ ka‸ nyi ma gʼa luˬ tuˬ ve maˇ heˆ, teh‸ Gʼuiˬsha kʼoˆ ve yoˬ.
24
Ma‸ yaˇ teˇ hpaˍ ve la‸ sheh hkʼaw lo gaˬ peuˬ ve mawˇ teˇ hpaˍ hta‸ nawˬ kʼaw‸ hiˉ yuˬ gʼa-aw laˇ. Haiˬ jaˇ ve jawˇmawˇ teˇ gʼaˇ ve la‸ sheh hkʼaw gaˬ peuˬ ve chaw hui hta‸ nawˬ htaiˍ hkʼaw‸ piˇ gʼa-aw laˇ.
25
Gʼuiˬsha kʼaw‸ yaw hkʼaw‸ leh kʼoˆ ve, Awˬ tehˬ awˬ na oˇ hkʼe hpeh‸ la tuˬ yoˬ. Ma‸ yaˇ teˇ hpaˍ hpeh gʼa taˍ ve chaw hui hta‸ kʼaw‸ yuˬ hkʼaw‸ leh, haiˬ jaˇ ve jawˇmawˇ yuˬ gʼa taˍ ve mawˇ teˇ hpaˍ hta‸ kʼaw‸ hiˉ hkʼaw‸ tuˬ yoˬ. Nawˬ hui hta‸ ca bawˆ la ve chaw hkʼa peu-eˬ hta‸ ngaˬbawˆ leh, nawˬ hui ve yaˇ teˇ hpaˍ hta‸ ngaˬ htaiˍ hkʼaw‸ laˇ tuˬ yoˬ.
26
Nawˬ hui hta‸ fawˉ mehˍ laˇ chehˇ ve chaw teˇ hpaˍ hta‸, ngaˬ teˇ gʼaˇ leh teˇ gʼaˇ tiˇ pehˍ da‸ tcuh tuˬ yoˬ. Oˇ htaˇ, ngaˬ lehˬ Gʼuiˬsha hpeh‸ leh nawˬ hui hta‸ htaiˍ hkʼaw‸ laˇ shehˍ hpaˇ hpeh‸ ve hta‸ chaw hkʼa peu-eˬ gʼa shiˍ tuˬ yoˬ. Ngaˬ lehˬ Iˉsaˍreˍlaˆ ve kanˇ paˆ uiˍ jaˇ ve Gʼuiˬsha hpeh‸ ve hta‸ yawˇ hui shiˍ la tuˬ yoˬ, teh‸ Gʼuiˬsha kʼoˆ ve yoˬ.
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 50 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66