bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Isaiah 41
Isaiah 41
Lahu Bible Edited © Thailand Bible Society and Bible Society of Myanmar, 2010, 2020.
← Chapter 40
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 42 →
1
Gʼuiˬsha kʼoˆ ve, Vuiˇ ve mvuhˇmiˬ lo chehˇ taˍ ve chaw teˇ hpaˍ-oˬ, ta‸ iˉ gawˬ lehˍ chehˇ leh ngaˬ kʼoˆ chehˇ ve tawˇ hta‸ na sheˍ. Shaˉ nanˉ lo nawˬ hui ve suhˉ hta‸ ca jehˬ tuˬ hkʼa deh‸ gu taˍ-o‸. Nawˬ hui tawˇ gʼa yaw tuˬ ve a hkaw-anˬ gʼa tuˬ yoˬ. Ngaˬ hui teˇ geh kʼai leh hteˇ ve cawˇ ve hkʼaw lo suhˉ ca jehˬ piˇ-a veuˬ.
2
Mvuhˇ nyi tawˆ hpawˇ lo chehˇ ve jawˇmawˇ hta‸ awˬ gʼaˇ uiˍ la piˇ leh, gʼaˇ shehˍ hpaˇ hpeh‸ la piˇ ve a shu le. Yawˇ hta‸ chaw ceuˬ teˇ hpaˍ leh, jawˇmawˇ teˇ hpaˍ hkʼoˆ gʼaˇ shehˍ hpaˇ hpeh‸ la piˇ ve a shu le. Yawˇ ve aˉhtaw lehˬ, yawˇ hui hta‸ je‸ meu-e hkʼa shuˍ hpeh‸ kʼai piˇ leh, yawˇ ve hkaˆ ce teˇ hpaˍ htawˇ mvuhˇ haw meuˆ chiˇ veu ve chi gʼawˇ hkʼa shuˍ yawˇ hui hta‸ hpaˆ da‸ kʼai piˇ ve yoˬ.
3
Yawˇ lehˬ chaw oˇ ve teˇ hpaˍ hkʼaˇ suh gʼa‸ yuˬ kʼai ve yoˬ. Yawˇ hui gʼuiˇ gehˬ jaˇ ve pa taw, yawˇ ve hkui sheh miˬ chaˇ hkʼoˆ maˇ naˆ toˇ ve hkʼe hpeh‸ ve yoˬ.
4
Chi hkʼe hpeh‸ la piˇ shehˍ hpaˇ lehˬ a shu le. Miˬguiˬ hkʼoˆ lo chaw teˇ co peuˬ teˇ co cawˬ la piˇ tuˬ te shehˍ hpaˇ a shu le. Ngaˬ, Gʼuiˬsha lehˬ awˬ hkuiˉ puiˍ htaˇ ka‸ cawˬ taˍ leh, awˬ leh hkʼa gaˬ cawˬ chehˇ taˍ tuˬ yoˬ.
5
Vuiˇ jaˇ ve mvuhˇmiˬ hkʼaw chehˇ taˍ ve chaw teˇ hpaˍ lehˬ, ngaˬ te taˍ peuˬ ve kanˉ teˇ hpaˍ hta‸ gʼa mawˬ leh, kawˆ cheˇ chehˇ ve yoˬ. Chi hta‸ pa taw, yawˇ hui teˇ geh hpawnˬ laˬ ve yoˬ.
6
La‸shaˉmaˉ teˇ hpaˍ teˇ gʼaˇ hta‸ teˇ gʼaˇ ga da‸ leh, awˬ gʼaˇ piˇ da‸ chehˇ ve yoˬ.
7
La‸shaˉmaˉ lehˬ Nawˬ te taˍ ve la‸ meuˇ da‸ jaˇ teh‸ shi lawˍ paˍ hta‸ kʼoˆ piˇ ve yoˬ. Shaˉ ho‸ hta‸ gu shiˆ chehˇ ve chaw htawˇ yawˇ geh kanˉ ga paˍ hta‸ awˬ gʼaˇ piˇ leh, Ngaˬ hui te taˍ ve kanˉ chi da‸ jaˇ, teh‸ teˇ gʼaˇ leh teˇ gʼaˇ kʼoˆ da‸ chehˇ ve yoˬ. Shaˉ ho‸ oˇ ve maˇ gʼa paiˍ tuˬ ka‸ sho cuˇ lonˉ hkʼa deh‸ dawˆ keu taˍ ve yoˬ.
8
Ya‸ hkʼaˇ, ngaˬ ve awˬ ceˬ Iˉsaˍreˍlaˆ chaw teˇ hpaˍ-oˬ, nawˬ hui lehˬ ngaˬ ve awˬ chawˇ Aˍbraˍhanˍ ve awˬ ceuˬ awˬ hkʼaˇ hpeh‸ leh, ngaˬ leuˆ yuˬ taˍ ve chaw hpeh‸ ve yoˬ.
9
Ngaˬ lehˬ vuiˇ jaˇ ve miˬguiˬ teˇ ceˍ lo nawˬ hui hta‸ kuˬ tawˆ la taˍ leh, Nawˬ hui lehˬ ngaˬ ve awˬ ceˬ hpeh‸ ve yoˬ, teh‸ kʼoˆ piˇ taˍ peuˬ ve yoˬ. Ngaˬ nawˬ hui hta‸ chiˇ baˬ ve maˇ heˆ. Nawˬ hui hta‸ leuˆ yuˬ taˍ ve yoˬ.
10
Taˇ kawˆ. Awˬ lawn kʼo, ngaˬ nawˬ hui geh chehˇ taˍ ve yoˬ. Ngaˬ lehˬ nawˬ hui ve Gʼuiˬsha hpeh‸ ve yoˬ. Nawˬ hui te‸ chiˉ kawˆ tuˬ maˇ cawˬ. Ngaˬ nawˬ hui hta‸ ga laˇ leh awˬ gʼaˇ uiˍ la piˇ tuˬ yoˬ. Ngaˬ nawˬ hui hta‸ ha‸ shaˉ leh ponˬ laˇ tuˬ yoˬ.
11
Ngaˬ ve chaw teˇ hpaˍ-oˬ, nawˬ hui hta‸ nyi ma zuhˆ ve chaw hui lehˬ, awˬ me‸ awˬ hponˇ luˬ kʼai leh gʼa ya‸ taw tuˬ yoˬ.
12
Nawˬ hui hta‸ ca bawˆ la ve chaw hui htawˇ gʼa suh-e leh, miˬguiˬ chi ve awˬ hkʼoˆ lo mehˉ kʼai tuˬ yoˬ.
13
Ngaˬ lehˬ nawˬ hui ve Gʼuiˬsha hpeh‸ ve yoˬ. Ngaˬ nawˬ hui hta‸ awˬ gʼaˇ pe‸ laˇ leh, chi hkʼe kʼoˆ laˇ ve yoˬ. Taˇ kawˆ. Ngaˬ nawˬ hui hta‸ ga laˇ tuˬ yoˬ, teh‸ Gʼuiˬsha kʼoˆ ve yoˬ.
14
Gʼuiˬsha kʼoˆ ve, Iˉsaˍreˍlaˆ chaw teˇ hpaˍ-oˬ, nawˬ hui lehˬ i jaˇ leh awˬ gʼaˇ nuˇ jaˇ ve htawˇ, taˇ kawˆ. Ngaˬ nawˬ hui hta‸ ga laˇ tuˬ yoˬ. Ngaˬ, Iˉsaˍreˍlaˆ ve da‸ kehˬ jaˇ ve Gʼuiˬsha lehˬ, nawˬ hui hta‸ ponˬ laˇ shehˍ hpaˇ hpeh‸ ve yoˬ.
15
Ngaˬ lehˬ nawˬ hui hta‸ tcuhˆ jaˇ ve laˇ hpuiˇ hkʼa shuˍ hpeh‸ la piˇ tuˬ yoˬ. Nawˬ hui lehˬ hkʼaw teˇ hpaˍ hta‸ te luˬ te sheˆ leh meuˉ-ehˍ hpeh‸ la piˇ tuˬ yoˬ.
16
Nawˬ hui lehˬ je‸ meu-e oˇ ve teˇ hpaˍ hta‸mvuhˇ hpe lo baˬ taˆ leh, mvuhˇ haw meuˆ chiˇ veu tuˬ yoˬ. Ngaˬ lehˬ ve Gʼuiˬsha hpeh‸ ve pa taw nawˬ hui gʼa ha lehˬ tuˬ yoˬ. Iˉsaˍreˍlaˆ ve da‸ kehˬ jaˇ ve ngaˬ, Gʼuiˬsha hta‸ nawˬ hui chiˇ mvuh tuˬ yoˬ.
17
Ngaˬ ve chaw teˇ hpaˍ lehˬ, iˉ kaˆ shiˉ jaˇ ve pa taw hkʼaw‸ hkʼaw goˇ leh iˉ kaˆ hta‸ ca chehˇ ve teˇ yanˇ, ngaˬ lehˬ yawˇ hui ve bon lawˬ hkawˇ hta‸ na yuˬ piˇ tuˬ yoˬ. Ngaˬ, Iˉsaˍreˍlaˆ ve Gʼuiˬsha lehˬ yawˇ hui hta‸ teˇ pawˆ ka‸ chiˇ baˬ piˇ tuˬ ve maˇ heˆ.
18
Ngaˬ lehˬ yiˬ lehˍ cawˬ ve hkʼaw‸ hkʼoˆ lo iˉ kaˆ gʼuiˬ tuˇ tawˆ la piˇ leh, lawˬ hkʼo‸ hkʼaw lo htawˇ iˉ kaˆ maˇ maˇ tawˆ la piˇ tuˬ yoˬ. Shehˇ de hta‸ iˉ kaˆ gʼuiˬ po kʼaw‸ hpeh‸ la piˇ leh, goˇ jaˇ ve miˬguiˬ hkʼaw iˉ kaˆ tawˆ la piˇ tuˬ yoˬ.
19
Shehˇ de awˬ hkʼaw lo ngaˬ lehˬ htawˇ cehˬ, hpa‸ gʼaw cehˬ, leh shaˍlonˍ cehˬ teˇ hpaˍ hta‸ yeˬ tawˆ la piˇ tuˬ yoˬ. Yiˬ lehˍ cawˬ ve hkʼaw hkʼoˆ lo htawˇ, hpehˇ yawˇ cehˬ, htawˇ cehˬ leh yawnˉ cehˬ teˇ hpaˍ hta‸ yeˬ la piˇ tuˬ yoˬ.
20
Chaw yaˇ teˇ hpaˍ chi hta‸ gʼa mawˬ leh, chi hkʼa peu-eˬ hta‸ ngaˬ, Gʼuiˬsha te taˍ ve hta‸ shiˍ la tuˬ yoˬ. Awˬ ceuˬ chi hkʼa peu-eˬ hta‸, Iˉsaˍreˍlaˆ ve da‸ kehˬ jaˇ ve Gʼuiˬsha te taˍ ve hta‸ yawˇ hui dawˇ shiˍ la tuˬ yoˬ, teh‸ Gʼuiˬsha kʼoˆ ve yoˬ.
21
Iˉsaˍreˍlaˆ ve Jawˇmawˇ Gʼuiˬsha chi hkʼe kʼoˆ ve yoˬ. Chaw ceuˬ teˇ hpaˍ ve gʼuiˬsha teˇ hpaˍ-oˬ, ngaˬ te taˍ ve kanˉ chi teˇ hpaˍ hta‸ nawˬ hui te gʼa aw laˇ. Laˬ leh, a ciˉ te nyi-o.
22
Laˬ tuˬ ve awˬ yanˇ awˬ hkʼaw lo hkʼa hkʼe hpeh‸ la tuˬ ve, choˬ kaˬ laˬ leh a ciˉ kʼoˆ hkʼa nyi. Oˇ hkʼe te ve kʼo, nawˬ hui kʼoˆ taˍ ve hkʼe biˇ la ve teˇ yanˇ nawˬ hui gʼuiˬsha hpeh‸ ve hta‸ ngaˬ hui gʼa shiˍ tuˬ yoˬ. Ponˬ laˬ htaˇ hpeh‸ la jaw taˉ ve awˬ ceuˬ teˇ hpaˍ shaˉnanˉ hkʼaw hto maˍ piˇ leh, tcuhˉ kuiˬ hta‸ htawˇ yuˬ tawˆ maˍ piˇ-oˆ.
23
Oˇ hkʼe te ve kʼo, nawˬ hui lehˬ gʼuiˬsha hpeh‸ ve hta‸ ngaˬ hui gʼa shiˍ tuˬ yoˬ. Da‸ ve kanˉ teˇ ceuˬ ceuˬ te hkʼa nyi. Maˇ heˆ kʼo, kawˆ tuˬ dawˇ haˍ tuˬ ve awˬ ceuˬ teˇ ceuˬ ceuˬ gaˬ la tuˬ te hkʼa nyi. Ngaˬ hui kawˆ leh anˇ tuˬ ve awˬ ceuˬ teˇ ceuˬ ceuˬ te hkʼa nyi.
24
Nawˬ hui awˬ to leh nawˬ hui te chehˇ ve kanˉ teˇ hpaˍ lehˬ, te‸ chiˉ tcuhˉ kuiˬ cawˬ ve maˇ heˆ. Nawˬ hui hta‸ oˉ kʼoˍ pui chehˇ ve chaw teˇ hpaˍ lehˬ hpeh‸ bawˬ jaˇ chehˇ ve yoˬ.
25
Mvuhˇ nyi tawˆ hpawˇ lo chehˇ ve chaw teˇ gʼaˇ hta‸ ngaˬ leuˆ yuˬ taˍ peuˬ. Ngaˬ lehˬ yawˇ hta‸ awˬ na hpawˇ lo chehˇ leh bawˆ ya‸ la tcuh tuˬ yoˬ. Yawˇ lehˬ mu‸ hkʼu te paˍ teˇ gʼaˇ je‸ hta‸ naˆ nehˆ ve hkʼe, uˉ peunˍ shehˍ hpaˇ teˇ hpaˍ hta‸ naˆ nehˆ piˇ tuˬ yoˬ.
26
Chi hkʼe hpeh‸ la tuˬ, nawˬ hui awˬ hkʼaw lo a shu teˇ gʼaˇ kʼoˆ taˍ ve le. Nawˬ hui teˇ gʼaˇ ka‸ chi hkʼe maˇ kʼoˆ taˍ. Nawˬ hui tawˇ yaw chehˇ ve hta‸ htawˇ chaw teˇ gʼaˇ ka‸ maˇ kaˇ jaw.
27
Nawˬ ve chaw teˇ hpaˍ aˉ hkʼaw lo kʼaw‸ la chehˇ ve yoˬ, teh‸ Ziˉonˍ leh Yeˍruˆsaˍlehnˍ venˇ hta‸ ca kʼoˆ piˇ tcuh ve lehˬ, ngaˬ Gʼuiˬsha hpeh‸ ve yoˬ.
28
Awˬ nu ve gʼuiˬsha teˇ hpaˍ hta‸ ngaˬ chiˇ nyi ve teˇ yanˇ, yawˇ hui teˇ gʼaˇ ka‸ te‸ chiˉ kʼoˆ tuˬ maˇ cawˬ. Ngaˬ ve na nyi hkawˇ teˇ hpaˍ hta‸ yawˇ hui teˇ gʼaˇ ka‸ kʼaw‸ yaw hkʼaw‸ maˇ gʼa.
29
Awˬ nu ve gʼuiˬsha chi hkʼa peu-eˬ, te‸ chiˉ awˬ bon maˇ cawˬ. Yawˇ hui te‸ chiˉ te maˇ puiˉ leh, yawˇ hui ve shaˉ ho‸ teˇ hpaˍ htawˇ te‸ chiˉ kanˇ paˆ maˇ cawˬ, teh‸ Gʼuiˬsha kʼoˆ ve yoˬ.
← Chapter 40
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 42 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66