bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Isaiah 5
Isaiah 5
Lahu Bible Edited © Thailand Bible Society and Bible Society of Myanmar, 2010, 2020.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 6 →
1
Ngaˬ ve awˬ chawˇ teˇ gʼaˇ leh yawˇ ve a pehˉ meuˇ hko ve kʼa muiˬ hkawˇ awˬ lawn ngaˬ nawˬ hui hta‸ kʼa maˍ laˇ sheˍ. Hkʼa deh‸ na taˍ sheˍ. Ngaˬ ve awˬ chawˇ lehˬ miˬ hkuiˇ da‸ jaˇ ve hkʼaw pui ehˉ awˬ hkʼoˆ lo a pehˉ meuˇ hko teˇ maˬ te taˍ ve yoˬ.
2
Yawˇ lehˬ chehˇ kuiˬ oˇ ve hta‸ hkʼa deh‸ kʼawˇ leh haˉ pui shiˍ teˇ hpaˍ hta‸ gʼawˆ baˬ peuˬ hkʼaw‸ nawˉ, da‸ jaˇ ve a pehˉ meuˇ cehˬ teˇ hpaˍ ti keu taˍ ve yoˬ. Yawˇ lehˬ hko oˇ ve hta‸ ha‸ shaˉ piˇ tuˬ, aˉ po kʼo ka‸ teˇ maˬ te taˍ leh, a pehˉ meuˇ gʼuiˬ nyiˉ kuiˬ htawˇ duˇ taˍ ve yoˬ. Yawˇ lehˬ a pehˉ meuˇ shiˍ meh la tuˬ law nyi chehˇ ve yoˬ. Ya‸ hkʼaˇ, a pehˉ meuˇ shiˍ oˇ ve teˇ hpaˍ ci jaˇ ve yoˬ.
3
Chi hta‸ pa taw ngaˬ ve awˬ chawˇ kʼoˆ ve, Nawˬ hui Yeˍruˆsaˍlehnˍ venˇ leh Yuˇda‸ mvuhˇmiˬ hkʼaw chehˇ ve chaw teˇ hpaˍ-oˬ, ngaˬ leh ngaˬ ve a pehˉ meuˇ hko chi ve awˬ kaˍ lo a ciˉ suhˉ jehˬ laˇ-oˆ.
4
A pehˉ meuˇ cehˬ chi ve da‸ la tuˬ ngaˬ hkʼa deh‸ maˇ te taˍ ve teˇ ceuˬ ceuˬ cawˬ aw laˇ. Chi hkʼe taw taw te piˇ taˍ ve ka‸, aˬ hto‸ ma pa taw a pehˉ meuˇ shiˍ teˇ hpaˍ ngaˬ dawˇ law taˍ ve hkʼe maˇ hpeh‸ la leh, ci jaˇ ve le.
5
Chi beu‸ a pehˉ meuˇ hko chi ve hta‸ ngaˬ chi hkʼe te piˇ tuˬ yoˬ. A pehˉ meuˇ hko chi hta‸ ko taˍ ve suhˆ hkʼa peu-eˬ hta‸ ngaˬ hpaˆ baˬ leh, to nuˇ to shaˆ teˇ hpaˍ hta‸ lo‸ caˇ tcuh tuˬ yoˬ.
6
Hko chi awˬ hkʼaw lo mvuh‸ hkʼa biˇ yeˬ tawˆ la tuˬ yoˬ. A pehˉ meuˇ awˬ kʼaˉ teˇ hpaˍ ngaˬ maˇ kʼaw‸ gu piˇ-o. Hko hta‸ htawˇ kʼawˇ hpfuhˆ piˇ tuˬ ve maˇ heˆ. Aˉ chuˇ buiˇ leh mvuh‸ teˇ hpaˍ hta‸ yeˬ la piˇ tuˬ yoˬ. Hko chi awˬ hkʼoˆ lo htawˇ, ngaˬ mvuhˇ yeˬ kʼaw‸ laˬ piˇ tuˬ ve maˇ heˆ, teh‸ kʼoˆ ve yoˬ.
7
Iˉsaˍreˍlaˆ lehˬ, Jawˇmawˇ Gʼuiˬsha ve a pehˉ meuˇ hko hpeh‸ ve yoˬ. Yuˇda‸ chaw lehˬ, yawˇ ti taˍ ve a pehˉ meuˇ cehˬ hpeh‸ ve yoˬ. Yawˇ hui da‸ ve kanˉ hta‸ tiˉ te tuˬ, Yawˇ dawˇ law taˍ ve yoˬ. Ya‸ hkʼaˇ, yawˇ hui lehˬ chaw hta‸ tiˇ pehˍ shehˍ hpaˇ teˇ hpaˍ hpeh‸ la ve yoˬ. Yawˇ hui lehˬ hteˇ ve cawˇ ve kanˉ hta‸ ceh tiˉ te tuˬ Yawˇ dawˇ law taˍ ve yoˬ. Ya‸ hkʼaˇ, yawˇ hui te ve kanˉ teˇ hpaˍ maˇ hteˇ maˇ cawˇ ve pa taw, hkʼanˇ ve awˬ hkawˇ hkʼa biˇ tawˆ la chehˇ ve yoˬ.
8
Nawˬ hui gʼa luˬ gʼa sheˆ tuˬ yoˬ. Nawˬ hui lehˬ, cawˬ ve chaw teˇ hpaˍ hta‸ yehˬ leh ti mi kʼaw‸ piˇ htehˍ chehˇ ve yoˬ. Maˇ maw maw nawˬ hui geh awˬ nu ve chaw teˇ hpaˍ chehˇ kuiˬ maˇ cawˬ leh, mvuhˇmiˬ hkʼaw nawˬ hui ceh tiˉ gʼa chehˇ taˉ tuˬ yoˬ.
9
Jawˇmawˇ Gʼuiˬsha chi hkʼe kʼoˆ ve awˬ hkawˇ hta‸ ngaˬ gʼa kaˇ ve yoˬ. Uiˍ jaˇ da‸ jaˇ ve yehˬ chi teˇ hpaˍ, luˬ kʼai sheˆ kʼai tuˬ yoˬ.
10
A pehˉ meuˇ hko lonˉ ngaˇ hko awˬ hkʼaw lo a pehˉ meuˇ gʼuiˬ teˇ gaˍ lanˍ ceh tiˉ gʼa tuˬ yoˬ. Caˬ yawˇ teˇ chi hkʼawˍ lawˇ ti ve htawˇ, caˬ shiˍ teˇ hkʼawˍ lawˇ ceh tiˉ gʼa tuˬ yoˬ, teh‸ kʼoˆ ve yoˬ.
11
Nawˬ hui gʼa luˬ gʼa sheˆ tuˬ yoˬ. Nawˬ hui lehˬ, mvuhˇ shawˉ teˇ na‸ htaˇ ka‸ tzuhˬ tanˬ dawˬ leh, mvuhˇ hpeu‸ htaˇ hkʼa gaˬ tzuhˬ bvuhˆ chehˇ ve yoˬ.
12
Nawˬ hui hti caˇ hti dawˬ ve pawehˇ te htaˇ, tinˍ hteˆ, lehˉ lu meuˆ leh tzuhˬ dawˬ chehˇ ve yoˬ. Ya‸ hkʼaˇ, nawˬ hui lehˬ Gʼuiˬsha hkʼaˬ hkʼe te chehˇ ve hta‸ maˇ shiˍ.
13
Chi hta‸ pa taw, nawˬ hui lehˬ canˇ paˍ ve la‸ sheh hkʼaw gaˬ peuˬ ve chaw hkʼa shuˍ, shu hpeh kʼai ve hta‸ gʼa hkanˍ tuˬ yoˬ. Nawˬ hui ve awˬ hoˉ awˬ naˬ teˇ hpaˍ lehˬ, meu‸ suh kaˆ suh-e leh, nawˬ hui teˇ hpaˍ htawˇ, iˉ kaˆ shiˉ suh-e tuˬ yoˬ.
14
Suh mvuhˇmiˬ lehˬ, yawˇ hui hta‸ meu‸ jehˇ chehˇ leh, yawˇ ve maw‸ kʼaw hta‸ kʼoˍ chaweh ngaˉ taˍ ve yoˬ. Suh mvuhˇmiˬ ve maw‸ kʼaw lehˬ, Yeˍruˆsaˍlehnˍ ve awˬ hoˉ awˬ naˬ teˇ hpaˍ leh venˇ yaˇ teˇ hpaˍ hta‸ hehˆ dawˬ peuˬ sheˬ tuˬ yoˬ.
15
Chaw hkʼa peu-eˬ awˬ me‸ awˬ hponˇ luˬ kʼai leh, nyi ma uiˍ ve mvuh ve chaw hkʼa peu-eˬ nyiˉ ya‸ ve hta‸ gʼa hkanˍ tuˬ yoˬ.
16
Ya‸ hkʼaˇ, Gʼuiˬsha lehˬ hteˇ ve cawˇ ve awˬ ceuˬ hta‸ tiˉ te ve awˬ hkʼaw lo, Yawˇ hkʼaˬ ma uiˍ jaˇ mvuh jaˇ ve hta‸ hpeu‸ maˍ laˇ leh, Yawˇ ve chaw hta‸ suhˉ jehˬ ve awˬ hkʼaw lo yawˇ hkʼaˬ ma da‸ kehˬ jaˇ ve hta‸ hpeu‸ maˍ laˇ chehˇ ve yoˬ.
17
Luˬ kʼai sheˆ kʼai taˍ ve venˇ chi teˇ hpaˍ awˬ hkʼaw lo, yawˬ ehˉ leh aˉ che‸ ehˉ teˇ hpaˍ kʼaˆ caˇ toˇ chehˇ tuˬ yoˬ.
18
Nawˬ hui gʼa luˬ gʼa sheˆ tuˬ yoˬ. Nawˬ hui lehˬ a shu yawˇ ve venˇbaˆ ponˬ tuˬ te maˇ gʼa.
19
Ya‸ hkʼaˇ nawˬ hui lehˬ, Gʼuiˬsha haˆ haˆ laˬ leh Yawˇ kʼoˆ taˍ ve hkʼe ca te la piˇ-oˆ. Ngaˬ hui mawˬ gaˇ ve yoˬ. Da‸ kehˬ jaˇ ve Iˉsaˍreˍlaˆ Gʼuiˬsha laˬ leh Yawˇ te tuˬ dawˇ taˍ ve kanˉ hta‸ ca te la piˇ-oˆ. Ngaˬ hui mawˬ gaˇ ve yoˬ, teh‸ kʼoˆ chehˇ ve yoˬ.
20
Nawˬ hui gʼa luˬ gʼa sheˆ tuˬ yoˬ. Nawˬ hui lehˬ haiˬ ve awˬ ceuˬ hta‸ da‸ ve teh‸ kʼoˆ leh, da‸ ve awˬ ceuˬ hta‸ haiˬ ve teh‸ kʼoˆ ve yoˬ. Nawˬ hui lehˬ naˆ ho‸ ve hta‸ awˬ gʼeuˆ teh‸ kʼoˆ leh, awˬ gʼeuˆ hta‸ naˇ ho‸ ve teh‸ kʼoˆ ve yoˬ. Nawˬ hui lehˬ hkʼaˇ ve awˬ ceuˬ hta‸ chaw ve teh‸ kʼoˆ leh, chaw ve awˬ ceuˬ hta‸ hkʼaˇ ve teh‸ kʼoˆ ve yoˬ.
21
Nawˬ hui gʼa luˬ gʼa sheˆ tuˬ yoˬ. Nawˬ hui lehˬ, a shu yawˇ awˬ to hta‸ cuˇ yiˍ cawˬ ve yoˬ, teh‸ dawˇ chehˇ ve yoˬ.
22
Nawˬ hui gʼa luˬ gʼa sheˆ tuˬ yoˬ. Nawˬ hui lehˬ, a pehˉ meuˇ gʼuiˬ dawˬ ponˬ dawˬ leuˉ jaˇ ve chaw teˇ hpaˍ hpeh‸ ve yoˬ. Nawˬ hui tzuhˬ dawˬ ve teˇ yanˇ, ha‸ hanˉ jaˇ leh kawˆ puiˉ ve nyi ma maˇ cawˬ.
23
Suhˉ jehˬ kuiˬ awˬ hkʼaw lo, la‸ shawnˍ piˇ laˇ gʼa ve chaw haiˬ teˇ hpaˍ hta‸ nawˬ hui ponˬ piˇ leh, te‸ chiˉ ya‸ kuiˬ maˇ cawˬ ve chaw hui hta‸ htawnˍ hkʼaw yuˬ keu ve yoˬ.
24
Nawˬ hui oˇ hkʼe te ve pa taw, goˇ lehˍ ve mvuh‸ hta‸ aˬ miˍ to‸ baˬ ve hkʼe, nawˬ hui ve awˬ geu teˇ hpaˍ hpuiˇ kʼai leh, nawˬ hui ve awˬ veˆ teˇ hpaˍ htawˇ nawˍ kʼai goˇ kʼai tuˬ yoˬ. Awˬ lawn kʼo, nawˬ hui lehˬ Iˉsaˍ reˍlaˆ ve Jawˇmawˇ Gʼuiˬsha maˍ laˇ taˍ ve awˬ ceuˬ teˇ hpaˍ hta‸ chiˇ baˬ ve pa taw yoˬ.
25
Gʼuiˬsha lehˬ, yawˇ ve chaw teˇ hpaˍ hta‸ nyi ma zuhˆ ve pa taw, yawˇ hui hta‸ ciˍ yanˍ piˇ tuˬ yawˇ ve la‸ sheh hta‸ chiˇ taˍ peuˬ. Hkʼaw teˇ hpaˍ hiˆ hiˆ naˇ naˇ hpeh‸ la leh, suh taˍ ve chaw teˇ hpaˍ lehˬ ya‸ kʼaw hkʼoˆ lo shu chiˇ baˬ ve hta‸ gʼa hkanˍ tuˬ yoˬ. Chi hkʼe hpeh‸ ve htawˇ, Gʼuiˬsha nyi ma zuhˆ ve peuˬ kʼai ve maˇ heˆ sheˍ. Yawˇ ve la‸ sheh lehˬ ciˍ yanˍ piˇ tuˬ chiˇ taˍ sheˍ ve yoˬ.
26
Gʼuiˬsha lehˬ vuiˇ jaˇ ve mvuhˇmiˬ lo chehˇ ve chaw ceuˬ hta‸ laˬ tuˬ tawˇ piˇ ve yoˬ. Miˬguiˬ oˇ hpawˇ teˇ ceˍ lo chehˇ ve chaw hui laˬ tuˬ yawˇ tiˉ shiˆ muiˬ piˇ ve yoˬ. Hkʼe te leh, yawˇ hui haˆ haˆ gʼuiˇ laˬ ve yoˬ.
27
Yawˇ hui teˇ gʼaˇ ka‸ maˇ heuˬ leh, te gʼaˇ ka‸ hkui htiˇ maˇ poˬ paiˍ. Yawˇ hui teˇ gʼaˇ ka‸ zuh‸ muiˉ maˇ jo leh, haˍ pi teˇ caˆ ka‸ maˇ mehˉ. Yawˇ hui ve hkuiˉ nuˆ ka‸ maˇ tzuh‸.
28
Yawˇ hui ve hkaˆ ce lehˬ tcuhˆ jaˇ leh, yawˇ hui ve hkaˆ hta‸ hkʼa deh‸ gu taˍ ve yoˬ. Yawˇ hui ve iˉ mvuhˇ teˇ hpaˍ ve hkui kiˆ lehˬ, haˉ pui hkʼa shuˍ heh leh, yawˇ hui ve iˉ mvuhˇ lawˬ teˇ hpaˍ ve gaˉ yaw htawˇ, mvuhˇ haw aˉ caw law hkʼa shuˍ hpfuhˆ vaiˇ jaˇ ve yoˬ.
29
Ma‸ yaˇ teˇ hpaˍ kuˬ hkawˇ lehˬ, laˇ caˬ shiˉ teˇ hkeh shaˍ che‸ gʼa leh kuˬ chehˇ ve awˬ hkawˇ hkʼe hpeh‸ ve yoˬ.
30
Awˬ yanˇ oˇ ve gaˬ la htaˇ, yawˇ hui lehˬ Iˉsaˍreˍlaˆ chaw hui hta‸ gʼaˇ hte‸ ga hpoˆ kuˬ tuˬ yoˬ. Yawˇ hui kuˬ ve awˬ hkawˇ lehˬ, laˇ tsuhˇ gʼuiˬ ve gʼuiˬ baˇ taˆ la ve awˬ hkawˇ hkʼa shuˍ bvuhˬ jaˇ tuˬ yoˬ. Mvuhˇmiˬ chi hta‸ nyi sheˍ. Naˆ ho‸ ve leh dawˇ tui‸ gaˇ tui‸ ve hkʼa biˇ cawˬ ve yoˬ. Naˆ ho‸ ve lehˬ, awˬ gʼeuˆ hta‸ hehˆ dawˬ peuˬ.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66