bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Isaiah 19
Isaiah 19
Lahu Bible Edited © Thailand Bible Society and Bible Society of Myanmar, 2010, 2020.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 20 →
1
Chi lehˬ, Eˇjiˇtu‸ mvuhˇmiˬ hta‸ caˉ da‸ ve tawˇ teˇ hpaˍ hpeh‸ ve yoˬ. Gʼuiˬsha lehˬ moˬ hta‸ ciˇ taˍ leh, Eˇjiˇtu‸ mvuhˇmiˬ lo laˬ chehˇ taˍ ve yoˬ. Eˇjiˇtu‸ mvuhˇmiˬ ve shaˉ ho‸ teˇ hpaˍ yawˇ mehˆ gʼuˇ suhˍ lo kawˆ cheˇ chehˇ leh, Eˇjiˇtu‸ chaw teˇ hpaˍ htawˇ awˬ gʼaˇ nuˇ kʼai ve yoˬ.
2
Gʼuiˬsha kʼoˆ ve, Eˇjiˇtu‸ mvuhˇmiˬ hkʼaw lo ngaˬ ma‸ hpeh‸ tawˆ la piˇ leh, awˬ viˉ awˬ nyi teˇ gʼaˇ leh teˇ gʼaˇ ya‸ da‸ piˇ lawˬ tuˬ yoˬ. Venˇ teˇ venˇ leh teˇ venˇ, jawˇmawˇ teˇ gʼaˇ leh teˇ gʼaˇ ya‸ da‸ tuˬ yoˬ.
3
Eˇjiˇtu‸ chaw hui te chehˇ ve kanˉ hkʼaˇ teˇ hpaˍ hta‸ ngaˬ te luˬ leh, yawˇ hui hta‸ nyi ma luˬ piˇ lawˬ tuˬ yoˬ. Yawˇ hui hta‸ dawˇ hkʼaˇ pe‸ laˇ tuˬ, yawˇ hui shaˉ ho‸ geh maˇ kʼoˆ, mawˉ paˍ geh maˇ kʼoˆ, suh peuˬ ve chaw hui geh maˇ kʼoˆ kʼai tuˬ yoˬ.
4
Ngaˬ lehˬ, Eˇjiˇtu‸ chaw teˇ hpaˍ hta‸ haiˬ jaˇ ve jawˇmawˇ teˇ gʼaˇ ve la‸ sheh hkʼaw chiˇ a‸ piˇ tuˬ yoˬ, teh‸ Jawˇmawˇ Gʼuiˬsha kʼoˆ ve yoˬ.
5
Niˍlaˆ iˉ kaˆ lawˬ lehˬ, awˬ meu-eˇ awˬ meu-eˇ i kʼai leh fiˍ kʼai tuˬ yoˬ.
6
Iˉ kaˆ gʼuiˬ hkʼaˇ teˇ hpaˍ htawˇ fiˍ kʼai ve pa taw kuiˇ nuˬ jaˇ tuˬ yoˬ. Lo cehˬ leh mvuh‸ teˇ hpaˍ htawˇ goˇ kʼai tuˬ yoˬ.
7
Niˍlaˆ iˉ kaˆ gʼuiˬ pfuhˍ paˇ lo ti taˍ ve awˬ shiˍ awˬ nu teˇ hpaˍ htawˇ goˇ kʼai leh, mvuhˇ haw meuˆ chiˇ veu tuˬ yoˬ.
8
Niˍlaˆ iˉ kaˆ lawˬ hkʼaw lo ngaˇ ca shehˍ hpaˇ teˇ hpaˍ hkʼanˇ leh gʼa kuˬ hawˬ tuˬ yoˬ. Yawˇ hui ve biˉ leh geu‸ teˇ hpaˍ te‸ chiˉ awˬ bon maˇ kʼaw‸ cawˬ.
9
Hpa te chiˇ chehˇ ve chaw hui htawˇ, nyi ma luˬ jaˇ tuˬ yoˬ.
10
Cheuˬ jaˇ ve kanˉ te paˍ teˇ hpaˍ htawˇ dawˇ maˇ tawˆ leh hpeh‸ bawˬ jaˇ tuˬ yoˬ.
11
Zawˇnaˆ venˇ hta‸ uˉ peunˍ chehˇ ve awˬ hoˉ awˬ naˬ teˇ hpaˍ lehˬ, chaw luˬ paˍ hpeh‸ ve yoˬ. Eˇjiˇtu‸ chaw hui ve cuˇ yiˍ cawˬ pa teˇ hpaˍ lehˬ, maˇ heˆ heˆ ve dawˇ hkʼaˇ piˇ chehˇ ve yoˬ. Yawˇ hui lehˬ, aˬ sho-eˬ cuˇ yiˍ cawˬ paˍ leh jawˇmawˇ teˇ hpaˍ ve awˬ ceuˬ awˬ hkʼaˇ hpeh‸ ve yoˬ, teh‸ yawˇ hui ve jawˇmawˇ hta‸ hkʼaˬ hkʼe te leh kʼoˆ piˇ haˆ ve le.
12
Eˇjiˇtu‸ jawˇmawˇ-oˬ, nawˬ ve cuˇ yiˍ cawˬ shehˍ hpaˇ teˇ hpaˍ hkʼaˬ lo kʼai peuˬ le. Jawˇmawˇ Gʼuiˬsha lehˬ, Eˇjiˇtu‸ mvuhˇmiˬ hta‸ hkʼaˬ hkʼe te piˇ tuˬ dawˇ nyi chehˇ ve awˬ lawn, yawˇ hui nawˬ hta‸ kʼoˆ maˍ laˇ gʼa tuˬ naˍ maˇ shiˍ.
13
Zawˇnaˆ leh Nawˇhpaˆ venˇ hta‸ uˉ peunˍ chehˇ ve awˬ hoˉ awˬ naˬ teˇ hpaˍ lehˬ, chaw luˬ paˍ hpeh‸ ve yoˬ. Yawˇ hui lehˬ, mvuhˇmiˬ yaˇ teˇ hpaˍ hta‸ hkʼa deh‸ sheh kʼai piˇ cawˇ ve htawˇ, yawˇ hui ya‸ kʼaw sheh ya‸ piˇ chehˇ ve yoˬ.
14
Gʼuiˬsha lehˬ, yawˇ hui hta‸ maˇ heˆ heˆ ve dawˇ hkʼaˇ keu piˇ taˍ ve yoˬ. Chi hta‸ pa taw, Eˇjiˇtu‸ chaw hui te chehˇ ve kanˉ hkʼa peu-eˬ ya‸ kʼai leh, yawˇ hui lehˬ a shu yawˇ hpe‸ baˬ taˍ ve hta‸ naˆ leˆ toˇ chehˇ ve tzuhˬ bvuhˆ paˍ hkʼa shuˍ hpeh‸ ve yoˬ.
15
Eˇjiˇtu‸ mvuhˇmiˬ hkʼaw chehˇ taˍ ve paw sha ve chaw haˍ gʼawˇ ve chaw maˇ kʼoˆ, chaw mawˇ yaˇ nehˬ maˇ kʼoˆ, mvuhˇmiˬ oˇ ve hta‸ ga piˇ maˇ gʼa.
16
Eˇjiˇtu‸ chaw teˇ hpaˍ lehˬ, yaˇ miˇ hkʼa shuˍ kawˆ puiˉ jaˇ ve chaw hpeh‸ la tuˬ ve awˬ yanˇ gaˬ la chehˇ ve yoˬ. Jawˇmawˇ Gʼuiˬsha lehˬ, yawˇ hui hta‸ ciˍ yanˍ piˇ tuˬ la‸ sheh chiˇ taˍ ve hta‸ yawˇ hui gʼa mawˬ ve teˇ yanˇ, yawˇ hui kawˆ jaˇ tuˬ yoˬ.
17
Yuˇda‸ chaw teh‸ kʼoˆ ve tawˇ hta‸ gʼa kaˇ ve teˇ pawˆ le le, Eˇjiˇtu‸ chaw teˇ hpaˍ lehˬ, Gʼuiˬsha yawˇ hui hta‸ ciˍ yanˍ piˇ tuˬ gu taˍ peuˬ ve hta‸ gʼa shiˍ leh kawˆ jaˇ tuˬ yoˬ.
18
Awˬ yanˇ oˇ ve gaˬ la htaˇ, Eˇjiˇtu‸ mvuhˇmiˬ hkʼaw cawˬ ve venˇ lonˉ ngaˇ venˇ hkʼaw chehˇ taˍ ve chaw teˇ hpaˍ lehˬ, Heˍbrehˇ hkawˇ hta‸ yehˇ tuˬ yoˬ. Yawˇ hui hkanˍ ve teˇ yanˇ, Jawˇmawˇ Gʼuiˬsha ve awˬ meh hta‸ cuˇ leh hkanˍ tuˬ yoˬ. Venˇ oˇ ve ngaˇ venˇ awˬ hkʼaw lo, teˇ venˇ hta‸ Mvuhˇ nyi ve venˇ, teh‸ shu kʼoˆ tuˬ yoˬ.
19
Awˬ yanˇ oˇ ve gaˬ la htaˇ, Eˇjiˇtu‸ mvuhˇmiˬ hkʼaw lo Gʼuiˬsha hta‸ tuˉ tanˇ kuiˬ teˇ maˬ te taˍ leh, Eˇjiˇtu‸ chaw hui ve miˬ tcuhˉ lo htawˇ, Gʼuiˬsha hta‸ tanˇ taˍ ve haˉ pui hkuiˉ daw teˇ maˬ duˇ ti taˍ tuˬ yoˬ.
20
Awˬ ceuˬ oˇ ve teˇ hpaˍ lehˬ, Eˇjiˇtu‸ mvuhˇmiˬ hkʼaw Jawˇmawˇ Gʼuiˬsha chehˇ taˍ ve hta‸ hpeu‸ maˍ tuˬ awˬ heˆ hpeh‸ tuˬ yoˬ. Oˇ kaˬ lo chehˇ taˍ ve chaw teˇ hpaˍ lehˬ, fawˉ mehˍ ve hta‸ gʼa hkanˍ ve teˇ yanˇ Gʼuiˬsha hta‸ kuˬ ve kʼo, Gʼuiˬsha yawˇ hui hta‸ ponˬ piˇ tuˬ chaw teˇ gʼaˇ hta‸ kʼai tcuh tuˬ yoˬ.
21
Gʼuiˬsha lehˬ yawˇ awˬ to Eˇjiˇtu‸ chaw hui hta‸ maw piˇ tuˬ yoˬ. Yawˇ chi hkʼe te ve teˇ yanˇ, yawˇ hui yawˇ hta‸ oˉ kʼoˍ pui leh, yawˇ hta‸ tanˇ tuˬ teˇ hpaˍ tanˇ piˇ tuˬ yoˬ. Yawˇ hui yawˇ hta‸ ka ti‸ te leh, Yawˇ hui ka ti‸ te taˍ ve hkʼe te tuˬ yoˬ.
22
Gʼuiˬsha lehˬ, Eˇjiˇtu‸ chaw hui hta‸ ciˍ yanˍ piˇ tuˬ yoˬ. Ya‸ hkʼaˇ, Yawˇ yawˇ hui hta‸ kʼaw‸ gu na-e piˇ tuˬ yoˬ. Yawˇ hui yawˇ geh kʼaw‸ hpfuhˆ kʼaw‸ la leh, yawˇ lehˬ yawˇ hui ve bon lawˬ hkawˇ hta‸ na yuˬ leh yawˇ hui hta‸ gu na-e piˇ tuˬ yoˬ.
23
Awˬ yanˇ oˇ ve gaˬ la htaˇ, Eˇjiˇtu‸ leh Aˍsuˇriˆ mvuhˇmiˬ awˬ kaˍ lo ya‸ kʼaw lonˉ teˇ maˬ cawˬ la tuˬ yoˬ. Mvuhˇmiˬ oˇ ve nyiˇ peˆ hkʼaw chehˇ ve chaw teˇ hpaˍ lehˬ, ya‸ kʼaw lonˉ chi hta‸ te toˇ leh Gʼuiˬsha teˇ gʼaˇ hta‸ ceh tiˉ oˉ kʼoˍ pui tuˬ yoˬ.
24
Awˬ yanˇ oˇ ve gaˬ la htaˇ, Iˉsaˍreˍlaˆ mvuhˇmiˬ lehˬ, Eˇjiˇtu‸ leh Aˍsuˇ riˆ mvuhˇmiˬ hkʼa shuˍ hpeh‸ la leh, mvuhˇmiˬ lonˉ chi ve shehˆ peˆ lehˬ, awˬ nu ve mvuhˇmiˬ teˇ hpaˍ awˬ pon awˬ bon uiˍ ve mvuhˇmiˬ hpeh‸ la tuˬ yoˬ.
25
Oˇ htaˇ Jawˇmawˇ Gʼuiˬsha lehˬ, Ngaˬ ve Eˇjiˇtu‸ chaw, ngaˬ te hpanˍ taˍ ve Aˍsuˇriˆ chaw, leh ngaˬ leuˆ yuˬ taˍ ve Iˉsaˍreˍlaˆ chaw teˇ hpaˍ-oˬ, ngaˬ nawˬ hui hta‸ awˬ bon na‸ laˇ tuˬ yoˬ, teh‸ yawˇ hui hta‸ kʼoˆ piˇ tuˬ yoˬ.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66