bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Isaiah 44
Isaiah 44
Lahu Bible Edited © Thailand Bible Society and Bible Society of Myanmar, 2010, 2020.
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 45 →
1
Iˉsaˍreˍlaˆ chaw teˇ hpaˍ-oˬ, chi beuˬ hkʼa deh‸ na taˍ-o‸.
2
Ngaˬ lehˬ nawˬ hui hta‸ te hpanˍ shehˍ hpaˇ hpeh‸ leh, nawˬ hui a sha‸ tanˬ te‸ la ve teˇ nyi hta‸ te leh, ngaˬ nawˬ hui hta‸ ga laˇ chehˇ ve yoˬ. Chi hta‸ pa taw taˇ kawˆ. Awˬ lawn kʼo, nawˬ hui lehˬ ngaˬ ha‸ leh leuˆ yuˬ taˍ ve ngaˬ ve awˬ ceˬ teˇ hpaˍ hpeh‸ ve yoˬ.
3
Ngaˬ lehˬ goˇ choˆ jaˇ ve mvuhˇmiˬ hta‸ iˉ kaˆ piˇ leh, shehˇ de hkʼaw lo iˉ kaˆ lawˬ teˇ hpaˍ ya‸ la piˇ tuˬ yoˬ. Nawˬ hui ve awˬ yaˇ awˬ duˬ teˇ hpaˍ awˬ hkʼoˆ lo, ngaˬ ve kanˇ paˆ ngeuˍ pfuhˍ piˇ leh, nawˬ hui ve awˬ ceuˬ awˬ hkʼaˇ teˇ hpaˍ awˬ hkʼoˆ hta‸ ngaˬ ve awˬ bon na‸ piˇ tuˬ yoˬ.
4
Yawˇ hui lehˬ iˉ kaˆ hkʼa deh‸ pfuhˍ piˇ taˍ ve mvuh‸ leh, iˉ kaˆ lawˬ pfuhˍ lo cawˬ ve suhˆ cehˬ hkʼa shuˍ uiˍ la da‸ la tuˬ yoˬ.
5
Chaw yaˇ teˇ gʼaˇ peuˬ teˇ gʼaˇ, Ngaˬ lehˬ Gʼuiˬsha ve chaw yoˬ, teh‸ kʼoˆ leh Iˉsaˍreˍlaˆ chaw geh ca chehˇ la tuˬ yoˬ. Yawˇ hui lehˬ a shu yawˇ ve la‸ hpeh kʼaˉ hkʼoˆ lo Gʼuiˬsha ve awˬ meh bvuh‸ nehˉ taˍ leh, yawˇ awˬ to hta‸ yawˇ Gʼuiˬsha ve chaw teh‸ kʼoˆ tuˬ yoˬ, teh‸ Gʼuiˬsha kʼoˆ ve yoˬ.
6
Iˉsaˍˍreˍlaˆ chaw hta‸ uˉ peunˍ leh ha‸ shaˉ piˇ chehˇ ve Jawˇmawˇ Gʼuiˬsha chi hkʼe kʼaw‸ kʼoˆ ve yoˬ. Ngaˬ lehˬ awˬ hkuiˉ puiˍ awˬ leh meuˇ hpeh‸ leh, teˇ gʼaˇ tiˉ ve Gʼuiˬsha hpeh‸ ve yoˬ. Ngaˬ awˬ hkʼoˆ awˬ kaˍ awˬ nu gʼuiˬsha teˇ gʼaˇ ka‸ maˇ cawˬ.
7
Ngaˬ te taˍ peuˬ ve kanˉ hta‸ te gʼa leh, awˬ hkuiˉ puiˍ tanˬ leh awˬ leh meuˇ ve awˬ yanˇ hkʼa gaˬ, hpeh‸ la tuˬ ve awˬ lawn teˇ hpaˍ hta‸ kʼoˆ maˍ laˇ gʼa ve chaw teˇ gʼaˇ gʼaˇ cawˬ-aw laˇ.
8
Ngaˬ ve chaw teˇ hpaˍ-oˬ, taˇ kawˆ. Aˬ sho-eˬ htaˇ ka‸ te leh ya‸ nyi hkʼa gaˬ, hkʼaˬ hkʼe hpeh‸ la tuˬ ve awˬ lawn teˇ hpaˍ hta‸ ngaˬ kʼoˆ taˍ peuˬ ve yoˬ. Nawˬ hui lehˬ ngaˬ ve shaˉ hkiˆ hpeh‸ ve yoˬ. Awˬ kaˍ awˬ nu gʼuiˬsha teˇ gʼaˇ gʼaˇ cawˬ sheˍ laˇ. Ngaˬ maˇ kaˇ jaw sheˍ ve kanˇ paˆ uiˍ ve gʼuiˬsha teˇ gʼaˇ gʼaˇ cawˬ sheˍ laˇ, teh‸ Gʼuiˬsha kʼoˆ ve yoˬ.
9
Shaˉ ho‸ hta‸ te shehˍ hpaˇ teˇ hpaˍ lehˬ, te‸ chiˉ tcuhˉ kuiˬ maˇ cawˬ. Yawˇ hui awˬ hpfuhˇ hkʼaˆ chaweh te hawˇ chehˇ ve shaˉ ho‸ teˇ hpaˍ htawˇ, te‸ chiˉ awˬ bon maˇ cawˬ. Shaˉ ho‸ oˇ ve teˇ hpaˍ hta‸ oˉ kʼoˍ pui chehˇ ve chaw hui lehˬ, mehˆ cuˉ leh te‸ chiˉ maˇ shiˍ ve chaw hpeh‸ ve yoˬ. Yawˇ hui awˬ me‸ awˬ hponˇ luˬ kʼai tuˬ yoˬ.
10
Kuiˇ shaˉ ho‸ te leh oˉ kʼoˍ pui ve lehˬ, te‸ chiˉ awˬ bon maˇ cawˬ.
11
Oˇ ve hta‸ oˉ kʼoˍ pui ve chaw hui lehˬ, nyiˉ ya‸ ve hta‸ gʼa hkanˍ tuˬ yoˬ. Shaˉ ho‸ hta‸ te shehˍ hpaˇ teˇ hpaˍ lehˬ, chaw yaˇ ceh hpeh‸ ve yoˬ. Yawˇ hui hta‸ suhˉ jehˬ kuiˬ lo laˬ piˇ-oˆ. Yawˇ hui kawˆ jaˇ leh awˬ me‸ awˬ hponˇ luˬ kʼai tuˬ yoˬ.
12
Sho dawˆ paˍ lehˬ, sho hta‸ yuˬ leh aˬ miˍ chiˆ ve yoˬ. Peuˬ hkʼaw‸ nawˉ hta tu hta‸ yuˬ leh, yawˇ heuˆ gaˇ ve awˬ ceuˬ hpeh‸ la tuˬ dawˆ ve yoˬ. Yawˇ awˍ meu‸, iˉ kaˆ shiˉ leh gʼaˇ heuˬ ve yoˬ.
13
La‸shaˉmaˉ lehˬ suhˆ hta‸ hkʼa deh‸ tehˆ nyi ve yoˬ. Je‸ hpu yuˬ leh hkʼa deh‸ awˬ hkʼaˇ te peuˬ hkʼaw‸ nawˉ, tcuhˇ yuˬ leh htawˆ ve yoˬ. Yawˇ lehˬ bon yehˬ hkʼaw teh taˍ tuˬ ve da‸ jaˇ ve chaw teˇ gʼaˇ ve awˬ han hta‸ hkʼa deh‸ te htawˆ ve yoˬ.
14
Yawˇ lehˬ heh puiˉ hkʼaw lo kʼai leh htawˇ cehˬ, maˉ kuˇ cehˬ leh yawnˉ cehˬ hta‸ ca htu ve yoˬ. Maˇ heˆ kʼo, yawˇ lehˬ maiˬ shaˆ cehˬ hta‸ ti taˍ leh, mvuhˇ yeˬ laˬ tuˬ ve hta‸ law taˍ ve yoˬ.
15
Chaw yaˇ lehˬ suhˆ hta‸ htu leh shaˉ ho‸ te peuˬ hkʼaw‸ nawˉ, cawˬ taˉ ve suhˆ kʼaˉ teˇ hpaˍ hta‸ aˬ miˍ tuˉ leh te caˇ te dawˬ ve yoˬ. Te taˍ ve shaˉ ho‸ hta‸ ka‸ yawˇ oˉ kʼoˍ kʼaw‸ pui ve yoˬ.
16
Suhˆ kʼaˉ teˇ hpaˍ hta‸ yawˇ aˬ miˍ ceh leh, shaˍ piˬ caˇ leh nyi hkʼaˇ suh chehˇ ve yoˬ. Yawˇ aˬ miˍ lehˬ mui taˍ leh, Hkʼaˬ ma lehˬ jaˇ ve le, teh‸ kʼoˆ chehˇ ve yoˬ.
17
Suhˆ tcuhˉ pui hta‸ yawˇ yuˬ leh, shaˉ ho‸ teˇ maˬ htawˆ taˍ ve yoˬ. Oˇ ve hta‸ yawˇ oˉ kʼoˍ pui leh, Nawˬ lehˬ ngaˬve gʼuiˬsha yoˬ. Ngaˬ hta‸ a ciˉ ponˬ laˇ-oˆ, teh‸ kʼoˆ chehˇ ve yoˬ.
18
Chaw chi hkʼe ve teˇ hpaˍ lehˬ, kʼaˍ jaˇ leh yawˇ hui hkʼaˬ hkʼe te chehˇ ve hta‸ maˇ shiˍ ve chaw hpeh‸ ve yoˬ. Yawˇ hui lehˬ, hteˇ ve cawˇ ve awˬ ceuˬ hta‸ maˇ gʼa kaˇ maˇ gʼa mawˬ tuˬ, a shu yawˇ ve naˍ paw mehˆ shiˍ hta‸ hoˆ taˍ ve yoˬ.
19
Shaˉ ho‸ hta‸ te shehˍ hpaˇ teˇ hpaˍ lehˬ, Suhˆ chi ve hta‸ ngaˬ aˬ miˍ tuˉ leh awˬ chiˇ awˍ te caˇ peuˬ hkʼaw‸ nawˉ, cawˬ taˍ ve teˇ hpaˍ hta‸ ngaˬ shaˉ ho‸ htawˆ taˍ ve yoˬ. Hkʼe ka‸, ngaˬ lehˬ suhˆ tcuhˉ pui chi ve hta‸ oˉ kʼoˍ kʼaw‸ pui chehˇ sheˍ ve yoˬ, teh‸ kʼoˆ hkawˇ maˇ shiˍ.
20
Yawˇ hui lehˬ, hkʼaw‸ laˉ hta‸ caˇ chehˇ ve hkʼa shuˍ hpeh‸ ve yoˬ. Te‸ chiˉ awˬ bon maˇ cawˬ ve yawˇ hui ve dawˇ hkʼaˇ lehˬ, yawˇ hui hta‸ ya‸ kʼaw sheh ya‸ piˇ chehˇ leh, kʼaw‸ da‸ la tuˬ te piˇ maˇ gʼa taˬ. Yawˇ yuˬ taˍ ve shaˉ ho‸ oˇ ve lehˬ, gʼuiˬsha maˇ heˆ ve hta‸ yawˇ maˇ shiˍ sheˍ.
21
Gʼuiˬsha kʼoˆ ve, Iˉsaˍreˍlaˆ chaw teˇ hpaˍ-oˬ, nawˬ hui lehˬ ngaˬ ve awˬ ceˬ hpeh‸ ve hta‸ dawˇ nawˇ-oˆ. Ngaˬ ve awˬ ceˬ hpeh‸ la piˇ tuˬ, ngaˬ nawˬ hui hta‸ te hpanˍ taˍ ve yoˬ. Ngaˬ nawˬ hui hta‸ teˇ pawˆ ka‸ leunˇ baˬ taˉ laˇ tuˬ ve maˇ heˆ.
22
Moˬ hta‸ gʼa‸ baˬ ve hkʼe, ngaˬ lehˬ nawˬ hui ve venˇbaˆ teˇ hpaˍ hta‸ gʼa‸ baˬ piˇ taˍ peuˬ. Ngaˬ geh kʼaw‸ la-o. Ngaˬ lehˬ nawˬ hui hta‸ ponˬ laˇ shehˍ hpaˇ hpeh‸ ve yoˬ, teh‸ kʼoˆ ve yoˬ.
23
Mvuhˇ naw ma-o, ha lehˬ leh kuˬ chehˇ-oˆ. Hkʼaw leh suhˆ cehˬ teˇ hpaˍ-oˬ, ha lehˬ leh kuˬ chehˇ-oˆ. Awˬ lawn kʼo, Gʼuiˬsha lehˬ yawˇ ve Iˉsaˍreˍlaˆ chaw teˇ hpaˍ hta‸ htaiˍ hkʼaw‸ piˇ leh, yawˇ hkʼaˬ ma uiˍ jaˇ mvuh jaˇ ve hta‸ hpeu‸ maˍ laˇ taˍ peuˬ.
24
Nawˬ hui hta‸ te hpanˍ leh htai hkʼaw‸ laˇ shehˍ hpaˇ Gʼuiˬsha chi hkʼe kʼoˆ ve yoˬ. Ngaˬ lehˬ awˬ ceuˬ hkʼa peu-eˬ ve hta‸ te hpanˍ shehˍ hpaˇ Gʼuiˬsha hpeh‸ve yoˬ. Mvuhˇ naw ma hta‸ ngaˬ te hpanˍ taˍ ve yoˬ. Miˬguiˬ chi hta‸ ngaˬ te hpanˍ chehˇ ve teˇ yanˇ, ngaˬ hta‸ ga laˇ paˍ teˇ gʼaˇ ka‸ maˇ cawˬ.
25
Laˬ tuˬ ve awˬ yanˇ awˬ hkʼaw lo hkʼaˬ hkʼe hpeh‸ la tuˬ ve awˬ lawn ca kʼoˆ maˍ toˇ ve chaw hui hta‸ ngaˬ hkʼa mvuhˇ hkʼa na te piˇ leh, cuˇ yiˍ cawˬ ve chaw hui ve tawˇ hkawˇ hta‸ cuˇ yiˍ maˇ cawˬ ve tawˇ kʼaw‸ hpeh‸ la piˇ ve yoˬ.
26
Ya‸ hkʼaˇ, ngaˬ ve awˬ ceˬ paˍ lehˬ laˬ tuˬ ve awˬ yanˇ awˬ hkʼaw lo hkʼaˬ hkʼe hpeh‸ la tuˬ ve awˬ lawn hta‸ kʼoˆ maˍ leh, ngaˬ ve a loˍ hta‸ hpeu‸ maˍ ve teˇ yanˇ, ngaˬ lehˬ tawˇ oˇ ve teˇ hpaˍ hta‸ biˇ la piˇ tuˬ yoˬ. Yeˍruˆsaˍlehnˍ venˇ hkʼaw chaw maˇ maˇ kʼaw‸ ca chehˇ la tuˬ yoˬ. Yuˇda‸ venˇ teˇ hpaˍ hta‸ htawˇ shu kʼaw‸ gu te tuˬ yoˬ teh‸ ngaˬ kʼoˆ ve teˇ yanˇ, venˇ oˇ ve teˇ hpaˍ teˇ pawˆ kʼaw‸ da‸ la tuˬ yoˬ.
27
Ngaˬ tawˇ teˇ peu-eˬ ceh yaw leh, laˇ tsuhˇ gʼuiˬ fiˍ kʼai ve yoˬ.
28
Jawˇmawˇ Kuˇruˆ hta‸ ngaˬ chi hkʼe kʼoˆ piˇ ve yoˬ. Nawˬ lehˬ ngaˬ awˬ tan gʼa uˉ peunˍ tuˬ yoˬ. Ngaˬ te tcuh gaˇ ve hkʼe, nawˬ gʼa te leh, Yeˍruˆsaˍlehnˍ venˇ hta‸ kʼaw‸ gu te leh, bon yehˬ hta‸ kʼaw‸ tanˬ kawˍ tuˬ, nawˬ tawˇ gʼa piˇ tuˬ yoˬ, teh‸ yawˇ hta‸ kʼoˆ piˇ ve yoˬ.
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 45 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66