bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Isaiah 40
Isaiah 40
Lahu Bible Edited © Thailand Bible Society and Bible Society of Myanmar, 2010, 2020.
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 41 →
1
Ngaˬ hui ve Gʼuiˬsha kʼoˆ ve, Ngaˬ ve chaw teˇ hpaˍ hta‸ dawˇ sha tuˬ te piˇ-oˆ.
2
Yeˍruˆsaˍlehnˍ venˇ yaˇ teˇ hpaˍ hta‸ awˬ gʼaˇ piˇ-oˆ. Yawˇ hui gʼa tu‸ gʼa hkanˍ maw jaˇ peuˬ ve awˬ lawn leh chi beu‸ yawˇ hui ve venˇbaˆ hta‸ hpehˇ piˇ peuˬ ve awˬ lawn, yawˇ hui hta‸ kʼoˆ maˍ piˇ-oˆ. Yawˇ hui te taˍ ve venˇbaˆ hta‸ keunˍ da‸ ve hkʼe, ngaˬ yawˇ hui hta‸ ciˍ yanˍ piˇ taˍ peuˬ, teh‸ Gʼuiˬsha kʼoˆ ve yoˬ.
3
Awˬ hkawˇ teˇ hkawˇ bvuhˬ tawˆ la leh kʼoˆ ve, Gʼuiˬsha awˬ pon heh puiˉ hkʼaw lo ya‸ kʼaw teˇ caˆ gu taˍ-o‸. Shehˇ de hkʼaw lo, ngaˬ hui ve Gʼuiˬsha awˬ pon ya‸ kʼaw hta‸ hkʼa deh‸ gu taˍ-o‸.
4
Lawˬ hkʼo‸ teˇ maˬ le le hta‸ biˇ la piˇ leh, hkʼaw teˇ maˬ le le hta‸ hpiˬlehˍ cawˬ la piˇ-oˆ. Hkʼaw pui ehˉ teˇ hpaˍ htawˇ hpiˬ lehˍ hpeh‸ la leh, kʼai haˍ ve chehˇ kuiˬ teˇ hpaˍ htawˇ, tawˬ lehˍ hpeh‸ la tuˬ yoˬ.
5
Oˇ htaˇ, Gʼuiˬsha ve awˬ me‸ awˬ hponˇ tawˆ la leh, chaw yaˇ hkʼa peu-eˬ gʼa mawˬ tuˬ yoˬ. Chi hkʼe hpeh‸ la tuˬ Gʼuiˬsha ka ti‸ te taˍ peuˬ ve yoˬ, teh‸ kʼoˆ ve yoˬ.
6
Shu hta‸ kʼoˆ maˍ piˇ-oˆ, teh‸ awˬ hkawˇ teˇ hkawˇ kʼaw‸ bvuhˬ tawˆ la ve yoˬ. Aˬ hto‸ ma awˬ lawn gʼa kʼoˆ maˍ piˇ tuˬ le, teh‸ ngaˬ kʼaw‸ na nyi ve yoˬ. Chaw yaˇ teˇ hpaˍ lehˬ mvuh‸ hkʼa shuˍ hpeh‸ ve awˬ lawn shu hta‸ kʼoˆ maˍ piˇ-oˆ. Yawˇ hui lehˬ suhˉ veˆ a‸ kehˉ gʼa chehˇ maw ve maˇ heˆ.
7
Gʼuiˬsha lehˬ mvuhˇ haw hta‸ meuˆ laˬ piˇ ve teˇ yanˇ, mvuh‸ leh suhˉ veˆ teˇ hpaˍ nawˍ kʼai goˇ kʼai ve yoˬ. Chaw yaˇ teˇ hpaˍ lehˬ, mvuh‸ a‸ kehˉ awˬ gʼaˇ cawˬ ve maˇ heˆ.
8
Yoˬ, mvuh‸ leh suhˉ veˆ teˇ hpaˍ nawˍ kʼai goˇ kʼai puiˉ ve yoˬ. Ya‸ hkʼaˇ, ngaˬ hui ve Gʼuiˬsha ve tawˇ hkawˇ lehˬ teˇ pawˆ ka‸ maˇ mehˉ kʼai taˬ, teh‸ kʼoˆ ve yoˬ.
9
Yeˍruˆsaˍlehnˍ-oˬ, hkʼaw hkʼoˆ lo taˆ-e leh, ha lehˬ ve tawˇ hkawˇ shu hta‸ kʼaoˍ maˍ piˇ-oˆ. Ziˉonˍ venˇ-oˬ, awˬ hkawˇ bvuhˬ chaweh kuˬ leh, ha lehˬ ve tawˇ hkawˇ shu hta‸ kʼaoˍ maˍ piˇ-oˆ. Tawˇ yaw-o. Taˇ kawˆ chehˇ. Yawˇ hui ve Gʼuiˬsha laˬ chehˇ ve awˬ lawn, Yuˇda‸ venˇ teˇ hpaˍ hta‸ kʼoˆ maˍ piˇ-oˆ.
10
Gʼuiˬsha lehˬ kanˇ paˆ hta‸ yehˇ leh uˉ peunˍ tuˬ laˬ chehˇ ve yoˬ. Yawˇ htaiˍ hkʼaw‸ piˇ taˍ ve chaw hui hta‸ htawˇ, yawˇ shiˍ laˬ chehˇ ve yoˬ.
11
Yawˇ lehˬ yawˬ hawˉ paˍ hkʼa shuˍ, yawˇ ve yawˬ ehˉ teˇ hpaˍ hta‸ ha‸ shaˉ piˇ leh, yawˇ ve yawˬ teˇ hpaˍ hta‸ teˇ geh gʼa‸ hpoˆ piˇ tuˬ yoˬ. Yawˇ ve la‸ sheh hkʼaw lo yawˇ hui hta‸ chiˇ taˆ piˇ leh, awˬ ma peuˍ teˇ hpaˍ hta‸ a yehˉ yehˉ gʼa‸ kʼai piˇ tuˬyoˬ.
12
A shu teˇ gʼaˇ laˇ tsuhˇ gʼuiˬ hta‸ kawˬ nyi gʼa leh, mvuhˇ naw ma hta‸ htu nyi gʼa ve le. A shu teˇ gʼaˇ miˬguiˬ chi hta‸ iˉ kaˆ kawˆ teˇ maˬ hkʼaw keu taˍ gʼa leh, hkʼaw teˇ hpaˍ hta‸ tsuh nyi gʼa ve le.
13
A shu teˇ gʼaˇ Gʼuiˬsha hta‸ maˍ piˇ leh, dawˇ hkʼaˇ piˇ gʼa ve le.
14
Kanˉ teˇ hpaˍ hta‸ hkʼa deh‸ te kʼai gʼa tuˬ, Gʼuiˬsha a shu geh ca jehˬ da‸ la jaw le.
15
Chaw yaˇ teˇ hpaˍ lehˬ Gʼuiˬsha mehˆ gʼuˇ suhˍ lo hkʼe leˇ hpeh‸ ve yoˬ. Yawˇ hui lehˬ iˉ kaˆ teˇ jaˆ hkʼe ceh hpeh‸ leh, vuiˇ kuiˬ lo cawˬ ve conˇ teˇ hpaˍ htawˇ, je‸ meu-e hkʼe ceh hpeh‸ ve yoˬ.
16
Leˍbaˍnonˍ hkʼaw hkʼoˆ lo chehˇ taˍ ve to nuˇ to shaˆ teˇ hpaˍ lehˬ, Gʼuiˬsha hta‸ teˇ pawˆ tuˉ tanˇ tuˬ awˬ pon ceh ka‸ maˇ law‸ sheˍ. Oˇ kaˬ lo cawˬ ve suhˆ teˇ hpaˍ htawˇ, aˬ miˍ tuˉ tuˬ awˬ pon ka‸ maˇ law‸ sheˍ.
17
Chaw yaˇ teˇ hpaˍ lehˬ yawˇmehˆ gʼuˇ suhˍ lo hkʼe leˇ hpeh‸ ve yoˬ.
18
Gʼuiˬsha hta‸ aˬ hto‸ ma yuˬ tehˆ hpeh‸ tuˬ ve le. Yawˇ aˬ hto‸ ma hta‸ shuˍ ve nawˬ kʼoˆgʼa aw laˇ.
19
Yawˇ lehˬ chaw yaˇ hpu shi yuˬ te taˍ ve shaˉ ho‸ hkʼa shuˍ hpeh‸ve maˇ heˆ.
20
Hpu shi yuˬ leh shaˉ ho‸ te maˇ gʼa ve chaw lehˬ, maˇ luˬ puiˉ ve suhˆ hta‸ yuˬ leh te ve yoˬ. Yawˇ lehˬ cheuˬ jaˇ ve la‸shaˉmaˉ hta‸ ca leh, paiˍ maˇ gʼa ve shaˉ ho‸ hta‸ te tcuh ve yoˬ.
21
Nawˬ hui maˇ shiˍ laˇ. Nawˬ hui maˇ gʼa kaˇ jaw laˇ. Miˬguiˬ chi hkʼaˬ hkʼe tanˬ hpeh‸ la ve nawˬ hui maˇ gʼa kaˇ jaw sheˍ laˇ.
22
Miˬguiˬ chi ve hta‸ mvuhˇ naw ma kʼaw jaw hkʼoˆ mui chehˇ ve teˇ gʼaˇ te taˍ ve yoˬ. Miˬguiˬ hkʼoˆ chehˇ taˍ ve chaw yaˇ teˇ hpaˍ lehˬ, piˉ gʼawˆ ehˉ hkʼa shuˍ hpeh‸ ve yoˬ. Chaw yaˇ chehˇ hpeh‸ tuˬ, aˉ po kʼo hta‸ mvuhˇ yeˬ hpa hpe beh ve hkʼe, yawˇ lehˬ mvuhˇ naw ma hta‸ hpe taˍ ve yoˬ.
23
Yawˇ lehˬ kanˇ paˆ uiˍ ve uˉ peunˍ shehˍ hpaˇ teˇ hpaˍ hta‸ yuˬ ce piˇ leh, yawˇ hui hta‸ hkʼe leˇ hpeh‸ la piˇ ve yoˬ.
24
Yawˇ hui lehˬ awˬ geu hkʼa deh‸ maˇ naw‸ sheˍ ve awˬ cehˬ ehˉ hkʼa shuˍ hpeh‸ ve yoˬ. Gʼuiˬsha lehˬ mvuhˇ haw hta‸ meuˆ laˬ piˇ ve teˇ yanˇ, yawˇ hui goˇ kʼai leh chi gʼawˇ hkʼa shuˍ mvuhˇ haw meuˆ chiˇ veu ve yoˬ.
25
Da‸ kehˬ jaˇ ve Gʼuiˬsha hta‸ aˬ hto‸ ma awˬ ceuˬ yuˬ tehˆ hpeh‸ tuˬ ve le. Yawˇ hta‸ shuˍ da‸ ve chaw teˇ gʼaˇ gʼaˇ cawˬ-aw laˇ.
26
Mvuhˇ naw ma hta‸ chiˇ nyi sheˍ. Nawˬ hui mawˬ chehˇ ve meu‸ keu shiˍ oˇ ve teˇ hpaˍ hta‸ a shu te hpanˍ taˍ ve le. Meu‸ keu shiˍ oˇ ve teˇ hpaˍ hta‸ awˬ moˍ awˬ cuˇ lonˉ te tawˆ la piˇ shehˍ hpaˇ lehˬ, yawˇ hui ve awˬ meh teˇ hpaˍ hta‸ htawˇ shiˍ taˍ ve yoˬ. Yawˇ ve kanˇ paˆ uiˍ jaˇ ve pa taw, meu‸ keu shiˍ oˇ ve teˇ hpaˍ teˇ shiˍ ka‸ maˇ mehˉ kʼai.
27
Chi hta‸ pa taw, Iˉsaˍreˍlaˆ chaw teˇ hpaˍ-oˬ, Aˬ hto‸ ma te nawˬ hui ve dawˇ haˍ tuˬ teˇ hpaˍ hta‸ Gʼuiˬsha maˇ shiˍ taˬ, teh‸ kʼoˆ leh hkʼanˇ chehˇ ve le.
28
Nawˬ hui maˇ shiˍ laˇ. Nawˬ hui maˇ gʼa kaˇ jaw sheˍ laˇ. Gʼuiˬsha lehˬ co co taiˍ taiˍ Gʼuiˬsha hpeh‸ leh, miˬguiˬ chi hkʼa peu-eˬ hta‸ yawˇ te hpanˍ taˍ ve yoˬ. Yawˇ teˇ pawˆ ka‸ gʼaˇ maˇ nuˇ leh maˇ heuˬ. Chaw yaˇ teˇgʼaˇ ka‸ yawˇ ve dawˇ hkʼaˇ hta‸ shiˍ maˇ hpeh‸ taˬ.
29
Gʼaˇ nuˇ leh heuˬ ve chaw teˇ hpaˍ hta‸ yawˇ awˬ gʼaˇ kʼaw‸ cawˬ la piˇ ve yoˬ.
30
Yaˇ ehˉ teˇ hpaˍ awˬ gʼaˇ nuˇ kʼai puiˉ leh, yaˇ nehˬ teˇ hpaˍ htawˇ paiˍ puiˉ ve yoˬ.
31
Ya‸ hkʼaˇ, Gʼuiˬsha hta‸ gʼaˇ va chehˇ ve chaw teˇ hpaˍ lehˬ, awˬ gʼaˇ awˬ shaˉ awˬ suhˉ kʼaw‸ gʼa tuˬ yoˬ. Yawˇ hui lehˬ, aˉ ceˬ lonˉ hkʼa shuˍ toˍ la‸ kʼuˉ naw‸ leh tu la tuˬ yoˬ. Yawˇ hui gʼuiˇ chehˇ ve htawˇ heuˬ tuˬ ve maˇ heˆ. Yawˇ hui ya‸ kʼaw juˇ chehˇ ve htawˇ gʼaˇ nuˇ kʼai tuˬ ve maˇ heˆ.
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 41 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66