bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Isaiah 43
Isaiah 43
Lahu Bible Edited © Thailand Bible Society and Bible Society of Myanmar, 2010, 2020.
← Chapter 42
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 44 →
1
Iˉsaˍreˍlaˆ chaw teˇ hpaˍ-oˬ, nawˬ hui hta‸ te hpanˍ shehˍ hpaˇ Gʼuiˬsha chi hkʼe kʼoˆ ve yoˬ. Taˇ kawˆ. Ngaˬ nawˬ hui hta‸ ha‸ shaˉ laˇ tuˬ yoˬ. Ngaˬ nawˬ hui hta‸ awˬ meh meh piˇ taˍ leh, nawˬ hui lehˬ ngaˬ ve yaˇ hpeh‸ ve yoˬ.
2
Nawˬ hui lehˬ naˉ jaˇ ve iˉ kaˆ hta‸ gʼa hpanˍ kʼai ve htawˇ, ngaˬ nawˬ hui geh chehˇ taˍ tuˬ yoˬ. Kawˆ tuˬ dawˇ haˍ tuˬ awˬ ceuˬ teˇ hpaˍ nawˬ hui hta‸ te luˬ laˇ gʼa tuˬ ve maˇ heˆ. Nawˬ hui aˬ miˍ hkʼaw gʼa hpanˍ kʼai ve htawˇ, nawˬ hui hta‸ to‸ baˬ laˇ gʼa tuˬ ve maˇ heˆ. Hehnˇ jaˇ ve beˬ tuˬ lawˇ tuˬ teˇ hpaˍ nawˬ hui hta‸ te luˬ laˇ gʼa tuˬ ve maˇ heˆ.
3
Awˬ lawn kʼo, ngaˬ lehˬ nawˬ hui ve Gʼuiˬsha hpeh‸ leh, nawˬ hui hta‸ ponˬ laˇ taˍ ve yoˬ. Nawˬ hui hta‸ ngaˬ ponˬ laˇ tuˬ, Eˇjiˇtu‸, Ehˇtaˍyawˇpiˆ leh Saˍbaˆ mvuhˇmiˬ hta‸ ngaˬ hkʼe leˇ tanˇ piˇ ve yoˬ.
4
Nawˬ hui lehˬ ngaˬ mehˆ gʼuˇ suhˍ lo awˬ hpfuhˇ hkʼaˆ jaˇ leh, ngaˬ awˬ me‸ awˬ hponˇ piˇ taˍ ve chaw hpeh‸ ve pa taw, nawˬ hui ve a sha‸ hta‸ htaiˍ hkʼaw‸ laˇ tuˬ, miˬguiˬ chaw ceuˬ hkʼa peu-eˬ ve hta‸ ngaˬ hkʼe leˇ tanˇ piˇ tuˬ yoˬ.
5
Taˇ kawˆ. Ngaˬ nawˬ hui geh chehˇ taˍ ve yoˬ. Mvuhˇ nyi tawˆ hpawˇ leh mvuhˇ nyi kʼehˬ hpawˇ lo chehˇ taˍ ve nawˬ hui ve chaw teˇ hpaˍ hta‸, ngaˬ aˉ hkʼaw lo kʼaw‸ shiˍ hkʼaw‸ veu laˇ piˇ tuˬ yoˬ.
6
Ngaˬ ve chaw teˇ hpaˍ hta‸ hpehˇ piˇ tuˬ, awˬ na hpawˇ lo cawˬ ve mvuhˇmiˬ hta‸ ngaˬ kʼoˆ piˇ leh, ngaˬ ve chaw hta‸ maˇ kʼaw‸ gʼawˬ tiˍ taˍ tuˬ, awˬ hawˉ hpawˇ lo cawˬ ve mvuhˇmiˬ hta‸ ngaˬ kʼoˆ piˇ tuˬ yoˬ. Miˬguiˬ hkʼaˬ ti chi ti lo chehˇ taˍ ve ngaˬ ve chaw teˇ hpaˍ hta‸ kʼaw‸ kʼaw‸ la tcuh piˇ-oˆ.
7
Awˬ lawn kʼo, yawˇ hui lehˬ ngaˬ ve chaw hpeh‸ leh, ngaˬ ve awˬ me‸ awˬ hponˇ hta‸ te tawˆ la piˇ tuˬ yawˇ hui hta‸ te hpanˍ taˍ ve yoˬ, teh‸ Gʼuiˬsha kʼoˆ ve yoˬ.
8
Gʼuiˬsha kʼoˆ ve, Ngaˬ ve chaw teˇ hpaˍ hta‸ shaˉ nanˉ lo kuˬ hpawnˬ-o‸. Yawˇ hui lehˬmehˆ shiˍ cawˬ ve htawˇ maˇ mawˬ puiˉ. Naˍ paw cawˬ ve htawˇ maˇ kaˇpuiˉ.
9
Awˬ nu ve chaw ceuˬ teˇ hpaˍ hta‸ htawˇ, suhˉ jehˬ kuiˬ lo kuˬ hpawnˬ-o‸. Laˬ tuˬ ve awˬ yanˇ awˬ hkʼaw lo hkʼaˬ hkʼe hpeh‸ la tuˬ ve awˬ lawn leh, chi beuˬ hkʼaˬ hkʼe hpeh‸ chehˇ ve awˬ lawn hta‸ kʼoˆ maˍ laˇ gʼa ve gʼuiˬsha teˇ gʼaˇ gʼaˇ cawˬ laˇ. Yawˇ hui kʼoˆ taˍ ve tawˇ lehˬ, cawˇ ve awˬ lawn yawˇ hui hta‸ shaˉ hkiˆ hkanˍ tcuh-o.
10
Iˉsaˍreˍlaˆ chaw teˇ hpaˍ-oˬ, nawˬ hui lehˬ ngaˬ ve shaˉ hkiˆ hpeh‸ ve yoˬ. Ngaˬ lehˬ da‸ kehˬ jaˇ ve Gʼuiˬsha hpeh‸ ve hta‸ shiˍ leh yonˍ tuˬ, ngaˬ nawˬ hui hta‸ leuˆ yuˬ taˍ ve yoˬ. Ngaˬ awˬ hkʼoˆ awˬ kaˍ awˬ nu gʼuiˬsha teˇ gʼaˇ ka‸ maˇ cawˬ. Ponˬ laˬ htaˇ ka‸ maˇ cawˬ jaw. Laˬ tuˬ ve awˬ yanˇ awˬ hkʼaw lo ka‸ cawˬ tuˬ ve maˇ heˆ.
11
Ngaˬ teˇ gʼaˇ ceh tiˉ Gʼuiˬsha hpeh‸ leh, nawˬ hui hta‸ ponˬ laˇ shehˍ hpaˇ hpeh‸ ve yoˬ.
12
Laˬ tuˬ ve awˬ yanˇ awˬ hkʼaw lo hkʼaˬ hkʼe hpeh‸ la tuˬ awˬ lawn, ngaˬ nawˬ hui hta‸ kʼoˆ piˇ taˍ leh, ngaˬ nawˬ hui hta‸ ca ga la ve yoˬ. Awˬ kaˍ awˬ nu ve gʼuiˬsha teˇ gʼaˇ ka‸ chi hkʼe te maˇ puiˉ. Nawˬ hui lehˬ ngaˬ ve shaˉ hkiˆ hpeh‸ ve yoˬ.
13
Ngaˬ lehˬ Gʼuiˬsha hpeh‸ leh, hkʼaˬ htaˆ ka‸ chi hkʼe ceh tiˉ hpeh‸ chehˇ taˍ tuˬ yoˬ. Chaw teˇ gʼaˇ ka‸ ngaˬ ve kanˇ paˆ awˬ hawˉ lo hpaw-e gaˬ tuˬ ve maˇ heˆ. Ngaˬ te taˍ peuˬ ve kanˉ hta‸ chaw teˇ gʼaˇ ka‸ kʼaw‸ pa gʼa tuˬ ve maˇ heˆ, teh‸ Gʼuiˬsha kʼoˆ ve yoˬ
14
Nawˬ hui hta‸ htaiˍ hkʼaw‸ laˇ shehˍ hpaˇ Iˉsaˍreˍlaˆ ve da‸ kehˬ jaˇ ve Gʼuiˬsha chi hkʼe kʼoˆ ve yoˬ. Nawˬ hui hta‸ htaiˍ hkʼaw‸ laˇ tuˬ ngaˬ lehˬ Baˍbuˍlonˍ mvuhˇmiˬ lo ma‸ moˍ lonˉ teˇ moˍ hta‸ kʼai tcuh ve yoˬ. Ngaˬ lehˬ venˇ taˍ meu‸ hpe‸ teˇ hpaˍ hta‸ dawˆ paˆ leh, venˇ yaˇ oˇ ve teˇ hpaˍ kuˬ heuˉ chehˇ ve awˬ hkawˇ hta‸ kuˬ hawˬ paˆ hawˬ ve awˬ hkawˇ kʼaw‸ hpeh‸ la piˇ tuˬ yoˬ.
15
Ngaˬ lehˬ da‸ kehˬ jaˇ ve nawˬ hui ve Gʼuiˬsha hpeh‸ ve yoˬ. Iˉsaˍreˍlaˆ chaw teˇ hpaˍ-oˬ, nawˬ hui hta‸ ngaˬ te hpanˍ taˍ leh, ngaˬ lehˬ nawˬ hui ve Jawˇmawˇ hpeh‸ ve yoˬ, teh‸ kʼoˆ ve yoˬ.
16
Aˬ sho-eˬ htaˇ Gʼuiˬsha lehˬ, laˇ tsuhˇ gʼuiˬ hkʼaw lo ya‸ kʼaw teˇ caˆ te pawnˍ leh, gʼuiˬ dawˆ hehnˇ jaˇ ve iˉ kaˆ lawˬ awˬ hkʼaw lo htawˇ ya‸ kʼaw teˇ caˆ te pawnˍ taˍ ve yoˬ.
17
Yawˇ lehˬ iˉ mvuhˇ lawˬ maˇ maˇ cawˬ ve ma‸ moˍ lonˉ hta‸ te luˬ te sheˆ piˇ peuˬ. Ngaˇ chu taˬ hta‸ meuˆ shiˉ ve hkʼe, yawˇ hui hta‸ paiˍ piˇ lawˬ leh, teˇ pawˆ ka‸ kʼaw‸ tu la maˇ gaˬ ve yoˬ.
18
Ya‸ hkʼaˇ, Gʼuiˬsha kʼaw‸ kʼoˆ ve, Aˬ sho-eˬ htaˇ hpeh‸ taˉ peuˬ ve awˬ lawn teˇ hpaˍ hta‸ ceh tiˉ taˇ kʼaw‸ dawˇ nyi chehˇ-oˆ.
19
Ngaˬ kʼaw‸ caˉ te tuˬ ve kanˉ awˬ suhˉ teˇ hpaˍ hta‸ kʼaw‸ law nyi taˍ-o‸. Chi beu‸ ka‸ awˬ ceuˬ oˇ ve teˇ hpaˍ hpeh‸ la chehˇ taˍ peuˬ leh, nawˬ hui gʼa mawˬ chehˇ taˍ peuˬ ve yoˬ. Ngaˬ lehˬ heh puiˉ hkʼaw lo ya‸ kʼaw teˇ caˆ kʼaw‸ te pawnˍ leh, oˇ kaˬ lo iˉ kaˆ gʼuiˬ tuˇ teˇ hpaˍ hta‸ nawˬ hui awˬ pon ngaˬ tawˆ la piˇ tuˬ yoˬ.
20
Haiˬ jaˇ ve to nuˇ to shaˆ teˇ hpaˍ ngaˬ hta‸ taˍ uiˍ taˍ mvuh tuˬ yoˬ. Ngaˬ leuˆ yuˬ taˍ ve chaw teˇ hpaˍ awˬ pon, heh puiˉ hkʼaw lo iˉ kaˆ gʼuiˬ tuˇ teˇ hpaˍ hta‸ ngaˬ tawˆ la piˇ ve teˇ yanˇ, heh hpuiˇ teˇ hpaˍ leh kaˍlaˍoˆ ngaˆ teˇ hpaˍ ngaˬ hta‸ chiˇ mvuh tuˬ yoˬ.
21
Yawˇ hui lehˬ ngaˬ te hpanˍ taˍ ve ngaˬ ve chaw teˇ hpaˍ hpeh‸ leh, yawˇ hui ngaˬ hta‸ kʼa muiˬ chiˇ mvuh tuˬ yoˬ, teh‸ Gʼuiˬsha kʼoˆ ve yoˬ.
22
Gʼuiˬsha kʼoˆ ve, Iˉsaˍreˍlaˆ chaw teˇ hpaˍ-oˬ, nawˬ hui ngaˬ hta‸ nyi bawˬ leh, ngaˬ hta‸ chiˇ baˬ taˉ peuˬ ve yoˬ.
23
Nawˬ hui lehˬ tuˉ tanˇ tuˬ ve yawˬ hta‸ ngaˬ geh maˇ yuˬ laˬ. Nawˬ hui lehˬ awˬ nu ve gʼuiˬsha teˇ hpaˍ hta‸ taˍ uiˍ leh tuˉ tanˇ piˇ chehˇ ve yoˬ. Haˍ haˍ gʼawˇ gʼawˇ ve awˬ hkʼaw lo, ngaˬ hta‸ tuˉ tanˇ laˇ tuˬ ngaˬ nawˬ hui hta‸ maˇ nyiˉ te tcuh.
24
Nawˬ hui lehˬ ngaˬ awˬ pon sha hawnˉ maˇ vuiˬ. Nawˬ hui ve to nuˇ to shaˆ teˇ hpaˍ ve awˬ chu hta‸ yuˬ leh, ngaˬ nyi hkʼaˇ suh tuˬ maˇ te laˇ. Nawˬ hui ve venˇbaˆ teˇ hpaˍ lehˬ, ngaˬ hta‸ sho‸ sha‸ tuˬ te laˇ chehˇ ve yoˬ.
25
Ya‸ hkʼaˇ, ngaˬ lehˬ nawˬ hui ve venˇbaˆ teˇ hpaˍ hta‸ shiˆ mehˉ laˇ leh, nawˬ hui hta‸ venˇbaˆ kʼaw‸ taˍ laˇ tuˬ ve maˇ heˆ.
26
Hkeu‸, ngaˬ hui teˇ geh shaˉ nanˉ lo kʼai-a veuˬ. Oˇ kaˬ lo nawˬ hui kʼoˆ tuˬ cawˬ ve teˇ hpaˍ hta‸ kʼoˆ loˬ. Nawˬ hui te‸ chiˉ venˇbaˆ maˇ cawˬ ve awˬ lawn kʼoˆ loˬ.
27
Nawˬ hui ve awˬ puˍ lonˉ venˇbaˆ te peuˬ. Nawˬ hui ve awˬ hoˉ awˬ naˬ teˇ hpaˍ htawˇ, ngaˬ hta‸ te ya‸ jaˇ peuˬ.
28
Nawˬ hui ve uˉ peunˍ shehˍ hpaˇ teˇ hpaˍ htawˇ ngaˬ ve bon yehˬ hta‸ cha‸ chiˆ tuˬ te peuˬ. Chi hta‸ pa taw, ngaˬ lehˬ Iˉsaˍreˍlaˆ chaw hui awˬ hkʼoˆ lo luˬ ve sheˆ ve awˬ ceuˬ gaˬ la piˇ leh, shu maˇ shawˍ maˇ caˆ kʼoˆ ve hta‸ hkanˍ piˇ lawˬ ve yoˬ, teh‸ Gʼuiˬsha kʼoˆ ve yoˬ.
← Chapter 42
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 44 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66