bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Isaiah 65
Isaiah 65
Lahu Bible Edited © Thailand Bible Society and Bible Society of Myanmar, 2010, 2020.
← Chapter 64
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 66 →
1
Gʼuiˬsha kʼoˆ ve, Ngaˬ ve chaw teˇ hpaˍ ve bon lawˬ hkawˇ hta‸ kʼaw‸ yaw hkʼaw‸ piˇ tuˬ, ngaˬ gu taˍ peuˬ ve yoˬ. Ya‸ hkʼaˇ, yawˇ hui bon maˇ lawˬ. Yawˇ hui ngaˬ hta‸ ca mawˬ tuˬ ngaˬ gu taˍ peuˬ ve yoˬ. Ya‸ hkʼaˇ yawˇ hui ngaˬ hta‸ maˇ ca. Ngaˬ chehˇ taˍ ve yoˬ. Ngaˬ nawˬ hui hta‸ ga laˇ tuˬ yoˬ, teh‸ kʼoˆ piˇ taˍ ve htawˇ yawˇ hui ngaˬ geh bon maˇ lawˬ.
2
Nyi ma heh leh a shu yawˇ ve a loˍ awˬ hkʼaˇ suh ceh tiˉ te kʼai chehˇ ve chaw chi teˇ hpaˍ hta‸ ha‸ yuˬ tuˬ, ngaˬ hkʼaˬ htaˆ ka‸ gu taˍ hehnˇ taˍ ve yoˬ.
3
Yawˇ hui lehˬ ya‸ taw hkawˇ maˇ nawˇ leh, ngaˬ hta‸ nyi ma zuhˆ tuˬ tiˉ te laˇ chehˇ ve yoˬ. Yawˇ hui lehˬ hko hkʼaw lo cawˬ ve shaˉ ho‸ teˇ hpaˍ hta‸ tuˉ tanˇ piˇ chehˇ leh, buiˇshaˆaˉnaˆ chaw hui ve tuˉ tanˇ kuiˬ hkʼoˆ lo sha hawnˉ tuˉ tanˇ chehˇ ve yoˬ.
4
Mvuhˇ hpeu‸ htaˇ yawˇ hui tuˍ hpfuh lo kʼai leh, suh peuˬ ve chaw hui hta‸ tawˇ ca yaw piˇ chehˇ ve yoˬ. Chaw chi teˇ hpaˍ lehˬ va‸ shaˍ caˇ leh, shaˉ ho‸ hta‸ tanˇ taˍ ve shaˍ gʼuiˬ dawˬ chehˇ ve yoˬ.
5
Oˇ hkʼe te peuˬ hkʼaw‸ nawˉ, yawˇ hui lehˬ a shu yawˇ awˬ to hta‸ da‸ kehˬ peuˬ teh‸ shawˍ leh, shu yawˇ hui hta‸ maˇ gʼa ca htawˇ la tuˬ, awˬ nu ve chaw teˇ hpaˍ hta‸ yawˇ hui geh gʼa‸ kʼoˬ chehˇ ve yoˬ. Chi hkʼe ve chaw teˇ hpaˍ hta‸ ngaˬ nyi maˇ hpeh‸. Ngaˬ yawˇ hui hta‸ nyi ma zuhˆ ve teˇ ceuˬ lehˬ, hkʼaˬ htaˆ ka‸ maˇ suh puiˉ ve aˬ miˍ hkʼa shuˍ hpeh‸ ve yoˬ.
6
Yawˇ hui hta‸ ciˍ yanˍ piˇ tuˬ ngaˬ dawˇ cheˆ taˍ peuˬ leh, yawˇ hui hta‸ hkʼaˬ hkʼe te ciˍ yanˍ piˇ tuˬ ngaˬ bvuh‸ keu taˍ peuˬ. Yawˇ hui te chehˇ ve kanˉ hta‸ ngaˬ maˇ mawˬ ve hkʼe te chehˇ taˍ tuˬ ve maˇ heˆ.
7
Ya‸ hkʼaˇ, ngaˬ lehˬ yawˇ hui leh yawˇ hui ve awˬ puˍ awˬ pi teˇ hpaˍ hta‸ te taˍ ve venˇbaˆ hta‸ keunˍ da‸ ve hkʼe kʼaw‸ te hkʼaw‸ piˇ tuˬ yoˬ. Yawˇ hui lehˬ buiˇshaˆaˉnaˆ chaw hui ve shaˉ ho‸ hta‸ sha hawnˉ tuˉ tanˇ leh, ngaˬ hta‸ hkʼa mvuhˇ hkʼa na kʼoˆ chehˇ ve yoˬ. Chi hta‸ pa taw, yawˇ hui hta‸ keunˍ da‸ ve hkʼe ngaˬ ciˍ yanˍ piˇ tuˬ yoˬ, teh‸ Gʼuiˬsha kʼoˆ ve yoˬ.
8
Gʼuiˬsha kʼoˆ ve, Da‸ ve a pehˉ meuˇ shiˍ hta‸ chaw teˇ gʼaˇ ka‸ maˇ te luˬ piˇ taˬ. Yawˇ hui lehˬ a pehˉ meuˇ shiˍ oˇ ve hta‸ yuˬ leh, a pehˉ meuˇ gʼuiˬ kʼaw‸ te ve yoˬ. Chi hkʼa shuˍ, ngaˬ lehˬ ngaˬ ve chaw hkʼa peu-eˬ ve hta‸ te luˬ piˇ tuˬ ve maˇ heˆ. Ngaˬ ve kanˉ hta‸ te ve chaw hui hta‸ ngaˬ ponˬ piˇ tuˬ yoˬ.
9
Yuˇda‸ awˬ ceuˬ awˬ hkʼaˇ awˬ hkʼaw lo ve Iˉsaˍreˍlaˆ chaw hui hta‸ ngaˬ awˬ bon na‸ piˇ tuˬ yoˬ. Yawˇ hui ve awˬ ceuˬ awˬ hkʼaˇ teˇ hpaˍ lehˬ, hkʼaw hkʼa biˇ cawˬ ve ngaˬ ve mvuhˇmiˬ hta‸ gʼa tuˬ yoˬ. Ngaˬ leuˆ yuˬ taˍ leh ngaˬ ve kanˉ hta‸ te chehˇ ve chaw teˇ hpaˍ lehˬ, oˇ kaˬ lo gʼa chehˇ tuˬ yoˬ.
10
Yawˇ hui ngaˬ hta‸ oˉ kʼoˍ pui tuˬ yoˬ. Yawˇ hui lehˬ a shu yawˇ ve ceˇ teˇ hpaˍ hta‸ mvuhˇ nyi kʼehˬ hpawˇ lo cawˬ ve Shaˍronˍ miˬ tawˬ kuiˬ leh, mvuhˇ nyi tawˆ hpawˇ lo cawˬ ve Dawˇ haˍ ve lawˬ hkʼo‸ teh‸ kʼoˆ ve chehˇ kuiˬ lo shiˍ kʼai piˇ tuˬ yoˬ.
11
Ya‸ hkʼaˇ, ngaˬ hta‸ chiˇ baˬ ve chaw, ngaˬ ve da‸ kehˬ jaˇ ve Ziˉonˍ hkʼaw hta‸ maˇ shawˍ maˇ caˆ te ve chaw, leh Gaˆ leh Mehˉneˍ teh‸ kʼoˆ ve shaˉ ho‸ hta‸ oˉ kʼoˍ pui ve chaw teˇ hpaˍ lehˬ, awˬ bon oˇ ve hta‸ gʼa tuˬ ve maˇ heˆ.
12
Nawˬ hui lehˬ ngaˬ tawˇ yaw chehˇ ve hta‸ maˇ na leh, ngaˬ kuˬ ve teˇ yanˇ maˇ kʼaw‸ yaw hkʼaw‸ laˇ ve pa taw, hpuiˇ suh va‸ suh ve hkʼe gʼa te suh-e tuˬ yoˬ. Nawˬ hui ngaˬ ve tawˇ hta‸ maˇ na leh, haiˬ ve kanˉ hta‸ ceh tiˉ te chehˇ ve yoˬ.
13
Chi hta‸ pa taw, ngaˬ nawˬ hui hta‸ chi hkʼe kʼoˆ laˇ ve yoˬ. Ngaˬ hta‸ oˉ kʼoˍ pui leh, ngaˬ ve tawˇ hkawˇ hta‸ na yuˬ ve chaw teˇ hpaˍ lehˬ, caˇ tuˬ dawˬ tuˬ hkʼa biˇ cawˬ la tuˬ yoˬ. Ya‸ hkʼaˇ, nawˬ hui lehˬ gʼa meu‸ gʼa kaˆ jehˇ chehˇ tuˬ yoˬ. Yawˇ hui lehˬ gʼa ha lehˬ chehˇ tuˬ yoˬ. Ya‸ hkʼaˇ, nawˬ hui gʼa ya‸ taw tuˬ yoˬ.
14
Yawˇ hui ha lehˬ ha kʼa ve awˬ hkʼaw lo, kʼa muiˬ hkawˇ gʼa kʼa tuˬ yoˬ. Ya‸ hkʼaˇ, nawˬ hui nyi ma luˬ jaˇ leh gʼa hawˬ tuˬ yoˬ.
15
Ngaˬ leuˆ yuˬ taˍ ve chaw teˇ hpaˍ lehˬ, nawˬ hui ve awˬ meh hta‸ yehˇ leh shu hta‸ hkeu piˇ tuˬ yoˬ. Ngaˬ Gʼuiˬsha, nawˬ hui hta‸ tiˇ pehˍ laˇ tuˬ yoˬ. Ya‸ hkʼaˇ, ngaˬ ve tawˇ hta‸ na yuˬ ve chaw hui hta‸ ngaˬ awˬ meh awˬ suhˉ kʼaw‸ piˇ tuˬ yoˬ.
16
Mvuhˇmiˬ hkʼaw chehˇ taˍ ve chaw teˇ gʼaˇ gʼaˇ awˬ bon hta‸ heuˆ gaˇ ve kʼo, ka ti‸ yeˬ ve Gʼuiˬsha geh gʼa lawˬ tuˬ yoˬ. Hkanˍ gaˇ ve chaw htawˇ, ka ti‸ yeˬ ve Gʼuiˬsha ve awˬ meh hta‸ cuˇ leh gʼa hkanˍ tuˬ yoˬ. Ponˬ taˉ peuˬ ve awˬ yanˇ awˬ hkʼaw lo ve dawˇ haˍ tuˬ teˇ hpaˍ mehˉ kʼai tuˬ yoˬ, teh‸ Gʼuiˬsha kʼoˆ ve yoˬ.
17
Gʼuiˬsha kʼoˆ ve, Ngaˬ lehˬ miˬguiˬ awˬ suhˉ leh mvuhˇ naw ma awˬ suhˉ hta‸ kʼaw‸ te hpanˍ chehˇ ve yoˬ. Ponˬ laˬ peuˬ ve awˬ ceuˬ teˇ hpaˍ hta‸ kʼaw‸ dawˇ nawˇ tuˬ ve maˇ heˆ.
18
Ngaˬ te hpanˍ taˍ ve awˬ ceuˬ teˇ hpaˍ awˬ hkʼaw lo ha lehˬ chehˇ-oˆ. Ngaˬ te taˍ ve Yeˍruˆsaˍlehnˍ awˬ suhˉ awˬ hkʼaw lo ha lehˬ dawˇ sha tuˬ hkʼa biˇ cawˬ leh, venˇ yaˇ teˇ hpaˍ gʼa ha lehˬ tuˬ yoˬ.
19
Yeˍruˆsaˍlehnˍ venˇ leh venˇ oˇ ve awˬ hkʼaw lo chehˇ ve chaw teˇ hpaˍ hta‸ pa taw, ngaˬ ha lehˬ jaˇ tuˬ yoˬ.
20
Yaˇ ehˉ teˇ gʼaˇ ka‸ suh-e tuˬ ve maˇ heˆ. Chaw teˇ gʼaˇ le le mawˇ la htaˇ hkʼa gaˬ a sha‸ gʼa te‸ chehˇ tuˬ yoˬ. A sha‸ teˇ ha hkʼaw‸ gaˬ peuˬ ve chaw hta‸ ka‸, yaˇ nehˬ ceh tiˉ sheˍ ve yoˬ, teh‸ shu kʼoˆ tuˬ yoˬ. A sha‸ teˇ ha hkʼaw‸ maˇ gaˬ sheˍ ve chaw suh-e ve kʼo, chaw oˇ ve hta‸ ngaˬ ciˍ yanˍ piˇ ve awˬ heˆ hpeh‸ ve yoˬ.
21
Yawˇ hui lehˬ a shu yawˇ ve yehˬ hta‸ te chehˇ leh, a shu yawˇ ve a pehˉ meuˇ hko te caˇ tuˬ yoˬ.
22
Yawˇ hui lehˬ shu awˬ pon yehˬ leh a pehˉ meuˇ hko te piˇ tuˬ ve maˇ heˆ. Ngaˬ ve chaw teˇ hpaˍ lehˬ suhˆ cehˬ hkʼa shuˍ co zuhˬ ha zuhˬ cawˬ tuˬ yoˬ. Yawˇ hui lehˬ a shu yawˇ te taˍ ve kanˉ awˬ hkʼaw lo gʼa ha lehˬ chehˇ tuˬ yoˬ.
23
Yawˇ hui hkʼa te ve kanˉ teˇ ceuˬ le le uiˍ la da‸ la leh, yawˇ hui ve yaˇ teˇ hpaˍ lehˬ, dawˇ haˍ tuˬ ve awˬ ceuˬ hta‸ gʼa hpuˇ tuˬ ve maˇ heˆ. Ngaˬ lehˬ yawˇ hui leh yawˇ hui ve awˬ ceuˬ awˬ hkʼaˇ teˇ hpaˍ hta‸ awˬ bon na‸ piˇ tuˬ yoˬ.
24
Yawˇ hui ngaˬ geh bon lawˬ ve maˇ peuˬ sheˍ htaˇ ka‸, ngaˬ yawˇ hui ve bon lawˬ hkawˇ hta‸ kʼaw‸ yaw hkʼaw‸ piˇ tuˬ yoˬ.
25
Heh hpuiˇ leh yawˬ ehˉ teˇ geh kʼaˆ caˇ leh, laˇ caˬ shiˉ htawˇ nuˇ hkʼa shuˍ chi gʼawˇ hta‸ caˇ tuˬ yoˬ. Vuiˬ teˇ hpaˍ hta‸ htawˇ kawˆ tuˬ maˇ kʼaw‸ cawˬ. Ngaˬ ve da‸ kehˬ jaˇ ve Ziˉonˍ hkʼaw hkʼoˆ lo, cha‸ chiˆ ve leh haiˬ ve awˬ ceuˬ a ciˉ ka‸ cawˬ tuˬ ve maˇ heˆ, teh‸ Gʼuiˬsha kʼoˆ ve yoˬ.
← Chapter 64
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 66 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66