bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Isaiah 37
Isaiah 37
Lahu Bible Edited © Thailand Bible Society and Bible Society of Myanmar, 2010, 2020.
← Chapter 36
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 38 →
1
Tawˇ oˇ ve teˇ hpaˍ hta‸ Heˍsaˍkiˆ gʼa kaˇ ve teˇ yanˇ, yawˇ ve veu‸ kʼaˇ hta‸ tzuh‸ suhˍ ve yoˬ. Yawˇ lehˬ meh htuˉ pui hpa hta‸ veu‸ deh leh, Gʼuiˬsha ve bon yehˬ lo kʼai ve yoˬ.
2
Yawˇ lehˬ Eˇlaˍkenˍ, Sheˍbaˍnaˍ, leh paw hkuˇ lonˉ teˇ hpaˍ hta‸ Aˍmoˆ ve yaˇ Iˉsaˍyaˆ geh kʼai tcuh ve yoˬ. Yawˇ hui hkʼa peu-eˬ htawˇ, meh htuˉ pui hpa veu‸ deh taˍ ve yoˬ.
3
Yawˇ hui lehˬ jawˇmawˇ Heˍsaˍkiˆ ve tawˇ chi teˇ hpaˍ Iˉsaˍyaˆ hta‸ hto piˇ leh kʼoˆ ve, Ya‸ nyi lehˬ tu‸ hkanˍ jaˇ ve awˬ nyi hpeh‸ ve yoˬ. Ngaˬ hui lehˬ awˬ me‸ awˬ hponˇ luˬ kʼai peuˬ leh, fawˉ mehˍ ve hta‸ gʼa hkanˍ chehˇ ve yoˬ. Ngaˬ hui lehˬ awˬ gʼaˇ nuˇ jaˇ ve pa taw, yaˇ paw maˇ gʼa ve yaˇ miˇ ma hkʼe hpeh‸ chehˇ ve yoˬ.
4
Aˍsuˇriˆ jawˇmawˇ lonˉ lehˬ, te‸ chehˇ ve Gʼuiˬsha hta‸ maˇ shawˍ maˇ caˆ kʼoˆ tuˬ yawˇ ve ma‸ poˍ lonˉ hta‸ peu laˇ taˍ ve yoˬ. Nawˬ ve Gʼuiˬsha lehˬ maˇ shawˍ maˇ caˆ kʼoˆ chehˇ ve chaw oˇ ve teˇ hpaˍ ve tawˇ hta‸ kaˇ leh, yawˇ hui hta‸ ciˍ yanˍ piˇ-oˆ. Te‸ chehˇ taˍ sheˍ ve ngaˬ hui ve chaw teˇ hpaˍ awˬ pon, bon a ciˉ lawˬ laˇ-oˆ, teh‸ Iˉsaˍyaˆ hta‸ kʼoˆ piˇ ve yoˬ
5
Iˉsaˍyaˆ lehˬ jawˇmawˇ Heˍsaˍkiˆ ve tawˇ oˇ ve teˇ hpaˍ hta‸ gʼa kaˇ ve teˇ yanˇ,
6
yawˇ hta‸ chi hkʼe kʼaw‸ kʼoˆ hkʼaw‸ feu piˇ ve yoˬ. Gʼuiˬsha nawˬ hta‸ ga laˇ maˇ gʼa taˬ, teh‸ Aˍsuˇriˆ chaw hkʼa mvuhˇ hkʼa na kʼoˆ ve tawˇ hta‸ pa taw, nawˬ dawˇ haˍ ve nyi ma taˇ cawˬ piˇ.
7
Gʼuiˬsha lehˬ Aˍsuˇriˆ jawˇmawˇ hta‸ yawˇ ve mvuhˇmiˬ lo haˆ haˆ kʼaw‸ hpfuhˆ kʼo‸-e tuˬ te piˇ leh, yawˇ hta‸ oˇ kaˬ lo suh-e piˇ lawˬ tuˬ yoˬ, teh‸ jawˇmawˇ Heˍsaˍkiˆ hta‸ ca kʼaw‸ kʼoˆ piˇ tcuh ve yoˬ.
8
Aˍsuˇriˆ ma‸ poˍ lonˉ oˇ ve lehˬ, yawˇ ve jawˇmawˇ lonˉ Laˍhkiˇshaˆ venˇ hkʼaw tawˆ-e leh Liˆbaˍnaˍ venˇ hta‸ ca kʼaw‸ bawˆ kʼai peuˬ ve awˬ hkawˇ hta‸ gʼa kaˇ ve teˇ yanˇ, yawˇ geh ca jehˬ da‸ tuˬ oˇ kaˬ lo gʼa‸ kʼai ve yoˬ.
9
Aˍsuˇriˆ chaw teˇ hpaˍ lehˬ, Eˇjiˇtu‸ jawˇmawˇ Tiˇraˍkaˍ yawˇ hui hta‸ ca bawˆ la tuˬ laˬ chehˇ ve awˬ hkawˇ hta‸ gʼa kaˇ ve yoˬ. Oˇ htaˇ, Aˍsuˇ riˆ jawˇmawˇ lehˬ Yuˇda‸ jawˇmawˇ Heˍsaˍkiˆ hta‸li‸ chi hkʼe bvuh‸ feu piˇ ve yoˬ.
10
Nawˬ gʼaˇ va chehˇ ve nawˬ ve Gʼuiˬsha lehˬ, nawˬ hta‸ ngaˬ ve la‸ sheh hkʼaw lo htaiˍ hkʼaw‸ laˇ tuˬ yoˬ, teh‸ nawˬ hta‸ kʼoˆ piˇ taˍ peuˬ ve yoˬ. Ya‸ hkʼaˇ, tawˇ oˇ ve hta‸ pa taw nawˬ nyi ma taˇ uiˍ chehˇ.
11
Aˍsuˇriˆ jawˇmawˇ lonˉ te luˬ piˇ tuˬ dawˇ cheˆ taˍ ve mvuhˇmiˬ teˇ peˆ hkʼaˬ hkʼe hpeh‸ la chehˇ ve awˬ hkawˇ hta‸ nawˬ htawˇ gʼa kaˇ chehˇ tuˬ yoˬ. Nawˬ gʼa ponˬ tuˬ yoˬ, teh‸ dawˇ chehˇ ve laˇ.
12
Ngaˬ ve awˬ puˍ lonˉ teˇ hpaˍ lehˬ, Gawˇzanˍ, Haˍranˍ, Reˍyaˆ venˇ chi teˇ hpaˍ hta‸ te luˬ leh, Teˍlaˍsaˍ venˇ hkʼaw chehˇ ve Beˍteˍdenˍ chaw hui hta‸ tiˇ pehˍ piˇ taˍ peuˬ ve yoˬ. Yawˇ hui ve gʼuiˬsha teˇ gʼaˇ ka‸ yawˇ hui hta‸ ponˬ piˇ maˇ gʼa.
13
Haˍmaˆ, Aˍpaˆ, Sheˍhpaˍvenˍ, Heˍnaˆ leh Iˉvaˍ venˇ hta‸ uˉ peunˍ chehˇ ve jawˇmawˇ teˇ hpaˍ, chi beu‸ hkʼaˬ lo kʼai peuˬ le, teh‸ yawˇ hta‸ li‸ bvuh‸ feu piˇ ve yoˬ.
14
Jawˇmawˇ Heˍsaˍkiˆ lehˬ li‸ oˇ ve hta‸ yuˬ leh gʼaw nyi ve yoˬ. Oˇ ve hkʼaw‸ nawˉ yawˇ bon yehˬ lo kʼai leh, li‸ oˇ ve hta‸ Gʼuiˬsha mehˆ gʼuˇ suhˍ lo teh taˍ ve yoˬ.
15
Yawˇ bon lawˬ leh kʼoˆ ve,
16
Iˉsaˍreˍlaˆ ve Jawˇmawˇ Gʼuiˬsha-oˬ, nawˬ teˇ gʼaˇ tiˉ Gʼuiˬsha hpeh‸ leh, miˬguiˬ hkʼa peu-eˬ ve hta‸ uˉ peunˍ chehˇ ve yoˬ. Miˬguiˬ mvuhˇ naw ma hta‸ nawˬ te hpanˍ taˍ ve yoˬ.
17
Gʼuiˬsha-oˬ, chi beu‸ ngaˬ hui hta‸ nyi leh ngaˬ hui lawˬ hkawˉ ve awˬ hkawˇ hta‸ a ciˉ na yuˬ laˇ-oˆ. Te‸ chehˇ ve Gʼuiˬsha nawˬ hta‸, Seˍnaˍ hkaˍriˆ maˇ shawˍ maˇ caˆ kʼoˆ chehˇ ve tawˇ hta‸ a ciˉ na sheˍ.
18
Gʼuiˬsha-oˬ, Aˍsuˇriˆ jawˇmawˇ lehˬ mvuhˇmiˬ laiˉ peˆ hta‸ te luˬ te sheˆ piˇ chehˇ ve hta‸ ngaˬ hui shiˍ chehˇ ve yoˬ.
19
Yawˇ lehˬ Gʼuiˬsha maˇ heˆ ve suhˆ leh haˉ pui yuˬ te taˍ ve shaˉ ho‸ teˇ hpaˍ hta‸ htawˇ aˬ miˍ tuˉ baˬ piˇ chehˇ yoˬ.
20
Ngaˬ hui ve Gʼuiˬsha-oˬ, nawˬ teˇ gʼaˇ ceh tiˉ Gʼuiˬsha hpeh‸ ve hta‸ chaw yaˇ hkʼa peu-eˬ gʼa shiˍ tuˬ, ngaˬ hui hta‸ Aˍsuˇriˆ chaw hui ve la‸ sheh hkʼaw lo a ciˉ ponˬ laˇ-oˆ, teh‸ kʼoˆ leh bon lawˬ ve yoˬ.
21
Oˇ htaˇ Iˉsaˍyaˆ lehˬ, jawˇmawˇ Heˍsaˍkiˆ ve bon lawˬ htawˇ hta‸ caˉ da‸ leh, Gʼuiˬsha kʼoˆ ve tawˇ teˇ hpaˍ yawˇ hta‸ kʼaw‸ kʼoˆ piˇ ve yoˬ.
22
Gʼuiˬsha kʼoˆ ve, Saˍnaˍhkaˍriˆ-oˬ, Yeˍruˆsaˍlehnˍ venˇ nawˬ hta‸ gʼuiˬ leh maˇ shawˍ maˇ caˆ te laˇ tuˬ yoˬ.
23
Nawˬ maˇ shawˍ maˇ caˆ kʼoˆ guiˇ chehˇ ve teˇ gʼaˇ lehˬ a shu hpeh‸ ve teh‸ nawˬ dawˇ chehˇ ve le. Nawˬ lehˬ, Ngaˬ Iˉsaˍreˍlaˆ ve da‸ kehˬ ve Gʼuiˬsha hta‸ maˇ yawˆ maˇ yan te chehˇ ve yoˬ.
24
Nawˬ ve iˉ mvuhˇ lawˬ teˇ hpaˍ hta‸ cuˇ leh, nawˬ lehˬ Leˍbaˍnonˍ hkʼaw hta‸ tanˬ leh awˬ nu ve hkʼaw teˇ hpaˍ hta‸ bawˆ gʼaˇ taˍ peuˬ, teh‸ nawˬ ve ma‸ poˍ lonˉ hta‸ hpehˇ leh tawˇ uiˍ tawˇ mvuh ca yaw maˍ laˇ tcuh ve yoˬ. Nawˬ lehˬ, naˉ jaˇ ve hteunˍ lonˉ hkʼaw cawˬ ve, uiˍ jaˇ mvuh jaˇ ve htawˇ cehˬ, yawnˉ cehˬ teˇ hpaˍ hta‸ htawˇ htu baˬ piˇ taˍ peuˬ teh‸ kʼoˆ chehˇ ve yoˬ.
25
Nawˬ lehˬ shu ve mvuhˇmiˬ hkʼaw nanˬ bawˍ duˇ leh iˉ kaˆ gʼa dawˬ peuˬ teh‸ kʼoˆ leh, nawˬ ve ma‸ yaˇ teˇ hpaˍ htawˇ Niˍlaˆ iˉ kaˆ lawˬ hta‸ naˆ fiˍ piˇ taˍ peuˬ, teh‸ kʼoˆ chehˇ ve yoˬ.
26
Chi hkʼe hpeh‸ la tuˬ, ponˬ laˬ htaˇ ka‸ ngaˬ awˬ hkʼaˇ gu taˍ ve hta‸ nawˬ teˇ pawˆ ka‸ maˇ gʼa kaˇ sheˍ laˇ. Chi beu‸ ngaˬ awˬ hkʼaˇ gu taˍ ve hkʼe te chehˇ taˍ peuˬ ve yoˬ. Yeˬ jaˇ ve ta‸ yehˬ teˇ hpaˍ hta‸ te luˬ piˇ tuˬ, ngaˬ nawˬ hta‸ awˬ gʼaˇ awˬ shaˉ piˇ taˍ ve yoˬ.
27
Oˇ kaˬ lo chehˇ taˍ ve chaw teˇ hpaˍ lehˬ awˬ gʼaˇ nuˇ jaˇ ve yoˬ. Yawˇ hui dawˇ maˇ tawˆ leh kawˆ jaˇ chehˇ ve yoˬ. Yawˇ hui lehˬ, mvuhˇ nyi tawˆ hpawˇ lo meuˆ laˬ ve haw jaˇ chiˆ jaˇ ve mvuhˇ haw hta‸ gʼa hkanˍ chehˇ ve zuhˇ leh, yehˬ hkʼoˆ lo yeˬ chehˇ ve mvuh‸ hkʼa shuˍ hpeh‸ chehˇ ve yoˬ.
28
Ya‸ hkʼaˇ, nawˬ kʼai kuiˬ laˬ kuiˬ, te kuiˬ dawˇ kuiˬ hkʼa peu-eˬ ve hta‸ ngaˬ shiˍ taˍ ve yoˬ. Nawˬ ngaˬ hta‸ nyi ma zuhˆ chehˇ ve hta‸ htawˇ ngaˬ shiˍ taˍ ve yoˬ.
29
Nawˬ nyi ma zuhˆ chehˇ ve awˬ lawn leh nawˬ nyi ma uiˍ ve chaw hpeh‸ ve awˬ lawn ngaˬ gʼa kaˇ taˍ peuˬ. Chi hta‸ pa taw, ngaˬ nawˬ hta‸ htawˇ leh nawˬ ve maw‸ kʼaw hkʼaw sho caˆ keu peuˬ hkʼaw‸ nawˉ, nawˬ laˬ ve ya‸ kʼaw hkʼaˇ suh ngaˬ nawˬ hta‸ shiˍ kʼo‸-e laˇ tuˬ yoˬ, teh‸ Gʼuiˬsha kʼoˆ ve yoˬ.
30
Oˇ ve hkʼaw‸ nawˉ, Iˉsaˍyaˆ jawˇmawˇ Heˍsaˍkiˆ hta‸ kʼoˆ piˇ ve, Awˬ gʼuˇ suhˍ hpawˇ hpeh‸ la tuˬ ve awˬ heˆ chi hkʼe cawˬ ve yoˬ. Chi hkʼaw‸ leh nehˉ hkʼaw‸, nawˬ hui lehˬ suhˆ shiˍ hawˆ shiˍ hta‸ ceh tiˉ gʼa caˇ tuˬ yoˬ. Ya‸ hkʼaˇ, awˬ hkʼaw‸ nawˉ teˇ hkʼaw‸ kʼaw‸ gaˬ ve kʼo, nawˬ hui caˬ ti leh awˬ shiˍ awˬ nu teˇ hpaˍ hta‸ kʼaw‸ gʼeu‸ jaw‸ tuˬ yoˬ. Oˇ ve hkʼa shuˍ, a pehˉ meuˇ shiˍ htawˇ gʼa kʼaw‸ caˇ tuˬ yoˬ.
31
Cawˬ taˉ sheˍ ve Yuˇda‸ chaw teˇ hpaˍ lehˬ, awˬ geu tcuhˆ naˉ ve suhˆ cehˬ hkʼa shuˍ, awˬ shiˍ maˇ maˇ kʼaw‸ naw‸ la tuˬ yoˬ.
32
Yeˍruˆsaˍlehnˍ venˇ leh Ziˉonˍ hkʼaw hkʼoˆ lo chaw yaˇ teˇ hpaˍ chehˇ taˍ tuˬ yoˬ. Awˬ lawn kʼo, chi hkʼe hpeh‸ la piˇ tuˬ Gʼuiˬsha dawˇ cheˆ taˍ peuˬ, teh‸ Heˍsaˍkiˆ hta‸ kʼoˆ piˇ ve yoˬ.
33
Aˍsuˇriˆ jawˇmawˇ lonˉ hta‸ caˉ da‸ leh, Gʼuiˬsha chi hkʼe kʼaw‸ kʼoˆ ve yoˬ. Yawˇ lehˬ venˇ chi hkʼaw lo‸ la leh, hkaˆ teˇ hkʼe ka‸ gʼa bawˆ tuˬ ve maˇ heˆ. La‸ caˉ pfuhˇ taˍ ve ma‸ yaˇ teˇ gʼaˇ ka‸, venˇ chi awˬ paˇ lo laˬ tuˬ ve maˇ heˆ. Venˇ jaˇ venˇ ji lo htawˇ, ta‸ kʼoˍ gʼa duˇ tuˬ ve maˇ heˆ.
34
Yawˇ lehˬ laˬ ve ya‸ kʼaw hkʼaˇ suh gʼa kʼaw‸ kʼo‸-e leh, venˇ chi hkʼaw gʼa lo‸ la tuˬ ve maˇ heˆ.
35
Ngaˬ ve awˬ ceˬ paˍ Daˍviˆ hta‸ ngaˬ ka ti‸ te taˍ ve hkʼe, ngaˬ ve awˬ me‸ awˬ hponˇ tawˆ la tuˬ, venˇ chi hta‸ ngaˬ ha‸ shaˉ taˍ tuˬ yoˬ, teh‸ Gʼuiˬsha kʼoˆ ve yoˬ.
36
Gʼuiˬsha ve mvuhˇ naw tcuh yaˇ teˇ gʼaˇ lehˬ, Aˍsuˇriˆ chaw hui deh chehˇ taˍ kuiˬ lo kʼai leh, yawˇ hui ve ma‸ yaˇ teˇ shehnˉ hiˉ meunˍ ngaˇ hinˉ gʼaˇ hta‸ tiˇ pehˍ piˇ ve yoˬ. Shawˉ pawˍ mvuhˇ htiˇ la htaˇ, yawˇ hui hkʼa peu-eˬ suh peuˬ ve yoˬ.
37
Oˇ htaˇ, Aˍsuˇriˆ jawˇmawˇ Seˍnaˍhkaˍriˆ Niˇnaˍveˍ venˇ lo kʼaw‸ hpfuhˆ kʼo‸-e ve yoˬ.
38
Teˇ nyi htaˇ, yawˇ lehˬ yawˇ ve bon yehˬ hkʼaw oˉ kʼoˍ pui chehˇ ve teˇ yanˇ, yawˇ ve yaˇ paˍ Aˍdraˍmeˍlehˆ leh Shaˍreˍzaˍ hui lo‸ la leh yawˇ hta‸ chaw pehˍ peuˬ hkʼaw‸ nawˉ, Aˍraˍraˆ mvuhˇmiˬ lo hpaw-e ve yoˬ. Yawˇ ve yaˇ paˍ Eˇsaˍraˆhaˍdonˍ jawˇmawˇ lonˉ kʼaw‸ hpeh‸ la ve yoˬ.
← Chapter 36
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 38 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66