bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Isaiah 30
Isaiah 30
Lahu Bible Edited © Thailand Bible Society and Bible Society of Myanmar, 2010, 2020.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 31 →
1
Gʼuiˬsha chi hkʼe kʼoˆ taˍ ve yoˬ. Yuˇda‸ mvuhˇmiˬ hta‸ uˉ peunˍ chehˇ ve chaw teˇ hpaˍ lehˬ, gʼa dawˇ haˍ jaˇ tuˬ yoˬ. Awˬ lawn kʼo, yawˇ hui ngaˬ hta‸ kʼaw‸ hpfuhˆ peuˬ. Yawˇ hui lehˬ ngaˬ maˇ gu piˇ taˍ ve ya‸ kʼaw hta‸ kʼai leh, awˬ nu ve chaw teˇ hpaˍ hta‸ shaˉ caˆ caˇ ve awˬ hkʼaw lo, venˇbaˆ teˇ ceuˬ peuˬ teˇ ceuˬ te chehˇ ve yoˬ.
2
Yawˇ hui ngaˬ hta‸ te‸ chiˉ maˇ na nyi taˉ leh Eˇjiˇtu‸ chaw hui hta‸ awˬ chawˇ ca te da‸ chehˇ ve yoˬ. Yawˇ hui hta‸ ga laˇ tuˬ, yawˇ hui lehˬ Eˇ jiˇtu‸ jawˇmawˇ hta‸ gʼaˇ ca va toˇ chehˇ ve yoˬ.
3
Yaˬ hkʼaˇ, Eˇjiˇtu‸ jawˇmawˇ lehˬ yawˇ hui hta‸ ga piˇ gʼa tuˬ ve maˇ heˆ. Awˬ leh meuˇ kʼo gʼa luˬ gʼa sheˆ tuˬ tiˉ cawˬ ve yoˬ.
4
Yawˇ hui ve awˬ tan te shehˍ hpaˇ teˇ hpaˍ lehˬ, Eˇjiˇtu‸ mvuhˇmiˬ hkʼaw cawˬ ve Zawˇnaˆ leh Haˍnehˆ venˇ hkʼaw lo gaˬ la taˍ peuˬ ve htawˇ,
5
Yuˇda‸ chaw teˇ hpaˍ lehˬ yawˇ hui hta‸ ga laˇ maˇ gʼa ve chaw hta‸ gʼaˇ ca va chehˇ ve pa taw, gʼa dawˇ haˍ tuˬ yoˬ, teh‸ Gʼuiˬsha kʼoˆ ve yoˬ.
6
Tawˇ chi teˇ hpaˍ lehˬ, awˬ hawˉ hpawˇ teˇ tawn lo chehˇ taˍ ve to nuˇ to shaˆ teˇ hpaˍ hta‸ Gʼuiˬsha kʼoˆ piˇ ve tawˇ hpeh‸ ve yoˬ. Awˬ tan te shehˍ hpaˇ teˇ hpaˍ lehˬ, laˇ caˬ shiˉ leh vuiˬ haiˬ teˇ hpaˍ chehˇ taˍ kuiˬ, kawˆ tuˬ uiˍ ve mvuhˇmiˬ hkʼaw lo hpanˍ kʼai chehˇ ve yoˬ. Yawˇ hui lehˬ, awˬ hpfuhˆ hkʼaˆ ve mawˇ jeˬ teˇ hpaˍ hta‸ piˉlaˬ leh kaˍlaˍoˆ teˇ hpaˍ hta‸ taˆ tcuh leh, yawˇ hui hta‸ a ciˉ ka‸ ga laˇ maˇ gʼa ve chaw hui hta‸ ca tanˇ piˇ tuˬ kʼai chehˇ ve yoˬ.
7
Eˇjiˇtu‸ chaw hui lehˬ, yawˇ hui hta‸ te‸ chiˉ ga piˇ gʼa tuˬ ve maˇ heˆ. Chi hta‸ pa taw, ngaˬ lehˬ Eˇjiˇtu‸ chaw hui hta‸ Che‸ maˇ puiˉ ve cawˇ shehˍ ma teh‸ meh piˇ taˍ ve yoˬ.
8
Chaw yaˇ teˇ hpaˍ lehˬ hkʼaˬ ma haiˬ ve chaw hpeh‸ ve awˬ lawn dawˇ nawˇ taˍ hpeh‸ tuˬ, li‸ kʼoˆ awˬ hkʼaw lo bvuh‸ keu taˍ-o‸, teh‸ Gʼuiˬsha ngaˬ hta‸ kʼoˆ laˇ ve yoˬ.
9
Yawˇ hui lehˬ hkʼaˬ htaˆ ka‸ Gʼuiˬsha hta‸ kʼaw‸ hpfuhˆ leh, Yawˇ maˍ piˇ ve tawˇ teˇ hpaˍ hta‸ maˇ na yuˬ.
10
Yawˇ hui lehˬ tcuh kaˍ paˍ teˇ hpaˍ hta‸ ta‸ iˉ gawˬ lehˍ chehˇ taˍ tuˬ kʼoˆ piˇ chehˇ ve yoˬ. Yawˇ hui kʼoˆ ve, Hteˇ ve cawˇ ve awˬ lawn ngaˬ hui hta‸ taˇ kʼoˆ maˍ laˇ-oˆ. Ngaˬ hui kaˇ gaˇ ve awˬ ceuˬ hta‸ kʼoˆ maˍ laˇ-oˆ. Maˇ cawˇ ve awˬ ceuˬ hpeh‸ ve ka‸ yaˬ piˇ.
11
Ngaˬ hui geh tawˆ kʼai leh, ngaˬ hui ve ya‸ kʼaw hta‸ taˇ tsuhˇ taˍ laˇ-oˆ. Iˉsaˍreˍlaˆ ve da‸ kehˬ ve Gʼuiˬsha awˬ lawn ngaˬ hui maˇ kaˇ gaˇ, teh‸ kʼoˆ ve yoˬ.
12
Ya‸ hkʼaˇ, Iˉsaˍreˍlaˆ ve da‸ kehˬ jaˇ ve Gʼuiˬsha chi hkʼe kʼoˆ ve yoˬ. Nawˬ hui lehˬ ngaˬ maˍ piˇ ve tawˇ hta‸ maˇ na yuˬ leh, haiˬ ve kanˉ hta‸ te gaˇ jaˇ ve yoˬ.
13
Chi hta‸ pa taw, nawˬ hui venˇbaˆ cawˬ ve yoˬ. Nawˬ hui lehˬ pe‸ hkoˇ kʼai taˍ ve gʼo‸ pa hta‸ shuˍ ve yoˬ. Maˇ maw maw nawˬ hui paiˍ tuˬ yoˬ.
14
Je‸ mu‸ hkʼu hkʼa shuˍ nawˬ hui hkoˇ kʼai leh, aˬ miˍ shiˉ gʼeu‸ hta‸ maˇ kʼoˆ, nanˬbawˍ hkʼaw ve iˉ ka‸ hta‸ maˇ kʼoˆ, yuˬ keu maˇ gʼa htaˇ hkʼa gaˬ luˬ kʼai tuˬ yo, teh‸ kʼoˆ ve yoˬ.
15
Iˉsaˍreˍlaˆ ve Jawˇmawˇ Gʼuiˬsha yawˇ ve chaw teˇ hpaˍ hta‸ kʼoˆ piˇ ve, Kʼaw‸ hpfuhˆ kʼaw‸ la leh ngaˬ hta‸ gʼaˇ ca kʼaw‸ va la-o. Oˇ hkʼe te ve kʼo, nawˬ hui awˬ gʼaˇ kʼaw‸ cawˬ la leh, gawˬ lehˍ gʼa chehˇ tuˬ yoˬ. Ya‸ hkʼaˇ, nawˬ hui lehˬ Yawˇ kʼoˆ ve hkʼe maˇ te.
16
Nawˬ hui lehˬ canˇ paˍ teˇ hpaˍ ve la‸ sheh hkʼaw gʼa ponˬ tuˬ, gehˬ jaˇ ve iˉ mvuhˇ hta‸ ciˇ hpaw-e tuˬ dawˇ nyi chehˇ ve yoˬ. Nawˬ hui gʼa ponˬ tuˬ chi hkʼe dawˇ nyi chehˇ ve lehˬ, cawˇ ve yoˬ. Nawˬ hui ve iˉ mvuhˇ lehˬ gehˬ jaˇ peuˬ, teh‸ nawˬ hui dawˇ chehˇ ve yoˬ. Ya‸ hkʼaˇ, nawˬ hui ve canˇ paˍ teˇ hpaˍ ve iˉ mvuhˇ lehˬ chi a‸ kehˉ ka‸ gehˬ jaˇ sheˍ ve yoˬ.
17
Canˇ paˍ teˇ gʼaˇ hta‸ ceh gʼa mawˬ ve ka‸, nawˬ hui chaw teˇ hinˉ gʼuiˇ hpaw-e tuˬ yoˬ. Hkʼe te kʼo, nawˬ hui chi ma ve hta‸ gʼa‸ yuˬ tuˬ canˇ paˍ ngaˇ gʼaˇ tiˉ loˍ ve yoˬ. Hkʼaw hkʼoˆ lo hpeh chiˇ taˍ ve hto‸ maˇ heˆ kʼo, nawˬ hui ve mawˇ te‸ chiˉ cawˬ taˉ tuˬ ve maˇ heˆ.
18
Ya‸ hkʼaˇ, Gʼuiˬsha lehˬ nawˬ hui hta‸ ha kʼaˉ ve nyi ma cawˬ chehˇ sheˍ ve yoˬ. Awˬ lawn kʼo, Yawˇ lehˬ hkʼaˬ htaˆ ka‸ hteˇ ve cawˇ ve kanˉ hta‸ ceh tiˉ te ve pa taw, nawˬ hui hta‸ ga laˇ tuˬ gu taˍ hehnˇ taˍ ve yoˬ. Gʼuiˬsha hta‸ gʼaˇ va ve teˇ ceuˬ ceh tiˉ, ha lehˬ tuˬ ve awˬ ceuˬ hta‸ gʼa hpeh‸ ve yoˬ.
19
Yeˍruˆsaˍlehnˍ venˇ yaˇ teˇ hpaˍ-oˬ, nawˬ hui lehˬ teˇ pawˆ ka‸ gʼa kʼaw‸ hawˬ tuˬ ve maˇ heˆ. Gʼuiˬsha lehˬ ha kʼaˉ puiˉ ve yoˬ. Nawˬ hui yawˇ hta‸ kuˬ ve kʼo, yawˇ nawˬ hui hta‸ kʼaw‸ yaw hkʼaw‸ laˇ tuˬ yoˬ.
20
Gʼuiˬsha lehˬ haˍ ve awˬ ceuˬ nawˬ hui hta‸ hpuˇ tcuh laˇ tuˬ yoˬ. Ya‸ hkʼaˇ, yawˇ nawˬ hui geh chehˇ taˍ leh, nawˬ hui hta‸ maˍ laˇ tuˬ yoˬ. Nawˬ hui yawˇ hta‸ gʼa gʼa‸ ca toˇ tuˬ ve maˇ heˆ.
21
Nawˬ hui lehˬ ya‸ kʼaw‸ la‸ mehˍ la‸ sha hpawˇ lo suhˉ tawˆ-e chehˇ ve teˇ yanˇ, Ya‸ kʼaw choˬ hpawˇ lo cawˬ ve yoˬ, teh‸ yawˇ kʼoˆ maˍ laˇ chehˇ ve awˬ hkawˇ hta‸ nawˬ hui gʼa kaˇ tuˬ yoˬ.
22
Nawˬ hui lehˬ hpu shi yuˬ leh oˍ taˍ ve shaˉ ho‸ teˇ hpaˍ hta‸, Kʼai loˬ, teh‸ kʼoˆ leh gʼawˆ baˬ tu yoˬ.
23
Nawˬ hui caˬ ti ve teˇ yanˇ, Gʼuiˬsha lehˬ mvuhˇ yeˬ maˇ maˇ laˬ piˇ leh, oˇ ve teˇ hpaˍ hta‸ yeˬ la uiˍ la piˇ tuˬ yoˬ. Nawˬ hui caˬ shiˍ maˇ maˇ gʼa leh, nawˬ hui ve ceˇ caˬ teˇ hpaˍ awˬ pon htawˇ, kʼaˆ caˇ kuiˬ hkʼa biˇ cawˬ tuˬ yoˬ.
24
Ti mi mehˇ chehˇ ve nawˬ hui ve nuˇ leh piˉlaˬ teˇ hpaˍ htawˇ da‸ jaˇ ve caˇ tuˬ hta‸ gʼa caˇ tuˬ yoˬ.
25
Nawˬ hui ve canˇ paˍ teˇ hpaˍ ve ta‸ yehˬ luˬ kʼai leh, yawˇ hui hkʼa peu-eˬ suh-e ve teˇ yanˇ, hkʼaw teˇ shiˍ le le awˬ hkʼaw lo iˉ kaˆ gʼuiˬ tuˇ tawˆ la tuˬ yoˬ.
26
Ha pa htawˇ mvuhˇ nyi hkʼa shuˍ awˬ gʼeuˆ ba la leh, mvuhˇ nyi lehˬ ponˬ laˬ htaˇ a‸ kehˉ suhˍ pun awˬ gʼeuˆ kʼaw‸ ba la tuˬ yoˬ. Oˇ ve lehˬ suhˍ nyi ve awˬ gʼeuˆ teˇ nyi tiˉ ba ve hkʼe hpeh‸ tuˬ yoˬ. Gʼuiˬsha lehˬ yawˇ ve chaw teˇ hpaˍ ve naˬ kuiˬ hkʼaw kuiˬ hta‸ kʼaw‸ gu na-e piˇ chehˇ ve teˇ yanˇ, awˬ ceuˬ chi teˇ hpaˍ hpeh‸ la tuˬ yoˬ.
27
Gʼuiˬsha ve awˬ me‸ awˬ hponˇ leh kanˇ paˆ hta‸ vuiˇ kuiˬ lo ka‸ mawˬ hpeh‸ ve yoˬ. Aˬ miˍ leh mvuhˇ hkʼawˇ lehˬ yawˇ nyi ma zuhˆ ve hta‸ hpeu‸ maˍ laˇ ve yoˬ. Yawˇ tawˇ yaw ve teˇ yanˇ, tawˇ oˇ ve teˇ hpaˍ lehˬ aˬ miˍ hkʼa shuˍ to‸ tawˆ la ve yoˬ.
28
Yawˇ gʼuˇ suhˍ lo mvuhˇ haw hta‸ kʼai tcuh leh, mvuhˇ haw oˇ ve lehˬ uiˍ taˆ la chehˇ ve iˉ kaˆ hkʼa shuˍ, awˬ ceuˬ hkʼa peu-eˬ hta‸ te luˬ piˇ ve yoˬ. Chaw yaˇ teˇ hpaˍ lehˬ, yawˇ hui ve haiˬ ve kanˉ hkʼa peu-eˬ hta‸ te luˬ piˇ ve yoˬ.
29
Ya‸ hkʼaˇ, nawˬ hui Gʼuiˬsha ve chaw teˇ hpaˍ lehˬ da‸ kehˬ ve pawehˇ te ve teˇ haˉ htaˇ nawˬ hui te jaw muiˬ ve hkʼe, ha lehˬ ha kʼa ve awˬ hkʼaw lo kʼa muiˬ hkawˇ gʼa kʼa tuˬ yoˬ. Iˉsaˍreˍlaˆ hta‸ ha‸ shaˉ shehˍ hpaˇ Gʼuiˬsha ve bon yehˬ lo, ha lehˬ ha kʼa lehˉ lu meuˆ leh kʼai chehˇ ve chaw hkʼa shuˍ, nawˬ hui gʼa ha lehˬ tuˬ yoˬ.
30
Gʼuiˬsha lehˬ yawˇ ve tawˇ hkawˇ hkʼaˬ ma kanˇ paˆ cawˬ ve leh, yawˇ nyi ma zuhˆ ve teˇ ceuˬ hkʼaˬ ma kawˆ tuˬ cawˬ ve chaw teˇ gʼaˇ le le hta‸ kaˇ tcuh mawˬ tcuh piˇ tuˬ yoˬ. Oˇ kaˬ lo aˬ miˍ ha, moˬ, vaˇ shiˍ, leh mvuhˇ yeˬ maˇ maˇ ya‸ la tuˬ yoˬ.
31
Aˍsuˇriˆ chaw teˇ hpaˍ lehˬ Gʼuiˬsha ve tawˇ hkawˇ leh, yawˇ ve ciˍ yanˍ tuˬ awˬ ceuˬ hta‸ gʼa mawˬ ve teˇ yanˇ kawˆ jaˇ tuˬ yoˬ.
32
Gʼuiˬsha lehˬ yawˇ hui hta‸ ciˍ yanˍ piˇ chehˇ ve teˇ yanˇ, yawˇ ve chaw teˇ hpaˍ lehˬ, cehnˬ dawˆ tinˍ hteˆ leh kʼa muiˬ hkawˇ kʼa tuˬ yoˬ. Gʼuiˬsha lehˬ Aˍsuˇriˆ chaw hui hta‸ ma‸ bawˆ tuˬ yoˬ.
33
Aˍsuˇriˆ jawˇmawˇ hta‸ aˬ miˍ tuˉ pehˍ piˇ tuˬ, ponˬ laˬ htaˇ ka‸ chehˇ kuiˬ gu taˍ peuˬ. Chehˇ kuiˬ oˇ ve lehˬ naˉ jaˇ kʼehˬ jaˇ leh, suhˆ hkʼa biˇ hpoˆ taˍ ve yoˬ. Gʼuiˬsha meuˆ peu laˇ ve awˬ shaˉ lehˬ suhˆ oˇ ve teˇ hpaˍ hta‸ to‸ baˬ piˇ lawˬ ve yoˬ.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66