bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Judges 17
Judges 17
Lahu Bible Edited © Thailand Bible Society and Bible Society of Myanmar, 2010, 2020.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 18 →
1
Eˇhpaˍrenˍ mvuhˇmiˬ hkʼaw lo, Miˆhkaˍ teh‸ kʼoˆ ve chaw teˇ gʼaˇ cawˬ ve yoˬ.
2
Yawˇ ve awˬ e hta‸ yawˇ chi hkʼe kʼoˆ piˇ ve yoˬ. Nawˬ ve hpu 1,100 mehˉ kʼai htaˇ, nawˬ lehˬ hkʼawˇ shehˍ hpaˇ hta‸ hkeu piˇ taˍ ve yoˬ. Nawˬ oˇ hkʼe kʼoˆ taˍ ve hta‸ ngaˬ gʼa kaˇ ve yoˬ. Nyi sheˍ. Hpu oˇ ve chi beu‸ ngaˬ geh cawˬ taˍ ve yoˬ. Hpu oˇ ve hta‸ ngaˬ hkʼawˇ yuˬ taˍ ve yoˬ, teh‸ yawˇ ve awˬ e hta‸ kʼoˆ piˇ ve yoˬ. Yawˇ ve awˬ e lehˬ, Ngaˬ yaˇ paˍ-oˬ, Gʼuiˬsha nawˬ hta‸ awˬ bon na‸ laˇ piˇ-oˆ, teh‸ kʼoˆ piˇ ve yoˬ.
3
Hkʼe te leh, yawˇ lehˬ hpu oˇ ve yawˇ ve awˬ e hta‸ kʼaw‸ hkʼaw‸ piˇ ve yoˬ. Oˇ htaˇ yawˇ ve awˬ e kʼoˆ ve, Hkeu ve tawˇ oˇ ve nawˬ awˬ hkʼoˆ lo maˇ gʼa gaˬ la tuˬ, ngaˬ awˬ to hpu oˇ ve hta‸ yuˬ leh Gʼuiˬsha hta‸ tanˇ piˇ tuˬ yoˬ. Hpu oˇ ve hta‸ yuˬ leh ngaˬ shaˉ ho‸ teˇ maˬ te tcuh tuˬ yoˬ. Chi beu‸ hpu oˇ ve ngaˬ nawˬ hta‸ kʼaw‸ hkʼaw‸ laˇ ve yoˬ, teh‸ yawˇ ve yaˇ paˍ hta‸ kʼoˆ piˇ ve yoˬ.
4
Ya‸ hkʼaˇ, yawˇ lehˬ hpu oˇ ve yawˇ ve awˬ e hta‸ kʼaw‸ hkʼaw‸ piˇ ve yoˬ. Yawˇ ve awˬ e lehˬ hpu oˇ ve hkʼaw lo 200 hteh‸ yuˬ tawˆ leh, ca liˉ paˍ teˇ gʼaˇ hta‸ piˇ ve yoˬ. Ca liˉ oˇ ve lehˬ suhˆ shaˉ ho‸ teˇ maˬ te leh, hpu oˍ taˍ ve yoˬ. Shaˉ ho‸ oˇ ve hta‸ Miˆ hkaˍ ve yehˬ hkʼaw teh taˍ ve yoˬ.
5
Miˆhkaˍ lehˬ, oˉ kʼoˍ pui kuiˬ bon yehˬ teˇ maˬ te taˍ ve yoˬ. Yawˇ lehˬ shaˉ ho‸ teˇ hpaˍ te teh taˍ leh, yawˇ ve yaˇ teˇ gʼaˇ hta‸ paw hkuˇ te tcuh taˍ ve yoˬ.
6
Awˬ yanˇ oˇ ve awˬ hkʼaw lo, Iˉsaˍreˍlaˆ chaw teˇ hpaˍ jawˇmawˇ maˇ cawˬ sheˍ. Yawˇ hui lehˬ, a shu yawˇ te gaˇ ve hkʼe te chehˇ ve yoˬ.
7
Yuˇda‸ mvuhˇmiˬ Behˍlehˍhehnˍ venˇ hkʼaw Leˍviˆ chaw teˇ gʼaˇ chehˇ taˍ ve yoˬ.
8
Yawˇ lehˬ Behˍlehˍhehnˍ venˇ hkʼaw tu leh, awˬ nu ve mvuhˇmiˬ lo ca chehˇ tuˬ tawˆ kʼai ve yoˬ. Hkʼe te leh, yawˇ lehˬ Eˇhpaˍrenˍ mvuhˇmiˬ hkʼaw cawˬ ve Miˆhkaˍ ve yehˬ lo gaˬ la ve yoˬ.
9
Oˇ htaˇ Miˆhkaˍ lehˬ, Nawˬ hkʼaˬ lo laˬ ve le, teh‸ yawˇ hta‸ na nyi ve yoˬ. Yawˇ kʼoˆ ve, Ngaˬ lehˬ Yuˇda‸ mvuhˇmiˬ Behˍlehˍhehnˍ venˇ hkʼaw chehˇ ve Leˍviˆ chaw hpeh‸ leh, chehˇ kuiˬ ca nyi toˇ chehˇ ve yoˬ, teh‸ yawˇ hta‸ yaw hkʼaw‸ piˇ ve yoˬ.
10
Oˇ htaˇ Miˆhkaˍ lehˬ, Nawˬ ngaˬ geh chehˇ taˍ-o‸. Ngaˬ hta‸ dawˇ hkʼaˇ piˇ laˇ shehˍ hpaˇ te leh, ngaˬ ve paw hkuˇ te-o. Ngaˬ nawˬ hta‸ teˇ hkʼaw‸ ve hpu teˇ chi hteh‸ piˇ laˇ ve awˬ hkʼoˆ, veu‸ kʼaˇ leh caˇ tuˬ teˇ hpaˍ htawˇ piˇ laˇ tuˬ yoˬ, teh‸ yawˇ hta‸ kʼoˆ piˇ ve yoˬ.
11
Chaw haˉ paˍ oˇ ve lehˬ, Miˆhkaˍ geh chehˇ leh yawˇ ve yaˇ hkʼe hpeh‸ la ve yoˬ.
12
Miˆhkaˍ lehˬ, yawˇ hta‸ paw hkuˇ te tcuh leh, yawˇ lehˬ Miˆhkaˍ ve yehˬ hkʼaw chehˇ taˍve yoˬ.
13
Oˇ htaˇ Miˆhkaˍ lehˬ, Chi beu‸ Leˍviˆ chaw teˇ gʼaˇ hta‸ ngaˬ paw hkuˇ te tcuh taˍ peuˬ ve pa taw, Gʼuiˬsha ngaˬ hta‸ da‸ la uiˍ la piˇ tuˬ yoˬ, teh‸ kʼoˆ ve yoˬ.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21