Nehemiah 10

Lahu Bible Edited © Thailand Bible Society and Bible Society of Myanmar, 2010, 2020.

← Chapter 9 Jump to: Chapter 11 →

1Awˉ lawˉ peuˇ la‸ ma‸ nyiˉ ve chaw lehˬ, Yeˍruˆsaˍlehnˍ venˇ hta‸ uˉ peunˍ chehˇ ve Haˍhkaˍliˆ ve yaˇ Neˍhaˍmiˆ yoˬ. Peuˬ hkʼaw‸ nawˉ, paw hkuˇ lonˉ Zeˍdaˍkiˆ la‸ ma‸ nyiˉ ve yoˬ.

2Seˍraˍyaˆ, Aˍzaˍriˆ, Yeˍraˍmiˆ, Paˍshuˇraˆ, Aˍmaˍriˆ, Maˍlaˍhkiˇyaˆ, Haˍtoˆ, Sheˍbaˍniˆ, Maˍluˆ, Haˍrenˍ, Meˍraˍmoˆ, Awˇbaˍdiˆ, Daˍyeˍlaˆ, Giˇneˍtonˍ, Baˍroˆ, Meˍshuˆlanˍ, Aˍbiˇyaˆ, Miˆyaˍmenˍ, Maˍziˆ, Biˇlaˍgehˇ, leh Sheˍmaˍyaˆ hui hpeh‸ ve yoˬ.

3Aˍzaˍniˆ ve yaˇ Yawˇsuˆ, Heˍnaˍdiˆ ve yaˇ Biˇniˍ, Kaˍmeˍlaˆ, Sheˍbaˍniˆ, Hawˇdiˇyaˆ, Keˍliˇtaˆ, Peˍlaˍyaˆ, Naˍnanˍ, Miˆhkaˍ, Reˍhawˇbaˆ, Haˍshaˍbiˆ, Zaˍkuˇraˆ, Sheˍraˍbiˆ, Sheˍbaˍniˆ, Hawˇdiˇyaˆ, Baˍniˆ, Beˍniˍnuˆ hui hpeh‸ ve yoˬ.

4Paˍroˆ, Paˍhaˆmawˇbaˆ, Eˇlanˍ, Zaˍtoˆ, Naˍniˆ, Aˍzaˍgaˆ, Beˍbehˇ, Aˍdawˇniˇyaˆ, Biˇgaˍveˍ, Aˍdenˍ, Aˍtaˍ, Heˍzaˍkiˆ, Aˍzuˇraˆ, Hawˇdiˇyaˆ, Haˍsonˍ, Beˍzehˇ, Haˍreˆ, Aˍnaˍtoˆ, Neˍbehˇ, Maˍgaˍyaˍshaˆ, Meˍshuˆlanˍ, Heˍziˇraˆ, Meˍshaˆzaˍbeˍlaˆ, Zaˍdoˆ, Yaˍdu-aˍ, Peˍlaˍtiˆ, Haˍnanˍ, A naˍyaˆ, Hawˇsheˍ, Haˍnaˍniˆ, Haˍshoˆ, Haˍlawˇhehˆ, Piˇlaˍhaˍ, Shawˇbehˆ, Reˍhonˍ, Haˍshaˍbaˍnaˆ, Heˍseˍyaˆ, Aˍhiˇyaˆ, Haˍnanˍ, Aˍnanˍ, Maˍloˆ, Haˍrenˍ leh Baˍnaˍ hui hpeh‸ ve yoˬ.

5Ngaˬ hui Iˉsaˍreˍlaˆ chaw, paw hkuˇ, Leˍviˆ chaw, bon yehˬ ha‸ shaˉ shehˍ hpaˇ, kʼa muiˬ hkawˇ kʼa paˍ, bon yehˬ hkʼaw kanˉ te ve chaw, Gʼuiˬsha ve tawˇ hta‸ na yuˬ leh, ngaˬ hui ve mvuhˇmiˬ hkʼaw ca chehˇ la taˍ ve chaw hui hta‸ awˬ chawˇ maˇ te ve Iˉsaˍreˍlaˆ chaw hkʼa peu-eˬ, a shu yawˇ ve miˇ yaˇ teˇ hpaˍ geh teˇ geh ka ti‸ chi hkʼe te ve yoˬ.

6Ngaˬ hui lehˬ, Gʼuiˬsha Moˉseˍ hta‸ cuˇ leh ngaˬ hui hta‸ piˇ laˇ taˍ ve awˬliˇtawˇhkawˇ hkʼa peu-eˬ ve hta‸ na yuˬ leh te tuˬ yoˬ. Ngaˬ hui awˬliˇtawˇhkawˇ hta‸ maˇ na yuˬ ve kʼo, hkeu ve teˇ ceuˬ ngaˬ hui awˬ hkʼoˆ lo gaˬ la piˇ-oˆ.

7Ngaˬ hui lehˬ, ngaˬ hui ve mvuhˇmiˬ hkʼaw ca chehˇ la taˍ ve awˬ nu ve chaw ceuˬ hta‸ heuˆ tuˬ ve maˇ heˆ.

8Yawˇ hui lehˬ shinˉ nyi, maˇ heˆ kʼo, da‸ kehˬ ve awˬ nyi htaˇ, ngaˬ hui geh mawˇ ca hawˇ la ve kʼo, ngaˬ hui vuiˬ tuˬ ve maˇ heˆ. Suhˍ hkʼaw‸ biˇ ve teˇ hkʼaw‸ le le, ngaˬ hui lehˬ a shu yawˇ ve ti mi hta‸ te caˇ tuˬ ve maˇ heˆ. Jeˬ hkʼa cawˬ ve hkʼa peu-eˬ hta‸ ponˬ piˇ tuˬ yoˬ.

9Teˇ hkʼaw‸ le le, ngaˬ hui lehˬ bon yehˬ awˬ pon hpu tanˇ hkʼa deh‸ tanˇ piˇ tuˬ yoˬ.

10Awˬ hawˉ lo ve kanˉ teˇ hpaˍ hta‸ htawˇ, ngaˬ hui hkʼa deh‸ te tuˬ yoˬ. Bon yehˬ hkʼaw loˍ ve hkaoˍmonˇ, teˇ nyi le tanˇ tuˬ loˍ ve awˬ shiˍ awˬ nu teˇ hpaˍ, teˇ nyi le tuˉ tanˇ tuˬ loˍ ve to nuˇ to shaˆ teˇ hpaˍ, shinˉ nyi htaˇ tanˇ cawˇ ve mawˇ teˇ hpaˍ, ha pa tawˬ htaˇ te ve pawehˇ teˇ hpaˍ, awˬ nu ve pawehˇ teˇ hpaˍ, Iˉsaˍreˍlaˆ chaw hui ve venˇbaˆ hta‸ yuˬ baˬ tuˬ ve tanˇ tuˬ teˇ hpaˍ, leh bon yehˬ hkʼaw awˬ kaˍ awˬ nu loˍ ve kanˉ hkʼa peu-eˬ hta‸ ngaˬ hui te tuˬ yoˬ.

11Gʼuiˬsha ve awˬliˇtawˇhkawˇ li‸ daw awˬ hkʼaw lo kʼoˆ taˍ ve hkʼe, bon yehˬ hkʼaw tuˉ tanˇ kuiˬ lo yehˇ loˍ ve suhˆ teˇ hpaˍ hta‸ ca tuˬ ve chaw hui hta‸, ngaˬ hui teˇ hkʼaw‸ teˇ pawˆ mehˇ hkaˆ leh leuˆ tuˬ yoˬ.

12Awˉ lawˉ peuˇ naw‸ la ve awˬ shiˍ awˬ nu teˇ hpaˍ hta‸, ngaˬ hui Gʼuiˬsha ve bon yehˬ lo yuˬ laˬ tuˬ yoˬ.

13Awˬliˇtawˇhkawˇ li‸ daw awˬ hkʼaw lo bvuh‸ taˍ ve hkʼe, ngaˬ hui geh lo awˉ lawˉ peuˇ paw la ve yaˇ paˍ leh, ceˇ teˇ hpaˍ Gʼuiˬsha hta‸ chiˇ a‸ piˇ tuˬ yoˬ.

14Ngaˬ hui lehˬ, awˬˉ lawˉ peuˇ naw‸ la ve awˬ shiˍ awˬ nu yuˬ te taˍ ve hkaoˍmonˇ hta‸ bon yehˬ lo yuˬ laˬ tuˬ yoˬ. Chi hkʼoˆ ka‸, a pehˉ meuˇ gʼuiˬ, shaˍlonˍ chu leh awˬ nu ve iˉ shiˍ teˇ hpaˍ hta‸ htawˇ yuˬ laˬ tuˬ yoˬ. Ngaˬ hui ve awˬ shiˍ awˬ nu teˇ chi pun teˇ pun hta‸ yuˬ leh, Leˍviˆ chaw hui hta‸ tanˇ piˇ tuˬ yoˬ.

15Aˍronˍ awˬ ceuˬ awˬ hkʼaˇ paw hkuˇ teˇ hpaˍ lehˬ, teˇ chi pun teˇ pun tanˇ tuˬ shaw hpoˆ chehˇ htaˇ, Leˍviˆ chaw hui gʼa chehˇ taˍ ve yoˬ. Leˍviˆ chaw teˇ hpaˍ lehˬ tanˇ tuˬ oˇ ve teˇ hpaˍ hta‸ bon yehˬ hkʼaw gʼa ha‸ shaˉ taˍ ve yoˬ.

16Iˉsaˍreˍlaˆ chaw leh Leˍviˆ chaw teˇ hpaˍ lehˬ, tanˇ taˍ ve caˬ shiˍ, a pehˉ meuˇ gʼuiˬ, shaˍlonˍ chu oˇ ve teˇ hpaˍ hta‸, paw hkuˇ, bon yehˬ ha‸ shaˉ paˍ, kʼa muiˬ hkawˇ kʼa paˍ hui chehˇ taˍ kuiˬ bawehˇ hkʼaw lo gʼa yuˬ laˬ ve yoˬ. Ngaˬ hui lehˬ, Gʼuiˬsha ve bon yehˬ hta‸ baˬ taˉ tuˬ ve maˇ heˆ.

← Chapter 9 Jump to: Chapter 11 →