Nehemiah 12

Lahu Bible Edited © Thailand Bible Society and Bible Society of Myanmar, 2010, 2020.

1Awˬ hawˉ lo bvuh‸ taˍ ve paw hkuˇ leh Leˍviˆ chaw teˇ hpaˍ lehˬ, Saˍlaˍteˍlaˆ ve yaˇ Zeˍruˆbaˍbeˍlaˆ leh paw hkuˇ lonˉ Yawˇsuˆ hui geh shu ve mvuhˇmiˬ lo kʼaw‸ la taˍ ve chaw teˇ hpaˍ hpeh‸ ve yoˬ.

2Seˍraˍyaˆ, Yeˍraˍmiˆ, Eˇzaˍraˆ, Aˍmaˍriˆ, Maˍloˆ, Haˍtoˆ, Sheˍkaˍniˆ, Reˍhonˍ, Meˍraˍmoˆ, Iˉdoˍ, Giˇneˍtonˍ, Aˍbiˇyaˆ, Miˆyaˍmenˍ, Maˍdaˍ, Biˆlaˍgaˍ, Sheˍmaˍyaˆ, Yawˇyaˍreˆ, Yeˍdaˍyaˆ, Saˍluˆ, Aˍmoˆ, Hiˇlaˍhkiˆ, leh Yeˍdaˍyaˆ hui hpeh‸ ve yoˬ. Paw hkuˇ chi teˇ hpaˍ lehˬ, Yawˇsuˆ awˬ co-e htaˇ shu a‸ kehˉ aˉ yaˇ uiˍ ve chaw teˇ hpaˍ hpeh‸ ve yoˬ.

8kʼa muiˬ hkawˇ hpawˇ ve awˬ hoˉ teˇ hpaˍ hpeh‸ ve yoˬ. Yawˇsuˆ, Biˇniˍ, Kaˍmaˍlaˆ, Sehˍraˍbiˆ, Yuˇda‸, leh Maˍtaˍniˆ hui hpeh‸ ve yoˬ.

9Baˍkaˍbuˇkiˆ, Uˇnoˍ leh awˬ nu ve Leˍviˆ chaw teˇ hpaˍ lehˬ, kʼa muiˬ hkawˇ kʼa shehˍ hpaˇ teˇ hpaˍ hpeh‸ ve yoˬ.

10Yawˇsuˆ lehˬ, Yawˇyaˍkenˍ ve awˬ pa yoˬ. Yawˇyaˍkenˍ lehˬ, Eˇlaˍsheˆ ve awˬ pa yoˬ. Eˇlaˍsheˆ lehˬ, Yawˇyaˍdaˆ ve awˬ pa yoˬ.

11Yawˇtaˍdaˆ lehˬ Yawˇnaˆtanˍ ve awˬ pa yoˬ. Yawˇnaˆtanˍ lehˬ Yaˍdu-aˍ ve awˬ pa yoˬ.

12Yawˇyaˍkenˍ paw hkuˇ lonˉ te chehˇ htaˇ, awˬ hawˉ lo bvuh‸ taˍ ve paw hkuˇ teˇ hpaˍ lehˬ, shu a‸ kehˉ aˉ yaˇ uiˍ ve chaw teˇ hpaˍ hpeh‸ ve yoˬ. Meˍraˍyaˆ Seˍraˍyaˆ Haˍnaˍniˆ Yeˍraˍmiˆ Meˍshuˆlanˍ Eˇzaˍraˆ Yawˇhaˍnanˍ Aˍmaˍriˆ Yawˇnaˆtanˍ Maˍluˇkiˆ Yoˇseh‸ Sheˍbaˍniˆ Aˍdaˍnaˆ Haˍrenˍ Heˍlaˍkehˇ Meˍraˍyoˆ Zaˍhkaˍriˆ Iˉdoˍ Ziˇhkaˍriˆ Aˍbiˇyaˆ ............ Miˆnyaˍmenˍ Piˇlaˍtehˇ Moˍdi-aˍ Shaˍmuˍ Biˆlaˍgaˍ Yawˬhawˉnaˍtanˍ Sheˍmaˍyaˆ Maˍteˍnehˇ Yawˇyaˍreˆ Awˇziˆ Yeˍdaˍyaˆ Kaˍlehˆ Saˍlehˇ Heˍbaˍ Aˍmoˆ Haˍshaˍbiˆ Hiˇlaˍhkiˆ Naˍtaˍneˍlaˆ Yeˍdaˍyaˆ

22Eˇlaˍsheˆ, Yawˇyaˍdaˆ, Yawˇhaˍnanˍ, Yaˍdu-aˍ hui paw hkuˇ lonˉ te chehˇ ve teˇ yanˇ, Paw hkuˇ lonˉ leh Leˍviˆ chaw awˬ hoˉ awˬ naˬ teˇ hpaˍ ve caˇ lanˇ hkʼa deh‸ te taˍ ve yoˬ. Paˇshaˇ mvuhˇmiˬ hta‸ Daˍriˆ jawˇmawˇ te chehˇ htaˇ, caˇ lanˇ chi gu peuˬ ve yoˬ.

23Paw hkuˇ lonˉ Eˇlaˍsheˆ ve awˬ hawehˍ, Yawˇhaˍnanˍ awˬ co-e hkʼa gaˬ, Leˍviˆ chaw awˬ hoˉ awˬ naˬ chi teˇ hpaˍ ve caˇ lanˇ hta‸ hkʼa deh‸ ha‸ shaˉ taˍ ve yoˬ.

24Haˍshaˍbiˆ, Sheˍraˍbiˆ, Yawˇsuˆ, Biˇniˍ, Kaˍmeˍlaˆ, hui awˬ hoˉ te leh, Leˍviˆ chaw hui hta‸ awˬ moˍ awˬ moˍ te shaw teh taˍ ve yoˬ. Gʼuiˬsha ve chaw jawˇmawˇ lonˉ Daˍviˆ awˬ hkʼaˇ gu taˍ ve hkʼe, yawˇ hui teˇ pawˆ ve nyiˇ moˍ Gʼuiˬsha hta‸ kʼa muiˬ chiˇ mvuh ve yoˬ.

25Maˍtaˍniˆ, Baˍkaˍbuˇkiˆ, Awˇbaˍdiˆ, Meˍshuˆlanˍ, Taˍlaˍmonˍ leh Aˍkoˆ hui lehˬ, bon yehˬ ha‸ shaˉ shehˍ hpaˇ teˇ hpaˍ hpeh‸ leh, mawˇ ha‸ shaˉ taˍ kuiˬ yehˬ hta‸ te leh bon yehˬ taˍ meu‸ hpe‸ lo hkʼa gaˬ nyi ha‸ shaˉ ve kanˉ hta‸ te ve yoˬ.

26Chaw chi teˇ hpaˍ lehˬ, Yawˇyaˍdehˆ ve awˬ hawehˍ, Yawˇsuˆ ve yaˇ Yawˇyaˍkenˍ, jawˇmawˇ Neˍhaˍmiˆ leh awˬliˇtawˇhkawˇ shiˍ shehˍ hpaˇ Eˇzaˍraˆ awˬ co-e hkʼa gaˬ chehˇ taˍ ve yoˬ.

27Yeˍruˆsaˍlehnˍ lanˇ venˇ hta‸ chiˇ a‸ piˇ htaˇ, cehnˬ dawˆ kʼaˍ hkʼeˆ leh ha lehˬ ha kʼa Gʼuiˬsha hta‸ chiˇ mvuh hpeh‸ tuˬ, yawˇ hui lehˬ hkʼaˬti chi ti lo chehˇ taˍ ve Leˍviˆ chaw teˇ hpaˍ hta‸ kuˬ yuˬ ve yoˬ.

28Yawˇ hui lehˬ, Yeˍruˆsaˍlehnˍ, Neˍtawˇhpaˆ venˇ,

29Behˆgiˇlaˍgaˍ venˇ, Geˍbaˍ venˇ, Aˍzaˍmaˍvehˆ venˇ, chi teˇ hpaˍ hkʼaw chehˇ ve kʼa muiˬ hkawˇ kʼa puiˉ ve Leˍviˆ chaw teˇ hpaˍ hta‸ kuˬ yuˬ ve yoˬ.

30Paw hkuˇ leh Leˍviˆ chaw teˇ hpaˍ lehˬ, a shu yawˇ awˬ to hta‸ maˇ kʼoˆ, chaw yaˇ teˇ hpaˍ hta‸ maˇ kʼoˆ, venˇ taˍ meu‸ hpe‸ leh lanˇ venˇ hta‸ maˇ kʼoˆ, da‸ tuˬ kehˬ tuˬ te piˇ ve yoˬ.

31Oˇ ve hkʼaw‸ nawˉ, Gʼuiˬsha hta‸ chiˇ mvuh leh lanˇ venˇ hta‸ caw tcuh tuˬ, ngaˬ lehˬ Yuˇda‸ chaw awˬ hoˉ awˬ naˬ teˇ hpaˍ hta‸ lanˇ venˇ hkʼoˆ kuˬ yuˬ leh, yawˇ hui hta‸ nyiˇ cawˆ te huˉ tcuh ve yoˬ. Awˉ lawˉ peuˇ ve teˇmoˍ hta‸, la‸ sha paˇ hpawˇ lo caw kʼai tcuh ve yoˬ.

32Hawˇshaˍyaˆ leh Yuˇda‸ awˬ hoˉ awˬ naˬ teˇ hkoˇ lehˬ, kʼa muiˬ hkawˇ kʼa paˍ hkʼaˇ suh gʼa‸ toˇ chehˇ ve yoˬ.

33Yawˇ hui hkʼaw‸ nawˉ paˉ lo paw hkuˇ Aˍzaˍriˆ, Eˇzaˍraˆ, Meˍshuˆlanˍ, Yuˇda‸, Beˍyaˍmenˍ, Sheˍmaˍyaˆ leh Yeˍraˍmiˆ hui a shu yawˇ ve behˬ heh ma meuˆ leh gʼa‸ kʼai ve yoˬ. Yawˇ hui hkʼaw‸ nawˉ lo, Aˍsaˆ, Zaˍkuˇraˆ, Miˆhkaˍ, Maˍtaˍniˆ, Sheˍmaˍyaˆ, Yawˇnaˆtanˍ, hui ve awˬ ceuˬ awˬ hkʼaˇ Zaˍhkaˍriˆ gʼa‸ kʼai ve yoˬ.

36Yawˇ hkʼaw‸ nawˉ lo yawˇ ve awˬ viˉ awˬ nyi, Shaˍmaˍyaˆ, Aˍzaˍreˍlaˆ, Miˆlaˍlehˇ, Maˍiˆ, Naˍtaˍneˍlaˆ, Yuˇda‸ leh Haˍnaˍniˆ hui lehˬ, Gʼuiˬsha ve chaw jawˇmawˇ lonˉ Daˍviˆ yehˇ jaw ve tinˍ teˇ hpaˍ yuˬ leh gʼa‸ kʼai ve yoˬ. Paw hkuˇ chi teˇ moˍ hta‸, awˬliˇtawˇhkawˇ shiˍ paˍ Eˇzaˍ raˆ awˬ hoˉ te ve yoˬ.

37Iˉ kaˆ gʼuiˬ tuˇ taˍ meu‸ hpe‸ lo gaˬ ve teˇ yanˇ, yawˇhui lehˬ Daˍviˆ ve venˇ lo kʼai ve go hta‸ taˆ-e leh, Daˍviˆ ve hawˉ yehˬ hta‸ hpanˍ kʼai peuˬ hkʼaw‸ nawˉ, venˇ mvuhˇ nyi tawˆ hpawˇ lo cawˬ ve iˉ kaˆ taˍ meu‸ hpe‸ lo laˬ ve yoˬ.

38Awˬ nu ve teˇ moˍ lehˬ, lanˇ venˇ la‸ mehˍ paˉ hpawˇ lo kʼai ve yoˬ. Ngaˬ htawˇ yawˇ hui hkʼaˇ suh gʼa‸ kʼai ve yoˬ. Ngaˬ hui lehˬ, aˬ miˍ ceh kui‸ ta‸ yehˬ leh, kʼehˬ ve lanˇ venˇ hta‸ hpanˍ kʼai ve yoˬ.

39Oˇ kaˬ lo kʼaw‸ te leh, Eˇhpaˍrenˍ taˍ meu‸ hpe‸, Yeˍhaˍnaˍ taˍ meu‸ hpe‸, Ngaˇ taˍ meu‸ hpe‸, Haˍnaˍneˍlaˆ ta‸ yehˬ, Haˍmeˍaˍ ta‸ yehˬ, Yawˬ taˍ meu‸ hpe lo hkʼa gaˬ kʼai ve yoˬ. Ngaˬ hui lehˬ, htawnˍ yehˬmiˉhpe‸ lo jehˇ taˍ ve yoˬ.

40Hkʼe te leh, ngaˬ hui nyiˇ moˍ moˍ bon yehˬ paˇ lo gaˬ la ve yoˬ.

41Ngaˬ geh kʼai taˍ ve awˬ hoˉ awˬ naˬ teˇ hpaˍ lehˬ, behˬheh ma meuˆ shehˍ hpaˇ Eˇlaˍkanˍ, Maˍsaˍyaˆ, Miˆnyaˍmenˍ, Miˆhkaˍ, Eˇlawˇnehˇ, Zaˍhkaˍriˆ, Haˍnaˍniˆ hui hpeh‸ ve yoˬ.

42Kʼa muiˬ hkawˇ kʼa shehˍ hpaˇ teˇ hpaˍ lehˬ, Haˍseˍyaˆ, Sheˍmaˍyaˆ, Eˇlaˍzaˍ, Awˇziˆ, Yeˍhawˇhaˍnanˍ, Maˍlaˍhkiˇyaˆ, Eˇlanˍ, leh Eˇzaˍ hui hpeh‸ ve yoˬ. Kʼa muiˬ hkawˇ kʼa ve awˬ hoˉ lehˬ, Yeˍzaˍraˍhiˆ hpeh‸ leh, yawˇ hui awˬ hkawˇ bvuhˬ chaweh kʼa chehˇ ve yoˬ.

43Oˇ ve teˇ nyi awˬ hkʼaw lo, to nuˇ to shaˆ maˇ maˇ tuˉ tanˇ ve yoˬ. Chaw yaˇ teˇ hpaˍ ka‸ ha lehˬ jaˇ ve yoˬ. Awˬ lawn kʼo, Gʼuiˬsha yawˇ hui hta‸ ha lehˬ tuˬ te piˇ ve pa taw yoˬ. Yaˇ miˇ yaˇ nehˬ teˇ hpaˍ htawˇ, pawehˇ te kuiˬ lo hpawnˬ laˬ ve yoˬ. Yawˇ hui kuˬ ve awˬ hkawˇ hta‸ vuiˇ kuiˬ lo htawˇ gʼa kaˇ ve yoˬ.

44Awˬ yanˇ oˇ ve awˬ hkʼaw lo, mawˇ leh teˇ chi pun teˇ pun hpu tanˇ ha‸ shaˉ taˍ kuiˬ bawehˇ teˇ hpaˍ hta‸, shaw shehˍ hpaˇ teˇ hpaˍ hkʼa deh‸ shaw taˍ ve yoˬ. Shaw shehˍ hpaˇ teˇ hpaˍ lehˬ awˬliˇtawˇhkawˇ li‸ daw hkʼaw koˆ taˍ ve hkʼe, paw hkuˇ leh Leˍviˆ chaw teˇ hpaˍ awˬ pon chaw yaˇ teˇ hpaˍ tanˇ laˇ ve mawˇ leh hpu tanˇ teˇ hpaˍ hta‸ ca shaw yuˬ ve yoˬ. Yuˇda‸ chaw hui lehˬ, paw hkuˇ leh Leˍviˆ chaw teˇ hpaˍ hta‸ nyi ma cawˇ ve yoˬ.

45Awˬ lawn kʼo yawˇ hui lehˬ, Gʼuiˬsha kʼoˆ ve hkʼe te leh chaw yaˇ teˇ hpaˍ hta‸ da‸ tuˬ kehˬ tuˬ te piˇ ve pa taw yoˬ. Kʼa muiˬ hkawˇ kʼa shehˍ hpaˇ teˇ hpaˍ leh, bon yehˬ hta‸ ha‸ shaˉ ve chaw teˇ hpaˍ htawˇ, jawˇmawˇ Daˍviˆ leh Sawˉla‸monˍ hui awˬ liˇ teh taˍ ve hkʼe, a shu yawˇ ve kanˉ hta‸ hkʼa deh‸ te chehˇ ve yoˬ.

46Aˬ sho-eˬ jawˇmawˇ Daˍviˆ leh, kʼa muiˬ hkawˇ kʼa ve awˬ hoˉ Aˍsaˆ hui ve awˬ co-e hta‸ te leh, kʼa muiˬ hkawˇ kʼa ve awˬ moˍ lehˬ, Gʼuiˬsha hta‸ chiˇ mvuh ve kʼa muiˬ hkawˇ kʼa chehˇ ve yoˬ.

47Zeˍruˇbaˍbeˍlaˆ leh Neˍhaˍmiˆ awˬ co-e hkʼaw lo, Iˉsaˍreˍlaˆ chaw teˇ hpaˍ lehˬ kʼa muiˬ hkawˇ kʼa paˍ leh, bon yehˬ ha‸shaˉ paˍ hui awˬ pon, teˇ nyi le le la‸ shawnˍ yuˬ laˬ piˇ chehˇ ve yoˬ. Chaw yaˇ teˇ hpaˍ lehˬ, da‸ kehˬ ve tanˇ tuˬ Leˍviˆ chaw hui hta‸ piˇ leh, yawˇ hui teˇ caˉ paw hkuˇ teˇ hpaˍ hta‸ loˍ ve hkʼe kʼaw‸ ga piˇ ve yoˬ.

← Chapter 11 Jump to: Chapter 13 →