Nehemiah 7

Lahu Bible Edited © Thailand Bible Society and Bible Society of Myanmar, 2010, 2020.

← Chapter 6 Jump to: Chapter 8 →

1Chi teˇ pawˆ lanˇ venˇ leh taˍ meu‸ hpe‸ teˇ hpaˍ hta‸ hkʼa deh‸ kʼaw‸ gu te taˍ peuˬ ve pa taw, bon yehˬ hta‸ ha‸ shaˉ shehˍ hpaˇ teˇ hpaˍ leh, kʼa muiˬ hkawˇ kʼa shehˍ hpaˇ teˇ hpaˍhta‸ htawˇ hkʼa deh‸ kʼaw‸ leuˆ yuˬ taˍ ve yoˬ. Leˍviˆ chaw hui hta‸ htawˇ yawˇ hui ve kanˉ hta‸ hkʼa deh‸ kʼaw‸ te tuˬ kanˉ chiˇ a‸ piˇ ve yoˬ.

2Oˇ ve hkʼaw‸ nawˉ, ngaˬ lehˬ Yeˍruˆsaˍlehnˍ venˇ hta‸ uˉ peunˍ tuˬ ve chaw nyiˇ gʼaˇ hta‸ leuˆ yuˬ taˍ ve yoˬ. Yawˇ huiˉ maˬ lehˬ, ngaˬ nyi paˍ Haˍnanˍ leh ta‸ yehˬ hta‸ uˉ peunˍ chehˇ ve ma‸ poˍ lonˉ Haˍnaˍniˆ hui hpeh‸ ve yoˬ. Haˍnaˍniˆ lehˬ ka ti‸ yeˬ leh, Gʼuiˬsha hta‸ kawˆ puiˉ ve chaw teˇ gʼaˇ hpeh‸ ve yoˬ.

3Yeˍruˆsaˍlehnˍ venˇ taˍ meu‸ hpe‸ chi teˇ hpaˍ hta‸, mvuhˇ shawˉ mvuhˇ nyi tawˆ la htaˇ hpaw leh, mvuhˇ hpeu‸ hpawˇ shaw shehˍ hpaˇ teˇ hpaˍ maˇ kʼo‸-e sheˍ htaˇ hoˆ tuˬ, yawˇ hui hta‸ kʼoˆ piˇ ve yoˬ. Venˇ hkʼaw chehˇ ve chaw teˇ hpaˍ hpaˍ hta‸ shaw shehˍ hpaˇ te tcuh leh, teˇ hpaˍ hpaˍ hta‸ venˇ hkʼaw ca toˇ nyi paˍ te tuˬ, kʼoˆ piˇ taˍ ve yoˬ.

4Yeˍruˆsaˍlehnˍ venˇ lehˬ, uiˍ jaˇ kʼehˬ jaˇ ve yoˬ. Ya‸ hkʼaˇ, venˇ hkʼaw lo chehˇ ve chaw teˇ hpaˍ i jaˇ she‸ leh, yehˬ teˇ hpaˍ htawˇ a ciˉ ceh tiˉ cawˬ she‸ ve yoˬ.

5Venˇ yaˇ teˇ hpaˍ hta‸ kuˬ hpawnˬ leh, yawˇ hui ve caˇ lanˇ yuˬ nyi tuˬ, Gʼuiˬsha ngaˬ hta‸ dawˇ pawnˍ laˇ ve yoˬ. Hkʼe te leh ngaˬ caˇ lanˇ yuˬ nyi ve teˇ yanˇ, shu mvuhˇmiˬ lo ca chehˇ taˉ leh kʼaw‸ la taˍ ve chaw chi teˇ hpaˍ hta‸ gʼa mawˬ ve yoˬ.

6Awˬ hawˉ lo bvuh‸ taˍ ve chaw chi teˇ hpaˍ lehˬ, Baˍbuˍlonˍ mvuhˇmiˬ hkʼaw Neˍbuˍhkaˍneˍzaˍ jawˇmawˇ te chehˇ htaˇ, shu shiˍ kʼai taˍ ve chaw teˇ hpaˍ hpeh‸ ve yoˬ. Chi beu‸Yeˍruˆsaˍlehnˍ, maˇ heˆ kʼo, Yuˇda‸ mvuhˇmiˬ hkʼaw cawˬ ve venˇ teˇ maˬ maˬ hkʼaw ca kʼaw‸ chehˇ la taˍ ve chaw teˇ hpaˍ hpeh‸ ve yoˬ.

7Yawˇ hui hta‸ shiˍ hkʼaw‸ veu laˇ taˍ ve awˬ hoˉ teˇ hpaˍ lehˬ, Zeˍruˇbaˍbeˍlaˆ, Yawˇsuˆ, Neˍhaˍmiˆ, Aˍzaˍriˆ, Raˍmiˆ, Naˍhaˍmaˍniˆ, Mawˍdaˍkehˇ, Biˇlaˍshanˍ, Miˆsaˍpeˍrehˆ, Biˇgaˍveˍ, Neˍhunˍ, leh Baˍnaˍ hui hpeh‸ ve yoˬ.

← Chapter 6 Jump to: Chapter 8 →