Nehemiah 11

Lahu Bible Edited © Thailand Bible Society and Bible Society of Myanmar, 2010, 2020.

← Chapter 10 Jump to: Chapter 12 →

1Iˉsaˍreˍlaˆ chaw awˬ hoˉ awˬ naˬ teˇ hpaˍ lehˬ, Yeˍruˆsaˍlehnˍ venˇ hkʼaw chehˇ taˍ ve yoˬ. Oˇ kaˬ lo chehˇ tuˬ ve chaw hui hta‸ yawˇ hui mehˇ hkaˆ leh leuˆ yuˬ ve yoˬ. Yehˬ kʼa 10 maˬ awˬ hkʼaw lo, yawˇ hui yehˬ kʼa teˇ maˬ hta‸ ceh leuˆ yuˬ ve yoˬ. Awˬ nu ve chaw teˇ hpaˍ lehˬ, awˬ nu ve venˇ teˇ hpaˍ hkʼaw gʼa ca chehˇ ve yoˬ.

2Yeˍruˆsaˍlehnˍ venˇ hkʼaw gʼa chehˇ cawˇ ve chaw hui hta‸ shu chiˇ mvuh ve yoˬ.

3Paw hkuˇ teˇ hpaˍ, Leˍviˆ chaw teˇ hpaˍ, bon yehˬ hkʼaw kanˉ te paˍ teˇ hpaˍ leh, Sawˉla‸monˍ ve awˬ ceuˬ awˬ hkʼaˇ teˇ hpaˍ lehˬ, awˬ nu ve venˇ teˇ hpaˍ hkʼaw lo chehˇ taˍ ve yoˬ.

4Hpaˍrehˆ, Maˍhaˍleˍlaˆ, Sheˍhpaˍtiˆ, Aˍmaˍziˆ, Zaˍhkaˍriˆ, Awˇziˆ hui ve awˬ ceuˬ awˬ hkʼaˇ Aˍtaˍyaˆ,

5Sheˍlaˆ, Zaˍhkaˍriˆ, Yawˇyaˍreˆ, Aˍdaˍyaˆ, Haˍzaˍyaˆ, Kawˇlaˆhawˇzaˆ, Baˍroˆ hui ve awˬ ceuˬ awˬ hkʼaˇ Maˍseˍyaˆ leh,

6Peˍrehˆ awˬ ceuˬ awˬ hkʼaˇ, ha‸ hanˉ jaˇ ve ma‸ yaˇ 600 gʼaˇ hpeh‸ ve yoˬ.

7Yeˍshaˍyaˆ, Iˉteˍlaˆ, Maˍseˍyaˆ, Kawˇlaˍyaˆ, Peˍdaˍyaˆ, Yawˇdaˆ, Meˍshuˆlanˍ hui ve awˬ ceuˬ awˬ hkʼaˇ Saˍluˆ,

8Saˍluˆ ve awˬ viˉ awˬ nyi Gaˍbeˍ, Saˍlehˇ leh awˬ nu ve Beˍyaˍmenˍ chaw 928 gʼaˇ hpeh‸ ve yoˬ.

9Ziˇhkaˍriˆ ve yaˇ Yawˇlaˆ lehˬ, yawˇ hui ve awˬ hoˉ lonˉ hpeh‸ leh, Haˍseˍnuˆ ve yaˇ Yuˇda‸ lehˬ, awˬ hoˉ nyiˇ gʼaˇ teˇ gʼaˇ hpeh‸ ve yoˬ.

10Yawˇyaˍreˆ ve yaˇ Yeˍdaˍyaˆ, Yaˍhkenˍ,

11ponˬ laˬ htaˇ bon yehˬ hta‸ ha‸ shaˉ jaw taˉ ve Aˍhiˇtuˆ, Meˍraˍyoˆ, Zaˍdoˆ, Meˍshuˆlanˍ, Hiˇlaˍhkiˆ hui ve awˬ ceuˬ awˬ hkʼaˇ Seˍraˍyaˆ leh, yawˇ ve awˬ viˉ awˬ nyi 822 gʼaˇ,

12Maˍlaˍhkiˇyaˆ, Paˍshuˇraˆ, Zaˍhkaˍriˆ, Aˍmaˍziˆ, Peˍlaˍliˆ, Yeˍyawˇhanˍ hui ve awˬ ceuˬ awˬ hkʼaˇ Aˍdaˍyaˆ leh yawˇ ve awˬ viˉ awˬ nyi 242 gʼaˇ,

13Iˉmeˍraˆ, Meˍshiˉlaˍmoˆ, Aˍhaˍzehˇ, Aˍzaˍreˍlaˆ hui ve awˬ ceuˬ awˬ hkʼaˇ Aˍmaˍsehˇ leh, yawˇ ve awˬ vi awˬ nyi ha‸ hanˉ jaˇ ve ma‸ yaˇ 128 gʼaˇ hpeh‸ ve yoˬ.

14Yawˇ hui ve awˬ hoˉ lehˬ, Zaˍbaˍdaˍlaˆ hpeh‸ ve yoˬ.

15Buˇniˆ, Haˍshaˍbiˆ, Aˍzaˍriˆkanˍ Haˍshoˆ hui ve awˬ ceuˬ awˬ hkʼaˇ Sheˍmaˍyaˆ,

16bon yehˬ awˬ baˬ hpawˇ lo kanˉ nyi paˍ Shaˍbeˍtehˇ leh Yawˇzaˍbaˆ,

17Aˍsaˆ, Zaˍbaˍdiˆ, Miˆhkaˍ hui ve awˬ ceuˬ awˬ hkʼaˇ, kʼa mui hkawˇ kʼa ve awˬ hoˉ Maˍtaˍniˆ, yawˇ hta‸ ga piˇ shehˍ hpaˇ Baˍkaˍbuˇkiˆ, Yeˍduˆtonˍ, Gaˍlaˍlaˆ, Shaˍmuˍ hui ve awˬ ceuˬ awˬ hkʼaˇ Awˇbaˍdiˆ leh,

18Leˍviˆ chaw hkʼa peu-eˬ 284 gʼaˇ hpeh‸ ve yoˬ.

19Aˍkoˆ, Taˍlaˍmonˍ leh yawˇ hui ve awˬ viˉ awˬ nyi 172 gʼaˇ hpeh‸ ve yoˬ.

20Awˬ nu ve Iˉsaˍreˍlaˆ chaw teˇ hpaˍ leh, paw hkuˇ, Leˍviˆ chaw teˇ hpaˍ lehˬ, awˬ nu ve Yuˇda‸ venˇ teˇ hpaˍ hkʼaw chehˇ taˍ ve yoˬ.

21Bon yehˬ hkʼaw kanˉ te shehˍ hpaˇ teˇ hpaˍ lehˬ, Yeˍruˆsaˍlehnˍ venˇ hkʼaw cawˬ ve Awˇhpeˍlaˆ teh‸ kʼoˆ ve chehˇ kuiˬ lo chehˇ taˍ ve yoˬ. Yawˇ hui lehˬ, Ziˇhaˆ leh Biˇshaˍpaˆ hui awˬ hawˉ lo chehˇ leh kanˉ te chehˇ ve yoˬ.

22Yeˍruˆsaˍlehnˍ venˇ hkʼaw chehˇ leh, Leˍviˆ chaw hta‸ awˬ hoˉ te chehˇ ve chaw lehˬ, Miˆhkaˍ, Maˍtaˍniˆ, Haˍshaˍbiˆ, Baˍniˆ hui ve awˬ ceuˬ awˬ hkʼaˇ Awˇziˆ hpeh‸ ve yoˬ. Yawˇ lehˬ, kʼa mui hkawˇ kʼa hpawˇ awˬ hoˉ te leh sheh kʼai piˇ chehˇ ve Aˍsaˆ awˬ ceuˬ awˬ hkʼaˇ hpeh‸ ve yoˬ.

23Hkʼaˬ ve teˇ nyi awˬ hkʼaw lo, hkʼaˬ ve chaw teˇ moˍ kʼa muiˬ hkawˇ gʼa kʼa tuˬ, yawˇ hui awˬ hkʼaˇ hkʼa deh‸ gu taˍ ve yoˬ.

24Yuˇda‸ chaw Zeˍraˆ awˬ ceuˬ awˬ hkʼaˇ, Meˍshaˆzaˍbeˍlaˆ ve yaˇ Peˍtaˍhiˆ lehˬ, Paˇshaˇ mvuhˇmiˬ ve shaˉ nanˉ lonˉ hkʼaw, Yuˇda‸ chaw hui ve a ma‸ lonˉ te chehˇ ve yoˬ.

25Awˬ nu ve Iˉsaˍreˍlaˆ chaw teˇ hpaˍ lehˬ, a shu yawˇ ve ti mi hta‸ neˇ ve venˇ teˇ hpaˍ hkʼaw lo chehˇ taˍ ve yoˬ. Yuˇda‸ awˬ ceuˬ awˬ hkʼaˇ teˇ hpaˍ lehˬ, Aˍbaˆ, Diˇdonˍ, Yeˍkaˆyeˍlaˆ venˇ leh, awˬ nu ve hkʼaˆ teˇ hpaˍ hkʼaw chehˇ ve yoˬ.

26Yawˇ hui lehˬ, Jeˍshuˍ, Mawˇlaˍdaˆ, Behˆpaˍlehˆ

27Haˍzaˍshuˍlaˆ, Beˍraˍsheˍbaˆ, leh awˬ nu ve hkʼaˆ teˇ hpaˍ hkʼaw chehˇ ve yoˬ.

28Chi hkʼoˆ ka‸, yawˇ hui lehˬ Ziˇkaˍlaˆ, Meˍdawˇnaˆ,

29Enˍriˇmonˍ, Zawˇraˆ, Yaˍmoˆ,

30Zaˍnonˍ, Aˍduˆlanˍ, Laˍhkiˇshaˆ, Aˍzaˍkaˍ leh awˬ nu ve hkʼaˆ teˇ hpaˍ hkʼaw lo htawˇ chehˇ taˍ ve yoˬ. Yawˇ hui lehˬ, awˬ hawˉ hpawˇ Beˍraˍsheˍbaˆ venˇ hta‸ te leh, awˬ na hpawˇ Yeˍruˆsaˍlehnˍ venˇ paˇ lo cawˬ ve Hiˆnonˍ miˬ tawˬ kuiˬ lo hkʼa gaˬ chehˇ taˍ ve yoˬ.

31Beˍyaˍmenˍ awˬ ceuˬ awˬ hkʼaˇ teˇ hpaˍ lehˬ, Geˍbaˍ, Miˆmaˆ, Aiˍjaˍ, Beˍteˍlaˆ,

32Aˍnaˍtoˆ, Nawˇbaˆ, Aˍnaˍniˆ,

33Haˍzawˇ, Raˍmaˆ, Giˆtenˍ,

34Haˍdiˆ, Zeˍbonˍ, Neˍbaˍlaˆ,

35Lawˇdaˆ, Awˇnawˇ, leh La‸shaˉmaˉ lawˬ hkʼo‸, teh‸ kʼoˆ ve lawˬ hkʼo‸ hkʼaw chehˇ ve yoˬ.

36Yuˇda‸ mvuhˇmiˬ hkʼaw chehˇ ve Leˍviˆ chaw teˇ hpaˍ lehˬ, Beˍyaˍmenˍ chaw hui geh chehˇ tuˬ kʼoˆ piˇ taˍ ve yoˬ.

← Chapter 10 Jump to: Chapter 12 →