bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
1 Samuel 14
1 Samuel 14
Mossi MPBU (WẼNNAAM SEBRE 2014)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 15 →
1
Daar a yembre, a Sayull biig a Zonatã yeela bi-bɩɩg ning sẽn zãad-a yẽnda zab-teedã yaa: «Wa tɩ d kẽng Filistẽ-dãmbã tãb-sikã sẽn be hal ka sẽnẽ wã.» A Zonatã yaool n dag n ka wilg a ba a Sayull ye.
2
A Sayull dag n bee Gɩbeya toadgẽ wã, n zĩ gernaad tɩɩg ning sẽn be Migrõ wã tẽngre. Neb nins sẽn dag n be ne yẽnda wã sõor kolga neb kobs-yoobe.
3
Wakat-kãng tɩ yaa a Akiya n dag n yeelgd maan-kʋʋr kãsem fuugã. Akiya yaa a Ikabood ba-biig a Akituub biiga. A Akituub yaa a Fineyaas biiga, la a Fineyaas yaa Sẽn-Ka-Saab maan-kʋʋd a Eli sẽn dag n be Sɩlo wã biiga. Tãb-bi-sullã ka bãng a Zonatã loogr ye.
4
A Zonatã sẽn tɩ tũ zĩig ning n na n pɩʋʋg n kẽng Filistẽ-dãmbã tãb-sikẽ wã, pĩig kug-sɩlems a yiib n dag n be goabg la rɩtgo. B rag n boonda a yembr tɩ Botsɛte, la b boond a yembrã tɩ Sene.
5
A yembr bee rɩtgo, n teesd Mikmaase, t'a yembr be goabga, n teesd Geba sẽnẽ.
6
A Zonatã yeela a rakõorã sẽn zãad yẽnda zab-teedã yaa: «Wa tɩ d kẽng nin-bãmbã sẽn ka kẽ bãongã tãb-sikẽ. Daar ninga, Sẽn-Ka-Saab na n sõnga tõndo, bala, bũmb ka be n tõe n gɩdg Sẽn-Ka-Saab tɩ b tũnug neb bilf wall neb wʋsg n fãag ye.»
7
Yẽnda rakõorã leok-a lame: «Yãmb sẽn dat n maan bũmb ning fãa, bɩ y maan tɩ mam bee ne yãmba.»
8
La a Zonatã yeelame: «Beneere, wa tɩ d kẽng b sẽnẽ, n maan tɩ b yã-do.
9
Bãmb sã n yeel tõnd tɩ d yals tɩ b wa, tõnd na n yalsame n ka kẽng b nengẽ ye.
10
La bãmb sã n yeel tõnd tɩ d wa b nengẽ, bɩ d kẽnge, bala, Sẽn-Ka-Saab rɩk-b lame n ning tõnd nugẽ. Bõn-kãng na n yɩɩ bãnde.»
11
Dẽ, bãmb b yiibã fãa likame tɩ Filistẽ-dãmbã yãnd-ba, n yeele: «Ad Ebre neb sẽn yit bogd nins b sẽn dag n solgã pʋsẽ.»
12
La Filistẽ-dãmbã yeela a Zonatã ne ned ning sẽn zãad-a yẽnda zab-teedã yaa: «Wa-y tõnd nengẽ tɩ d wilg-y bũmbu.» A Zonatã yeela ned ning sẽn zãad-a yẽnda zab-teedã: «Pʋg maam tɩ d kẽnge, bala, Sẽn-Ka-Saab rɩk-b lame n ning Israyɛll nugẽ.»
13
A Zonatã ne a rakõorã kũnumame n dʋ tãngã. A Zonatã rag n pãbda Filistẽ-dãmbã n lubdẽ, t'a rakõorã pʋgd n baasdẽ.
14
Zab-kãng pʋga, a Zonatã ne a rakõorã sẽn zãad yẽnda zab-teedã kʋʋ neb pisi, la b kʋ-b-la zĩ-sẽk pʋgẽ.
15
Rabeem-kãseng yõka Filistẽ-dãmbã b tãb-sikẽ wã, ne soolmã nebã, la nebã fãa. Rabeem kẽe baa ne tẽn-gũusdbã ne sãamdbã. Tẽngã rigimdame, la yɩɩ rabeem sẽn yit Wẽnnaam nengẽ.
16
A Sayull tẽn-gũusdb nins sẽn dag n be Gɩbeya sẽn be Benzame soolmẽ wã yãame tɩ Filistẽ-dãmbã zoet n sãeegd n kẽed goabg la rɩtgo.
17
Woto, a Sayull yeela neb nins sẽn be ne yẽnda wã yaa: «M kotame tɩ y sõd nebã n bãng neb nins sẽn ka be sõore!» Dẽ, bãmb sõda nebã, la b mikame tɩ yaa a Zonatã ne sẽn zãad-a yẽnda zab-teedã n ka be b sʋka.
18
Dẽ, a Sayull yeela a Akiya t'a kɩt tɩ b tall Sẽn-Ka-Saab kaoolã koglgã n kolge. Bala, wakat-kãng tɩ kaoolã koglgã bee ne Israyɛll nebã.
19
A Sayull sẽn wa n ket n gomd ne maan-kʋʋdã, rẽ tɩ rãmbgã rag n paasda Filistẽ-dãmbã tãb-sikẽ wã. La a Sayull yeela maan-kʋʋdã t'a ra leb n nams a meng n sok Sẽn-Ka-Saab ye. La a Sayull ne a tãb-biisã fãa sẽn be ne yẽnda wã tigmame n kẽng zabrã zĩigẽ.
20
La b yãame, tɩ Filistẽ-dãmbã fãa rɩka b sʋʋs n wẽnemd n kɛɛd taaba. Rag n lebga rãmbg-kãseng meng-menga.
21
Ebre neb n dag n be ne Filistẽ-dãmbã n sõngd-ba. Bãmb tũu Filistẽ-dãmbã n kẽng b tãb-sikã zĩigẽ wã. Ebre nin-bãmb wẽnemdame n naag Israyɛll neb nins sẽn dag n be ne a Sayull ne a Zonatã wã.
22
Israyɛll neb nins fãa sẽn dag n solg Efrayiim soolem ning sẽn be tãms sʋkã sẽn wʋm tɩ Filistẽ-dãmbã zoetame wã, bãmb me yiime n naag n dig Filistẽ-dãmbã n zab ne-ba.
23
Badaare, Sẽn-Ka-Saab fãaga Israyɛlle, la b zab n tõoga b bɛɛbã hal n tãag Bɛt-Avɛn zugẽ.
24
Israyɛll nebã namsa badaare, bala, a Sayull kɩtame tɩ nebã wẽen n yeel tɩ ned sã n lemb rɩɩb tɩ zaabr ka ta, tɩ yẽnda nan ka paam n dok a sũurã ne a bɛɛbã, bɩ kãab-wẽng paam a soaba. Dẽ, bãmb ned ba a yembr ka tol n lemb rɩɩb ye.
25
Nebã fãa kẽnga weoogã pʋgẽ, la b yãnda sɩɩd sẽn be weoogã zĩig zãnga.
26
Nebã sẽn kẽ weoogã pʋgẽ wã, b yãnda sɩɩdã, la ned ba a yembr ka tol n lemb-a ye, nebã sẽn dag n zoet wẽeneg ning b sẽn dag n wẽenã yĩnga.
27
A Zonatã rag n ka bãng t'a baaba rag n kɩtame tɩ nebã wẽen ye. Dẽ, yẽnda rɩka rasaar ning a sẽn dag n zãadã, n leok sɩɩdã n dɩ, la a nengã yẽegame.
28
Ned a yembr yeela a Zonatã yaa: «Yãmb ba wã rag n kɩtame tɩ nebã wẽen n yeel tɩ ned ning sẽn lemb-a rɩɩb rũndã daarã, bɩ kãab-wẽng paam a soaba.» La nebã yaool n dag n yɛɛme.
29
La a Zonatã leokame: «M baaba baoo toog bal n kõ nebã. Yãmb ka ne tɩ mam sẽn lemb sɩɩdã bilfã, mam nengã yẽegame sɩda?
30
Nebã sã n dag n dɩẽ bũmb nins b sẽn yã b bɛɛbã zĩisẽ wã, b rag n na n tõoga Filistẽ-dãmbã n yɩɩd a woto.»
31
Badaare, bãmb tõoga Filistẽ-dãmbã sẽn sɩng Mikmaas hal n tãag Ayalon, la nebã rag n yɛɛ wʋsgo.
32
Israyɛll nebã zɛɛ b bɛɛbã laogã. B yõga rũm-bãoonegã, ne rũm-bɛdã, la b nag-bi wã, n kʋ-b zĩig pʋgẽ, n wãb-b ne b zɩɩmã.
33
La nebã kẽng n tɩ yeela a Sayull yaa: «Nebã beegda Sẽn-Ka-Saabo, n wãbd nemd ne zɩɩm.» La a Sayull yeelame: «Yãmb sẽn maanã yaa kɩɩsgo. Bilm-y kug-bedr n wa ne ka tao-tao.
34
La y kẽ nebã sʋk n yeel-b tɩ bãmb ned kam fãa tall a naaf wall a peosg n wa kʋ kaanẽ. Rẽ zugẽ, b na yaool n wãbe, la b ra wãb nemdã ne zɩɩmã n beeg Sẽn-Ka-Saab ye.» Badaar yʋngo, ned kam fãa talla a naaf n wa kʋ zĩ-kãngã.
35
A Sayull mee tẽn-kugr Sẽn-Ka-Saab yĩnga, la yɩɩ pipi tẽn-kugr a sẽn me Sẽn-Ka-Saab yĩnga.
36
A Sayull yeelame: «Wa-y tɩ d kẽng n tɩ zab ne Filistẽ-dãmbã yʋngã tõr hal tɩ beoogã vẽege, la d ra bas ned ba a yembr t'a põs ye.» Nebã yeela a Sayull t'a maan a sẽn date. Maan-kʋʋdã yeelame: «Wa-y tɩ d kolg Wẽnnaam taoor kaanẽ.»
37
La a Sayull soka Wẽnnaam yaa: «Dẽ yĩnga, mam tog n kẽng n tɩ zaba ne Filistẽ-dãmbã bɩ? Yãmb na n dɩk-b lame n ning Israyɛll nebã nugẽ bɩ?» La Wẽnnaam ka leok a Sayull tɩ bũmb badaar ye.
38
A Sayull yeelame: «Yãmb fãa sẽn yaa nebã nanambsã, yãmb mens bãnga bũmb ning sẽn wilgd tɩ yãmb beega rũndã wã.
39
Bala, mam wẽenda ne Sẽn-Ka-Saab sẽn yaa Israyɛll fãagdã, tɩ baa sã n yaa mam biig a Zonatã n beege, a na n kiime.» La nebã fãa sẽn tigmã ka leok yẽnda ye.
40
A Sayull yeela Israyɛll nebã fãa yaa: «Bɩ y yals toore, tɩ maam ne m biig a Zonatã me yals toore.» La nebã yeela a Sayull t'a maan wa a sẽn date.
41
A Sayull yeela Sẽn-Ka-Saab yaa: «Israyɛll Wẽnnaam! Yaa bõe tɩ yãmb ka leok maam dũndã? Sã n yaa maam bɩ m biig a Zonatã n beeg yãmba, bɩ y yãk Urim. La sã n yaa Israyɛll nebã fãa n konge, bɩ y yãk Tumim.» La Sẽn-Ka-Saab yãka a Zonatã ne a Sayulli. La taal yii nebã zugu.
42
A Sayull yeelame: «Maan-y poeer maam ne m biig a Zonatã sʋka.» La poeerã yãka a Zonatã.
43
A Sayull yeela a Zonatã: «Togs maam fo sẽn maan bũmb ninga.» La a Zonatã yeelame: «Mam dɩka m dasaar n leok sɩɩd bilf bal n lembe. Ad maam! Bɩ y kʋ-ma.»
44
A Sayull yeelame: «Zonatã, mam sã n ka kʋ foom, bɩ Wẽnnaam sɩbg maam ne sɩbg-kãsenga.»
45
Nebã yeela a Sayull yaa: «Bõe! N kʋ a Zonatã? Ka a Zonatã n kɩt tɩ Israyɛll nebã paam tõog-kãsengã la? Abada! Tõnd wẽenda ne Sẽn-Ka-Saabo, tɩ yẽnda zoobg ba a ye ka na n lʋɩ tẽng ye. Bala, yaa ne Wẽnnaam sõngr la a maan tʋʋm-kãngã rũndã daarã.» Woto, nebã fãaga a Zonatã, tɩ b ka kʋ-a ye.
46
La a Sayull basa Filistẽ-dãmbã rigbu, la Filistẽ-dãmbã lebg n kuilame.
47
A Sayull sẽn deeg Israyɛll naamã zugẽ, a zaba ne a bɛɛbã zĩig fãa. Yẽnda zaba ne Moaab rãmbã, ne Amo-rãmbã, la Edom dãmbã, ne Soba rĩm-dãmbã, la Filistẽ-dãmbã. La yẽnda sẽn kẽng zĩig ning fãa, a paamda tõogre.
48
Yẽnda rɩka a pãngã fãa, n zab ne Amalɛk n tõog-ba, n fãag Israyɛll nebã neb nins sẽn dag n fãad bãmbã nugẽ.
49
A Sayull kambã rag n yaa a Zonatã ne a Yisvi, la a Malkisuwa. La a kom-pugli a yiibã yʋy la woto: Kãsmã yʋʋr la a Meraabe, tɩ yao wã yʋʋr la a Mikalle.
50
A Sayull pagã yʋʋr la a Ayinoam, n yaa a Ayimaas bi-pugla. La a tãb-biisã naab yʋʋr la a Abneer sẽn yaa a Sayull saamb a Neer biigã.
51
A Sayull ba a Kiis ne a Abneer ba a Neer dag n yaa a Abiyɛll kom-dibli.
52
A Sayull vɩɩmã tɛka, a zaba ne Filistẽ-dãmbã ne sũuri. A Sayull sã n dag n yãnd ned sẽn yaa gãndaoogo, a rɩkd-a lame t'a lebg a tãb-biiga.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31