bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
1 Samuel 22
1 Samuel 22
Mossi MPBU (WẼNNAAM SEBRE 2014)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 23 →
1
A Davɩɩd yii beenẽ n zoe n kẽng Adulam tãngã bokẽ n tɩ soonde. A Davɩɩd kẽem-dãmbã ne a yirã rãmb fãa sẽn wʋm woto, b kẽng n tɩ bʋʋg-a-la beenẽ.
2
Neb nins fãa sẽn tar yel-pakre, ne sẽn tar-b samã la sũ-pa-noaang rãmbã kẽng n tɩ tigma taab a Davɩɩd nengẽ, t'a lebg b naaba. Nebã sẽn wa n tigim yẽnda nengẽ wã sõor dag n taa neb kobs-naase.
3
A Davɩɩd yii beenẽ n kẽng Mitspe sẽn be Moaabã. La yẽnda yeela Moaab rĩmã yaa: «M kot-y lame tɩ y sak tɩ m ba wã ne m ma wã zĩnd ne yãmb hal tɩ m wa bãng Wẽnnaam sẽn dat n tall maam n maan bũmb ninga.»
4
La yẽnda peega a ba wã ne a ma wã n kẽng Moaab rĩmã nengẽ, la b zĩnda beenẽ wakat ning fãa yẽnda sẽn zĩnd tãmsã bogd pʋsẽ wã.
5
Wẽnnaam no-rɛɛs a Gaad yeela a Davɩɩd yaa: «Da zĩnd tãmsã bogd pʋsẽ ye. Yik n kẽng Zʋʋda tẽngã pʋgẽ.» La a Davɩɩd yii beenẽ, n kẽng Herɛt weoogã pʋgẽ.
6
A Sayull wʋmame tɩ b paama a Davɩɩd ne neb nins sẽn be ne yẽnda wã kibare. A Sayull dag n bee Gɩbeya tãngã zug n zĩ tɩɩg tẽngr n zãad a kãnde, t'a nanambsã gũbg-a.
7
A Sayull yeela tʋmtʋmdbã sẽn dag n be ne yẽnda wã yaa: «Benzame nebã, m kotame tɩ y kelge! A Izayi biigã na n kõo yãmb fãa pʋt ne reezẽ tɩɩs bɩ? Yẽnda na n kɩtame tɩ y lebg neb tusr-tusr bɩ koabg-koabg nanambs la?
8
Yaa bõe tɩ yãmb fãa sɩɩg taab noor n ka rat n togs maam tɩ m biigã maana kaool ne a Izayi biigã? Yãmb ned ba a ye ka zoe mam nimbãanega, n wilg maam tɩ m biigã kɩtame tɩ mam tʋmtʋmdã yik zabr ne maam, n soosd n dat n kʋ maam wa b sẽn maan rũndã wã la?»
9
Edom rao a Doɛɛg sẽn dag n be ne a Sayull tʋmtʋmdbã yeelame yaa: «Mam yãnda a Izayi biigã sẽn kẽng Noobe, a Akituub biig a Ayimelɛk nengẽ.
10
A Ayimelɛk soka Sẽn-Ka-Saab a Davɩɩd sẽn tog n maane, la yẽnda kõ-a-la rɩɩbo, la a rɩk Filistẽ dao a Golyat zabr sʋʋgã n kõ-a.»
11
Rĩmã tʋma neb tɩ b tɩ bool a Akituub biig a Ayimelɛk sẽn yaa maan-kʋʋdã ne a yirã rãmba, la maan-kʋʋdb nins sẽn be Noobã tɩ b wa. La bãmb fãa waa rĩmã nengẽ.
12
A Sayull yeelame: «Akituub biiga! Mam kotame tɩ f kelge!» La yẽnda yeelame: «N-na, ad-ma!»
13
La rĩmã soka a Ayimelɛk yaa: «Yaa bõe tɩ foom ne a Izayi biig a Davɩɩd sɩɩg taab noor n na n zãmb maam a woto? Bõe yĩng tɩ fo kõ-a rɩɩb la zabr sʋʋga, la f sok Wẽnnaam n kõ-a, t'a kɩɩsd maam n dat n soos n kʋ maam rũndã?»
14
A Ayimelɛk leoka rĩmã yaa: «Yãmb tʋmtʋmdbã fãa sʋka, ned ka be n yaa sɩd soab wa a Davɩɩd ye. Yẽnda yaa yãmb rɛɛmba, n yaa y gũudbã naaba, la a tara waoogr yãmb yirã rãmb fãa nifẽ.
15
Ka rũndã bal la mam sok Wẽnnaam n kõ yẽnda ye. Bɩ rĩmã ra ning maam wall m tʋmtʋmdbã taal ye. Bala, y tʋmtʋmdã ka tol n mi tɩ yell n be yãmb sʋk ye.»
16
La rĩmã yeela a Ayimelɛk tɩ yẽnda ne a buudã fãa na n kiime.
17
Rĩmã yeela gũudb nins sẽn be yẽnda sɛɛgẽ wã tɩ b kẽng n kʋ Sẽn-Ka-Saab maan-kʋʋdbã, bala, bãmb me sõnga a Davɩɩde. B bãngame t'a ra zoetame, la b ka sak n togs yẽnda ye. La rĩmã tʋmtʋmdb ka sak t'a kẽng n kʋ Sẽn-Ka-Saab maan-kʋʋdbã ye.
18
Woto, rĩmã yeela a Doɛɛg t'a kẽng n kʋ maan-kʋʋdbã. La Edom dao a Doɛɛg kʋʋ maan-kʋʋdbã. Badaare, yẽnda kʋʋ maan-kʋʋdb pis-nii la a nu sẽn dag n yer maan-kʋʋr futu.
19
A Sayull kɩtame tɩ b kʋ Noob sẽn yaa maan-kʋʋdb tẽngã nebã fãa. Bãmb kʋʋ pagbã ne raopã la kambã, ne kom-peelsã la niigã, ne bõensã la piisã fãa.
20
A Akituub biig a Ayimelɛk biig a yembr bal n põs n zoe n kẽng a Davɩɩd nẽngẽ. Yẽnda yʋʋr boondame t'a Abiyataare.
21
Yẽnda togsa a Davɩɩd t'a Sayull kʋʋ Sẽn-Ka-Saab maan-kʋʋdbã fãa.
22
La a Davɩɩd yeela a Abiyataar yaa: «Mam sẽn yã Edom dao a Doɛɛg sẽn dag n be beenẽ badaarã, mam bãngame t'a ka tõe n ka togs a Sayull fãa. Yaa maam n wa ne fo buudã fãa kũum.
23
Pa ka ne maam, la f ra zoe rabeem ye. Ned sã n baood n kʋ foom, yaa maam la a soab rat n kʋ. Fo sã n zĩnd ne maam, bũmb ka na n maan-f ye.»
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31