bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
1 Samuel 30
1 Samuel 30
Mossi MPBU (WẼNNAAM SEBRE 2014)
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
1
A Davɩɩd ne a nebã sẽn ta Siklaag rasem a tãabã daare, b mikame tɩ Amalɛk buudã rag n kẽng n tɩ zaba ne nug goabg sẽnẽ nebã la ne Siklaage, n tõog-b n ning b tẽngã bugum.
2
Bãmb yõga pagbã ne neb nins sẽn dag n be beenẽ wã fãa n looge, sẽn sɩng ne kãsem n tɩ ta yao-zʋʋga. La b ka kʋ ned ba a yembr ye. B yõg-b lame n tall n kuili.
3
A Davɩɩd ne a nebã sẽn ta tẽngã pʋgẽ, b mikame tɩ b ninga tẽngã bugum, la b talla bãmb pagbã ne b kom-dibli wã la b kom-pugli wã n looge.
4
Dẽ, a Davɩɩd ne neb nins sẽn dag n be ne yẽnda wã zẽka b koees n yãbe, hal tɩ b pãngã sɛ.
5
Amalɛk-rãmbã rag n yõga a Davɩɩd pagb a yiibã me n looge. Yaa Zizreyɛll biig a Akinoam, ne Karmell dao a Naball pag a Abigayɩlle.
6
Sũ-sãan-kãseng n yõk a Davɩɩde, bala, nebã rag n gomdame tɩ b na n lob-a-la kuga, bãmb fãa sũyã sẽn sãam b kom-dibli wã ne b kom-pugli wã yĩngã yĩnga. La a Davɩɩd paama pãng sẽn yit Sẽn-Ka-Saab sẽn yaa yẽnda Wẽnnaamã nengẽ.
7
Yẽnda yeela a Ayimelɛk biig a Abiyataar sẽn yaa maan-kʋʋdã yaa: «M kotame tɩ f tall maan-kʋʋr kãsem fuugã n wa.» La a Abiyataar tall-a lame n wa kɩs a Davɩɩde.
8
A Davɩɩd soka Sẽn-Ka-Saab yaa: «Mam sã n pʋgl nin-bãmbã, m na n paam-b lame bɩ?» La Sẽn-Ka-Saab leoka yẽnda yaa: «Fo na n paam-b lame n fãag neb nins b sẽn tall n loogã.»
9
Dẽ, a Davɩɩd ne neb kobs-yoobã sẽn dag n be ne yẽnda wã rɩka sore, n kẽn n ta Besoor ko-soogã.
10
La a Davɩɩd kell n kẽnga taoor ne neb kobs-naasã, bala, neb kobs-yi n yals beenẽ, b sẽn yɛ wʋsg n ka leb n tõe n dʋʋg kʋɩlgã yĩnga.
11
Bãmb yãnda Ezɩpt ned a yembr weoogã pʋgẽ n peeg-a n wa a Davɩɩd nengẽ. Bãmb kõ-a-la rɩɩb t'a rɩ la koom t'a yũ.
12
B leb n kõ-a-la kankam-gil-koeemse, ne reezẽ-gĩn-koeems a yiibu. Yẽnda sẽn dɩ n sɛ, a nengã vẽnegame. Bala, rag n yaa rasem a tãab la yʋnd a tãab yẽnda sẽn ka paam koom ne rɩɩb ye.
13
A Davɩɩd sok-a-la a sẽn yaa ned ning yamba, la a sẽn yitẽ. Yẽnda leokame: «Mam yaa Ezɩpt neda, n yaa Amalɛk ned a yembr yamba, la yaa hal rab-tãtẽ la mam zu-soabã loog n bas maam, mam sẽn lʋɩ bãag yĩnga.
14
Tõnd kẽngame n tɩ zab ne Kerɛt tẽng nug goabg sẽnẽ nebã, ne Zʋʋda soolem nebã, la Kalɛɛb nug goabg sẽnẽ nebã, n ning Siklaag tẽngã bugum.»
15
A Davɩɩd soka yẽnda yaa: «Fo tõe n yãaga tõnd n kẽng nin-bãmb nengẽ bɩ?» La yẽnda leokame: «Yãmb sã n wẽen ne Wẽnd tɩ y ka na n kʋ-ma, la y ka na n dɩk-m n kõ m soaalã, mam na n tall-y lame n kẽnge.»
16
Yẽnda yãaga a Davɩɩd n kẽnge, la b tɩ mikame tɩ Amalɛk-rãmbã pida tẽngã n dɩtẽ la b yũuda, la b maand sũ-noogo, bala, b rag n wʋka te-zɛɛdem wʋsg Filistẽ-dãmbã ne Zʋʋda nebã tẽms pʋsẽ.
17
A Davɩɩd zaba ne bãmb yibeoog pĩnd hal tɩ ta vẽkembeoogã zaabre, la bãmb ned ba a yembr ka põse, sã n ka kom-bɩɩs kobs-naasã sẽn zomb yʋgmã wã n zoe wã bala.
18
A Davɩɩd leb n deega Amalɛk-rãmbã sẽn dag n wʋk bũmb ninsã fãa, la a leb n deeg a pagb a yiibã.
19
La sã n yaa ne a Davɩɩd dãmb neb nins b sẽn dag n yõgã, ned ba a yembr ka paoog ye, sẽn sɩng ne kãsem tɩ tãag yao-zʋʋga, kom-dibli la kom-pugli, la baa Amalɛk rãmbã sẽn dag n wʋk teed ninsã, ba a yembr ka menem ye. A Davɩɩd talla bõn-kãens fãa n looge.
20
A Davɩɩd wʋka rũm-bɛdã ne rũm-bãoonegã. La neb nins sẽn lʋɩ rũmsã taoor n gɩbend-bã rag n yetame: «Ad a Davɩɩd sẽn tɩ zab n deeg la woto fãa!»
21
A Davɩɩd sẽn ta zĩig ning neb kobs-yi wã sẽn dag n yɛ wʋsg n ka tõe n leb n kẽng taoorã tɩ b bas-b Besoor ko-soogã noorã, nin-bãmb yiime n na n seg a Davɩɩd ne neb nins sẽn dag n be-b ne a Davɩɩdã. A Davɩɩd kolg-b lame n pʋʋs-b n sok b keelem.
22
Nin-yood ne nin-wẽns nins fãa sẽn dag n tũ a Davɩɩdã yeelame: «Bãmb sẽn ka tũ tõnd n kẽngã, bãmb ka n na paam bũmb nins tõnd sẽn zab n deegã ye. Ned kam fãa na n deega a pag ne a kamb bal n looge.»
23
La a Davɩɩd yeel-b lame yaa: «M saam-biisi, da maan-y-yã a woto ne bũmb nins Sẽn-Ka-Saab sẽn kõ tõndã ye. Bala, Sẽn-Ka-Saab gũu tõndo, la b kɩtame tɩ tõnd tõog neb nins sẽn wa n zab ne tõndã.
24
Ãnda soab n na n kelg yãmb yel-kãngã pʋga? Neb nins sẽn kẽng zabrã zĩigẽ wã pʋɩɩre, ne neb nins sẽn pa-b poorẽ n gũ teedã pʋɩɩr segd n zema taaba. Bãmb ned kam fãa na n paama pʋɩɩre.»
25
Sẽn sɩng ne badaare, b kɩtame tɩ bõn-kãng lebg no-tũudg ne tõog Israyɛll nebã yĩng hal tɩ ta rũndã.
26
A Davɩɩd sẽn ta Siklaagã, yẽnda yãka teedã n tʋm tɩ b tɩ kõ Zʋʋda nebã kãsem-dãmbã sẽn yaa yẽnda zo-rãmbã, la a yeel-b yaa: «Ad kũun mam sẽn yãk Sẽn-Ka-Saab bɛɛbã teed pʋgẽ yãmb yĩnga!»
27
Woto, yẽnda yãkame n tʋm tɩ b tɩ kɩs Betɛll kãsem-dãmbã, ne Ramot sẽn be nug goabgã kãsem-dãmbã, la Yatɩɩr kãsem-dãmbã,
28
ne Arowɛɛr kãsem-dãmbã, la Sifmot kãsem-dãmbã, ne Ɛstemoa kãsem-dãmbã,
29
la Rakall kãsem-dãmbã, ne Yerameyɛll tẽmsã kãsem-dãmbã, la Kɛn nebã tẽms kãsem-dãmbã,
30
ne Horma kãsem-dãmbã, la Boor-Asãn kãsem-dãmbã, ne Hatak kãsem-dãmbã.
31
La a tʋm tɩ b tɩ kɩs Ebrõ kãsem-dãmbã ne zĩis nins fãa a Davɩɩd ne a nebã sẽn dag n kẽngã.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31