bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
1 Samuel 15
1 Samuel 15
Mossi MPBU (WẼNNAAM SEBRE 2014)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 16 →
1
A Sãmwɛll yeela a Sayull yaa: «Yaa maam la Sẽn-Ka-Saab tʋm tɩ m wa ning fo zug kaam tɩ f lebg rĩm n soog Israyɛll sẽn yaa bãmb nebã. Dẽ wã, bɩ f kelg Sẽn-Ka-Saab sẽn yet bũmb ningã.»
2
Ade, Saasẽ-Pãng-Soabã yetame yaa: «Mam na n sɩbga Amalɛk nebã, bala, wakat ning Israyɛll nebã sẽn wa n yi Ezɩpt tẽngã, bãmb tek n gɩdg-b-la sorã zugu.
3
Moasã, bɩ f kẽng n tɩ zab ne Amalɛk nebã, n sãam bũmb nins b sẽn tarã zãnga. Da zoe-y b nimbãaneg ye. Kʋ-y pagbã ne raopã, kambã ne kom-peelsã, niigã ne piisã, la yʋgma wã ne bõensã fãa.»
4
A Sayull boola tãb-biisã n tigim-b Telayim n sõd-ba. La b sõorã rag n yaa tãb-biis tus kobessi sẽn kẽnd ne nao, n paas Zʋʋda neb tus piiga.
5
A Sayull kẽname n ta Amalɛk-rãmbã tẽngẽ, n kɩt tɩ neb soond ko-soogẽ wã.
6
A Sayull yeela Kɛn nebã yaa: «Yi-y n zãag-y ne Amalɛk-rãmbã tɩ m da wa naag-y ne bãmb n sãam ye. Bala, yãmb maana Israyɛll nebã fãa neer wakat ning b sẽn wa n yi Ezɩptã.» La Kɛn nebã yiime n bas Amalɛk nebã.
7
A Sayull tõoga Amalɛk nebã, sẽn sɩng Havɩla hal n tãag Suur sẽn be Ezɩpt neng taoorã noore.
8
Yẽnda yõka Amalɛk rĩm a Agaag vɩɩga, la a kʋ nebã fãa ne sʋʋga.
9
La a Sayull ne nebã basa a Agaag n ka kʋ ye. La b basa rũm-bãoonegã ne rũm-bɛd nins fãa sẽn yaa sõama n yɩɩdã. Bãmb ka sak n sãam rũm-kãens ye. La yaa rũms nins fãa sẽn yaa wag n ka tar yõodã bal la b kʋ zãnga.
10
Sẽn-Ka-Saab yeela a Sãmwɛll yaa:
11
«Mam maanda m bãngẽ m sẽn yãk a Sayull t'a lebg mam nebã rĩmã yĩnga. Bala, yẽnda basa maam n ka sak mam noorã ye.» A Sãmwɛll sũurã sãama ne Sẽn-Ka-Saab sẽn yeelã. Yẽnda kelem n boola Sẽn-Ka-Saab yʋngã tõre.
12
A Sãmwɛll yika yibeoog pĩnda, n na n tɩ seg a Sayulli. La b yeela yẽnda t'a Sayull kẽnga Karmell n tɩ me bõn-naandg a meng waoogr yĩnga, n lebg n kẽng Gilgalle.
13
A Sãmwɛll kẽnga a Sayull nengẽ, la a Sayull yeel-a lame: «Bɩ Sẽn-Ka-Saab ning y zug barka! Mam maana Sẽn-Ka-Saab sẽn yeelã.»
14
A Sãmwɛll sokame: «Yaa bõe rũm-bãooneg ne rũm-bɛd yãbr la mam sẽn wʋmdã?»
15
La a Sayull leokame: «Yaa rũms nebã sẽn tall Amalɛk-rãmbã nengẽ n wa. B basa rũm-bãoonegã, la rũm-bɛd nins sẽn yaa sõama wã, n na n maan maoong n kõ Sẽn-Ka-Saab sẽn yaa yãmb Wẽnnaamã. La rũms a taabã sẽn kellã, tõnd kʋ-b-la zãnga.»
16
A Sãmwɛll yeela a Sayull yaa: «Yals tɩ m togs-f bũmb ning Sẽn-Ka-Saab sẽn wilg maam yʋngẽ.» A Sayull yeelame t'a togse.
17
Dẽ, a Sãmwɛll yeelame: «Ka fo sẽn wa n tagsdẽ tɩ f ka fɩ wã la f lebg Israyɛll buudã naab sɩda? Ka Sẽn-Ka-Saab n yãk foom tɩ f lebg Israyɛll rĩm sɩda?
18
Sẽn-Ka-Saab tʋma foom, n yeel-f tɩ f kẽng n tɩ sãam Amalɛk-rãmbã sẽn yaa nin-wẽnsã, la f zab ne-b n menes-b zãnga.
19
La yaa bõe tɩ fo ka sak Sẽn-Ka-Saab noore? Yaa bõe tɩ f zoe n bir paoongã, n maan sẽn yaa wẽng n beeg Sẽn-Ka-Saabo?»
20
A Sayull leoka a Sãmwɛll yaa: «Mam saka Sẽn-Ka-Saab noore. Mam kẽnga zĩig ning bãmb sẽn tʋm maamã, la m waa ne a Agaag sẽn yaa Amalɛk-rãmbã rĩmã, la m kʋʋ Amalɛk nebã zãnga.
21
La yaa nebã n yãk rũm-bãoonegã ne rũm-bɛd nins sẽn yaa sõama wã, n na n maan maoong n kõ Sẽn-Ka-Saab sẽn yaa yãmb Wẽnnaamã Gilgalle.»
22
A Sãmwɛll yeelame: «Dẽ yĩnga, maand sẽn yõogd bugum ne maand a taab nooma Sẽn-Ka-Saab sũur n yɩɩd bãmb goamã sakr sɩda? Gese! Sakr yɩɩda maando, la kelgr yɩɩda pe-raad kaam.
23
Bala, kɩɩsg yaa wẽng wa bagr bʋgb sẽn yaa wẽngã, la tõdgr yaa wẽnga, wa bõn-naands pʋʋsg sẽn yaa wẽngã. La fo sẽn zãgs Sẽn-Ka-Saab noorã yĩnga, bãmb me basa foom tɩ f ka na n leb n yɩ rĩm ye.»
24
Dẽ, a Sayull yeela a Sãmwɛll yaa: «Mam beegame, bala, mam kɩɩsa Sẽn-Ka-Saab noore, la m kɩɩs yãmb goamã. Mam zoee nebã n sak n maan b sẽn datã.
25
Moasã, mam kotame tɩ y kõ-m sugr m beegrã yĩnga, la y lebg n wa yãag-m tɩ m tɩ wõgemd Sẽn-Ka-Saab taoor n waoog-ba.»
26
A Sãmwɛll yeela a Sayull yaa: «Mam ka na n yãag foom ye. Bala, fo kɩɩsa Sẽn-Ka-Saab noore, la bãmb me basa foom, tɩ f ka na n leb n yɩ Israyɛll buudã rĩm ye.»
27
La a Sãmwɛll sẽn lebg t'a na n looge, a Sayull gãda a fuugã noor n tak tɩ kẽege.
28
A Sãmwɛll yeel-a lame: «Sẽn-Ka-Saab na n deega fo naamã rũndã, n kõ ned a to sẽn são foom.
29
Soab ning sẽn yaa Israyɛll Wẽnnaam wakat sẽn ka sɛtã ka yagd zĩrẽ, la b ka ninsaal n na n maan b bãngẽ ye.»
30
A Sayull leb n yeelame: «Mam beegame! La baoosgo, mam kot-y lame, tɩ m nebã kãsem-dãmbã ne Israyɛll buudã fãa taoore, bɩ y ra ning-m yãnd ye. Lebg-y n wa-y n yãag-y-m tɩ m tɩ waoog Sẽn-Ka-Saab sẽn yaa yãmb Wẽnnaamã.»
31
Dẽ, a Sãmwɛll lebg n tũ a Sayull t'a tɩ wõgemd Sẽn-Ka-Saab taoor n waoog-ba.
32
A Sãmwɛll yeelame tɩ b tall a Agaag sẽn yaa Amalɛk-rãmbã rĩmã n wa. A Agaag kolga ne sũ-noogo, n tagsdẽ tɩ b ka na n leb n kʋ-a ye.
33
La a Sãmwɛll yeel-a lame: «Wa fo sʋʋgã sẽn kʋ neb wʋsg n kɩt tɩ b ma-rãmbã kong b kambã, woto me, fo ma wã me na n konga a biigã.» Dẽ, a Sãmwɛll kʋʋ a Agaag Sẽn-Ka-Saab taoor Gilgalle.
34
A Sãmwɛll kẽnga Rama, la a Sayull lebg n kuila a yir Gɩbeya.
35
A Samwɛll kiime n ka tol n leb n kẽng a Sayull nengẽ ye. A Sãmwɛll yãba a Sayull yĩng wʋsgo. La Sẽn-Ka-Saab sũur sãama ne b menga, bãmb sẽn yãk a Sayull t'a lebg Israyɛll rĩmã yĩnga.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31