bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
1 Samuel 16
1 Samuel 16
Mossi MPBU (WẼNNAAM SEBRE 2014)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 17 →
1
Sẽn-Ka-Saab yeela a Sãmwɛll yaa: «Fo na n yãba a Sayull yĩng hal tɩ ta dabʋre? Mam zãgsame t'a ka na n leb n yɩ Israyɛll rĩm ye. Pids f yɩɩllã kaam n yik n sɩng kẽnde, tɩ mam tʋmda foom a Izayi zakẽ wã Betlehɛm. Bala, mam yãnda biig a yembr yẽnda kom-dibli wã sʋk mam sẽn yãk t'a na n yɩ rĩmã.»
2
A Sãmwɛll yeelame: «Mam na n maana a wãn n kẽnge? A Sayull sã n bãnge, a na kʋ maam.» Sẽn-Ka-Saab yeel-a lame: «Tall nag-sadg n kẽnge, la f yeel tɩ f waame n na n maan maoong Sẽn-Ka-Saab yĩnga.»
3
La f bool a Izayi t'a wa maoongã zĩigẽ. Yaa mam mengã n na n wilg foom bũmb nins fãa fo sẽn segd n maane, la f ning soab ning m sẽn na n wilg foomã zug rĩung kaam.
4
A Sãmwɛll maana wa Sẽn-Ka-Saab sẽn yeel t'a maan bũmb ningã. Yẽnda kẽnga Betlehɛm, la tẽngã kãsem-dãmb yiime n seg-a ne rabeem n digda, la b sok-a lame yaa: «Yaa noog tɩ y wat kaanẽ?»
5
A Sãmwɛll leokame: «Yaa noogo. Mam waame n na n maan maoong Sẽn-Ka-Saab yĩnga. Yɩlg-y y mens n tũ maam tɩ d kẽng maoongã zĩigẽ.» A Sãmwɛll kɩtame t'a Izayi ne a kambã me yɩlg b mense, t'a peeg-b n kẽng maoongã zĩigẽ.
6
La bãmb sẽn ta beenẽ, a Sãmwɛll gesa a Eliyaab n tags a sũurẽ yaa: «Hakɩɩka, yaa Sẽn-Ka-Saab sẽn yãk-a soabã la sẽn be bãmb taoorã.»
7
La Sẽn-Ka-Saab yeela a Sãmwɛll yaa: «Da ges a ra-sãndã ne a woglmã ye. Bala, mam zãgs-a lame. Sẽn-Ka-Saab ka get wa ninsaal sẽn getã ye. Ninsaal geta sẽn be ra-sãnde, la Sẽn-Ka-Saab geta sũuri.»
8
A Izayi boola a biig a Abinadaab t'a kolg a Sãmwɛll taoore.
9
La a Sãmwɛll yeelame: «Sẽn-Ka-Saab ka yãk bi-kãngã me ye.» Dẽ, a Izayi kɩtame t'a biig a Sama kolge, la a Sãmwɛll yeelame tɩ leb n ka yẽnda me la Sẽn-Ka-Saab yãkɩ ye.
10
A Izayi kɩtame t'a kom-dibli a yopoe wã kolg a Sãmwɛll taoore, la a Sãmwɛll yeela a Izayi yaa: «Sẽn-Ka-Saab ka yãk ned ba a yembr bãmb sʋkã ye.»
11
La a Sãmwɛll soka a Izayi yaa: «Yaa yãmb kom-dibli wã tɛk la woto bɩ?» La yẽnda leokame: «Yao-zʋʋgã bal n kete, la a gũuda piisi.» La a Sãmwɛll yeela a Izayi yaa: «Tʋm tɩ b tɩ tall-a n wa, bala, tõnd ka na n tol n zĩndi, sã n ka yẽnda n wa ye.»
12
Dẽ, a Izayi tʋmame tɩ b tɩ tall-a n wa. La a Davɩɩd dag n yaa moeega, t'a ninã ne a mengã be ra-sãnde. Dẽ, Sẽn-Ka-Saab yeela a Sãmwɛll yaa: «Yik n ning rĩung kaam a zugu, bala, yaa yẽnda la mam yãk yã.»
13
A Sãmwɛll dɩka yɩɩllã ne kaamã, n pʋdg yẽnda zug a ba-biisã nifẽ. Sẽn sɩng ne badaare, Sẽn-Ka-Saab Sɩɩgã kẽ a Davɩɩde. La a Sãmwɛll yikame n lebg n leb Rama.
14
Sẽn-Ka-Saab Sɩɩgã sẽn yi n bas a Sayullã, sɩ-wẽng Sẽn-Ka-Saab sẽn tʋm n wa n kẽ-a, n kẽesd-a rabeem-kãsenga.
15
A Sayull tʋmtʋmdbã yeel-a lame yaa: «Sɩ-wẽng ning Wẽnnaam sẽn tʋmã kẽe yãmb n kẽesd-y rabeem-kãsengã.»
16
D soaala, d kotame tɩ y kõ-d noore, tɩ d bee ka yãmb yĩnga. Tõnd na n baoo bi-bɩɩg sẽn mi kʋnd wẽebo, tɩ sɩ-wẽnsã sã n wa yik-yã, bɩ a wẽ kʋndã tɩ y paam yolsgo.»
17
A Sayull leoka a tʋmtʋmdbã yaa: «M kotame tɩ y bao ned sẽn mi kʋnd wẽeb sõama n tall-a t'a wa.»
18
Dẽ, yẽnda tʋmtʋmd a ye yeelame: «Mam yãnda Betlehɛm tẽng rao a Izayi biig a ye sẽn mi kʋnd wẽeb sõama. A yaa gãndaoog n mi zabr sõama, a mii goamã, a yaa ra-sãnga, la Sẽn-Ka-Saab bee ne-a.»
19
A Sayull tʋma neb tɩ b tɩ yeel a Izayi t'a kõ yẽnda a biig a Davɩɩd sẽn gũud piisã.
20
A Izayi baoo bõanga, n zɩlg bur ne ko-waoog sẽn pid ne reezẽ rãam, n paas bulla, n tʋm a biig a Davɩɩd t'a tɩ kõ a Sayulli.
21
A Davɩɩd sẽn ta a Sayull nengẽ, a Sayull sũurã yɩɩ noog ne-a wʋsgo, t'a kɩt t'a lebg a rakõor n zãad yẽnda zab-teedã.
22
A Sayull tʋmame tɩ b tɩ yeel a Izayi yaa: «Mam kotame tɩ f bas a Davɩɩd t'a pa ne maam, bala, a taa mam yam.»
23
Wẽnnaam sẽn tʋm sɩ-wẽng ning tɩ wa kẽ a Sayullã sã n wa namsd-a, a Davɩɩd rɩkda a kʋndã n wẽ, tɩ sɩ-wẽngã yi n bas-a.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31