bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
1 Samuel 18
1 Samuel 18
Mossi MPBU (WẼNNAAM SEBRE 2014)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 19 →
1
A Davɩɩd sẽn gom ne a Sayull n sɛ wã poore, a Zonatã yamã kẽ a Davɩɩde, t'a nong-a wa a menga.
2
Badaar bala, a Sayull reega a Davɩɩd a nengẽ, n ka bas-a t'a leb a ba wã zakẽ ye.
3
A Zonatã maana kaool ne a Davɩɩde, yẽnda sẽn nong-a wa a mengã yĩnga.
4
Yẽnda yeega a fu-bedrã ne zab-futã, la a sʋʋgã ne a tãpã la a sẽbdgã, n kõ a Davɩɩde.
5
A Sayull sẽn tʋm a Davɩɩd zĩig ning fãa, a paamda tõogre. Dẽ, a Sayull kɩtame t'a Davɩɩd lebg tãb-biisã naaba. La nebã fãa rag n nong-a lame, hal baa ne a Sayull tʋmtʋmdbã.
6
A Davɩɩd sẽn kʋ Filistẽ daoã n sɛ tɩ nebã yi zabrã zĩigẽ n lebg n kuiisẽ wã, pagbã yii Israyɛll tẽmsã fãa pʋsẽ, n yɩɩndẽ la b saood n segd rĩm a Sayulli, la b wẽed sɩlsãgs ne kʋla, la b kilsdẽ.
7
Pagbã yɩɩnda ne sũ-noog n sokd taaba, la b yetẽ yaa: «A Sayull kʋʋ tusri, t'a Davɩɩd kʋ tus piiga.»
8
Gom-kãng kɩtame t'a Sayull sũurã yik wʋsgo, t'a yeele: «B yetame t'a Davɩɩd n kʋ tus piiga, tɩ mam kʋ tusri. A sẽn ka tar bũmb ning yaa naamã bala.»
9
Dẽ, sẽn sɩng ne badaare, a Sayull dag n geta a Davɩɩd ne gũus-m-menga.
10
Vẽkembeoogo, sɩ-wẽngã Wẽnnaam sẽn tʋmã wa n kẽ a Sayulli, t'a yik n sɩng biulung a roogã pʋgẽ. La a Davɩɩd wẽe kʋnde, wa yẽnda sẽn mi n maand wakat fãa wã. La a Sayull dag n zãada kãnd a nugẽ.
11
A Sayull zẽka a kãndã n tão a Davɩɩd la a yet a sũurẽ: «Mam na n tãoo a Davɩɩd n ka-a ne roogã.» La a Davɩɩd kuuga naoor a yiib tɩ kãndã ka paam-a ye.
12
A Sayull dag n zoeta a Davɩɩde, bala, yẽnda bãngame tɩ Sẽn-Ka-Saab bee ne a Davɩɩde, n yaool n bas yẽnda a Sayulli.
13
A Sayull kɩtame t'a Davɩɩd yi a zakẽ wã, n lebg tãb-biis naaba. La a Davɩɩd dag n lʋɩta nebã taoor tɩ b kẽnd n zabdẽ la b watẽ.
14
A Davɩɩd dag n paamda tõogr ne bũmb fãa, la Sẽn-Ka-Saab rag n bee ne yẽnda.
15
A Sayull sẽn yã t'a Davɩɩd paamda tõogr wakat fãa wã, a rag n zoet-a-la wʋsgo.
16
La Israyɛll nebã ne Zʋʋda nebã fãa rag n nonga a Davɩɩde, yẽnda sẽn lʋɩt bãmb taoor tɩ b kẽnd n zabdẽ la b watẽ wã yĩnga.
17
A Sayull yeela a Davɩɩd yaa: «Ad mam bi-pugl-kãseng a Meraabe. Mam na n dɩk-a lame n kõ foom tɩ f maan f paga. Fo we n yɩ gãndaoog n tʋm mam yĩnga, la f zab Sẽn-Ka-Saab zabã. A Sayull dag n tagsdame tɩ we n da tũ ne yẽnda nug t'a Davɩɩd ki ye. Bala, a rag n datame tɩ tũ ne Filistẽ-dãmbã nugu.»
18
A Davɩɩd yeela a Sayull yaa: «Mam yaa ãnda, la mam buudã ne m ba wã zak rãmb yaa ãnda rãmb Israyɛll buudã sʋka, tɩ mam na n lebg rĩmã rɛɛmba?»
19
La wakat ning b sẽn da tog dɩk a Sayull bi-pugl a Meraab n kõ a Davɩɩdã sẽn ta, b rɩk-a lame n kõ Mehola rao a Adriyɛll t'a maan a paga.
20
A Sayull bi-pugl a Mikall dag n nonga a Davɩɩde. Dẽ, b togsa a Sayulli, la bõn-kãng taa rĩmã yam.
21
A Sayull rag n yeta a sũurẽ woto: «Mam na n dɩka m bi-pugl a Mikall n kõ a Davɩɩd tɩ yɩ bẽdg a yĩnga, tɩ Filistẽ-dãmbã paam-a n kʋ.» La a Sayull leb n yeela a Davɩɩd naoor a yiibẽ soab t'a na n dɩka a biigã n kõ-a t'a lebg a rɛɛmba.
22
A Sayull yeela a tʋmtʋmdbã tɩ b soos n wɩdg a Davɩɩde, n yeel-a yaa: «Tõnd ne rĩmã nong-f lame, la bɩ f reeg rĩmã bi-pugl n maan f paga, n lebg rĩmã rɛɛmba.»
23
A Sayull tʋmtʋmdbã goma woto ne a Davɩɩde, la a Davɩɩd leoka bãmb yaa: «Yãmb tẽedame tɩ yaa nana tɩ lebg rĩm dɛɛmb la? Mam yaa naong soaba, la sẽn paas me, mam yaa talga.»
24
A Sayull tʋmtʋmdbã togs-a-la a Davɩɩd sẽn gom bũmb ninsã.
25
La a Sayull yeela bãmb tɩ b tɩ wilg a Davɩɩd yaa: «Rĩmã ka baood pʋʋsem sẽn kẽed ne yi-kãadmã wɛɛngẽ ye. Rĩmã sẽn dat bala, yaa tɩ f wa ne Filistẽ-dãmbã yo-gãnd koabga, tɩ b rok b sũur ne b bɛɛbã.» A Sayull dag n tagsdame tɩ Filistẽ-dãmbã na n tõog n kʋ a Davɩɩde.
26
A Sayull tʋmtʋmdbã taasa a Davɩɩd gom-kãense, la yellã ta a Davɩɩd yam t'a na n deeg rĩmã biiga, n lebg rĩmã rɛɛmba. La sẽn deng wakat ning b sẽn yãkã taabo,
27
a Davɩɩd yika ne a tãb-biisã n tɩ kʋ Filistẽ-dãmb kobessi. Yẽnda talla b fãa yo-gãnã n wa kõ rĩmã, la b sõd-b-la rĩmã taoore, t'a Davɩɩd tõe n lebg rĩmã rɛɛmba. Dẽ, a Sayull dɩka a Mikall n kõ a Davɩɩd t'a maan a paga.
28
A Sayull yãame tɩ Sẽn-Ka-Saab bee ne a Davɩɩde, la yẽnda bi-pugl a Mikall dag n nonga a Davɩɩde.
29
Dẽ, a Sayull dag n zoeta a Davɩɩd n paasdẽ, la yẽnda kisga a Davɩɩd a vɩɩmã tɛka.
30
La wakat-kãng tɩ Filistẽ-dãmbã nanambs rag n yitame n zabd ne Israyɛll nebã. La b sã n tɩ zab fãa, a Davɩɩd tõogdame n yɩɩd a Sayull tʋmtʋmdb a taabã fãa, la yẽnda yʋʋrã rag n yii wʋsgo.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31