bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
1 Samuel 6
1 Samuel 6
Mossi MPBU (WẼNNAAM SEBRE 2014)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 7 →
1
Sẽn-Ka-Saab kaoolã koglgã paa Filistẽ-dãmbã tẽngẽ kiuug a yopoe.
2
La Filistẽ-dãmbã boola b maan-kʋʋdbã ne b bagbã n sok-b yaa: «Tõnd na n maana a wãn ne Sẽn-Ka-Saab kaoolã koglgã? Sõng-y tõnd tɩ d bãng d sẽn na n maan to-to n lebs-a a sẽn yiẽ wã.»
3
Bãmb leokame: «Yãmb sã n na n tɩ lebs Israyɛll Wẽnnaamã kaoolã koglgã, bɩ y ra tɩ lebs-a zaalem ye. Bao-y kũun tɩ yɩ maoong y beegrã yĩnga. Dẽ, yãmb na n paama maagre, la y na n bãnga bũmb ning sẽn kɩt tɩ Wẽnnaam sɩbg yãmbã.»
4
Filistẽ-dãmbã sokame tɩ yaa bõe kũun la b tõe n kõ Wẽnnaam b beegrã yĩnga. La maan-kʋʋdbã ne bagbã leokame: «Maan-y noad a nu mamsg ne sãnem, ne yõens a nu mamsg ne sãnem, wa sẽn zems Filistẽ-dãmbã nanambs a nu wã sõore. Bala, yaa bãag a yembr n yõk yãmb ne y nanambsã.
5
Maan-y noadã ne yõens nins sẽn sãamd-b yãmb tẽngã mamsdo, la y kõ Israyɛll Wẽnnaamã waoogre, tɩ daar ning bɩ Wẽnnaam boog yãmb ne y tẽngã sɩbgrã, la sɩbgr ning sẽn be y wẽnnaam-dãmbã zugã.
6
Yaa bõe tɩ y na n keng y sũy wa Ezɩpt nebã ne Faarõ sẽn dag n maanã? Wẽnnaam mengã sẽn sɩbg-bã, b ka bas Israyɛll nebã tɩ b loog sɩda?
7
Moasã, kɩt-y tɩ b maan terok-paalle, la y bao nag-yãans a yiib sẽn tar kamb sẽn ket n yẽsemdẽ, la sẽn nan ka tall n tʋme, n balg terokã, la y tall b kambã sẽn tũud-bã n leb yiri.
8
Rɩk-y Sẽn-Ka-Saab kaoolã koglgã n sagl terokã pʋga, la y rɩk teed nins fãa yãmb sẽn maan ne sãnem beegrã yĩngã, n ning koglg a to pʋgẽ n sagl n yegl kaoolã koglgã n dig niigã tɩ b looge.
9
La bɩ yãmb meng ges sõama: B sã n dɩk Bɛt-Semees toadgã sore, rat n yeelame tɩ Sẽn-Ka-Saab n kɩt tɩ to-kãsengã paam tõndo. La b sã n ka rɩk so-kãnga, tõnd na n bãngame tɩ ka Sẽn-Ka-Saab n sɩbg tõnd ye, yaa toog sẽn wa n paam tõnd a woto bala.»
10
Dẽ, Filistẽ-dãmbã maana a woto. Bãmb yõga nag-yãans a yiib sẽn tar kamb sẽn ket n yẽsemdẽ, n balg terokã n yaool n pag b kambã yiri.
11
Bãmb sagla Sẽn-Ka-Saab kaoolã koglgã, ne koglg ning sẽn tar sãnem yõensã ne sãnem noadã mamsd terokã pʋgẽ.
12
Niigã rɩka Bɛt-Semees sorã tɩrg bal n ka bʋdg ye. B rɩka sorã bal n yãbd n loogdẽ, n ka bʋdg goabg wall rɩtg ye. Filistẽ-dãmbã nanambs pʋgla bãmb hal n tɩ ta Bɛt-Semees toadgã.
13
Bɛt-Semees nebã rag n bee bãoogẽ n tigsd b bɩle. La b sẽn zẽk b neng n gese, b yãnda kaoolã koglgã, la b maana sũ-noog rẽ yĩnga.
14
Terokã taa Bɛt-Semees rao a Zozoe pʋʋgẽ wã, la a yalsame. Kug-bedr n dag n be beenẽ. Nebã kell n wesa terokã raado, la b yõg nag-yaansã n maan maoong sẽn yõogd bugum Sẽn-Ka-Saab yĩnga.
15
Leevi nebã sika Sẽn-Ka-Saab kaoolã koglgã ne koglg ning sẽn tar teed nins sẽn maan ne sãnemã, n dogl kug-bedrã zugu. Badaare, Bɛt-Semees nebã maana maoong sẽn yõogd bugum, ne maand a taab Sẽn-Ka-Saab yĩnga.
16
La Filistẽ nanambs a nu wã sẽn yã rẽ wã zugẽ, b lebg n leba Ekrõ badaar bala.
17
Ad sãnem noad mamsd nins Filistẽ-dãmbã sẽn maan n kõ Sẽn-Ka-Saab b beegrã yĩngã: A yembr yaa Asdood yʋʋr yĩnga, a yembr Gaaza yʋʋr yĩnga, a yembr Askalon yʋʋr yĩnga, a yembr Gat yʋʋr yĩnga, la a yembr yaa Ekrõ yʋʋr yĩnga.
18
Sãnem yõens a nu me n dag n be beenẽ Filistẽ-dãmbã tẽms tẽng fãa yʋʋr yĩnga, la yaa Filistẽ-dãmbã nanambs a nu wã n dag n so tẽn-bãmba. Yaa sẽn sɩng ne tẽng ning sẽn gũbg ne lalsã, n tɩ ta tẽn-bilã sẽn ka tar lalgã, hal n tɩ ta kug-kẽeng ning sẽn be Bɛt-Semees rao a Zozoe pʋʋgẽ wã. Yaa kug-kãng zug la b rogl Sẽn-Ka-Saab kaoolã koglgã, la kugrã ket n bee be hal tɩ ta rũndã.
19
Sẽn-Ka-Saab kʋʋ Bɛt-Semees neb kẽere, b sẽn lɩk n ges Sẽn-Ka-Saab kaoolã koglgã pʋgẽ wã yĩngã. Neb tus pis-nu wã sʋka, bãmb kʋʋ neb pis-yopoe. Nebã sũyã sãama hal wʋsgo, Sẽn-Ka-Saab sɩbgrã sẽn yɩ toog wʋsgã yĩnga.
20
Bɛt-Semees nebã sokame yaa: «Ãndã n tõe n yals Wẽnnaam Sẽn-Ka-Saab sẽn yaa pʋ-peelem soabã taoore? La kaoolã koglgã sã n yi tõnd nengẽ, yɛ la a na n kẽnge?»
21
Bãmb tʋma neb tɩ b kẽng Kiryat-Yeyarim nebã nengẽ n tɩ yeel-b yaa: «Filistẽ-dãmbã lebg n talla Sẽn-Ka-Saab kaoolã koglg n wa. Wa-y n tall-y-yã-a n kẽng y nengẽ.»
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31