bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Samuel 10
2 Samuel 10
Mossi MPBU (WẼNNAAM SEBRE 2014)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 11 →
1
Dẽ poore, Amo nebã rĩmã kiime, t'a biig a Hanun led a zĩigẽ n lebg rĩmã.
2
A Davɩɩd yeelame: «Mam na n maana a Nakaas biig a Hanun neere, bala, yẽnda ba wã maana maam neere.» Dẽ, a Davɩɩd tʋma a zakã neb tɩ b kẽng a Hanun nengẽ n tɩ pʋʋs-a, a ba wã sẽn maan kaalmã yĩnga. La a Davɩɩd nebã sẽn ta Amo nebã tẽngẽ,
3
Amo nebã na-biisã yeela b soaal a Hanun yaa: «Yãmb tẽedame tɩ yaa yãmb ba wã waoogr yĩng la a Davɩɩd sẽn tʋm nin-bãmbã tɩ b wa pʋʋs yãmbã bɩ? Yãmb ka tagsd t'a sẽn tʋm a nebã yãmb nengẽ wã yaa sẽn na n yɩl n ges tẽngã n bãng a yell sõama, n wa tõog n sãam-a sɩda?»
4
Dẽ, a Hanun kɩtame tɩ b yõg a Davɩɩd nebã n põng b toeemsã n bas begse, la b wõrs b futã n b bas b seesã yɩnga, n yaool n yeel-b tɩ b looge.
5
B rɩka yellã n taas a Davɩɩde, la yẽnda tʋma ned t'a kẽng n tɩ seg-ba, bala, nin-bãmbã sɩd dag n bee yãn-kẽeng pʋga. Rĩmã tʋmame tɩ b tɩ yeel-b yaa: «Pa-y Zeeriko hal tɩ y toeemsã yi, tɩ y yaool n wa.»
6
Amo nebã sẽn mik tɩ bãmb sẽn maanã yika a Davɩɩd sũurã, b kẽng n tɩ rɩka Siiri ne Bɛt-Rehoob la Soba tãb-biis tus-pisi. B leb n yãka Maaka neb tusri, ne Toob tãb-biis tus-piig la a yiibu.
7
A Davɩɩd sẽn wʋm woto, a tʋma a Zoaab ne tãb-bi-gãndaadã fãa beenẽ.
8
Amo nebã sũu tãp n yi n yals b tẽngã noore. Siiri neb nins sẽn yit Soba ne Bɛt-Rehoobã, la Toob ne Maaka nebã rag n bee zĩig a to weoogã pʋga.
9
A Zoaab sẽn yã tɩ zabrã na n yɩɩ nems a yiibu, poorẽ la taoore, a tũusa Israyɛll tãb-biis nins sẽn ya-b sõama n yɩɩdã, tɩ b tɩ zab ne Siiri rãmba.
10
La a Zoaab kɩtame t'a yao a Abisayi lʋɩ tãb-biis nins sẽn kellã taoore, tɩ b na n zab ne Amo-rãmbã.
11
A Zoaab yeela a yao a Abisayi yaa: «Sã n wa n mik tɩ Siiri nebã rat n tõoga maam, bɩ f wa sõng-ma. La mam sã n wa neẽ tɩ Amo nebã rat n tõoga foom, mam na n wa sõng-f lame.
12
Keng f meng tɩ d yɩ gãndaad n zab d nebã yĩnga, ne tõnd Wẽnnaamã tẽms yĩnga, la bɩ Sẽn-Ka-Saab maan b raabo.»
13
La a Zoaab ne a nebã kolgame n na n zab ne Siiri nebã, la Siiri nebã zoee bãmb taoore.
14
La Amo-rãmbã sẽn yã tɩ Siiri nebã zoeeme wã, bãmb me zoe a Abisayi ne a tãb-biisã taoor n kẽ tẽngã pʋgẽ. Dẽ, a Zoaab yalsa zabrã, n lebg n bas Amo-rãmbã, la a kuil Zeruzalɛm.
15
Siiri nebã sẽn yã tɩ Israyɛll nebã tõog-b lame wã, b leb n tigma b tãb-biisã fãa.
16
A Hadadezɛɛr tʋma neb tɩ b tɩ tigim Siiri neb nins sẽn be Efrat kʋɩlga rʋʋndã. La a Sobak sẽn yaa a Hadadezɛɛr tãb-biisã naabã n lʋɩ bãmb taoor n tall-b n kẽng Elam.
17
Dẽ, a Davɩɩd sẽn wʋm woto, a tigma Israyɛll nebã fãa n dʋʋg kʋɩlgã n kẽng Elam. Dẽ, Siiri nebã sũu tãp n zab ne a Davɩɩde.
18
La Israyɛll nebã riga bãmb tɩ b zoe. A Davɩɩd ne a nebã kʋʋ neb kobs-yopoe sẽn tar saar-dãmbã, ne wed-rʋʋdb tus-pis-naase. La b pogla bãmb tãb-biisã naab a Sobak t'a kell n ki zĩ-kãngã.
19
A Hadadezɛɛr sẽn so nanambs nins fãa wã sẽn yã tɩ Israyɛll nebã tõoga bãmba, b baoome tɩ zood zĩnd bãmb ne Israyɛll nebã sʋka, la Israyɛll nebã sooga bãmba. Siiri nebã ka tol n saag n na n leb n sõng Amo nebã ye.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
Recommended Reading
Commentary
2 Samuel Commentaries
→
Devotional
2 Samuel Devotional Guide
→
Get This Bible
Mossi MPBU (WẼNNAAM SEBRE ) Study Bible
→