bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Samuel 6
2 Samuel 6
Mossi MPBU (WẼNNAAM SEBRE 2014)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 7 →
1
A Davɩɩd leb n tigma Israyɛll tãb-biisã fãa, la b sõorã yaa neb tus-pis-tã.
2
A Davɩɩd ne neb nins sẽn dag n be ne yẽnda wã yii Baall-Zʋʋda n na n kẽng n tɩ rɩk Wẽnnaam kaoolã koglgã n wa. Yaa kogl-kãng taoore, la b boond Saasẽ-Pãng-Soabã sẽn zĩ Serubẽ dãmbã sʋkã yʋʋre.
3
Bãmb kẽnga a Abinadaab zakã sẽn be tãngã zugã, n tɩ yiis kaoolã koglgã n dogl sarɛt-paalg pʋgẽ. A Abinadaab kambã, a Uuza ne a Akiyo n dag n get sarɛt-paalgã yell t'a kẽnda.
4
Dẽ, bãmb dɩka kaoolã koglgã, la a Akiyo lʋɩɩ koglgã taoore.
5
A Davɩɩd ne Israyɛll buudã fãa rag n deemda ne yʋʋm-teed buud toor-toor Sẽn-Ka-Saab taoore. Yaa pendse, kʋla, sɩlsãgse, waase, la ne kɛma.
6
Bãmb sẽn wa n ta a Nakõ zɛɛgẽ wã, niigã lengame n maan tɩ Kãabg-koglgã kɩlle, t'a Uuza tẽeg a nug n gãd-a.
7
Dẽ, Sẽn-Ka-Saab sũur puuga ne a Uuza, la bãmb kɩtame t'a ki zĩig pʋgẽ, yẽnda sẽn maan sẽn kisã yĩnga. Woto, a Uuza kii Wẽnnaam kaoolã koglgã sɛɛgẽ.
8
A Davɩɩd pɛlengã yɩka wʋsgo, Sẽn-Ka-Saab sẽn sɩbg a Uuza ne sɩbgr a woto wã yĩnga. B pʋda zĩ-kãng yʋʋr tɩ Perets-Uuza, sẽn dat n togs t'a ‹Uuza sɩbgr zĩiga›, la zĩigã yʋʋr ket n yaa woto hal tɩ ta rũndã.
9
Badaare, Sẽn-Ka-Saab rabeem yõka a Davɩɩd t'a yeele: «Mam na n maana a wãn n tõog n deeg Sẽn-Ka-Saab kaoolã koglgã m nengẽ?»
10
A Davɩɩd ka sak n na n deeg Sẽn-Ka-Saab kaoolã koglgã n kẽes a tẽngã pʋgẽ ye. Yẽnda kɩtame tɩ b tek n sik-a Gat rao a Obɛɛd-Edom yiri.
11
Sẽn-Ka-Saab kaoolã koglgã paa Gat rao a Obɛɛd-Edom zakẽ wã kiis a tãabo. Dẽ, Sẽn-Ka-Saab ninga a Obɛɛd-Edom ne a yirã rãmb fãa barka.
12
B tɩ togsa dĩm a Davɩɩd tɩ Sẽn-Ka-Saab ninga a Obɛɛd-Edom yirã rãmba, ne yẽnda sẽn so bũmb ninsã fãa barka, Wẽnnaam kaoolã koglgã yĩnga. Dẽ, a Davɩɩd yikame n kẽng n tɩ tall Wẽnnaam kaoolã koglgã sẽn be a Obɛɛd-Edom zakẽ wã, n wa a Davɩɩd tẽngã pʋgẽ ne sũ-no-kãsenga.
13
Neb nins sẽn tʋk kaoolã koglgã sã n kẽn n maan nao-yakem a yoobe, a Davɩɩd kʋʋda loalga, ne lull sẽn nob n tar kaam n maan maoongo.
14
A Davɩɩd rag n dɩka maan-kʋʋr fuug sẽn wʋg ne lamd gĩs n sẽgen a sɛɛga, n saood warb ne a pãngã fãa Sẽn-Ka-Saab taoore.
15
A Davɩɩd ne Israyɛll buudã fãa kɩtame tɩ b tall Sẽn-Ka-Saab kaoolã koglgã n kaasdẽ la b peebd bard n watẽ.
16
Sẽn-Ka-Saab kaoolã koglgã sẽn wa n kẽed a Davɩɩd tẽngã pʋgẽ wã, a Sayull bi-pugl a Mikall dag n bee roog peem-lɛɛgẽ n lɩk n getẽ. A Mikall yãame tɩ rĩm a Davɩɩd yɩgd n kɩdemdẽ, la a saood Sẽn-Ka-Saab taoore, la a paooga a Davɩɩd a sũurẽ.
17
B sẽn tall Sẽn-Ka-Saab kaoolã koglgã n wa wã zugẽ, b ning-a-la fu-roog ning a Davɩɩd sẽn dag n segl a yĩnga pʋgẽ. A Davɩɩd maana maand sẽn yõogd bugum, ne zems-n-taar maand Sẽn-Ka-Saab taoore.
18
A Davɩɩd sẽn maan maoong sẽn yõogd bugmã ne zems-n-taar maoongã n sɛ, a ninga nebã zug bark ne Sẽn-Ka-Saab sẽn yaa Saasẽ-Pãng-Soabã yʋʋre.
19
La dĩm a Davɩɩd kɩtame tɩ b pʋɩ Israyɛll nin-buiidã fãa rɩɩbo, b raopa ne b pagba, la ned kam fãa paama bur-yend ne nem-sẽedgo, la sibi. La ned fãa lebg n kuila a yiri.
20
A Davɩɩd lebg n kuilame n na n tɩ ning a yirã rãmb barka. La a Sayull bi-pugl a Mikall yiime n seg a Davɩɩd n yeel-a yaa: «Israyɛll dĩmã paama ziir rũndã. Bala, bãmb yeesa b fut b tʋmtʋmdbã ne yem-pogsã taoore, n maan b meng wa nin-yaalga.»
21
A Davɩɩd leok-a lame yaa: «Yaa Sẽn-Ka-Saab taoor la mam maan bõn-kãngã. Bãmb basa fo ba wã ne f buudã fãa, la b yãk maam tɩ m yɩ Israyɛll nebã rĩmã. Dẽ, yaa Sẽn-Ka-Saab-kãng taoor la mam sao yã.
22
Mam nongẽ lame tɩ b yaal maam n yɩɩd a woto, la m sik m meng n paase. La baoosgo, mam na n kell n paama waoogre, yem-pogs nins fo sẽn gomd-b yellã taoore.»
23
La a Sayull bi-pugl a Mikall ka tol n paam biig la a tɩ ki ye.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24