bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Samuel 24
2 Samuel 24
Mossi MPBU (WẼNNAAM SEBRE 2014)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
1
Sẽn-Ka-Saab sũur leb n yika ne Israyɛll nebã, la b kɩtame t'a Davɩɩd maan yell n yeel tɩ b sõd Israyɛll ne Zʋʋda nebã fãa.
2
Dẽ, rĩmã yeela tãb-biis naab a Zoaab sẽn dag n be ne yẽnda wã yaa: «M kotame tɩ f kẽng n tɩ sõd Israyɛll buudã fãa, sẽn sɩng ne Dan hal tɩ ta Bɛɛr-seba, tɩ m tõe n bãng b sõorã.»
3
La a Zoaab yeela rĩmã yaa: «Bɩ Sẽn-Ka-Saab sẽn yaa yãmb Wẽnnaamã kɩt tɩ nebã sõor paas naoor koabg n yɩɩd woto, tɩ rĩmã sẽn yaa m soaalã tõe n yã. La bõe yĩng tɩ rĩmã rat n maan bũmb a woto?»
4
La rĩmã pẽdgr sẽn dag n yaa wʋsgã, a Zoaab ne tãb-biisã nanambs sak n maana bũmb ning a sẽn yeelã. A Zoaab ne tãb-biisã nanambs yii rĩmã nengẽ n na n tɩ sõd Israyɛll nebã.
5
Bãmb dʋʋga Zʋrdẽ kʋɩlgã, n sɩng sõadgã Arowɛɛre, ne tẽng ning sẽn be ko-soogẽ wã, n tees Gaad tẽngã sẽn be Yayezɛɛr sẽnẽ wã.
6
Bãmb kẽnga Galaad soolem ne Tatim-Hodsi, la b kẽng Dãn-Yaan ne Sidõ sẽnẽ.
7
Bãmb kẽnga Tɩ soolem b sẽn me lals n gũbgã pʋgẽ, ne Hevi nebã ne Kanan nebã tẽms fãa pʋgẽ. La bãmb sẽn yi beenẽ, bãmb kẽng n tɩ baasa sõadgã Bɛɛr-seba sẽn be Zʋʋda soolmã nug goabgã.
8
Woto, bãmb saaga soolmã fãa kiis a wɛ la rasem pisi pʋgẽ, la b lebg n leba Zeruzalɛm.
9
Dẽ, a Zoaab wilga rĩmã nebã b sẽn sõdã sõore. Israyɛll gãndaad nins sẽn tõe n bob zab-teedã sõor yaa neb tus kobs-nii, la Zʋʋda tãb-biisã sõor yaa neb tus kobs-nu.
10
A Davɩɩd sẽn sõd nebã zugẽ, a sũurã sãamame t'a yeel Sẽn-Ka-Saab yaa: «Mam beega beeg-kãseng ne bũmb ning mam sẽn maanã. Moasã, Sẽn-Ka-Saabo, m kot-y lame tɩ y kõ mam sẽn yaa yãmb tʋmtʋmdã sugr a beegrã yĩnga. Bala, mam sẽn maanã yaa yalemd meng-menga.»
11
A Davɩɩd sẽn yik vẽkembeoog yibeoogo, Sẽn-Ka-Saab yeela bãmb no-rɛɛs a Gaad sẽn yaa a Davɩɩd bãngdã yaa:
12
«Kẽng n tɩ yeel a Davɩɩd tɩ Sẽn-Ka-Saab yetame: Mam wilgda foom tood a tãabo. Yãk a yembr bãmb sʋkã, tɩ m sɩbg-f ne to-kãnga.»
13
Dẽ, a Gaad kẽnga a Davɩɩd nengẽ n tɩ yeel-a yaa: «Yaa to-bʋg la yãmb data? Yʋʋm a yopoe kom bɩ? Bɩ y bɛɛbã sẽn na n dig-y tɩ y zoe kiis a tãab bɩ? Bɩ rasem a tãab bã-loangdga? Moasã, tags-y-yã, la y kõ-m koɛɛg ning m sẽn na n tɩ leok sẽn tʋm-a maamã.»
14
A Davɩɩd leoka a Gaad yaa: «Sũ-sãan-kãseng n tar maam! Mam kot-f lame tɩ f bas tɩ d lʋɩ Sẽn-Ka-Saab nugẽ, la d ra lʋɩ ninsaalb nusẽ ye. Bala, Sẽn-Ka-Saab nimbãan-zoeerã yaa kãsenga.»
15
Dẽ, Sẽn-Ka-Saab kɩtame tɩ bã-loangdg kẽ Israyɛll soolmẽ wã, sẽn sɩng ne yibeoogo, hal n tãag wakat ning b sẽn yãkã. La sẽn sɩng ne Dan n tɩ tãag Bɛɛr-seba, neb tus pis-yopoe n ki.
16
La wakat ning malɛɛkã sẽn kʋʋd nebã sẽn wa n tẽeg a nug n na n sãam Zeruzalɛmã, Sẽn-Ka-Saab sũurã sãama ne sɩbgrã tɩ b yeele: «A sekame! Base. Yãk f nugu.» La Sẽn-Ka-Saab malɛɛkã yalsa zĩig sẽn pẽ ne Zebuus rao a Aravna zɛɛgã.
17
A Davɩɩd sẽn yã Malɛɛkã sẽn kʋʋd nebã, a yeelame yaa: «Sẽn-Ka-Saabo, yaa maam n beeg yãmba. La nin-bãmbã maana bõe? M kotame tɩ y sɩbgrã yɩ maam ne m yirã rãmba.»
18
Badaare, a Gaad kẽnga a Davɩɩd nengẽ n tɩ yeel-a yaa: «Yik-y n kẽng-y Zebuus rao a Aravna zɛɛgẽ wã, n tɩ me tẽn-kugr Sẽn-Ka-Saab yĩnga.»
19
La a Davɩɩd saka a Gaad sẽn yeel yẽnda wã, n yik n kẽng zɛɛgẽ wã, wa sẽn zems Sẽn-Ka-Saab sẽn dag n togsã.
20
A Aravna sẽn wa n be tãngã zugu, a tool n yãnda rĩmã ne a tʋmtʋmdbã sẽn wat yẽnda nengẽ. La a Aravna yi a sẽn beẽ wã, n wõgemd n fõgen a neng tẽng rĩmã taoor n yeel yaa:
21
«Yaa noog tɩ m dĩmã wat b tʋmtʋmdã nengẽ?» La a Davɩɩd wilg-a lame t'a rat n da-a zɛɛgã n me tẽn-kugr Sẽn-Ka-Saab yĩnga, tɩ bã-loangdgã sẽn tar nebã sɛ.
22
A Aravna yeelame: «Mam dĩma, la m soaala, reeg-y zɛɛgã n maan maoong sẽn yõogd bugum wa sẽn zems yãmb sẽn datã. Reeg-y niigã m sẽn tar n pãbd m koodã n maan maoong sẽn yõogd bugmã, la y reeg b ra-vuudsã ne b ra-balgdsã n maan maoongã bugum daado.
23
M dĩmã, maam a Aravna kõta yãmb bõn-kãensã fãa.» La a Aravna leb n yeela rĩmã yaa: «Bɩ Sẽn-Ka-Saab sẽn yaa yãmb Wẽnnaamã reeg y maoongã.»
24
La rĩmã leoka a Aravna yaa: «Ayo, mam na n daa bõn-kãens fo nengẽ wa sẽn zems b ligdã. Mam ka na n dɩk zaalem bũmb n maan maoong sẽn yõogd bugum n kõ Sẽn-Ka-Saab sẽn yaa mam Wẽnnaamã ye.» Dẽ, a Davɩɩd raa zɛɛgã ne niigã wakɩ-koeems pis-nu.
25
A Davɩɩd mee tẽn-kugr beenẽ, n kõ Sẽn-Ka-Saabo, la yẽnda maana maand sẽn yõogd bugum ne zems-n-taar maando. Woto, Sẽn-Ka-Saab sũurã sigame tɩ b kɩt tɩ bã-loangdgã sẽn da sãamd Israyɛll soolmã looge.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
Recommended Reading
Commentary
2 Samuel Commentaries
→
Devotional
2 Samuel Devotional Guide
→
Get This Bible
Mossi MPBU (WẼNNAAM SEBRE ) Study Bible
→