bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Samuel 20
2 Samuel 20
Mossi MPBU (WẼNNAAM SEBRE 2014)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 21 →
1
Nin-yoog a yembr n dag be Gilgalle, t'a yʋʋr boondẽ t'a Seba, yẽnda yaa Benzame buudã ned a Bikri biiga. A Seba peeba baorg n yeele: «Tõnd bũmb ka be a Davɩɩd nengẽ ye, Tõnd ka tar lagem-n-taar ne a Izayi biigã ye. Israyɛll nebã, bɩ ned kam fãa lebg n kuil a yiri.»
2
La Israyɛll nebã fãa basa a Davɩɩd n tũ a Bikri biig a Seba. La Zʋʋda nebã kell n tũu b rĩmã n yãag-b Zʋrdẽ kʋɩlgã n tãag Zeruzalɛm.
3
A Davɩɩd kuila a yir Zeruzalɛm, la yẽnda rɩka pʋg-rɩkds piigã yẽnda sẽn dag n bas tɩ b gũ zakã n bao zak toor zall n ning-ba, n pag-ba. Yẽnda rag n geta b yelle, la a ka leb n kẽed ne-b ye. B kell n paga pʋg-bãmb be, tɩ b vɩɩmd wa pʋg-kõap n tãag b kũum.
4
Rĩmã yeela a Amasa yaa: «Bool Zʋʋda nebã tɩ b wa kaanẽ ra-tãta, la bɩ fo mengã me tũ bãmb n wa.»
5
A Amasa kẽngame n na n tɩ bool Zʋʋda nebã, la yẽnda kaoosame n yɩɩd rĩmã sẽn dag n kõ wakat ningã.
6
Woto, a Davɩɩd yeela a Abisayi yaa: «Gese, a Bikri biig a Seba na n maana tõnd wẽng n yɩɩd a Absalom. Bao neb tɩ y kẽng n tɩ yõk-a, t'a ra tõog n bao tẽms sẽn tar lals n kẽ n soond tɩ y ka yãnd-a ye.»
7
A Zoaab ne a tãb-biisã yiime, tɩ Kerɛt nebã, ne Pelɛt nebã ne b gãndaadã fãa yi Zeruzalɛm n kẽng n na n tɩ yõk a Bikri biig a Seba.
8
La bãmb sẽn ta Gabawõ pĩig kug-kãsengã sɛɛga, la a Amasa sẽn be waoongẽ, n ta n yals bãmb taoore. A Zoaab rag n yera a zabr futu, n lulg a sʋʋg a sɛɛg sẽbdgẽ, la yẽnda sẽn wa n kolgd a Amasa wã, sʋʋgã lʋɩɩme.
9
A Zoaab pʋʋsa a Amasa n gãd a toɛɛngã ne a rɩtg n mok-a n yeele: «Laafɩ beeme m saam-biiga?»
10
La a Amasa ka gũus ne sʋʋgã sẽn dag n be a Zoaab goabg nugẽ wã ye. La a Zoaab kõsa a Amasa pʋgã t'a yãada yʋlem tẽnga, la a ka leb n kõs-a n paas ye, kõs-vukã bal n kʋ a Amasa. A Zoaab ne a ba-biig a Abisayi kẽnga taoor n na n pʋgl a Bikri biig a Seba.
11
A Zoaab nebã sʋka, ned a yembr n yaas a Amasa zug n yeel yaa: «Bɩ neb nins fãa sẽn dat a Zoaab ne a Davɩɩdã tũ a Zoaabe.»
12
A Amasa rag n dɩga tẽng a mengã zɩɩm pʋgẽ, sorã zugu. La rao-kãng sẽn yã tɩ nebã sã n ta zĩ-kãngã, b yalsdame wã, a vuuga kũumã n serg sorã zugu, n tɩ lob pʋʋg pʋgẽ, n bao fuug n pil-a.
13
Yẽnda sẽn vuug a Amasa kũumã n serg sorã zugã, nebã fãa yaool n tũ a Zoaab n na n tɩ yõk a Bikri biig a Seba.
14
A Seba pɩʋʋga Israyɛll buudã fãa tẽms hal tɩ ta Abɛll-Bɛt-Maaka, la Berim nebã fãa tũ a Seba n kẽ tẽngã pʋgẽ.
15
A Zoaab ne neb nins sẽn be ne yẽnda wã kẽng n tɩ gũbga Abɛll-Bɛt-Maaka, n na n zab ne-a n paam n yõk a Seba. Bãmb zama tom tẽngã lalg sɛɛgẽ, la b tuu lalgã tẽngre, n na n lub-a.
16
La tẽngã pag a yembr sẽn tar yam zĩnda tẽngã pʋg n kelem n yeel yaa: «Kelg-y-yã! Kelg-y-yã! M kotame tɩ y yeel a Zoaab t'a kolg ka tɩ m dat n goma ne-a.»
17
La a Zoaab kolgame, tɩ pagã sok-a tɩ yaa yẽnda la a Zoaabã bɩ? La a Zoaab yeelame: «Yaa maam.» Pagã yeelame: «M soaala kelg-y mam goamã.» La a Zoaab yeelame: «Mam kelgdame.»
18
Pagã yeelame: «Kʋdem-dãmbã rag n yetame: Kẽng-y Abɛll n tɩ sok n paam saglgo. La b sã n mi n maan a woto, yellã manegdame.
19
Tõnd tẽngã bee Israyɛll tẽms nins sẽn tar-b laafɩ la pʋ-peelem n tɩ yɩɩdã sʋka. La yaa bõe tɩ yãmb baood n sãam tẽng sẽn yaa wa ma Israyɛll soolmã pʋgẽ? Yaa bõe tɩ y rat n sãam tẽng ning Sẽn-Ka-Saab sẽn so wã?»
20
A Zoaab yeelame yaa: «Kõn tol n yɩ a woto abada. Mam kõn menes tẽngã, wall m sãam-a ye.
21
Yellã ka bũmb a woto ye. La yaa t'a Bikri biig a Seba sẽn yit Efrayiim soolem ning sẽn be tãms sʋkã, n yik n dat n zab ne rĩm a Davɩɩde. Yiis-y yẽnda a yembr bal n kõ-ma, la m na loog n bas y tẽngã.» Pagã yeela a Zoaab yaa: «Beneere, b na n loba a zugã lalgã poor tɩ y rɩke.»
22
La pagã kẽngame n tɩ gom ne tẽngã nebã fãa ne yam. La b fiuuga a Bikri biig a Seba zugã n lob yɩng lalgã poor t'a Zoaab rɩke. La a Zoaab peeba baorg t'a nebã loog n bas tẽngã, ned kam fãa leb a yiri. La a Zoaab me lebg n leba rĩmã nengẽ Zeruzalɛm.
23
A Zoaab sooga Israyɛll tãb-biisã fãa, t'a Zehozada biig a Benaya soog Kerɛt ne Pelɛɛg nebã,
24
t'a Adoram yaa tʋʋm-wɛglã yel-gɛta. A Ahiluud biig a Zozafat n yaa seb-bĩngda.
25
A Seeva n yaa seb-gʋnda, t'a Sadok ne a Abiyataar yaa maan-kʋʋdba.
26
La Yayɩɩr dao a Iira me n yaa a Davɩɩd maan-kʋʋd a yembre.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
Recommended Reading
Commentary
2 Samuel Commentaries
→
Devotional
2 Samuel Devotional Guide
→
Get This Bible
Mossi MPBU (WẼNNAAM SEBRE ) Study Bible
→