bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Samuel 15
2 Samuel 15
Mossi MPBU (WẼNNAAM SEBRE 2014)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 16 →
1
Bõn-kãng zugẽ, a Absalom baoo saar ne wiidi, la a yãk neb pis-nu tɩ b be a taoor n yãagd-a.
2
La tõd-beoog fãa, a Absalom dag n yikdame n tɩ yals tẽngã rignoorẽ sorã kɩrenga. La ned sã n tũud be n dabd rĩmã nengẽ n na n tɩ welg a yelle, a Absalom boonda a soabã n sok-a a sẽn yitẽ. La a soabã sã n wilg a sẽn yaa Israyɛll buud ninga neda,
3
a Absalom yet-a yẽnda yaa: «Beneere, fo tara bʋʋm, la f yellã be a sɩd zugu, la zu-bʋkã, yaa tɩ ned ka be rĩmã sẽn na n yãk t'a welg fo yellã ye.»
4
La a Absalom dag n yetame: «B sã n dag n yãkẽ maam tɩ m yaa bʋ-kaood tẽn-kãngã pʋgẽ, ned ninga fãa sẽn na n wa-a mam nengẽ ne a yelle, mam na n welga a yellã n kõ-a.»
5
La ned sã n dag n kolg a Absalom n na n wõgemd tẽng n pʋʋs-a, yẽnda tẽegda a nug n pʋʋs a soabã, la a gãd-a n moke.
6
A Absalom dag n maanda a woto ne Israyɛll neb nins fãa sẽn dag n tar b yɛl n dabd rĩmã nengẽ wã. La yẽnda maana sɩlem a woto n paam tɩ Israyɛll nebã yam wẽnemd n kẽ-a.
7
La yʋʋm a naas loogr zugẽ, daar a yembre, a Absalom yeela rĩmã yaa: «N-na! Mam kot-y-la sor n na n kẽng Ebrõ n tɩ pids pʋlengo, mam sẽn dag n pʋlem Sẽn-Ka-Saabo.
8
Bala, mam sẽn wa n be Gesʋʋr sẽn be Siiri wã, mam pʋlma Sẽn-Ka-Saab n yeel tɩ b sã n sõng maam tɩ m lebg n wa Zeruzalɛm, mam na n maana maoong n waoog-ba.»
9
Dẽ, rĩmã kõ-a-la sor t'a kẽnge. La a Absalom yikame n kẽng Ebrõ.
10
A Absalom sẽn ta Ebrõ wã, a soos n tʋma neb tɩ b kẽng Israyɛll buudã fãa nengẽ n tɩ yeel-b yaa: «Yãmb sã n wa wʋm baorg peebgo, bɩ y moon t'a Absalom lebga rĩm Ebrõ tẽngã pʋgẽ.»
11
La mikame t'a Absalom dag n boola neb kobs-yi tɩ b yi Zeruzalɛm n yãag yẽnda n kẽng Ebrõ. La nin-bãmb dag n ka mi bũmb ning a Absalom sẽn dag n dat n tɩ maanã ye.
12
La a Absalom sẽn wa n be Ebrõ n maand maanda wakate, a leb n tʋma ned t'a kẽng Gilo tẽngã, n tɩ bool a Ayitofɛll sẽn yaa a Davɩɩd sagendã t'a wa. La a Absalom nebã sõor dag n tara paasgo, tɩ yellã me paamd pãng n paasdẽ.
13
La wakat-kãnga, ned n kẽng n tɩ wilg a Davɩɩd tɩ Israyɛll nebã basa bãmb n tɩ kẽ a Absalom.
14
Dẽ, a Davɩɩd yeela neb nins sẽn dag n be ne yẽnda wã yaa: «Wa-y tɩ d zoe, tɩ sã n ka rẽ, a Absalom sã n wa paam tõnd ka, a ka na n bas-d ye. D maan tao-tao, tɩ sã n ka rẽ, a Absalom ka na n kaoos la a wa ye. La a sã n wa me, a na n kʋʋ tẽngã neb gilli, n kẽes tẽngã sũ-sãang pʋga.»
15
Rĩmã neb yeel-a lame: «N-na! Yãmb sẽn na n yãk yam-yãkr ninga fãa, tõnd bee ne yãmba.»
16
Dẽ, rĩmã ne a yirã rãmb yi n looga ne nao, la b basa pʋg-rɩkds piig tɩ b yõd n gũ zakã.
17
Rĩmã ne a yirã rãmb fãa sẽn wa n yit tẽngã, b taa tẽngã yiib yaoolem zakã, la b yalsa beenẽ.
18
Rĩmã zakã neb fãa, ne Kerɛt nebã, la Pelɛt nebã ne Gat tẽngã tãb-biis kobs-yoob nins sẽn dag n tũ-b rĩmã n yi Gat n wa wã rag n pɩʋʋgda rĩmã taoor n loogdẽ.
19
Rĩmã yeela Gat rao a Itayi yaa: «Yaa bõe tɩ fo rat n tũ tõndo? Lebg n tɩ pa ne rĩm-paalgã, tɩ bala, fo yaa sãan sẽn yi tẽn-zẽng n wa.
20
Bala, fo sẽn wa tõnd nengẽ nan ka kaoos ye. Dẽ, na n yɩɩ a wãn tɩ mam zoe n peegd foom n loogdẽ, tɩ mam meng yaool n ka tar m sẽn dabdẽ. Woto yĩngã, peeg f saam-biisã tɩ y lebg n leb Zeruzalɛm. La mam kota Sẽn-Ka-saabo, tɩ b wilg b sõmblem ne b tɩrlem ne foom.»
21
La a Itayi leoka rĩm a Davɩɩd yaa: «N-na, mam wẽenda ne Sẽn-Ka-Saabo, la ne yãmb me, tɩ zĩig ninga fãa yãmb sẽn na n kẽngẽ, mam na n tũu yãmba, ba sã n na tũ ne mam yõore.»
22
Dẽ, dĩm a Davɩɩd yeela a Itayi yaa: «Sã n yaa woto, bɩ f wa looge.» La Gat rao a Itayi ne a nebã la b pagbã ne b kambã fãa me tũ n loogame.
23
La nebã sẽn wa n be a Davɩɩd taoor tɩ b loogdẽ wã, tẽngã neb fãa rag n wiisdame. La rĩmã ne a nebã rʋʋga Sedrõ ko-soogã n tũ we-raoogã sor n looge.
24
La maan-kʋʋd a Sadok me rag n bee be, la Leevi buudã rag n bee ne yẽnda, n zãad Wẽnnaam kaoolã koglgã. La Leevi nebã sika kaoolã koglgã n dɩgle, la maan-kʋʋd a Abiyataar yikame n yals n maan maoong hal tɩ nebã fãa sẽn yit tẽngã pʋgẽ wã wa loog zãnga.
25
Rĩmã yeela a Sadok yaa: «Lebg n leb ne kaoolã koglgã tẽngã pʋgẽ. La Sẽn-Ka-Saab sã n dat n maan maam neere, b na n kɩtame tɩ mam tõog n lebg n wa yã kaoolã koglgã ne bãmb doogã.
26
La sã n mikame tɩ bãmb ka leb n dat maam ne neere, bɩ b maan maam wa b sẽn date.»
27
La rĩm a Davɩɩd leb n yeela maan-kʋʋd a Sadok yaa: «Fo neeme, bɩ foom ne f biig a Ayimaase, la a Abiyataar ne a biig a Zonatã pĩnd n lebg n leb Zeruzalɛm tẽngã pʋgẽ.
28
La ne maam, mam na n tɩ yalsa we-raoogẽ wã, zĩig ning sẽn pẽ Zʋrdẽ kʋɩlga noorã. Mam na n paa be, hal n wa paam n wʋm yãmb kibare.»
29
Woto, a Sadok ne a Abiyataar talla Wẽnnaam kaoolã koglgã n lebg n leb Zeruzalɛm n tɩ pa beenẽ.
30
A Davɩɩd dag n dʋʋda oliiv tɩɩs tãngã la a yãbda. Yẽnda rag n pila a zug peende, n kẽnd nao-zaala. La neb nins fãa sẽn dag n tũud a Davɩɩdã me rag n pila b zut pɛɛla, la b yãbda.
31
B wa n togsa a Davɩɩd t'a Ayitofɛll bee ne neb nins sẽn naag a Absalom n dat n maan a Davɩɩd wẽngã sʋka. La a Davɩɩd zẽka a koɛɛg n pʋʋs n yeele: «Sẽn-Ka-Saabo, m kot-y lame tɩ y kɩt t'a Ayitofɛll saglsã yɩ zaalem.»
32
La a Davɩɩd sẽn ta tãngã zugu, zĩig ning b sẽn waoogd Wẽnnaamã, a yãnda Ark tẽng rao a Husayi sẽn yaa yẽ sagendã sẽn pãrs a futu, n yugl a zug tom n watẽ.
33
A Davɩɩd yeel-a lame: «Ra tũ maam ye. Bala, fo tũubã ka na n tall yõod ne maam ye.
34
Dẽ wã, bɩ f lebg n leb Zeruzalɛm n tɩ yeel a Absalom yaa: ‹N-na! Mam waame n na n yɩ yãmb tʋmtʋmda. Bala, mam dag n yaa yãmb ba a Davɩɩd tʋmtʋmda, la mam wat n na n yɩ yãmb tʋmtʋmda.› Fo sã n maan woto, f na n sõnga maam n kɩt t'a Ayitofɛll saglgã yɩ zaalem.
35
La a Sadok ne a Abiyataar sẽn yaa maan-kʋʋdbã na n sõnga foom. Dẽ, fo na n dɩka goam nins fãa sẽn yit na-yirẽ wã tɩ fo wʋmdẽ wã n togs bãmba.
36
La a Sadok biig a Ayimaas ne a Abiyataar biig a Zonatã bee ne bãmb beenẽ. Dẽ, koees nins fãa yãmb sẽn na n wʋma, bɩ y tʋm bãmb tɩ b wa togs-ma.»
37
Dẽ, a Davɩɩd sagend a Usayi sẽn wa n kẽed Zeruzalɛmã, mikame tɩ yaa a Absalom me sẽn nan tate.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24