bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Samuel 13
2 Samuel 13
Mossi MPBU (WẼNNAAM SEBRE 2014)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 14 →
1
Ad bũmb nins sẽn maan bõn-kãens zugẽ. A Davɩɩd dag n tara biig t'a yʋʋr boond t'a Absalom, yẽnda rag n tar yao-bi-pugl t'a yʋʋr boondẽ t'a Tamaare. La a Tamaar dag n yaa pʋg-neer wʋsgo. A Davɩɩd dag tara a biig a to yʋʋr sẽn boond t'a Amno. A Amno yamã kẽ a Tamaare.
2
A Amno rag n namsda wʋsgo, a sẽn dat a Tamaarã yĩnga. La yẽnda rag n ka mi a sẽn na n maan to-to n kolg a Tamaar ye. Bala, a Tamaar dag n nan ka mi rao ye.
3
A Amno rag n tara a zoa t'a yʋʋr boondẽ t'a Yonadaabe. A Yonadaab rag n yaa a Davɩɩd kẽem a Simeya biiga, la a rag n tara sɩlem wʋsgo.
4
Dẽ, a Yonadaab soka a Amno yaa: «Yaa a wãn tɩ fo kẽnd daar fãa wa nimbãan-neda, n yaool n yaa na-biiga? Togs maam yell ning sẽn tar foom.» A Amno togsa a Yonadaab tɩ yaa a ba-biig a Absalom yao-bi-pugl a Tamaar la yẽnda rata.
5
A Yonadaab yeel-a lame: «Beneere, gãand n maan wa f ka keem ye. La f baaba sã n wa n na n ges-fo, bɩ f yeel-a woto: ‹M kotame tɩ y kõ m tão a Tamaar sor t'a wa segl rɩɩb m nifẽ, la a rɩk rɩɩbã ne a meng nug n kõ-m tɩ m dɩ.› »
6
La a Amno sɩd gãanda wa a ka keem ye. La rĩmã sẽn wa n na n ges-a, a yeelame yaa: «M kotame tɩ y kõ m tão a Tamaar sor t'a wa segl rɩɩb m nifẽ, la a rɩk rɩɩbã ne a meng nug n kõ-m tɩ m dɩ.»
7
Dẽ, a Davɩɩd tʋma ned t'a tɩ yeel a Tamaar yaa: «M kos tɩ f kẽng f kẽem a Amno nengẽ n tɩ segl dɩɩb n kõ-a.»
8
La a Tamaar kẽngame n tɩ mik t'a kẽem a Amno gãe a gãagẽ. A yãka zom n nag n maan dɩɩb a Amno nifẽ n kõ-a.
9
La a Tamaar dɩka rɩɩbã ne laagã n na n kõ a Amno, la a zãgsa rɩɩbo, n kɩt tɩ b yeel nebã fãa tɩ b yi. La nebã fãa yiime n bas-a.
10
La a Amno yeela a Tamaar t'a tall rɩɩbã n wa kõ yẽnda a ro-gãagẽ wã, la a yãk ne a meng nug n kõ-a t'a rɩ. A Tamaar dɩka dɩɩbã n tall n kẽ a ba-biig a Amno ro-gãagẽ wã.
11
La a Tamaar sẽn kolg n na kõ a Amno rɩɩbã, a Amno gãd-a lame n yeel-a: «Tamaare, wa gãand ne maam.»
12
Dẽ, a Tamaar yeel-a lame yaa: «Ayo! M soaala, da maan-y-m pãng ye. Bala, bõn-kãngã yaa kisg Israyɛll pʋgẽ. Da maan wɩɩbd a woto ye.
13
Mam na n deega yãnd a woto n kẽ yɛɛnẽ? La fo mengã na n lebga nin-yaalg Israyɛll pʋgẽ. Maan sugr la f tɩ gom ne rĩmã, tɩ tõe tɩ daar ning bɩ b sak n dɩk maam n kõ foom.»
14
La a Amno ka kelg-a ye. Dẽ, yẽnda pãngã sẽn yɩɩd a Tamaarã yĩnga, a yõg-a lame.
15
La bõn-kãng zugẽ, a Amno kisg-a a Tamaar wʋsgo. A kisgrã talla pãng wʋsg n yɩɩd a sẽn dag n nong-a wã. A Amno yeela a Tamaar yaa: «Yik n yi!»
16
La a Tamaar yeel-a lame: «Ayo! M soaala, fo sã n dig maam woto, yellã na n yɩɩ wẽng n yɩɩg fo sẽn zoe n maan maamã.» La a Amno kell n ka sak n kelg-a ye.
17
Dẽ, a Amno boola a tʋmtʋmdã n yeel-a yaa: «M kotame tɩ f yiis yõwã yɩng la f lebs kʋɩlengã n pag ne kʋɩlen-bila.»
18
La tʋmtʋmdã yiis-a lame, la a lebs kʋɩlengã n pag ne kʋɩlen-bila. A Tamaar dag n yera fu-gʋleng sẽn tar nus-wogdo. Yaa fu-bãmb buud la rĩm-dãmbã kom-pugli nins sẽn ka mi-b raoã dag n yer wakat-kãnga.
19
Dẽ, a Tamaar sẽn yi, a yuga a zugã tompeglem, la a pãrs fuugã, n kʋk a zug n wiisdẽ la a loogdẽ.
20
A Tamaar ma-biig a Absalom sẽn yãnd a Tamaarã, a sok-a lame: «Fo kẽem a Amno yõga foom la? Da rɩk yellã n gom tɩ ned wʋm ye. Bala, a Amno yaa fo ba-biiga. Da rɩk yel-kãngã n ning f sũurẽ ye.» La sẽn sɩng ne badaare, a Tamaar kell n pa a ma-biig a Absalom yirã wa pag a sɩd sẽn digi.
21
La rĩm a Davɩɩd sẽn wʋm yellã, a sũurã puuga hal wʋsgo. La yẽnda yaool n ka tol n yeel a Amno tɩ bũmb ye. La a Amno sẽn dag n yaa yẽnda bi-kãsengã yĩnga, a rag n nong-a-la hal wʋsgo.
22
La a Absalom ka tol n yeel a Amno tɩ bũmb ye. La a yaool n kisga a Amno, a sẽn yõg yẽnda ma-biig a Tamaarã yĩnga.
23
Daar a yembre, yellã maan n loog tɩ yʋʋm yiiblẽ, a Absalom boola a pe-wõrsdbã a yirã Baal-Hatsoor sẽn be Efrayiim noorã. La a Absalom boola rĩmã kom-dibli fãa tɩ b wa.
24
A Absalom kẽnga rĩmã nengẽ n tɩ yeel-a yaa: «N-na! Pe-wõrsdb n wa mam yirã, n na n wõrs mam piisã. Yaa rẽ yĩng la m wa n na n kos rĩmã ne b nanambsã, tɩ b wa naag-d n maan tigrã.»
25
Rĩmã leoka a Absalom yaa: «Ayo! M biig sõngo, maan sugr tɩ tõnd fãa ka tõe n naag taab n wa fo yirã ye. Bala, na n yɩɩ zɩɩb ne foom.» A Absalom pẽdga rĩmã, la rĩmã ka sak n na n kẽng ye. La rĩmã ning-a-la barka.
26
A Absalom yeela rĩmã yaa: «Sẽn yaa woto tɩ yãmb meng ka na n tõog n wa wã, m kotame tɩ y kõ m kẽem a Amno noor t'a wa naag-do.» La rĩmã soka yẽnda yaa: «Bõe yĩng t'a Amno na n wa fo yiri?»
27
La a Absalom rag n ket n pẽdgda rĩmã, la rĩmã wa n baas n sakame t'a Amno ne rĩmã kom-dibli a taabã fãa tũ a Absalom n kẽnge.
28
La a Absalom yeela a tʋmtʋmdbã yaa: «Ade, m kot-y lame tɩ y gũusd a Amno, t'a sã n wa yũ rãamã n tɩg t'a sũurã noomẽ, tɩ mam yeel-y tɩ y kʋ-a, bɩ y kʋ-a n da yɛɛs ye. Bala, yaa mam mengã n kõ-y noor tɩ y kʋ-a. Dẽ yĩngã, bɩ y kẽng n wilg y raoodo.»
29
Dẽ, a Absalom tʋmtʋmdbã maana wa a Absalom sẽn yeel bãmbã. Bãmb kʋ a Amno, la tao-tao bala, rĩmã kom-dibli a taabã yik n basa rɩɩbã n zomb b bõens n zoe.
30
La bãmb sẽn wa n ket n be sorẽ, ned n tɩ togs rĩmã t'a Absalom kʋʋ bãmb kom-dibli wã zãnga, n ka bas ba a yembr tɩ põs ye.
31
La rĩmã sũur sãamame t'a pãrs a futã n gãand tẽnga, la a nanambsã fãa me pãrsa b fut n dag n yas a sɛɛgẽ.
32
A Davɩɩd kẽemã a Simeya biig a Yonadaab yeela a Davɩɩd yaa: «N-na! Ra tags-y tɩ b kʋʋ yãmb kambã fãa ye. Ad-y yaa a Amno a yembr bal n ki. Bala, hal sẽn sɩng ne daar ning a Amno sẽn yõg a Absalom tão a Tamaarã, a Absalom dag n yãka yam n dat n kʋ-a.
33
Dẽ yĩngã, da wa tags-y tɩ b kʋʋ yãmb kambã fãa ye. Ayo! Yaa a Amno a ye bal la b kʋ yã.»
34
La a Absalom bas n zoeeme. Wakat-kãng bala, tẽn-gũudã zẽka a nengã n yãnd neb wʋsg sẽn be Horonayim sorã zug n yit tãngã sigdgẽ n watẽ. La yẽnda tɩ yeela rĩmã yaa: «Mam yãnda neb wʋsg sẽn be Horonayim sorã zug n yit tãngã sigdgẽ n watẽ.»
35
La a Yonadaab yeela rĩmã yaa: «Ad-y yaa yãmb kambã n wate. Kell n yaa mam sẽn dag n togs yãmbã bala.»
36
A Yonadaab sẽn nan gom n sɛ bal yee, la rĩmã kamb sẽn be taabẽ. La bãmb ninga nintãm. Dẽ, rĩmã ne a nanambsã me yãba wʋsgo.
37
A Absalom sẽn zoe wã, a kẽnga Gesʋʋr rĩm a Amihuud biig a Talmayi nengẽ. Yẽnda zĩnda be yʋʋm a tãabo. Dẽ, yʋʋm-kãens fãa pʋga, a Davɩɩd yãba a biig a Amno sẽn ki wã yĩnga.
39
Dẽ, rĩm a Davɩɩd basa a Absalom pʋgbo, bala, yẽnda paama belsg a biig a Amno kũumã yĩnga.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
Recommended Reading
Commentary
2 Samuel Commentaries
→
Devotional
2 Samuel Devotional Guide
→
Get This Bible
Mossi MPBU (WẼNNAAM SEBRE ) Study Bible
→