bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Samuel 19
2 Samuel 19
Mossi MPBU (WẼNNAAM SEBRE 2014)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 20 →
1
Rĩmã sũur sãama hal wʋsgo, tɩ b rʋʋd n dabd tẽngã noor doog a ye pʋgẽ, la b yãbda. Rĩmã rag n kẽndame la b yetẽ: «M biig a Absalom, m biig a Absalom mam sã n dag n ki tɩ fo põs n são. M biiga! M biiga!»
2
Neb n tɩ wilg a Zoaab tɩ rĩmã yãbdame n wiisd a Absalom yĩnga.
3
La badaare, tõogrã lebga sũ-sãang nebã fãa yĩnga, bala, nebã fãa wʋmame tɩ rĩmã maanda sũ-sãang a biigã yĩnga.
4
Badaare, nebã soosame n kẽ tẽngã pʋgẽ wa neb sẽn bas zabr n zoe tɩ yãnd tar-ba.
5
Rĩmã pila a neng n zẽk a koɛɛg n yãb n yeel yaa: «M biig a Absalom! Absalom! M biiga! M biiga!»
6
A Zoaab kẽe roogã pʋg n yeel rĩmã yaa: «Rũndã, yãmb ningda y tʋmtʋmdb nins fãa sẽn fãag yãmb ne y kom-dibli wã ne y kom-pugli wã, la y pagbã ne y pʋg-rɩkdsã yãnde.
7
Bala, yãmb nonga y bɛɛbã, la y kis neb nins sẽn nong yãmbã. Tõnd bãnga rũndã tɩ tãb-biisã nanambs ne tãb-biisã kũum ka yell ne yãmb ye. Mam bãnga rũndã, tɩ yãmb sã n dag n paame tɩ tõnd fãa ki t'a Absalom vɩɩmde, woto n yaa sõama ne yãmba.
8
Moasã, yik-y n yi-y n gom-y ne nebã n paas b raoodo. Mam wẽenda ne Wẽnnaam tɩ yãmb sã n ka yi, ned ba a ye kõn pa ne yãmb rũndã yʋngã ye, la woto na n yɩɩ toog ne yãmb n yɩɩd tood nins fãa sẽn paam yãmb y yãadmẽ hal tɩ ta moasã wã.»
9
La rĩmã yikame n yi n tɩ zĩnd tẽngã noore. La b wilga nebã tɩ rĩmã zĩi tẽngã noore, la bãmb kẽnga rĩmã nengẽ. La rẽ tɩ Israyɛll nebã fãa zoeeme n kuili.
10
Israyɛll buudã fãa pʋgẽ, nebã rag n sõsda ne taab n yetẽ: «Rĩmã fãaga tõnd d bɛɛbã nusẽ. Yaa bãmb n fãag tõnd Filistẽ-dãmbã nusẽ, la b yaool n zoeeme n zãag tẽngã, a Absalom yĩnga.
11
Tõnd dag n yãka a Absalom t'a soog tõndo, la yẽnda paa tãp pʋgẽ. La moasã, yaa bõe tɩ y zĩẽ n sĩnda, n ka na n kɩt tɩ b bool rĩmã tɩ b wa?»
12
Rĩm a Davɩɩd tʋmame tɩ b tɩ yeel maan-kʋʋdb a Sadok ne a Abiyataar tɩ b yeel Zʋʋda kãsem-dãmbã: «Yaa bõe tɩ yãmb na n bas tɩ nebã fãa reng yãmb n peeg rĩmã n kuil a na-yirã? Bala, goam nins Israyɛll nebã fãa sẽn gomã, rĩmã zĩnda a sẽn beẽ wã n wʋme.
13
Yãmb yaa mam saam-biisi, yãmb ne maam n yaa bũmb a yembre, la maana a wãn tɩ neb a taab na n deng yãmb n wa peeg maam n kuili?»
14
La rĩmã leb n yeelame tɩ b yeel a Amasa yaa: «Foom ne maam ka bũmb a yembr sɩda? Mam sã n ka kɩt tɩ fo reeg a Zoaab zĩig n lebg mam tãb-biisã naab wakat fãa, bɩ Sẽn-Ka-Saab sɩbg maam ne sɩbg-kãsenga.»
15
A Davɩɩd goamã tõogame tɩ Zʋʋda nebã fãa paam yam a yembre, n lebg wa nin-yende. La Zʋʋda nebã tʋma koɛɛg n yeel rĩmã t'a lebg n wa ne a nebã fãa.
16
Rĩmã lebg n waa Zʋrdẽ kʋɩlgã noore, la Zʋʋda nebã kẽnga Gilgall n tɩ seg rĩmã n sõng-a t'a rʋʋg kʋɩlgã.
17
Benzame ned a Geera biig a Simeyi sẽn be Bahurimã zoee tao-tao n tũ Zʋʋda nebã n tɩ seg rĩm a Davɩɩde.
18
Benzame neb tusr n dag n tũud a Simeyi, ne a Siba sẽn dag n tʋmd a Sayull yirã ne a kom-dibli piig la a nu wã, la a tʋmtʋmdb pisi wã. Bãmb renga rĩmã n ta Zʋrdẽ kʋɩlgã.
19
La wakat-kãnga, ko-rugdbã sõnga rĩmã yir dãmb tɩ b rʋʋg kʋɩlgã wa sẽn zems rĩmã tʋlsmã. Rĩmã sẽn wa n pɩʋʋg kʋɩlgã n sɛ, a Geera biig a Simeyi wa n lʋɩɩme n fõgen a neng tẽng rĩmã taoor n yeel-b yaa:
20
«Bɩ m soaalã ra geelg mam kongrã ye. Bɩ b ra tẽeg b tʋmtʋmdã sẽn maan beegr ning daar ning yãmb sẽn yi Zeruzalɛmã ye. Da bĩng-y yel-kãngã y sũurẽ ye.
21
Bala, mam miime tɩ m beegame, yaa rẽ yĩnga, tɩ mam yaa a Zozɛf roogã fãa pipi ned sẽn wa n na n seg yãmb m soaalã sẽn yaa m dĩmã.»
22
A Seruya biig a Abisayi yeelame: «B segd n kʋ a Simeyi yel-kãng yĩnga, bala, yẽnda tʋʋsa Wẽnnaam sẽn yãk-a soabã.»
23
La a Davɩɩd yeelame: «Seruya kamba, da maan-y beem ne maam tɩ y toor ka be yel-kãngã pʋgẽ ye. B ka na n kʋ Israyɛll ned rũndã daarã ye. Mam miime tɩ m yaa Israyɛll dĩmã.»
24
La rĩmã wẽename n yeel a Simeyi yaa: «Fo ka na n ki ye.»
25
A Sayull yageng a Mefibosɛt me kẽngame n tɩ seg rĩmã. Sẽn sɩng ne daar ning a Davɩɩd sẽn yi Zeruzalɛm n zoe wã, n tãag a sẽn na n lebg n wa ne laafɩ wã, a Mefibosɛt ka tol n waas a nao, wall a wõrs a no-kõbdã, wall a pegs a fut ye.
26
La a Mefibosɛt sẽn yi Zeruzalɛm n seg rĩmã, rĩmã sok-a lame: «Mefibosɛte, yaa bõe tɩ fo ka tũ maam?»
27
La yẽnda leokame: «Dĩmã sẽn yaa m soaala, mam tʋmtʋmd n belg maam. Mam yeel-a lame t'a wa kõ-m bõang tɩ m zomb n yãag yãmb tɩ m yaa põore.
28
La yẽnda waa yãmb nengẽ n wa kãneg maam. La yãmb yaa wa Wẽnnaam malɛɛka. Maan-y wa yãmb sẽn date.
29
Bala, mam ba wã zak-rãmb fãa yɩɩ neb sẽn zems kũum yãmb taoore, la baoosgo, yãmb kɩtame tɩ mam lagem neb nins sẽn dɩt ne yãmbã n dɩtẽ. Mam maana bõe sẽn zems tɩ m tõe n leb n yõk rĩmã sɛɛg n kos-b bũmb a to?»
30
Rĩmã yeel-a lame: «Yaa bõe tɩ f gomd a woto? Mam yeelame tɩ foom ne a Siba pʋɩ taab pʋtã.»
31
La a Mefibosɛt yeela rĩmã: «Dĩm sẽn yaa m soaala, bas-y t'a reeg fãa n sooge, yãmb sẽn tõog n lebg n wa yir ne laafɩ wã sekame.»
32
Galaad rao a Barzɩlayi yii Rogelim n wa yãag rĩmã n dʋʋg Zʋrdẽ kʋɩlgã n pʋʋs-b wẽnd na taase.
33
A Barzɩlayi rag n kʋʋla wʋsgo, n tar yʋʋm pis-nii. Yẽnda rag n yaa nin-kãsenga. La yaa yẽnda n dag n kõt rĩmã rɩɩb b sẽn wa n be Mahanayimã wakate.
34
Rĩmã yeela a Barzɩlayi yaa: «Wa tũ maam n kẽng mam yirã Zeruzalɛm tɩ m tɩ ges f yelle.»
35
La a Barzɩlayi leokame yaa: «Mam vɩɩmã rasem sõor ka leb n yaa wʋsg ye, dẽ wã, ka tɩlɛ tɩ mam tũ yãmb n kẽng Zeruzalɛm ye.
36
Mam tara yʋʋm pis-nii moasã. Mam ka leb n mi bũmb sẽn yaa noogo, ne bũmb sẽn ka noog n bak ye. Mam ka leb n mi rɩ-noog ne rã-noog ye. Yɩɩn-yɩɩndb yɩɩl noosem ka leb n kẽed maam ye. Dẽ wã, ka tɩlɛ tɩ mam wa yãmb nengẽ, n wa nams yãmb ye.
37
Mam na n dʋʋga kʋɩlgã ne yãmba, n yãag-y bilf la m lebge. Yaa bõe yĩng tɩ rĩmã rat n dol maam woto fãa?
38
M kotame tɩ y bas y tʋmtʋmdã, t'a kuil a tẽngẽ n tɩ ki tɩ b mum-a zĩig ning a ba wã ne a ma wã yaad sẽn beẽ wã. La ade, a Kimham bee kaanẽ, bɩ yẽnda tũ yãmb tɩ y maan-a wa y sẽn data.»
39
Rĩmã yeelame: «Bɩ a Kimham wa tũ maam, la mam na n maana bũmb ning fo sẽn datã n kõ-a. Mam na n maana bũmb ning fãa fo sẽn date.»
40
Rĩmã ne nebã fãa sẽn dʋʋg kʋɩlgã n sɛ, rĩmã moka a Barzɩlayi n ning a zug barka. La a Barzɩlayi lebg n kuilame.
41
Rĩmã pɩʋʋgame n kẽng Gilgall sẽnẽ, la a Kimham tũu bãmba. Zʋʋda nebã fãa ne Israyɛll nebã pʋɩ-sʋk yãaga rĩmã n pɩʋʋg kʋɩlgã.
42
La Israyɛll nebã fãa tũu taab n kẽng rĩmã nengẽ n tɩ yeel yaa: «Yaa bõe tɩ Zʋʋda nebã sẽn yaa d saam-biisã kẽng n tɩ peeg yãmb ne y yirã dãmbã, la y nebã fãa n dʋʋg kʋɩlgã n ka wilg tõndo?»
43
Zʋʋda nebã leoka Israyɛll nebã yaa: «Yaa rĩmã sẽn yaa tõnd roogã nedã yĩnga. Yaa wãn tɩ yãmb sũy yikd yõwã yĩnga? Yaa rĩmã n dag n dɩlgd tõnd la? Bɩ rĩmã kõo tõnd bũmbu?»
44
La Israyɛll nebã yeela Zʋʋda nebã yaa: «Baa rĩmã sã n yaa yãmb buudu, bãmb yaa tõnd buud naoor piig n yɩɩda. Yaa bõe tɩ y paoogd tõndo? Ka tõnd n yɩ pipi n yeel tɩ d ratame tɩ rĩmã lebg n wa la?» La Zʋʋda nebã goma ne pãng n yɩɩd Israyɛll nebã.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
Recommended Reading
Commentary
2 Samuel Commentaries
→
Devotional
2 Samuel Devotional Guide
→
Get This Bible
Mossi MPBU (WẼNNAAM SEBRE ) Study Bible
→