bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Samuel 7
2 Samuel 7
Mossi MPBU (WẼNNAAM SEBRE 2014)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 8 →
1
Wakat ning rĩm a Davɩɩd sẽn wa n kẽ a na-zakẽ wã, Sẽn-Ka-Saab kɩtame t'a bɛɛbã sẽn gũbg-a wã bas-a laafɩ.
2
La daar a yembre, rĩm a Davɩɩd yeela Wẽnnaam no-rɛɛs a Natã yaa: «Gese, fo neeme tɩ mam bee roog sẽn me ne raad sẽn yaa sõama pʋga, tɩ Wẽnnaam kaoolã koglgã yaool n be fu-roog pʋga.»
3
A Natã yeela rĩmã yaa: «Bɩ y maan wa yãmb sẽn tags bũmb ningã, tɩ bala, Sẽn-Ka-Saab bee ne-yã.»
4
La badaar yʋngo, Sẽn-Ka-Saab goma ne a Natã n yeele:
5
«Kẽng n tɩ yeel mam tʋmtʋmd a Davɩɩd yaa: Ad Sẽn-Ka-Saab koɛɛga: ‹Ka Foom n na n me roog n kõ maam tɩ m zĩnd a pʋgẽ ye.
6
Bala, mam sẽn yiis Israyɛll nebã Ezɩpt tẽngã daar n tãag rũndã, mam ka tol n zĩnd roog pʋgẽ ye. Mam dag n bee fu-roog pʋgẽ n kẽnd ne yãmba.
7
Zĩis nins fãa mam sẽn tall Israyɛll nebã n kẽna, mam ka tol n yeel Israyɛll taoor soab baa a ye tɩ yaa bõe tɩ b ka me roog ne raad sẽn yaa sõama n kõ-m ye.› »
8
Dẽ, Sẽn-Ka-Saab yeela a Natã t'a yeel a Davɩɩd tɩ Saasẽ-Pãng-Soabã yeelame: «Fo rag n bee weoogẽ n gũud rũmsi, tɩ mam yiis foom beenẽ tɩ f wa lebg Israyɛll sẽn yaa mam nebã rĩmã.
9
Mam zĩnda ne foom zĩis nins fãa fo sẽn kẽngã, la mam kʋʋ fo bɛɛbã f taoore, la m kɩt tɩ f yʋʋrã yi wa nin-kãsems nins sẽn be dũni wã zugã yʋy sẽn yi wã.
10
Mam kõo Israyɛll sẽn yaa mam nebã zĩiga, la mam vigl-a lame t'a pa beenẽ, n ka leb n vigs ye, tɩ nin-wẽnsã me da leb n yaal-a wa pĩndã,
11
wakat ning mam sẽn dag n vigl taoor dãmb tɩ b soog Israyɛll sẽn yaa mam nebã ye. Mam fãaga foom f bɛɛbã fãa nusẽ n kɩt tɩ f zĩnd bãane. Sẽn-Ka-Saab wilgda foom tɩ b na n kɩtame tɩ b roogã me.
12
Fo daarã sã n wa ta, tɩ f ki n bʋʋg f saam-dãmbã, mam na n kɩtame tɩ f biig a ye sẽn na n yi fo pendẽ wã ledg fo zĩigẽ n dɩ naamã, la mam na n kɩtame t'a naamã tall pãnga.
13
Yaa yẽnda n na me roog mam yʋʋrã yĩnga. La mam na n kɩtame tɩ yẽnda yagensã rɩ naam wakat fãa.
14
Mam na n yɩɩ yẽnda ba, la yẽnda na n yɩɩ mam biiga. Yẽnda sã n beege, mam na n sɩbg-a-la wa ned sẽn sɩbgd a biiga.
15
Mam ka na n tol n bas yẽnda wa mam sẽn dag n bas a Sayull n deeg a naamã n kõ foomã ye.
16
Wakat fãa, ned kõn tol n kong sẽn na n soog fo roogã ne f rĩungã ye, la fo naamã na n yalsa kãenkãe wakat fãa.»
17
Dẽ, a Natã rɩka gom-kãensã fãa ne vẽneg-kãngã fãa, n tɩ togs a Davɩɩde.
18
Rĩm a Davɩɩd kẽng n tɩ yalsa Sẽn-Ka-Saab taoor n yeele: «Wẽnnaam Sẽn-Ka-Saabo, mam yaa ãnda, la m doogã bee yɛ tɩ y tall maam hal n ta zĩig ning mam sẽn beẽ dũndã wã?
19
Zu-soab a Sẽn-Ka-Saabo, rẽ ket n ka sek ye, tɩ y leb n gomd y sẽn tar saagr ning y tʋmtʋmdã yagens wɛɛngẽ, wakat sẽn wat yĩnga? Zu-soab a Sẽn-Ka-Saabo, mam yaool n yaa ninsaal bala!
20
Maam a Davɩɩd na n leb n yeela yãmb tɩ bõe? Sẽn-Ka-Saabo, yãmb mi y tʋmtʋmdã.
21
Yaa yãmb goamã yĩnga, la sẽn ta yãmb yamã yĩnga, la yãmb maan bõn-kãsem-kãensã n wilg y tʋmtʋmdã.
22
Wẽnnaam Sẽn-Ka-Saabo, yãmb sɩd yaa kãsengã, bala, sã n yaa ne tõnd sẽn wʋm tɩ b gomdã, ned ka be n zem yãmb ye. Wẽnd a to ka be tɩ sã n ka yãmb ye.
23
Rẽ yĩnga, buud bee dũni wã zugu, n yaa wa Israyɛll sẽn yaa yãmb nebã, tɩ b wẽnnaam-dãmbã fãag-b tɩ b lebg b nebã, la b kõ-b yʋʋre? Yãmb nebã taoore, yãmb maana bõn-kãsemse, ne bõn-yɛɛsds y tẽngã yĩnga, n fãag bãmb n yiis Ezɩpt tẽms toay-toay pʋse, ne b wẽnnaam-dãmbã nusẽ, tɩ b lebg yãmb mengã nebã.
24
Sẽn-Ka-Saabo, yãmb yãka Israyɛll nebã n kɩt tɩ b lebg yãmb neb wakat fãa yĩnga, tɩ yãmb a Sẽn-Ka-Saab lebg bãmb Wẽnnaam.
25
Moasã, Wẽnnaam Sẽn-Ka-Saabo, kɩt-y tɩ gomd ning yãmb sẽn gom ne maam a yãmb tʋmtʋmdã ne a yagensã wɛɛngẽ wã paam pids wakat fãa. Maan-y wa y sẽn yeelã.
26
Bɩ yãmb yʋʋrã kell n yɩ kãseng wakat fãa, tɩ nebã yeel tɩ Saasẽ-Pãng-Soab a Wẽnnaam yaa Israyɛll Wẽnnaam! Bɩ yãmb tʋmtʋmd a Davɩɩd doogã kell n paam pãnga yãmb taoore.
27
Bala, Saasẽ-Pãng-Soabã sẽn yaa Israyɛll Wẽnnaam, yãmb vẽnega mam sẽn yaa yãmb tʋmtʋmdã ne bõn-kãnga, n yeel tɩ y na n mee roog n kõ-ma. Yaa rẽ yĩng tɩ m pɛlg keemẽ tɩ m pʋʋsd yãmb a woto.
28
Wẽnnaam Sẽn-Ka-Saabo, yãmb yaa Wẽnnaam la y goamã yaa sɩda, la yãmb n yeel tɩ y na n maana bõn-neer a woto n kõ mam sẽn yaa yãmb tʋmtʋmdã moasã.
29
Woto yĩnga, Wẽnnaam Sẽn-Ka-Saabo, bɩ y ning-y y tʋmtʋmdã roog barka, t'a tõe n zĩnd yãmb taoor wakat fãa. Bala, yaa yãmb a Sẽn-Ka-Saab n gome, la yaa yãmb barka yĩnga, la m yagensã na n paam bark wakat fãa.»
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24