bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Samuel 12
2 Samuel 12
Mossi MPBU (WẼNNAAM SEBRE 2014)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 13 →
1
Bõn-kãens fãa loogr zugẽ, Sẽn-Ka-Saab tʋma a Natã t'a yeel a Davɩɩd yaa: «Raop a yiib n dag n be tẽng a yembre, a ye yaa rakãagre, t'a ye yaa naong soaba.
2
Dakãagrã rag n tara piis ne niig wʋsgo.
3
La naong soabã rag n tara a pe-bi-sadg a ye, a sẽn da n gʋʋndẽ. Raoã rag n naag-a a kambã ne pesgã n wubda. Bãmb sẽn dag n dɩt rɩɩb ningã, pesgã rɩta rẽ, bãmb sẽn dag n yũud bũmb ningã, pesgã me yũuda rẽ. La pesgã rag n gãee ne-a. Raoã rag n geta pesgã wa a biig bala.
4
Daar a ye, sãan n wa n sig rakãagrã yiri, la rakãagrã rag n ka rat n yãk a peosg bɩ a naaf n kʋ n moe a sãanã ye. Yẽnda kẽng n tɩ yõka naong soabã pe-bi-yɛngã n kʋ n na n segl a sãanã.»
5
Dẽ, a Davɩɩd sũur yika wʋsg ne rakãagrã manesmã, la yẽnda yeela a Natã yaa: «M wẽen ne Wẽnnaam sẽn vɩ wã tɩ ned ning sẽn maan-a woto wã segda ne kʋʋbo.
6
Nin-kãngã sẽn maan woto n ka yɩ nimbãan-zoɛtã yĩnga, a na n baoo piis a naas n lebse.»
7
Dẽ, a Natã yeela a Davɩɩd yaa: «N-na! Sẽn maan-a yel-kãngã wã, yaa yãmba. Dẽ, Sẽn-Ka-Saab sẽn yaa Israyɛll Wẽnnaamã yetame: Yaa maam n yãk foom, n kɩt tɩ f lebg Israyɛll rĩmã, la yaa maam n fãag foom a Sayull nugẽ.
8
Mam dɩka fo zu-soab a Sayull zakã ne a pagbã n kõ foom. La mam kɩt tɩ f soog Israyɛll ne Zʋʋda buudã fãa. La bõn-kãens sã n dag n ket n paoodẽ, mam dag n na n kõ-f lame n paase.
9
La yaa bõe tɩ fo paoog maam, n maan yel-beed a woto mam nifẽ? Fo kɩtame tɩ b kʋ Hɛt rao a Uuri, la f rɩk a pagã n maan f paga. Fo kɩtame tɩ Amo-rãmbã kʋ a Uuri ne sʋʋga.
10
Beneere, sẽn sɩng ne moasã, toog ka na n tol n kong fo yirã ye. Bala, fo sẽn dɩk Hɛt rao a Uuri pagã yĩnga, fo paooga maam.»
11
Sẽn-Ka-Saab yeelame yaa: «Mam na n kɩtame tɩ yel-beed kẽ fo zakã. Mam na n dɩka fo pagbã f nifẽ n kõ fo pendã ned a yembr t'a gãand-b tɩ nebã fãa yã.
12
Bala, fo soosame n maane, la mam na n kɩtame tɩ bõn-kãng maan ne wĩnto-sʋka, tɩ Israyɛll nebã fãa yã.»
13
A Davɩɩd yeela a Natã yaa: «Sɩd-sɩdã, mam beega Sẽn-Ka-Saabo.» La a Natã yeela a Davɩɩd yaa: «Sã n yaa woto, Sẽn-Ka-Saab kõta foom sugri, la f ka na n ki ye.
14
La yaa f bãng bala, tɩ f beegrã yaa kãseng Sẽn-Ka-Saab nifẽ. Woto yĩnga, fo biig ning sẽn nan dog-a wã na n kiime.»
15
La rẽ zugẽ, a Natã lebg n kuilame. Sẽn-Ka-Saab kɩtame t'a Davɩɩd biig ning a Uuri pagã sẽn dogã lʋɩ bãaga.
16
A Davɩɩd yõka Sẽn-Ka-Saab sɛɛg biigã yĩnga, la a loee noore. Yẽnda sã n dag n kẽ yʋng n na n gãande, a gãee tẽnga.
17
Na-yirã nin-kãsems kẽngame n tɩ kos a Davɩɩd t'a yiki, la a ka sak ye. La yẽnda tol n zãgsame meng t'a kõn naag bãmb n dɩ ye.
18
La rasem a yopoe zugẽ, biigã kiime. Dẽ, a Davɩɩd tʋmtʋmdbã rag n yɛɛsdame n ka rat n togs-a a biigã kũum ye. Bãmb yeelame yaa: «Biigã sẽn dag n ket n vɩ-wã menga, tõnd goma ne rĩmã tɩ b rag n ka sakd n kelg tõnd ye. La moasã, tõnd na n maana a wãn n togs-b tɩ biigã kiime? Rẽ yĩnga, b kõn maan b meng yell sɩda?»
19
A Davɩɩd sẽn yã t'a tʋmtʋmdbã tar wal-wal ne taabã, yẽnda bãngame tɩ yell n maane. Dẽ, yẽnda soka bãmb yaa: «Mam biigã kiime la?» La bãmb leokame: N-na! A kiime!
20
Woto, a Davɩɩd tik n yikame n tɩ so koom, la a zɛ kaam n tek a futu. La yẽnda kẽnga Sẽn-Ka-Saab roogẽ wã n tɩ waoog bãmba. La rẽ zugẽ, a lebg n kuilame n tɩ yeel tɩ b kõ-a rɩɩbo, la yẽnda reegame n dɩ.
21
Yẽnda tʋmtʋmdbã sokame: «N-na! Tõnd ka wʋmd yãmb sẽn maandã võor ye! Biigã sẽn wa n ket n vɩ-wã, yãmb dag n loeta noore, la y yãbda. La yaa bõe tɩ biigã ki, tɩ yãmb yaool n yik moasã n na n dɩ?»
22
A Davɩɩd leokame: «Yaa sɩda, biigã sẽn dag n ket n vɩ-wã, mam dag n loeta noore, la m yãbda, n tẽed tɩ daar ninga, Sẽn-Ka-Saab na n zoee mam nimbãaneg n fãag biigã.
23
La moasã, biigã sẽn ki wã, mam sã n leb n yik n zãgsd rɩɩbo, a tara yõod sɩda? Mam tõeeme tɩ biigã lebg n wa sɩda? Mam miime tɩ daar n wat tɩ mam na n kẽng yẽnda nengẽ, la yẽnda ka na n tol n leb n wa mam nengẽ ye.»
24
A Davɩɩd kẽng n tɩ belsa a pag a Batseba sũuri. La yẽnda kẽe ne-a, t'a rɩk pʋg n dog bi-ribla, la a Davɩɩd pʋda biigã yʋʋr t'a Salmo. Sẽn-Ka-Saab rag n nonga a Salmo. Dẽ, bãmb tʋma b no-rɛɛs a Natã t'a tɩ wilg a Davɩɩde. La a Natã sẽn ta, a Davɩɩd dɩka biigã n sagl yẽnda nugẽ, la a Natã pʋda biigã yʋʋr t'a Zedidiya, sẽn dat n togs tɩ ‹Sẽn-Ka-Saab sẽn nong a soabã.›
26
Wakat-kãnga a Zoaab zaba ne Amo nebã n tõog-b n deeg Raba sẽn yaa b na-tẽngã.
27
La yẽnda tʋma neb tɩ b tɩ yeel a Davɩɩd yaa: «Mam zaba ne Raba nebã n tõog n deeg b tẽngã ko-bao zĩisi.
28
Moasã, bɩ y tigim tãb-biis nins sẽn ketã n tilg y tãb-sikã n zab ne tẽngã n deeg-a, tɩ waoogrã ra wa yɩ maam a Zoaab rẽnd bal ye.»
29
Dẽ, a Davɩɩd tigma a nebã fãa n kẽng n tɩ zab n deeg Raba tẽngã.
30
La bãmb doka maanf ninga b sẽn dag n fõgen Amo-rãmbã wẽn-naandg a Milkomã. Maanfã rag n maana ne sãnem, t'a zɩslmã yaa kɩlo pistã. La kug-neer la b rag n tall n tablg maanfã. Bãmb laka kug-kãng n tablg a Davɩɩd maanfã. Sẽn leb n paase, bãmb wʋka teed wʋsg tẽn-kãng pʋgẽ.
31
La a Davɩɩd modga tẽngã neb n kɩt tɩ kẽer wãad raado, tɩ kẽer peesd kuga, tɩ kẽer me kɛɛd tɩɩs ne laya. La a kɩt tɩ kẽer wẽed tãn-koeema. La b maana Amo nebã tẽms a taabã me a woto. La rẽ poore, a Davɩɩd ne a nebã lebg n kuila Zeruzalɛm.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
Recommended Reading
Commentary
2 Samuel Commentaries
→
Devotional
2 Samuel Devotional Guide
→
Get This Bible
Mossi MPBU (WẼNNAAM SEBRE ) Study Bible
→