bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Samuel 5
2 Samuel 5
Mossi MPBU (WẼNNAAM SEBRE 2014)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
1
Israyɛll buudã fãa kẽnga a Davɩɩd nengẽ n tɩ yeel-b yaa: «Tõnd ne yãmb yaa bũmb a yembre.
2
A Sayull sẽn dag n yaa tõnd dĩmã wakate, yaa yãmb n dag n luɩt Israyɛll nebã taoor wakat fãa tɩ b kẽnd n zabdẽ, la y lʋɩt b taoor tɩ b lebg n wa.» Sẽn-Ka-Saab yeela yãmb yaa: «Foom n na n yɩ Israyɛll sẽn yaa mam nebã pe-kɩɩma, foom n na n lebg Israyɛll naaba.»
3
Dẽ, Israyɛll kãsem-dãmbã fãa kẽnga rĩm a Davɩɩd nengẽ Ebrõ, la rĩm a Davɩɩd maana kaool Sẽn-Ka-Saab taoor ne bãmb Ebrõ. Bãmb pʋdga a Davɩɩd zug rĩung kaam t'a lebg Israyɛll rĩmã.
4
A Davɩɩd sẽn wa n na n deeg naamã t'a tara yʋʋm pis-tã. La yẽnda rɩɩ naamã yʋʋm pis-naase.
5
Yẽnda rɩɩ naam Ebrõ n soog Zʋʋda yʋʋm a yopoe la kiis a yoobe. La yẽnda rɩɩ naam Zeruzalɛm n soog Israyɛll gilli, ne Zʋʋda nebã yʋʋm pis-tã la a tãabo.
6
Rĩm a Davɩɩd ne a nebã kẽnga Zeruzalɛm n na n tɩ zab ne Zebuus-rãmbã sẽn dag n be tẽn-kãng pʋgẽ wã. La bãmb yeela a Davɩɩd yaa: «Yãmb kõn kẽ ka ye! Zoensã ne wobsã b yeyn-yeyn bal n na n gɩdg yãmba.» B rat n yeelame t'a Davɩɩd ka na n kẽ be ye.
7
La baoosgo, a Davɩɩd zab n deega Sɩyõ tẽngã pãng zĩiga. Yaa be la b sẽn boond t'a Davɩɩd tẽngã.
8
Badaare, a Davɩɩd yeelame: «Ned sã n dat n tõog Zebuus-rãmbã, bɩ a tũ ko-sorã n kʋ põyã ne zoensã tɩ b yaa mam bɛɛba.» Yaa woto yĩng la b sẽn yet tɩ zoensã ne põyã ka tõe n kẽ Sẽn-Ka-Saab roog pʋg ye.
9
A Davɩɩd zĩnda tẽn-kãng sẽn yaa pãngã zĩigã, la a pʋd-a tẽngã yʋʋr t'a Davɩɩd tẽnga. Yẽnda mee lalg Milo n tɩ yek a zakã.
10
A Davɩɩd dag n paamda pãng n paasdẽ, la Sẽn-Ka-Saab sẽn yaa Saasẽ-Pãng-Soab a Wẽnnaamã rag n bee ne yẽnda.
11
Tɩɩr dĩm a Hiram tʋma neb a Davɩɩd nengẽ ne sɛɛdr daado, la a kɩt tɩ tãn-metb ne ra-wãadb kẽng n tɩ me zak n kõ a Davɩɩde.
12
Woto, a Davɩɩd bãngame tɩ yaa Sẽn-Ka-Saab n yãk yẽnda n kɩt t'a lebg Israyɛll dĩma, la a rĩungã rag n paamda pãng n paasdẽ, Israyɛll sẽn yaa bãmb nebã maasem yĩnga.
13
A Davɩɩd sẽn yi Ebrõ n wa Zeruzalɛmã, a peega pagb a taaba, pʋg-rɩkdse ne kãadem pagba, la bãmb me roga a Davɩɩd kom-dibli la a kom-pulgi a taaba.
14
Kamb nins a Davɩɩd sẽn dog Zeruzalɛmã yʋy la woto: yaa a Simeya ne a Sobaabe, la a Natã ne a Salmo,
15
la a Yibaar ne a Elisuwa, la a Nefɛɛg ne a Zafiya,
16
la a Elisama ne a Eliyada la a Elifelɛte.
17
Filistẽ-dãmbã sẽn wʋm tɩ b pʋdga a Davɩɩd zug rĩung kaam t'a lebg Israyɛll rĩmã, bãmb fãa kẽngame n tɩ baood-a n na n yõke. A Davɩɩd wʋmame n kẽng n tɩ kẽ tẽngã pãng zĩigẽ.
18
Filistẽ-dãmbã kẽng n tɩ sũu tãp Refayim longẽ wã.
19
Dẽ, a Davɩɩd soka Sẽn-Ka-Saab yaa: «Mam tog n kẽngame n tɩ zab ne Filistẽ-dãmbã bɩ? Yãmb na n kɩtame tɩ mam tõog Filistẽ nebã bɩ?» La Sẽn-Ka-Saab leoka a Davɩɩd yaa: «Kẽng tɩ m na n kɩtame tɩ f tõog Filistẽ-dãmbã.»
20
A Davɩɩd kẽnga Baall-Peratsim n tɩ zab n tõog Filistẽ-dãmbã, n bas n yeele: «Sẽn-Ka-Saab larga mam bɛɛbã m taoore, wa koom sẽn pãrg bɛoongo.» Yaa rẽ n kɩt tɩ b pʋd zĩ-kãng yʋʋre, tɩ Baall-Peratsim, rat n yeel tɩ Sẽn-Ka-Saab pãrgda sore.
21
Filistẽ-dãmbã zoeeme n bas b wẽn-naandsã be, t'a Davɩɩd ne a nebã wʋk n looge.
22
Filistẽ-dãmbã leb n kẽng n tɩ sũu tãp Refayim longã pʋga.
23
A Davɩɩd soka Sẽn-Ka-Saabo, la Sẽn-Ka-Saab yeela yẽnda yaa: «Ra kẽng n tɩ seg-b ye. Gilg b poorẽ wã, n tɩ paam-b tɩɩsã neng taoore.»
24
La fo sã n wa wʋm bʋrg sẽn wẽnd nao rãamd tɩɩsã zutu, bɩ f yik tao-tao tɩ yaa Sẽn-Ka-Saab n dat n lʋɩ f taoor n zab n tõog Filistẽ nebã tãb-biisã.»
25
A Davɩɩd maana wa Sẽn-Ka-Saab sẽn dag n yeel yẽnda wã, la yẽnda tõoga Filistẽ-dãmbã, n dig-ba, sẽn sɩng ne Geba hal n tɩ tãag Gezɛɛre.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24