bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Samuel 14
2 Samuel 14
Mossi MPBU (WẼNNAAM SEBRE 2014)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
1
A Seruza biig a Zoaab mikame tɩ rĩm a Davɩɩd dag n tagsda a Absalom yelle.
2
Dẽ, yẽnda kɩtame tɩ pag a yembr sẽn tar yam yi Tekoa n wa, la yẽnda yeel-a lame yaa: «M kotame tɩ f yeelg kʋʋr futu, la f ra zɛ kaam ye. Maan wa f ned n ki tɩ f be sũ-sãang pʋg hal daar zãra.
3
La f kẽng rĩmã nengẽ n tɩ gom ne-b wa mam sẽn na n togs foomã. Dẽ, a Zoaab togsa pagã a sẽn segd n tɩ gom ne rĩmã to-to.»
4
La pagã kẽnga rĩmã nengẽ n tɩ fõgen a neng tẽng n yeel rĩmã yaa: «N-na! Sõng-y-ma!»
5
Rĩmã soka pagã yaa: «Yaa bõe yell n tar-fo?» La pagã leokame: «Mam sɩda kiime n bas-m pʋg-kõto.
6
Mam dag n tara kom-dibli a yiibu, la bãmb b yiibã zaba taab weoogẽ, la ned sẽn ka zĩnd yambẽ n na n paas-bã yĩnga, a yembrã wẽ a to wã n kʋ.
7
Dẽ, buudã neb fãa yik n zabda ne maam. B yeelame tɩ rẽnd mam tall biig ning sẽn kʋ-a a to wã n wa tɩ b kʋ n dol a ba-biigã kũum, n kell n menes ned ning sẽn dag n segd n soog a ba wã paoongã. Bãmb dat n maana woto n kʋ m bi-yɛngã sẽn kellã sẽn yaa m fãa-fãa wã, n kɩt tɩ m sɩdã yʋʋr menem dũni zugu.»
8
Dẽ, rĩmã yeela pagã yaa: «Lebg n kuil f yiri, tɩ m na n kɩtame tɩ b maneg f yellã n kõ-fo.»
9
Pagã leoka rĩmã yaa: «N-na! Yellã sẽn na n yɩ-a soab fãa, taalã bee maam ne m buudã zugu. Yãmb ne y rĩungã toor ka naag be ye.»
10
Rĩmã yeelame: «Ned sã n gom foom wẽnga, bɩ f tall-a n wa mam nengẽ, la a soab kõn leb n saag a buud ye.»
11
Pagã yeela rĩmã yaa: «N-na, m kotame tɩ y wẽen ne yãmb Wẽnnaam Sẽn-Ka-Saab yʋʋre, tɩ y ka na n bas tɩ sũ-roakdã kʋ m bi-yendã sẽn ketã n dol a ba-biigã a sẽn kʋ wã, n wã zakã n baas ye.» Rĩmã yeelame: «Mam wẽenda ne Sẽn-Ka-Saab sẽn vɩ wã yʋʋre, tɩ bũmb kõn tol n maan fo biigã ye.»
12
Pagã yeelame: «N-na! Y kabre! M kotame n na n gom ne-y bilf n paase.» La rĩmã yeel-a lame t'a gome.
13
Pagã yeelame: «N-na, bõe yĩng tɩ yãmb tar yel-manesem a woto ne Wẽnnaam nebã? Bala, yãmb goamã wilgdame tɩ yãmb yel-manesmã ka zems ye. Sã n ka rẽ, bõe tɩ yãmb ka kɩt t'a Absalom yãmb sẽn digã lebg n wa yiri?
14
Yaa sɩd tɩ d fãa yaa kiidba, n wẽnd koom sẽn daage, tɩ b ka tõe n leb n wʋk-a ye. Wẽnnaam ka na n vʋʋg sẽn ki-a wã ye. La bãmb daabo, yaa tɩ maan sor tɩ b sẽn dig-a soabã tõe n lebg n wa n da pa moog ye.
15
N-na, mam sẽn wa n na n gom ne yãmb yel-kãngã wɛɛngẽ wã, yaa tɩ yaa nebã n kẽes maam dabeem. La mam tagsame tɩ m sã n wa gom ne yãmba, daar ninga, y na sak n maan wa mam sẽn kosã.
16
M tagsame tɩ rĩmã na n kelg-m lame, la b fãag maam ne m biigã ned ning sẽn dat-a n sãam tõnd n yiis-d Wẽnnaam nin-tũusdsã sʋkã nugẽ.
17
N-na! Sɩdã, m kotame tɩ yãmb goamã kɩt tɩ m yam gãande. Bala, m dĩmã, yãmb yaa wa Wẽnnaam malɛɛk bala. Y mii sõama ne wẽng n bake. Bɩ Sẽn-Ka-Saab sẽn yaa yãmb Wẽnnaamã zĩnd ne yãmba.»
18
Rĩmã yeela pagã yaa: «Mam na n sok-f-la bũmbu, la m datame tɩ f leok maam n da solg bũmb ye.» La pagã yeelame: «N-na! Sok-y tɩ m kelgdame.»
19
La rĩmã sokame: «Dẽ yĩnga, ka a Zoaab n tʋm foom tɩ f wa gom a woto sɩda?» La pagã leokame: «N-na! Mam wẽenda ne yãmba, tɩ kell n yaa wa yãmb sẽn yeelã. Sɩd yaa yãmb tãb-biisã naab a Zoaab n wilg maam goam nins mam sẽn wa n gom ne yãmbã.
20
Yãmb tʋmtʋmd a Zoaab sẽn maan woto wã, yaa sẽn na n yɩlẽ tɩ yellã toeem nenga. Yãmb tara yam wa Wẽnnaam malɛɛka, la bũmb ning fãa sẽn maandã ka põsgd yãmb ye.»
21
Rẽ zugẽ, rĩmã yeela a Zoaab yaa: «Beneere, mam na n maana wa fo sẽn yeelã. Kẽng n tɩ tall a Absalom n wa.»
22
Dẽ, a Zoaab fõgna a neng tẽng n pʋʋs rĩmã bark n yeel yaa: «N-na! Moasã, mam bãngame tɩ yãmb nonga mam sẽn yaa yãmb tʋmtʋmdã, bala yãmb maana bũmb ningã mam sẽn kosã.»
23
Dẽ zugẽ, a Zoaab yik n kẽnga Gesʋʋr n tɩ peeg a Absalom n wa Zeruzalɛm.
24
La rĩmã yeelame: «Bɩ a Absalom lebg kuil a yiri, la a ra wa mam nengẽ ye.» Dẽ, a Absalom kuilame n pa yã rĩmã ye.
25
Israyɛll tẽngã pʋga, ned dag n ka be t'a ra-sãnd ta a Absalom ye. Sẽn sɩng ne a zugã n tɩ tãag a nao-tẽngã, a rag n ka tol n tar zang ye.
26
Yʋʋm-vẽkr fãa, a Absalom dag n wõrsda a zugã, bala, a zoobdã rag n zɩsgd-a lame. La yẽnda sã n dag n mak a zoobdã zɩslem, a mikdame t'a tata kɩlo a yiib la pʋɩ-sʋka, wa sẽn zems na-yirã zɩslem makdgã.
27
A Absalom dag n paama kamb a naase: kom-dibli a tãabo, la bi-pugl a ye. Bi-puglã yʋʋr dag n boondame t'a Tamaare, la yẽnda rag n yaa pʋg-neer hal wʋsgo.
28
A Absalom zĩnda Zeruzalɛm yʋʋm a yiibu, la yẽnda ka tol n paam n yãnd rĩmã ye.
29
Daar a yembre, a Absalom tʋmame tɩ b bool a Zoaab t'a wa, t'a tʋm-a rĩmã nengẽ. La a Zoaab tõdgame t'a ka wat ye. Yẽnda leb n tʋma ned naoor a yiib soaba, la a Zoaab kell n tõdgame.
30
Dẽ, a Absalom yeela a tʋmtʋmdbã yaa: «Yãmb mi a Zoaab pʋʋgã sẽn yeg mam pʋʋgã, kẽng n tɩ ning-y-yã-a bugum.» Dẽ, Absalom tʋmtʋmdbã kẽng n tɩ maana wa a sẽn yeelã.
31
Wakat-kãng bala, a Zoaab yik n kẽnga a Absalom yirã n tɩ sok-a yaa: Sɩngame tɩ bõe tɩ tʋmtʋmdbã wa tɩ yõogd mam pʋʋgã bugum?
32
La a Absalom leoka a Zoaab yaa: «Yaa mam sẽn tʋm naoor a yiib tɩ b wa bool foom tɩ fo zãgs n ka wa wã yĩnga. Mam dag n dat n tʋma foom rĩmã nengẽ, tɩ f tɩ sok-b n gese, mam sẽn yi Gesʋʋr n wa ka wã yõod yaa bõe? Mam sã n dag n paẽ beenẽ n são. Moasã, mam yaa n datame n yãnd rĩmã. La sã n mikame tɩ mam kongame, bɩ b kɩt tɩ b kʋ-ma.»
33
A Zoaab kẽnga rĩmã nengẽ n tɩ togs-b a Absalom koeesã. La rĩmã kɩtame tɩ b bool a Absalom. La yẽnda wa n taame n wõgemd rĩmã taoor n fõgen a neng tẽnga, la rĩmã mok-a lame.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
Recommended Reading
Commentary
2 Samuel Commentaries
→
Devotional
2 Samuel Devotional Guide
→
Get This Bible
Mossi MPBU (WẼNNAAM SEBRE ) Study Bible
→