bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Samuel 16
2 Samuel 16
Mossi MPBU (WẼNNAAM SEBRE 2014)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 17 →
1
A Davɩɩd sẽn wa n yi tãngã zug n sigda, la a Mefibosɛt tʋmtʋmd a Siba sẽn wa n seg yẽnda. A Siba rag n tata bõens a yiib sẽn zɩlg bur kobs-yi ne reezẽ-gĩn-koeems koabga, la tɩɩs biis peoogo, la reezẽ rãam ne waooga.
2
Rĩmã soka a Siba t'a rat n maana bõe ne woto fãa. La a Siba leokame: «N-na! Bõensã na yɩɩ yãmb ne y yirã rãmb bõn-zombdse, tɩ burã ne tɩɩsã biis yɩ y rakõapã rɩɩbo, tɩ reezẽ rãamã yɩ neb nins yaams sẽn na n yõk we-raoogẽ wã yĩnga.»
3
Rĩmã sok-a lame t'a Mefibosɛt sẽn yaa yẽnda soaal a Sayull biigã bee yɛɛnẽ. La a Siba leoka rĩmã yaa: «Yẽ paa Zeruzalɛm, bala, a tagsame tɩ daar ninga, Israyɛll nebã na n kõo yẽnda a ba wã naam dũndã.»
4
Rĩmã yeela a Siba yaa: «Beneere, a Mefibosɛt paoongã fãa lebga foom n so.» Dẽ, a Siba wõgemdame n yeele: «M soaala! Mam pʋʋsd-y-la barka, y sẽn maan-m neerã yĩnga.»
5
Rĩmã taa Bahurim. La gese, a Sayull roogã ned a yembr yʋʋr sẽn boond t'a Simeyi, n yaa a Gera biiga, n yi n yals n yɛdg a yãoog n kãabd a Davɩɩd kãab-beedo,
6
la a wʋkd kug n lobd a Davɩɩd ne a tʋmtʋmdbã. A Davɩɩd gãndaadã ne nebã rag n gũbga a Davɩɩd goabg la rɩtgo.
7
A Simeyi kãabsã pʋga, a rag n tʋʋda rĩm a Davɩɩd n yetẽ: «Kẽng n meneme! Menem n bao zĩiga! Nin-kʋʋdã! Nin-yaalgã!
8
Sẽn-Ka-Saab sɩbgda foom, fo sẽn kʋ a Sayull roogã nebã yĩnga. Fo maana a Sayull pãng n deeg a naamã n dɩtẽ. Yaa rẽ n kɩte, tɩ Sẽn-Ka-Saab me reeg fo naamã n kõ f biig a Absalom, n bas-f tɩ f be toog pʋgẽ. Bala fo yaa nin-kʋʋda.»
9
La a Seruza biig a Abisayi yeela rĩmã yaa: «N-na! Bõe yĩng tɩ b na n bas ba-kɩɩn-kãngã t'a tar yãmb n tʋʋd woto? M kot-y lame tɩ y bas tɩ m kẽng n tɩ fiuug a zugã!»
10
Rĩm a Davɩɩd yeelame: «Seruza kamba, yãmb toog ka be yel-kãngã pʋgẽ ye. Sã n yaa tɩ Sẽn-Ka-Saab n kõ nin-kãngã sor t'a tʋʋd maam woto, ned ka be sẽn tõe n leok-a ye.»
11
A Davɩɩd leb n yeela a Abisayi ne a tʋmtʋmdbã fãa yaa: «Mam meng bi-roak sã n baood maam n dat n kʋ, Benzame buudã nin-kãngã sẽn maandã ka lingr ne maam ye. Bas-y-yã-a, la y ra maan-a bũmb ye. Sã n yaa Sẽn-Ka-Saab n yeel-a t'a tʋʋs maam, bɩ a tʋ-ma!
12
Daar ninga, Sẽn-Ka-Saab na yã m nimbãanegã, n tek kãab-wẽng ning sẽn paamd maam dũndã wã tɩ lebg kãab-noogo.»
13
A Davɩɩd ne a nebã kell n dɩka b sor n loogdẽ, la a Simeyi rag n bee tãngã kɩreng a yembrã, n kẽnd n yegd-ba. La yẽnda rag n kẽndame, la a ket n tar a Davɩɩd tʋya, la a toond n lobd-b kuga, la a wʋkd tom n fẽed-ba.
14
Rĩmã ne a nebã sẽn wa n na n ta Zʋrdẽ kʋɩlgã noorã, tɩ b fãa yɛɛ wʋsgo. Dẽ, b zĩnda beenẽ n vʋʋse.
15
Wakat-kãnga, a Absalom kẽe Zeruzalɛm ne Israyɛll nebã fãa, la a Ayitofɛll me rag n bee ne yẽnda.
16
La Ark tẽng rao a Husayi sẽn yaa a Davɩɩd zoa wã sẽn ta a Absalom nengẽ, a zẽka a koɛɛg n yeele: «N-na! Wẽnd na kaoos-yã! Wẽnd na kaoos-yã!»
17
La a Absalom soka yẽnda yaa: «Fo pʋ-peelmã ne f zoa a Davɩɩdã la woto tɛk bɩ? Yaa bõe tɩ f ka tũ f zoa wã n looge?»
18
A Husayi leoka a Absalom yaa: «Maam n dag n ka rate. Bala, mam bee Sẽn-Ka-Saab ne Israyɛll nebã fãa sẽn yãk-a soab t'a yɩ rĩmã poorẽ, la mam na n paa ne yẽnda!
19
Ba sã n ka rẽ menga, mam ka tʋmd ned yaar yĩng ye. Yãmb yaa mam zoa wã biiga, bɩ bõe? Dẽ wã, mam sẽn dag n tʋmd yãmb ba wã yĩng to-to wã, mam na n tʋma a woto me yãmb yĩnga.»
20
A Absalom yeela a Ayitofɛll yaa: «Bɩ y yẽs ne taab tɩ d bãng d sẽn segd n maan-a soaba!»
21
Dẽ, a Ayitofɛll yeela a Absalom yaa: «Kẽng-y n tɩ gãand-y y ba wã pʋg-rɩkds nins b sẽn bas tɩ b yõd n gũ na-zakã. Yãmb sã n maan woto, wilgdame tɩ beem n be yãmb ne y ba wã sʋka. Rẽ, Israyɛll nebã fãa na n wʋma bõn-kãnga, la neb nins fãa sẽn be ne yãmbã na n paama raoodo.»
22
Woto, b tɩ tilga fu-roog na-yirã bɛoong zugu, la a Absalom gãanda a ba wã pʋg-rɩkdsã beenẽ, Israyɛll nebã fãa nifẽ.
23
Wakat-kãnga, b rag n kelgda a Ayitofɛll saglsã fãa wa yaa Wẽnnaam meng n gomde. A Davɩɩd ne a Absalom dag n geelgda a Ayitofɛll saglsã wa goam sẽn yit Wẽnnaam nengẽ.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
Recommended Reading
Commentary
2 Samuel Commentaries
→
Devotional
2 Samuel Devotional Guide
→
Get This Bible
Mossi MPBU (WẼNNAAM SEBRE ) Study Bible
→