Revelation 10

Marwari Bible

← Chapter 9 Jump to: Chapter 11 →

1वळै म्हैं एक दूजौ ताकतवर सरगदूत नै बादळ ओढ़योड़ो सरग ऊं उतरते देख्यौ, उणरै माथा ऊपर मेंहधनुस हो। अर उणरौ मूंडौ सूरज री ज्यूं अर उणरा पग लाय रै खंभै जैड़ा हा।

2उणरै हाथ में एक छोटी सी खुली किताब ही। उणै आपरौ जीमणौ पग समंदर माथै अर डावौ पग धरती माथै राख्यौ,

3अर ऐड़ौ जोर रै सबद ऊं चिलायौ, ज्यूं सिंघ गरजयो हो। अर जद वो चिलायौ तो गरजनै री सात आवाज सुणाई दीनी।

4जद सातों गरजनै री आवाज सुणाई दे चुका, तो म्हैं लिखणैवाळौ ही हो, पण म्हैं सरग ऊं ओ सबद सुण्यौ, “जिकौ बातां गरजनै रै उण सात आवाज ऊं सुणी है उणै छांनै राख, अर मत लिख।”

5जिण सरगदूत नै म्हैं समंदर अर धरती माथै ऊभौ देख्यौ हो, उणै आपरौ जीमणौ हाथ सरग री तरफ उठायौ,

6अर जिकौ युगानयुग जीवता है, अर जिणनै सरग रौ अर जिकौ कीं उणमे है, अर धरती रौ अर जिकौ कीं उण माथै है, अर समंदर रौ अर जिकौ कीं उणमे है उणौनै सरजया है, उण परमेसर री सौगन खायनै सरगदूत कयौ, “अबै तो और जेज कोनीं होवैला।

7बल्कि सातवे सरगदूत रै तुरही बजानै ऊं होणै वाळै सबद रै दिनां में परमेसर रौ छांनै मनोरथ उण सुभ संदेस रै मुजब जिकौ उणै आपरै दास भविसयदाताओ नै दियौ, पूरौ होवैला।”

8जिण सबद नै म्हैं सरग ऊं बोलतौ सुण्यौ हो, वो वळै म्हारै साथै बातां करणै लागा, “जा, जिकौ सरगदूत समंदर अर धरती माथै ऊभौ है, उणरै हाथ ऊं वो खुली किताब ले लौ।”

9म्हैं सरगदूत रै खनै जायनै कयौ, “आ छोटी किताब म्हनै दे।” उणै म्हनै कयौ, “ले, इणै खा ले। आ थांरौ पेट खराब तो करैला, पण थांरै मूंडै मांय सहद जैड़ी मीठी लागैला।”

10अतस म्हैं वो छोटी किताब उण सरगदूत रै हाथ ऊं लैयनै खायग्यौ। वो म्हारै मूंडै मांय सहद ऊं मीठी तो लागी, पण जद म्हैं उणनै खाय गियौ, तो म्हारौ पेट खराब होय गियौ।

11तद म्हारै ऊं ओ कयौ, “थांनै घणै लोगां, अर जातियो, अर भासाओं अर राजाओ रै बारै में वळै भविसयवांणी करणी होवैला।”

← Chapter 9 Jump to: Chapter 11 →