bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Revelation 2
Revelation 2
Marwari Bible
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 3 →
1
“इफिसुस री कलीसिया रै दूत नै ओ लिख। जे सात तारा आपरै जीमणै हाथ मे लियोड़ा है, अर सोने रै सात दीयौ रै बीच मे फिरै है, वो ओहीज कैवै है की
2
म्हैं थारै कांम, अर थारी मेनत, अर थारै धीरज नै जांणूं हूं। अर ओ भी की थूं भूंडै लोगां नै देख कोनीं सकै, अर जिकौ अपणै आप नै प्रेरित कैवै है, और है कोनीं, उणनै थै परख नै झूठा पाया।
3
थूं धीरज राखै है, अर म्हारै नाम रै खातर दुख उठातौ उठातौ थाकयौ कोनीं।
4
पण म्हनै थारै विरुद्ध ओ कैणौ है की थूं अपणौ पैला जैड़ौ परैम छोड़ दियौ है।
5
इण वास्तै याद कर की थूं कठै ऊं पड़ियौ है, अर मन फिरा अर पैला रै ज्यूं कांम कर। जे थूं मन नीं फिरावैला, तो म्हैं थारै खनै आयनै थारै दीयां नै उणरी जगा ऊं आगौ ले लूं ला।
6
पण हां, थारै मे आ बात तो है की थूं नीकुलइयों रै कांमां ऊं नफरत करै है, जिणसूं म्हैं ही नफरत करूं हूं।
7
जिणरा कांन होवै वो सुण ले की आतमा कलीसियाओ ऊं कांई कैवै है। जिकौ जय पावै, म्हैं उणनै उण जीवन रै रूंखड़ै मे ऊं जिकौ परमेसर रै सरगलोक मांय है, फळ खाणै दूंला।”
8
“स्मुरना री कलीसिया रै दूत नै ओ लिख। जिकौ पैला अर आखरी है, जिकौ मरग्यौ हो अर अबै जीवतौ होय गियौ है, वो ओ कैवै है की,
9
म्हैं थारै दुख अर गरीबी नै जांणूं हूं, पण थूं साचांणी अमीर है। अर जिकौ लोग अपणै आप नै यहूदी कैवै है और है कोनीं, पण सैतान री सभा है, उणरी निंदा नै भी जांणूं हूं।
10
जिकौ दुख थांनै झेलनो होई, उण ऊं मती डर। क्यूंकै देखौ, सैतान थौरे मांय ऊं कितौ नै जेळ में नोखणा चावै है ताकी थै परखा जाओ। अर थांनै दस दिन तांई तकलीफो उठाणी पड़ैला। मरण तांई विसवासी रै, तो म्हैं थनै जीवन रौ मुगट दूंला।
11
जिणरा कांन होवै, वो सुण ले की आतमा कलीसियाओ ऊं कांई कैवै है। जिकौ जय पावै, उणनै दूजी मौत ऊं नुकसाण नीं होवैला।”
12
“पिरगमुन री कलीसिया रै दूत नै ओ लिख। जिणरै खनै दोधारी अर तेज तरवार है, वो ओ कैवै है की,
13
म्हैं ओ जांणूं हूं की थूं उठै रैवै है जठै सैतान रौ सिहासण है। थूं म्हारै नाम माथै स्थिर रैवै है, अर म्हारै ऊपर विसवास करनै ऊं उण दिनां मे ही लारै नीं सिरकयो जिणमे म्हारौ विसवास लायक गवाई अन्तिपास, थौरे बीच उण जगा माथै घात कियो जठै सैतान रैवतौ हो।
14
पण म्हनै थारै विरुद्ध कीं बातां कैवणी है, क्यूंकै थारै एठै कीं ऐड़ा है, जिकौ बिलाम री सिकसा नै मांनै है, जिणनै बालाक नै इजरालियो रै आगै ठोकर रौ कारण राख नै सिखायौ की वे मूरतियो रै आगै चढ़ायोड़ी चीजों खावै अर व्यभिचार करै।
15
व्यौंही थारै उठै केई ऐड़ा है, जिकौ नीकुलइयों री सिकसा नै मांनै है।
16
अतस मन फिरा, नीं तो म्हैं थारै खनै जल्दी ही आयनै, अपणै मूंडै री तरवार ऊं उणरै साथै लड़ूला।
17
जिणरा कांन होवै, वो सुण ले की आतमा कलीसियाओ ऊं कांई कैवै है। जिकौ जय पावै, उणनै म्हैं छांनै ऊं मन्ना म्हारै मांय ऊं दूंला, अर उणनै एक सफेद भाटो भी दूंला। अर उण भाटे माथै एक नवो नाम लिख्योड़ौ होवैला, जिणै उणरै पावण वाळै रै सिवाय और कोई नीं जांणैला।”
18
“थुआतीरा री कलीसिया रै दूत नै ओ लिख। परमेसर रौ बेटौ जिणरी आंख्यां अग्नि री झाळ री ज्यूं, अर जिणरा पग उतम पीतळ रै ज्यूं है, वो ओ कैवै है की,
19
म्हैं थारै कांमां, थारै परैम अर विसवास अर सेवा अर धीरज, नै जांणूं हूं अर ओ भी की थारा लारला कांम पैलौ ऊं अबै बढ़न है।
20
पण म्हनै थारै विरुद्ध ओ कैवणौ है की थूं उण लुगाई इजेबेल नै रैवण दैवै है जिकौ अपणै आप नै भविसयदाती कैवै है, अर म्हारै दासो नै व्यभिचार करनै अर मूरतियो रै आगै चढ़ाई गी चीजों खाणै सिखाय नै भरमावै है।
21
म्हैं उणनै मन फिराणै रै वास्तै मौकौ दियौ, पण वो अपणै व्यभिचार ऊं मन फिराणौ नीं चावती।
22
सुण, म्हैं उणनै बीमारी री खाट ऊपर नांखू हूं। अर जिकौ उणरै साथै व्यभिचार करै है जे वे भी उणरै इण कांमां ऊं मन नीं फिरावैला तो म्हैं उणनै मोटी तकलीफ मे नांखूला।
23
म्हैं उणरै टाबरां नै मार नांखूला। तो सगळी कलीसियाओ जांण ले ला की हीवड़ै अर मन नै परखणै वाळौ म्हैं इज हूं, अर म्हैं थौरे में ऊं हरैक नै उणरै कांमां रै अनुसार बदळा दूंला।
24
पण थै थुआतीरा रै बाकी लोगां ऊं, जितरा इण सिकसा नै कोनीं मांनै, अर उण बातां नै जिणै सैतान री गेहरी बातां कैवै है कोनीं जांणै, ओ कैवै है, की म्हैं थारै माथै वळै बोझ नीं घालूं ला।
25
पण हां, जिकौ थौरे खनै है उणनै म्हारै आवण तांई थामे रौ।
26
जिकौ जीतैला, अर म्हारै कांमां रै अनुसार आखरी तांई करतौ रैवै, म्हैं उणनै जाति जाति रै लोगां ऊपर अधिकार दूंला।
27
अर वो लोहे रा राजडंड लियोड़ा उण ऊपर राज करैला, जिण तरैह माटी रा बरतन चकनाचूर व्है जावै है। म्हैं भी ऐड़ौ इज अधिकार अपणै पिता ऊं पायो हूं।
28
अर म्हैं उणनै ऐड़ौ चमका दूंला ज्यूं प्रभात रौ तारो।
29
जिणरा कांन होवै वो सुण ले की आतमा कलीसियाओ ऊं कांई कैवै है।”
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22