bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Revelation 22
Revelation 22
Marwari Bible
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
1
पछै उणै म्हनै बिल्लौर रै कांच री ज्यूं झळकती व्ही, जीवन रै जळ री नदी दिखाई, जिकौ परमेसर अर उनियां रै सिंहासण ऊं निकळनै, उण नगर री सड़क रै बीचो बीच बहती ही।
2
अर नदी रै इण पार अर उण पार जीवन रा दरखत हा। उणमे बारैह तरैह रा फळ लागता हा, अर वो हर महीनै फळतो हो। अर उण दरखत रै पतौ ऊं सगळी जाति रा लोग सावळ होता हा।
3
पछै सापित नीं होवैला, अर परमेसर अर उनियां रौ सिंहासण उण नगर में होवैला अर उणौरा दास उणौरी सेवा करैला।
4
वे उणरौ मूंडौ देखेला, अर उणौरौ नाम उणौरै माथो ऊपर लिख्योड़ौ होवैला।
5
पछै रात नीं होवैला, अर उणौनै दीये अर सूरज रै उजाळै री जरुरत कोनीं होवैला, क्यूंकै परभु परमेसर उणौनै उजाळौ दैला, अर वे लोग युगानयुग राज करैला।
6
पछै सरगदूत म्हारै ऊं कयौ, “ऐ वचन विसवास रै लायक अर सच है। परभु परमेसर, जिकौ भविसयदाताओ नै पवितर आतमा दैवै है, वो आपरै सरगदूत नै भेज्यौ की अपणै दासो नै वे बातां बताए, जे जल्दी पूरी होवण वाळी है।”
7
यीसु कयौ सुणौ, “म्हैं जल्दी आवणवाळौ हूं! धन्य है वो, जिकौ इण किताब री भविसयवांणी री बातां मांनै है।”
8
म्हैं वोहीज यूहन्ना हूं, जिकौ ऐ बातां सुणतौ अर देखतौ हो। जद म्हैं सुण्यौ अर देख्यौ, तो जिकौ सरगदूत म्हनै ऐ बातां दिखाई ही, म्हैं उणनै नमण करणै रै लियै पगां पड़ियौ।
9
पण उणै म्हनै कयौ, “देख, ऐड़ौ मत कर। क्यूंकै म्हैं थारौ, अर थांरै भाई भविसयदाताओ, अर इण किताब री बातां नै मांनणैवाळौ रौ संगी दास हूं। परमेसर नै इज नमण कर।”
10
पछै उणै म्हारै ऊं कयौ, “इण किताब री भविसयवांणी री बातां नै बंद मत कर। क्यूंकै वगत नजीक है।
11
जिकौ अन्याव करै है, वो अन्याव ही करतौ रैवै। अर जिकौ घिनौना है, वो घिनौना बण्यौ रैवै। अर जिकौ धरमी है, वो धरमी बण्यौ रैवै। अर जिकौ पवितर है, वो पवितर बण्यौ रैवै।”
12
यीसु कयौ सुणौ, “म्हैं जल्दी आवणवाळौ हूं। अर हरैक रै कांम रै मुजब बदळौ दैणै रै खातर प्रतिफळ म्हारै खनै है।
13
म्हैं अल्फा अर ओमेगा, पैला अर आखरी, आदि अर अंत हूं।”
14
धन्य वे है, जिकौ आपरा कपड़ा धो लेवे है, क्यूंकै उणै जीवन रै दरखत खनै आवण रौ अधिकार मिळैला, अर वे फाटको ऊं होयनै नगर में परवेस करैला।
15
पण जादू-टोणा करणवाळा, अर व्यभिचारी, अर हत्यारे अर मूरती पूजणवाळा, अर हरैक झूठ नै चाहनेवाळा अर बणाणैवाळा कुत्ते रै ज्यूं नगर ऊं बारै रैला।
16
“म्हैं, यीसु, अपणै सरगदूत नै इण वास्तै भेज्यौ, की थौरे आगै कलीसियाओ रै बारै में इण बातां री गवाई दे। म्हैं दाऊद रौ मूल अर वंस, अर सवार रौ चमकतौ होयौ तारो हूं।”
17
पवितर आतमा अर बींदणी दोनूं कैवै है, “आ!” अर सुणणैवाळा भी कैवै, “आ।” जिकौ तिरसो हो वो आवै, अर जिकौ कोई चावै वो जीवन रौ जळ मुफत में लेय ले।
18
म्हैं यूहन्ना, हरैक नै जिकौ इण किताब री भविसयवांणी री बातां सुणै है, गवाई दैवै है। जे कोई मिनख इण बातां मांय कीं बढ़ावै तो परमेसर उण विपतियां नै, जिकौ इण किताब में लिखी है, उण माथै बढ़ावैला।
19
जे कोई इण भविसयवांणी री किताब री बातां में ऊं कीं निकाळ दे, तो परमेसर उण जीवन रै दरखत अर पवितर नगर में ऊं, जिणरौ वरणन इण किताब में है, उणरौ भाग निकाळ दैला।
20
जिकौ इण बातां री गवाई दैवै है वो ओ कैवै है, “हां, म्हैं जल्दी आवणवाळौ हूं।” आमीन। हे परभु यीसु आ।
21
परभु यीसु रौ अनुग्रह पवितर लोगां रै साथै रैवै। आमीन।
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22