bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Ezekiel 11
Ezekiel 11
Quechuan QXO (Biblia en Quechua del sur de Conchucos)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 12 →
1
Tsaypitanam Espíritu apamarqan Tayta Diospa templunchö kaykaq juk punkuman. Tsay punkuqa rupay yarqamunan kaq lädupa kaykaq punkum karqan. Punku yaykunachömi ishkay chunka pitsqa (25) runakunata rikarqä. Paykunawanmi Azurpa tsurin Jaazanías y Benaíapa tsurin Pelatíaspis kaykarqan. Jerusalénchö täraq runakunapa mandaqninkunam paykuna kayarqan.
2
Tsaymi Tayta Dios nimarqan: «Runapa tsurin, paykunaqa mana allita rurayänallanpämi yarpachakuyan. Tsaynöllam llutankunata pïmaytapis yätsiyan.
3
Paykunam niyan: «Höra chämunnam wayikunata shäritsinantsikpä. Mankachö aytsa següru kanqannömi kay markachö següru kaykantsik».
4
Runapa tsurin, tsaynö niyaptinpis ninqäkunata willay».
5
Tsaypitanam Tayta Diospa Espïritun tantiyatsimarqan runakunata willanäpä: «Tayta Diosmi nin: Israel runakuna, imata yarpäyanqaykitapis y imata niyanqaykitapis noqa musyämi.
6
Tsaynöllam musyä kay markachö atskaqta wanutsiyaptiki cällikunachöpis tsaytsika ayakuna mashtaräyanqanta.
7
«Tsaymi noqa Tayta Dios nï: Niyanqaykinöllam Jerusalén marka imayka mankanö kaykan. Tsaynö kaptinpis mankapita aytsata jipiqnömi Jerusalénpita jipiyäshayki. Wanutsiyanqayki runakunapa ayankunallam mankachö aytsa quëdaqnö Jerusalénchö quëdayanqa.
8
Guërrata mantsayaptikipis guërrachömi ushakätsiyäshayki. Noqa Tayta Diosmi tsaynö nï.
9
«Kay markapita qamkunata qarqurmi jäpa runakunapa makinman churar castigayäshayki.
10
Nacionnikikunapa mujunninkunachö juzgarmi espädawan wanutsiyäshayki. Tsayrämi Tayta Dios kanqäta musyayanki.
11
«Manam mankachö aytsa wiñaraqnötsu qamkuna kayanki. Ni kay markapis manam mankanötsu tsapäyäshunaykipä kanqa, sinöqa qamkunata juzgarmi nacionnikikunapa mujunninkunachöpis wanutsiyäshayki.
12
Tsayrämi Tayta Dios kanqäta musyayanki. Qamkuna manam munanqänötsu kawayanki ni leynïkunatapis manam cumpliyankitsu. Tsaypa rantinqa ñöpaykikunachö kaq nacionkunapa costumbrinkunata yachakurmi llutankunata ruraykäyanki».
13
Tayta Dios ninqankunata tsaynö willakuykaptïmi Benaíapa tsurin Pelatías wanuskirqan. Tsaymi patsaman lätaykur qayaraypa rugakur nirqä: «¡Ay Tayta Dios! Juk ishkay sobraqllantapis Israel runakunata ¿llapantatsurä ushakätsinki?»
14
Tsaymi Tayta Dios nimarqan:
15
«Runapa tsurin, Babiloniachö taykaq castaykikunapä, wawqikikunapä y llapan Israel marka mayikikunapämi Jerusalénchö täraq runakuna niyan: «¡Babiloniaman apashqa karmi paykunaqa Tayta Diospita karuchöna kaykäyan! Tsaymi kay nacionchö chakrankunata noqantsiktana jaqipamarquntsik».
16
«Tsaynö niyaptinpis Babiloniachö taykaq Israel marka mayikikunata ninki: «Poderösu Tayta Diosmi nin: Juklä nacionkunaman qarqushqa karpis y mana reqiyanqayki markakunaman jitashqa karpis tsay nacionkunachömi qamkunawan kaykäshä».
17
«Mastapis ninki: «Tayta Diosmi nin: Tiempu cumpliskiptin maytsay markakunapitam qoriyämushayki. Mashtakashqa kayanqaykipitam Israel nacionchö yapay täyänaykipä kutitsiyämushayki.
18
Kutiykatsimuptïqa llapan ïdulukunata jitaskir melanaypä mana alli ruraynikikunatapis mananam rurayankinatsu.
19
Mushuq shonquta y mushuq espïritutam qamkunaman churamushä. Rumi shonquykikunata jipiskirmi alli shonqutana qarashayki.
20
Tsaymi leynïkunata y llapan ninqäkunatapis cumplirna kawayanki. Qamkunam kuyanqä runakuna kayanki. Noqanam qamkunapa Diosniki kashä.
21
Peru melanaypä ïdulukunata adoraqkunatam sïqa rabyanätsiyämanqanpita kikï juzgashä. Noqa Tayta Diosmi tsaynö nï».
22
Tsaypitanam querubinkuna pärir ruëdantin Jerusalénpita aywakur rupay yarqamunan kaq läduchö kaykaq jirkanman chäyarqan. Paykuna jananchömi Israel runakunata kuyaq Tayta Diospa chipipiynin kaykarqan.
24
Tsaypitanam Tayta Diospa Espïritun revelacionchö joqarkamar Babiloniachö taykaq Israel marka mayïkunaman kutitsimarqan. Tsaypitanam tsay revelación rikaykanqä illakaskirqan.
25
Tayta Dios llapan musyatsimanqankunatam tsaychö taykaq Israel marka mayïkunata willarqä.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48