bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Ezekiel 26
Ezekiel 26
Quechuan QXO (Biblia en Quechua del sur de Conchucos)
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 27 →
1
Babiloniaman prësu apayämanqan chunka juk wata qallanan junaqchömi Tayta Dios nimarqan:
2
«Runapa tsurin, Tiro marka runakunam Jerusalénta ushakätsiyaptin kushipar niyashqa: «¡Allirächi! ¡Maytsay nación runakunapis negociunkunawan chänan markam kananqa juchushqa kaykan! ¡Ushakätsishqana kaptinmi noqantsikmanna kananqa suerti chämushqa! ¡Tsaymi noqantsikkunana paykunanö rïcuyäshun!»
3
«Tsaymi noqa Tayta Dios nï: Tiro marka, qampa contraykim shärï. Vientuwan lamar junishyaq pullchaqyar kuchunman chaqtanömi juklä nación runakunata atacayäshunaykipä apamushä.
4
Tsaparäshuqniki murällaykikunatapis juchutsirmi ushakätsiyanqa. Rikachakuyänayki törrikikunatam ushakätsiyanqa. Allpatapis chipyaq pitsaypa ushakätsirmi rumillatana dëjashayki.
5
Kaykanqayki islapis mälla majakuna rumillanam quëdanqa». Tayta Diosmi tsaynö nin. «Imaykaykitapis juk nación runakunam apayanqa.
6
Lamar kuchunchö taksha markaykikunatapis espädawanmi ushakätsiyanqa. Tsayrämi tsaychö täraqkuna Tayta Dios kanqäta musyayanqa.
7
«Noqa Tayta Diosmi nï: Qamta ushakätsishunaykipämi norti kaq lädupita Babilonia nacionpa mandaqnin rey Nabucodonosorta apamushä. Payqa llapanpitapis mas munayyuq rey karmi carrëtankunawan y caballun muntashqa atskaq soldädunkunawan shamunqa.
8
Lamar kuchunchö taksha markaykikunata atacarmi tsaychö täraq runakunata espädawan wanutsiyanqa. Tsaypitam markaykikunaman yaykuyänanpä murälla waqtankunapa törrikunata shäritsiyanqa, allpata qotuyanqa y escüdunkunawanmi tsapakuyanqa.
9
Markayki tsaparaq murällatapis mäquinawanmi ishkitsiyanqa. Rikachakuyänayki törrikunatapis juchutsirmi ushayanqa.
10
«Tsaynöllam marka punkukunatapis pakiskir yaykuyanqa. Atska caballunkunawan shayämuptin qoshninörä polvu shäriptinmi tsapakashqa quëdanki. Patatarrä caballukuna shayämunqan wiyakaptin y jaqrararrä carrëtakuna shayämunqan wiyakaptinmi murällaykikunapis kuyunqa.
11
Entëru cällikikunatam caballunkuna llutskar ushayanqa. Qamchö täraq runakunatam espädawan wanutsiyanqa. Raku jorcunnikikunatapis ishkitsirmi ushayanqa.
12
Imayka riquëzaykikunatapis qechuyäshurnikim negociuykikunatapis apayanqa. Murällaykikunata juchuskatsirmi kuyayllapä wayikikunatapis juchutsiyanqa. Taquyanqan rumikikunata y qeruykikunatapis lamarmanmi jitayanqa.
13
«Tsaynöpam kushishqa cantanqaykita upällatsishayki. Arpaykikunatapis mananam tukayanqanatsu.
14
Markaykita allpaynaq qaqatanöllam jaqishä. Atarräya majakunamanmi tikraratsishä. Mananam imaypis yapay shäritsiyäshunkinatsu. Noqa Tayta Diosmi tsaynö nï».
15
Tayta Diosmi Tiro markata nin: «Bunrururrä wayikikuna juchunqanta wiyar, däñakushqakuna qayaräyanqanta wiyar y runakunata wanutsiyanqanta musyaskirmi lamar kuchunchö kaq nación runakunapis mantsariywan tsuktsukyäyanqa.
16
Tsay nacionkunapa mandaqnin reykunapis trönunkunapita shärirkurmi cäpankunata y shumaq bordashqa röpankunatapis llushtikur lütu lachapata jatikuyanqa. Ushakäyanqaykita musyarmi pasaypa mantsariywan patsachöna tsuktsukyaykar jamaräyanqa.
17
Tsaymi ayata cantapäyanqan cantuta cantapäyäshurniki niyanqa: «Qamqa wakin markakunapitapis masmi büquikikunawan lamar jananpa purirquyki. Kananqa ¿imanöpatä ushakarquyki? Pïmaypitapis reqishqa markam karqayki. Qamchö täraq runakuna pasaypa munayyuqmi kayarqan. Ñöpaykikunachö nacionkunatapis llapantam mantsakätsiq kanki.
18
Ushakanqaykita musyaskirmi lamar kuchunchö kaykaq markakuna tsuktsukyaykäyan. Pasaypa ushakashqana kaptikim islakunachö täraqkunapis pasaypa espantar mantsakashqa kaykäyan».
19
«Tiro markatam Tayta Dios nin: Pipis manana täranqan markakunatanö raqällatanam jaqishayki. Lamarpita atska yaku yarqamur apashunaykipämi permitishä.
20
Tsaynöpam unay wanuqkuna kaykäyanqanman jitarpushayki. Patsa ruriman qarpuriptïmi imayyaqpis ushakashqana kanki. Unay wanuqkunawanna kaptikim marka kanaykipä pipis shäritsishunkinatsu. Qamchö mananam pipis täyanqanatsu.
21
Chipyaq ushakätsiptïmi marka kanqayki partipis pasaypa mantsariypä kanqa. Ashiyäshurnikipis mananam tariyäshunkinatsu». Tayta Diosmi tsaynö nin.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48