bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Ezekiel 43
Ezekiel 43
Quechuan QXO (Biblia en Quechua del sur de Conchucos)
← Chapter 42
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 44 →
1
Tsaypitanam pushamaq runa kutitsimarqan rupay yarqamunan lädu punkuman.
2
Tsaypitam rikarqä Israel runakunata kuyaq Tayta Diospa chipipiynin rupay yarqamunan lädupita shamuykaqta. Mayu atskayar qayaranqannörämi shamunqan wiyakämurqan. Chipipiyninwanmi kay patsapis pasaypa atsikyarqan.
3
Tsay rikaykanqämi karqan Jerusalénta ushakätsinanpä Tayta Dios aywanqanta rikanqänö. Tsaynöllam Quebar mayu lädunchö ñöpata rikanqänö karqan. Tsaymi patsaman ras lätakaskirqä.
4
Tsaypitanam rupay yarqamunan lädu punkupa Tayta Diospa chipipiynin qoshnipis templuman yaykurqan.
5
Tsaynö rikaykaptïmi Tayta Diospa Espïritun joqarkamar ruri patiuman yaykutsimarqan. Tsaychömi rikarqä tsay qoshni templuchö junta kaykaqta.
6
Pushamaq runapa lädunchö kaykarmi wiyarqä templu rurinpita
7
nimaqta: «Runapa tsurin, kay wayichöqa jamakunä trönümi. Chakï ichiräkunan kaptinmi imayyaqpis Israel runakunawan kay templuchö täräshä. Paykunapis ni mandaqnin reykunapis manam ïdulukunata yapay adorayanqanatsu. Mandaqnin reykuna wanuyaptinpis reträtunta rurar manam adorayanqanatsu. Tsaynöpam santu jutïta manakaqman churayanqanatsu.
8
«Punta kaq templüpita reykunapa palaciunman juk pirqallam rakirqan. Tsaynö amänulla kaptinmi palaciunchö ïdulukunata adorar santu jutïta manakaqman churayarqan. Tsaymi pasaypa rabyar paykunata ushakätsirqü.
9
«Kananqa ïdulukunata amana adorayätsunnatsu. Unay reykuna pamparäyanqan kaqman aywar tsay reykunatapis amana adorayätsunnatsu. Tsaykunata jaqiyaptinqa imayyaqpis paykunawanmi kaykäshä.
10
«Runapa tsurin, rikanqayki templu imanö kanqanta y ima tamäñu kanqantapis Israel runakunata willay. Tsayta musyarqa capazchi jutsata rurayanqanpita penqakuyanmanpis.
11
Penqakuyaptinqa templu y punkunkuna imanö kayanqanta rikanqaykita llapanta tantiyatsiy. Tsaynölla willanki templuchö imanö sirviyämänanpä yachatsinqä leykunata. Tsay leykuna ninqannölla shumaq rurayänanpä y cumpliyänanpä llapanta qellqay.
12
Jirkan jananchö templu kaykanqan pampakuna llapanmi sagrädu kanqa. Tsayta musyarqa templuchö imanö sirviyämänanpä llapan leykunatam cumpliyanqa».
13
Kaychömi qellqashqa kaykan altarpa tamäñun. Altarpa entëru kuchunpam jiruruypa pullan metru jondu zanja karqan. Anchunpis pullan metrum karqan. Zanjapa kuchunnam juk cuartapita masllan karqan.
14
Altar jamaränanmi juk metru altu karqan. Anchunnam pullan metru karqan. Altarpa chawpinnam ishkay metru altu karqan. Tsaychömi pullan metru anchu juk gräda karqan.
15
Altarpa janannam ishkay metru altu karqan. Chuskun esquïnankunachömi waqrankuna karqan.
16
Altar jananqa chuskun lädunpa tsay tamäñullam karqan. Joqta metru largun y joqta metru anchun kaptinmi cuadrädu karqan.
17
Altarpa jana kuchunchö canalëtanpis qanchis metrum cada lädunchö karqan. Tsay canalëtapa anchunmi pullan metru karqan. Jondunnam cuarta maslla karqan. Altarman yarkuna grädankunapis rupay yarqamunan lädupam karqan.
18
Tsaypitam pushamaq runa nimarqan: «Runapa tsurin, Tayta Diosmi nin: «Sacrificiuta rupatsiyänaykipä y yawarta tsaqtsupäyänaykipä altarta rurar ushaskiyaptin purificayanki. Kanan imanö purificayänaykipäpis tantiyatsishayki.
19
Sadocpita miraq Leví casta sacerdötikuna purificatsina sacrificiuta rupatsiyänanpä juk torïtuta alistapanki. Tsay sacerdötikunallam altarnïchö sirviyäman. Noqa Tayta Diosmi tsaynö nï.
20
«Tsay torïtuta pishtarmi yawarninwan tsaqtsupanki altarpa chuskun waqrankunata, waqran ura lädunchö chuskun esquïnankunata y altarpa kuchunchö kaykaq canalëtakunata. Tsaynöpam tsay altarta purificanki.
21
Tsaypitana purificatsina sacrificiupä pishtayanqan torïtupa aytsanta templupita jipiskir rupatsiyänanpä kaq partichö rupatsinki.
22
«Waraynin junaqnam sänu chïvuta purificatsina sacrificiupä rupatsiyanqa. Tsaypa yawarninwanpis torïtupa yawarninwan ruranqaykinölla altarta purificanki.
23
Tsaynö purificaskir sänu torïtuta y sänu carnëruta
24
ñöpäman apamunki. Tsaykunata pishtaskirmi sacerdötikuna kachitsarkur noqa Tayta Diospä sacrificiuta rupatsiyanqa.
25
«Qanchis junaqyaqmi purificatsina sacrificiupä juk chïvuta, juk torïtuta y juk carnërutapis sänun kaqta cada junaq rupatsiyanqa.
26
Tsaynö sacrificiuta rupatsirmi sacerdötikuna qoyay qoyay qanchis junaqyaq altarta purificayanqa.
27
«Qanchis junaqyaq tsaynö ruraskirnam puwaq junaqpitaqa rupatsina sacrificiupä y alli päsakuy sacrificiupä apayämunqanta sacerdötikuna rupatsir qallaykuyanqa. Tsaynö rurayaptinmi kushishqa chaskishä». Tayta Diosmi tsaynö nin».
← Chapter 42
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 44 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48