bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Ezekiel 20
Ezekiel 20
Quechuan QXO (Biblia en Quechua del sur de Conchucos)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 21 →
1
Babiloniaman prësu apayämanqanpita joqta wata y chusku killa isqun junaqna taykäyaptïmi juk ishkay Israel mayor runakuna Tayta Diosta tapukuq shayämur ñöpäman jamaskayämurqan.
2
Tsaymi Tayta Dios nimarqan:
3
«Runapa tsurin, Israel mayor runakunata niy: «Tayta Diosmi nin: ¿Tapukamaqku shayämurquyki? Tapukayämaptikipis manam willayäshaykitsu». Tayta Diosmi tsaynö nin.
4
«Runapa tsurin, ¡tsay runakunata ollqutupay! ¡Qayapar yarpätsiy unay castankuna melanaypä llutankunata rurayanqanta!
5
Paykunata ninki: «Tayta Diosmi nin: Israel runakunata akrarnïmi Egiptuchö yanaparqä. Tsaynöllam makïta joqarkur jurar nirqä: «Noqam Tayta Diosniki kä».
6
«Tsay junaqmi paykunata nirqä Egiptupita jipimur akranqä nacionman pushanäpä. Tsaychöqa lichipis abëjapa mishkinpis yakunörämi atska kaykan. Tsay nacionqa wakin nacionkunapitapis täkuy munaymi.
7
Tsaymi paykunata nirqä: «Tsararäyanqayki ïdulukunata jitayay. Egipto runakuna adorayanqan ïdulukunatapis amana adorayaynatsu. Noqam Tayta Diosniki kä».
8
«Peru tsaynö nikaptïpis paykunaqa conträ shärirmi ninqäkunata cäsuyämarqantsu. Manam ïdulunkunata jitayarqantsu ni Egipto runakuna adorayanqan ïdulukunatapis adorayta dëjayarqantsu. Tsaymi pasaypa rabyar Egiptullachöna castigayta munarqä.
9
Tsaynö rabyarpis juklä nación runakuna manakaqman mana churayämänanpämi mana castigayllapa Egiptupita jipimurqä.
10
«Egiptupita jipiskamurnam desiertupa pushamurqä.
11
Tsaychömi willarqä leynïkunata y mandamientükunata cumplir alli kawayta tariyänanpä.
12
Tsaynöllam jamay junaqkunata respitayänanpä musyatsirqä. Tsay junaqmi paykunapä y noqapä señal kaykan. Tsaynöpam musyayan Tayta Diosnin kar santu kayänanpä akranqäta.
13
«Tsaynö yanapaykaptïpis conträmi desiertuchö shäriyarqan. Leynïkunata cumplir alli kawayta tariyänanpä kanqanta nikaptïpis mana cäsuyämarmi cumpliyarqantsu. Jamay junaqkunatapis manam respitayarqantsu. Tsaymi pasaypa rabyar desiertullachöna ushakätsiyta munarqä.
14
Ushakätsiyta munarpis juklä nación runakuna Egiptupita jipimunqäta musyayaptinmi manakaqman churayämänanta mana munar pacienciakurqä.
15
«Desiertuchö mana ushakätsirpis pushaykanqä nacionman mana yaykuyänanpämi nirqä. Tsaychöqa lichipis abëjapa mishkinpis yakunörämi atska kaykan. Wakin nacionkunapitapis mas kuyayllapämi kaykan.
16
Tsay nacionman yaykutsirqätsu ïdulukunaman yärakur mandamientükunata y leynïkunata mana cäsuyanqanpita y jamay junaqkunatapis mana respitayanqanpitam.
17
«Tsaynö kayaptinpis pasaypa kuyaparnïmi desiertuchö ushakätsirqätsu.
18
Tsaypa rantinqa wamrankunatam nirqä: «Papänikikunanö llutanta ama rurayaytsu. Paykuna adorayanqan ïdulukunatapis ama adorayaytsu.
19
Noqam Tayta Diosniki kä. Estatütükunata y leynïkunata cumpliyay.
20
Jamay junaqmi qamkunapä y noqapä señal kaykan. Tayta Diosniki kanqäta tantiyayänaykipä jamay junaqta imaypis respitayay».
21
«Tsaynö willaykaptïmi wamrankunapis conträ shärir estatütükunata y leynïkunata cäsuyarqantsu. Tsay leykunata cumplir alli kawayta tariyänanpä kanqanta musyaykarpis manam cumpliyarqantsu. Jamay junaqtapis manam respitayarqantsu. Tsaynö kayaptinmi pasaypa rabyar desiertullachöna ushakäratsiyta munarqä.
22
Ushakätsiyta munarpis juklä nación runakuna Egiptupita jipimunqäta musyayaptinmi manakaqman churayämänanta mana munar pacienciakurqä.
23
«Ras mana ushakätsirpis desiertuchö jurarmi paykunata nirqä maytsay nacionkunamanpis y maytsay markakunamanpis qarqunäpä.
24
Tsaynö nikaptïpis leynïkunata ni estatütükunatapis manam cumpliyashqatsu. Jamay junaqtapis manam respitayashqatsu. Paykunapis papäninkunanöllam ïdulukunata adorar kayashqa.
25
«Tsaymi jaqirqä mana alli costumbrikunata rurar llutankunachö kawayänanpä.
26
Mana alli costumbrikunata rurarmi mayor wamrankunata ïdulukunapä altarchö rupatsiyarqan. Tsaynö rurayänanpämi dëjarqä llutanta ruraykäyanqanta tantiyakur mantsariyänanpä y castigaykanqäta musyayänanpä».
27
«Runapa tsurin, Israel runakunata niy: «Tayta Diosmi nin: Unay castaykikunapis ïdulukunata adorarmi pasaypa rabyanätsiyämarqan.
28
Tsaynö kayaptinpis jurar awninqänöllam entreganäpä kaq nacionman chätsirqä. «Chaykatsiptïnam jirkankunachö y jatusaq qerukuna chakinkunachöpis ïdulukunapä sacrificiukunata rupatsiyarqan. Pasaypa rabyanätsiyämarmi tsay dioskunata adorar inciensiutapis qoshnitsiyaq y vïnutapis wiñayaq.
29
Tsaynö rurayaptinmi paykunata rabyar nirqä: Tsay jirkanchö ¡imanatä kan adoraq aywayänaykipä! «Rabyar ninqänömi tsay adorayanqan sitiukunapa jutin kananyaqpis Bama kaykan».
30
«Israel runakunata niy: «Tayta Diosmi nin: ¿Unay castaykikuna adorayanqan ïdulukunataku qamkunapis adoraykäyanki?
31
Tsay ïdulukunata adorar wamraykikunata rupatsirmi kananyaqpis pasaypa jutsata ruraykäyanki. Israel runakuna, ¿tsaynö rabyaykätsiyämarku tapukamayta munaykäyanki? Tapukayämaptikipis manam willayäshaykitsu. Noqa Tayta Diosmi tsaynö kananpä jurä.
32
«Qamkunam niyarquyki: «Wakin nación runakunanö qeruta y rumita noqantsikpis adorashun». «Israel runakuna, tsaynö yarpäyanqayki manam allitsu.
33
Noqa Tayta Diosmi jurar nï: Llapan kallpäwan pasaypa rabyar castigarmi podernïchö tsararäyäshayki.
34
Pasaypa rabyashqa castigarmi juklä nacionkunachö mashtakashqa kaykaqta podernïwan qoriyämushayki.
35
Markakunapita desiertukunaman apaykurmi castigayäshayki.
36
Egiptupita jipimur desiertuchö unay castaykikunata castiganqänömi qamkunatapis castigayäshayki». Tayta Diosmi tsaynö nin.
37
«Mitsikuq runa väranwan jukpa üshankunapita üshankunata qoriqnömi qamkunatapis qoriyäshayki. Tsaypitam pactu ruranqantsikta cumpliyänaykipä yanapayäshayki.
38
Mana wajupäyäshunaykipämi mana cäsumaqkunata y conträ shäriqkunata qamkunapita rakishä. Juklä nacionkunapita jipimurpis Israelman yaykuyämunanta manam munashätsu. Tsayrämi Tayta Dios kanqäta musyayanki.
39
«Israel runakuna, noqa Tayta Diosmi qamkunata nï: Mana cäsumayta munarqa ïduluykikunata adoraq aywayay. Peru ïduluykikunapä ofrendaykikunata apar jutïta manakaqman churayänaykitam sïqa permitishätsu.
40
Tiempu chämunqanam sagrädu jirkannïchö llapaykikuna adorayämänaykipä. Tsay jirkanqa Israelchö allin kaq jirkanmi kaykan. Noqa Tayta Diosmi tsaynö nï. «Tsay jirkanchömi ofrendaykikunata chaskishä. Mikuynikikunapita punta wayuq kaqta, ashmaykikunapita punta yuriq kaqta y imatapis noqapä apayämunqaykitam chaskishä.
41
«Juklä nacionkunachö mashtakashqa kayanqaykipita qoriptïmi llapan runakunapis musyayanqa qamkunata kuyaq santu Dios kanqäta. Inciensiuta qoshnitsiyämuptiki kushikunqänömi qamkunata yanapar kushikushä.
42
«Unay castaykikunata promitinqä nacionman qamkunata chätsiptïrämi Tayta Dios kanqäta musyayanki.
43
Tsaynöllam jutsata rurayanqaykita y llutankunata rurayanqaykita yarpar pasaypa llakikur penqakuyanki.
44
Tsaychöqa manam jutsata rurayanqaykimantsu ni pasaypa mana allikunata rurayanqaykimantsu castigayäshayki, sinöqa kuyapäyäshaykim. Israel runakuna, tsayrämi Tayta Dios kanqäta musyayanki». Tayta Diosmi tsaynö nin».
45
Tayta Diosmi nimarqan:
46
«Runapa tsurin, sur kaq läduman rikärir Neguev partichö kaykaq muntikunata desgracia päsananpä kaqta willay.
47
Neguev partichö muntikunata nï: «¡ Tayta Dios ninqanta wiyay! Paymi nishunki: Qamkunachö ninawan kayaptïmi tsakita y mana tsakitapis llapan qerukunata chipyaq ushanqa. Mana upiypa rupaptinmi sur kaq läduchö y norti kaq läduchö täraq llapan runakunapis achayninta cärankunachö mayayanqa.
48
Llapan runakunam musyayanqa ninata tsaritsiptï mana upiypa rupanqanta».
49
Tsaymi nirqä: «¡Ay Tayta Dios! Runakunam nikäyan willakunqä mana tantiyakanqanta. Kanan nimanqaykita willakuptï peorrämi tantiyayanqatsu».
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48