bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Ezekiel 22
Ezekiel 22
Quechuan QXO (Biblia en Quechua del sur de Conchucos)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 23 →
1
Tayta Diosmi nimarqan:
2
«Runapa tsurin, wanutsikuq kayanqanpita Jerusalénchö täraqkunata juzgay. Mana dëjaypa melanaypä mana allikunata rurayanqanpita
3
niy: «Tayta Diosmi nin: Marka mayikikunata wanutsiyanqaykipita y ïdulukunata rurar pasaypa impüru kayanqaykipitam ushakäyänaykipä kaq höra chaykämunna.
4
Runakunata wanutsir y rurayanqayki ïdulukunata adorarmi pasaypa jutsata rurayarquyki. Tsaynö karmi ushakäyänayki junaq chämunanpä pasaypa munayarquyki. Ushakätsiptïmi maytsay nación runakuna ashlliyäshurniki penqakuyman churayäshunki.
5
Pasaypa mana alli ruraq kayanqaykipitam cercachö täraqkunapis y karuchö täraqkunapis asipäyäshunki.
6
«Autoridänikikunapis autoridä kayninman yärakurmi pitapis llutalla wanutsiyan.
7
Manam mamaykita ni papänikita respitayankitsu. Jäpa runakunatapis ñakaykätsiyankim. Viüdakunata y waktsakunatapis manakaqmanmi churayanki.
8
Sagrädu kaqkunata y jamay junaqkunatapis mana respitarmi munayanqaykikunata ruraykäyanki.
9
Pitapis llutalla tumparmi wanuykätsiyanki. Jirkankunachö ïdulukunapä mikuyta kusinarmi fiestatapis ruraykäyanki. Pasaypa melanaypä kaqkunatam rurayanki.
10
«Wakikiqa mädistaykiwanmi kakuyanki. Wakikinam warmiki killa qeshyanwan kaykaptinpis respitayankitsu.
11
Wakikim juk runapa warminwan kakuyanki. Wakikinam llumtsuynikiwanpis y legïtimu panikiwanpis kakuyanki. Papänikipa tsurïpakuynintapis manam respitayankitsu.
12
«Wakikim päguta chaskiyanki runa mayikita wanutsiyänaykipä. Wakikinam qellayta prestaykurpis wachayninta cobrayanki. Mana cäsumarmi runa mayikikunata tsaynö ñakatsiyanki. Tayta Diosmi tsaynö nin».
13
«Imapäpis mallaqashqa kayanqaykipita y runa mayikikunata wanutsiyanqaykipitam pasaypa rabyä.
14
Castiganqä junaq manam imapäpis valornikikuna ni kallpaykikunapis kanqatsu. Noqa ninqäqa ninqämi kanqa. Tsaymi ninqäta cumplishä.
15
«Qamkunata castigarmi maytsay nacionkunaman qarquyäshayki. Tsaynöparämi jutsa ruraypita jipiyäshayki.
16
Qamkunata castiganqäta rikarmi wakin nación runakuna penqakatsiyäshunki. Tsayrämi Tayta Dios kanqäta musyayanki».
17
Tayta Diosmi nimarqan:
18
«Runapa tsurin, broncita, estäñuta, fiërruta y plömuta jornuchö tsullutsiptin qanran yarqur imapäpis mana välinqannömi Israel mayikikuna ni imapäpis väliyantsu.
19
Paykunata niy: «Tayta Diosmi nin: Llapaykikunam imapäpis mana väliq qanranö kaykäyanki. Tsaymi Jerusalén marka chawpiman muntunaskir castigayäshayki.
20
Qellayta, cobrita, fiërruta, plömuta y estäñuta jornuchö tsullutsinqannömi noqapis pasaypa rabyar castigayäshayki.
21
«Jerusalén chawpinman qoriykurmi pasaypa rabyashqa ushakätsiyäshayki.
22
Imanömi qellayta jornuchö tsullutsiyan tsaynömi qamkunatapis marka chawpinchö castigayäshayki. Tsayrämi musyayanki noqa Tayta Dios pasaypa rabyar castiganqäta».
23
Tayta Diosmi nimarqan:
24
«Runapa tsurin, Israel runakunata niy: «Rabyarnin castiganqä junaqqa shullyapis ni tamyapis mana chänan chakranömi kayanki.
25
«Profëtaykikunapis mallaqashqa leonkuna ashmata mikuqnömi runakunata wanuykätsiyan. Llapan riquëzankunata y väliq kaqkunata qechuskirmi apayan. Tsaynöpam viüdakunapis atskaq kayan.
26
«Sacerdötikikunapis leynïkunata mana respitarmi sagrädu kaqkunatapis lluta manijakuyan. Sagrädu kaqkuna y mana sagrädu kaqkuna mayqan kanqantapis manam cäsuyantsu. Tsaynöllam püru kaqkuna y impüru kaqkuna mayqan kanqantapis cäsuyantsu. Jamay junaqkunatapis mana respitarmi munayanqanta rurar penqakuyman churaykäyäman.
27
«Autoridänikikunapis ashmakunata mikuq löbunömi kaykäyan. Runakunata wanuskatsirmi imaykantapis apayanqanwan rïcuyaykäyan.
28
Tsaynö jutsata rurayaptinpis rabyanqäta profëtaykikuna manam willakuyantsu. Tsaypa rantinqa juchunaykaq murällata shumaq kananpä tarajeaqnöllam llutanman yärakatsiyan. Imatapis mana parlapaykaptïmi tsay profëtaykikuna «Tayta Diosmi nimashqa» nir llullakuykäyan.
29
«Qamkunachö täraq común runakunapis suwakuyanmi. Waktsakunatapis y ñakaqkunatapis manakaqmanmi churayan. Nacionnikichö täraq jäpa runakunatapis ñakatsiyanmi.
30
«Mana ushakätsinäpä favorniki mañakamaqta ashirpis manam pitapis tarirqütsu.
31
Tsaymi pasaypa rabyar castigayäshayki. Nina lunyar imatapis ushanqannömi qamkunatapis ushakätsiyäshayki. Llutankunata rurayanqaykimanmi castigayäshayki. Tayta Diosmi tsaynö nin».
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48