bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Ezekiel 32
Ezekiel 32
Quechuan QXO (Biblia en Quechua del sur de Conchucos)
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 33 →
1
Babiloniaman prësu apayämanqan chunka juk wataman aywaykaptinnam chunka ishkay kaq killa punta junaqchö Tayta Dios nimarqan:
2
«Runapa tsurin, Egipto nación ushakänanpä kanqanpita mandaqnin rey Faraónta cantapar niy: «Wakin nacionkunapita mas munayyuq karmi leonnö kaykanki. Tsaynöllam lamarchö mantsaypä ashmanö kaykanki. Tsaymi mayukunatapis pullchaqyätsinki. Yakutapis chakikiwanmi puchkatätsinki. Kuchunkunatapis jarurmi ushanki».
3
«Tayta Diosmi nin: Atska nación soldädukuna favorniki shäriyaptinpis atarräyawan tsarirmi yakupita jipimushayki.
4
Pampaman qarachaykamurmi jitaraykaqta jaqiskishayki. Tsaypitanam permitishä maytsaypita shamur wiskurkuna y jirka ashmakuna pacha junta mikuyäshunaykipä.
5
Jirkakunaman y pampakunamanmi pedäzu pedäzu jitaskishayki.
6
Tsaynö wanutsiptïmi yawarniki mayukunaman juntar jirkakunayaq chanqa.
7
«Qamta ushakätsinqä junaqmi patsatapis tsakätsishä. Qoyllurkunatapis manam chipipïtsimushätsu. Rupaytapis pukutaywanmi tsapaskishä. Killatapis manam atsikyätsimushänatsu.
8
Qampa jutsaykikunapitam ciëluchö llapan atsikyaqkunata tsakätsishä. Tsaymi entëru nacionnikipis tsakaychö quëdanqa. Tayta Diosmi tsaynö nin.
9
«Ushakanqaykita mana reqinqayki nacionkunaman willakatsiptïmi atska markakunachö pasaypa mantsariyanqa.
10
Qamta castiganqäta musyarmi maytsay nación runakunapis mantsariyanqa. Espädäta joqarkuptïmi mandaqnin reykunapis pasaypa mantsakäyanqa. Qam ushakanqaykinö paykunapis ushakäyänanpä kanqanta yarparmi pasaypa tsuktsukyäyanqa».
11
«Faraóntam Tayta Dios nin: «Babilonia nacionpa mandaqnin rey shamurmi espädanwan wanutsishunki.
12
Babilonia soldädukuna mana alli kayaptinmi pïmaypis mantsayan. Tsay soldädukuna markaykikunachö atska runakunata wanutsiyänanpämi permitishä. Tsaymi Egipto runakuna allish tukuyanqanatsu. Tsaytsika kayaptinpis llapantam Egipto runakunata wanutsiyanqa.
13
«Mayu kuchunkunachö mitsiyanqayki ashmaykikunatapis llapantam ushakätsishä. Tsaymi runapis ni ashmakunapis yakuta jarur putkatäyanqanatsu.
14
Tsaypitanam yaku tsuyänanpä permitiptï jichashqa aceitinöllana mayukuna tranquïlu aywanqa. Tayta Diosmi tsaynö nin.
15
«Egipto nacionta tsunyaqmanmi tikratsishä. Llapan imaykantapis chipyaqmi ushakätsishä. Llapan runakunatam tsaychö wanutsishä. Tsayrämi Tayta Dios kanqäta musyayanqa.
16
«Egipto nación ushakanqanpitam tsaynö cantayanqa. Tsay cantuqa runa wanuptin pasaypa llakikur cantayänan cantum kanqa. Tsaynömi juklä nación warmikuna Egiptupä pasaypa llakikur cantayanqa. Egiptuchö atska wanuq runakunapä waqarmi cantayanqa. Tayta Diosmi tsaynö nin».
17
Babiloniaman prësu apayämanqan chunka juk wataman aywaykaptinnam chunka ishkay kaq killa chunka pitsqa junaqchö Tayta Dios nimarqan:
18
«Runapa tsurin, Egiptuchö taykaq atska runakuna y wakin nación runakuna wanuyänanpä kanqanpita pasaypa llakikur cantay. Noqam wanushqakunapa almankuna kaykäyanqanman paykunata jitaskishä.
19
Paykunapä cantar niy: «Egipto runakuna, wakin nación runakunapita ¿mas alli kayanqaykitaku yarpäyanki? Tsaynö yarparpis Diosta mana cäsuq runakunapa almankuna kayanqanmanmi qamkunapis wanur chäyanki».
20
Tsaynöllam Tayta Dios nimarqan: «Egipto runakunata wanutsinäpä espädapis alistashqanam kaykan. Tsaymi llapanpis paykuna guërrachö ushakäyanqa.
21
Wanushqakunapa almankuna kaykäyanqanman charmi munayyuq mandakuqkunapa almankunawanpis tinkuyanqa. Egipto runakunapa almankunata y yanapaqnin soldädukunapa almankunata chaskirmi tsay almakuna niyanqa: «¿Qamkunapis kaymanku uräyämurquyki? ¡Espädawan wanutsishqa jutsasapa runakunapa almankuna kayanqämanku chäyämurquyki!»
22
«Tsaychömi Asiria nacionpis llapan soldädunkunawan kaykäyan. Paykunata castigaptïmi guërrachö llapanpis wanuyashqa.
23
Paykunaqa wanushqakuna kaykäyanqanpita mas rurichömi kaykäyan. Kawayanqan witsan runakunata pasaypa mantsakätsishqa karpis kananqa guërrachö wanurmi llapan tsay soldädukunaqa almakuna kayanqanchöna kaykäyan.
24
«Tsaychömi Elam nacionpis llapan soldädunkunawan kaykäyan. Paykunata castigaptïmi llapanpis guërrachö wanuyashqa. Mana cäsuyämanqanpitam wanushqakuna kaykäyanqanpita mas rurichö kaykäyan. Kawayanqan witsan runakunata pasaypa mantsakätsishqa karpis kananqa wanuqkuna kaykäyanqanchömi penqakuypä jitaraykäyan.
25
«Elam nación tsaychö kananpämi sitiu kaykan. Atska soldädunkunam entërunpa tumaparaykäyan. Mana cäsumaq runakunata castigaptïmi guërrachö llapanpis wanuyashqa. Paykunam kawayanqan witsan runakunata pasaypa mantsakätsiyaq. Kananmi sïqa wanuqkuna kaykäyanqanchö penqakuypä jitaraykäyan.
26
«Tsaychömi Mesec nación y Tubal nación runakunapis soldädunkunapa puntanchö kaykäyan. Mana cäsumaq runakunaqa guërrachömi llapan wanuyashqa. Paykunam kawayanqan witsan runakunata pasaypa mantsakätsiyaq.
27
Paykunataqa manam unay valienti runakunata pampayanqannötsu pampayashqa. Tsay valienti runakunataqa espädankunatapis y wakin armankunatapis jawnarkatsirmi pampayarqan. Tsapakuyänan escüdunkunatapis janankunamanmi churapäyarqan. Kawayanqan witsan valienti karmi paykunapis runakunata mantsakätsiyaq.
28
«Egipto runakuna, qamkunapis wanuskirmi mana cäsumaq runakunapa y guërrachö wanuqkunapa almankuna kayanqanchö kayanki.
29
«Edom nacionpis mandaqnin reykunawan y mandar yanapaqninkunawanmi tsaychö kaykäyan. Kawayanqan witsan pasaypa munayyuq kashqa karpis kananqa guërrachö wanuqkunapa y mana cäsumaq runakunapa almankunawannam kaykäyan.
30
«Norti kaq lädu nacionkunapa llapan mandaqnin reykunapis y llapan Sidón runakunapis tsaychömi kaykäyan. Kawayanqan witsan pasaypa munayyuq karmi runakunata pasaypa mantsakätsiyaq. Kananmi sïqa guërrachö wanuqkunapa y mana cäsumaq runakunapa almankuna kaykäyanqanchö penqakuypä jitaraykäyan.
31
Tsayman chaykurmi tsaytsika wanushqakunata rikar mandaq Faraón llapan soldädunkunawan kushikur niyanqa: «Manam noqantsikllatatsu wanutsimarquntsik». Noqa Tayta Diosmi tsaynö kananpä nï.
32
«Pasaypa mantsakätsikuq karpis mana cäsumaq runakunapa y guërrachö wanuqkunapa almankunawan iwalmi Faraónpis y soldädunkunapis kayanqa». Tayta Diosmi tsaynö nin.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48