bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Ezekiel 40
Ezekiel 40
Quechuan QXO (Biblia en Quechua del sur de Conchucos)
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 41 →
1
Babiloniaman prësu apayämanqan ishkay chunka pitsqa (25) wataman aywaykaptinnam punta kaq killa chunka junaqchö Tayta Dios poderninwan illaqpita Israelman apaskamarqan. Jerusalénta Babilonia runakuna juchutsiyanqanpita chunka chusku watanam päsashqa karqan.
2
Israel nacionman revelacionchö chätsimarmi altunnin jirkaman Tayta Dios churamarqan. Tsaypita sur kaq lädupa rikachakurmi rikarqä markanörä atska wayikuna kaykaqta.
3
Tsayman chätsimaptinmi broncipita rurashqa runa niraqta rikarqä. Lïnupita rurashqa cordelnin y midikuna väran aptashqam punku lädunchö ichiraykarqan.
4
Tsay runam nimarqan: «Runapa tsurin, ninqäkunata tantiyakunaykipä shumaq wiyamay. Llapanta rikatsinäpämi Tayta Dios kayman apamushurquyki. Llapan rikanqaykita Israel runakunata willanki».
5
Tsaymi templu patiuta tumaypa murälla kaykaqta rikarqä. Tsay runa midinanpä aptaraykanqan väranqa kimsa metrum karqan. Tsaywan murällapa anchunta midiptinmi kimsa metru karqan. Altunta midiptinmi kimsa metru karqan.
6
Tsaypitanam aywarqan rupay yarqamunan lädu murälla punkumanna. Punkuman yaykuna grädapa yarkuskirmi pirqapa anchunta midirqan. Midiptinmi kimsa metru karqan.
7
Punkupa yaykuskirmi cada läduchö kimsa cuartukunata rikarqä. Llapanpis tsay cuartukuna kimsa metru anchu y kimsa metru largum karqan. Cuartukunata rakiq pirqapa anchunmi ishkay metru pullan karqan. Tsay joqta cuartukunata päsaskiptinmi jatun cuartu kaykarqan. Tsay cuartupa anchunmi chusku metru karqan. Tsay cuartupita templuman yaykunanchömi juk metru anchu pirqa karqan. Taksha cuartukunapita jatun cuartuman rakiq pirqapa anchunmi kimsa metru karqan.
11
Punkupa anchunmi joqta metru pullan karqan. Punku yaykuna pirqata midiptinnam anchun pitsqa metru karqan.
12
Cada taksha cuartu yaykunachömi pullan metru altu pirqa karqan. Cuartukunapa anchunpis largunpis kimsa metrum karqan.
13
Juk cuartupa ruri kuchunpita frentin kaq cuartupa ruri kuchunyaq midiptinmi chunka ishkay metru pullan karqan.
14
Jatun cuartupa y wakin cuartukunapa anchunta entërupa midiptinmi joqta chunka metru karqan.
15
Yaykuna punkupita ruri kaq punkuyaq pasadïsuta midiptinmi ishkay chunka pitsqa metru largun karqan.
16
Cada taksha cuartukunapis ventänayuqmi karqan. Ruripanam rëjakuna karqan. Tsaynöllam jatun cuartupapis ventänankuna karqan. Rakiq pirqankunachönam dibujashqa palmërakuna karqan.
17
Tsaypitanam tsay runa pushamarqan jatun kaq patiuman. Tsaychömi patiu lädun kaqpa rikarqä kimsa chunka (30) cuartukunata. Tsay patiuqa läja rumikunawanmi kuchu kuchu empedrashqa karqan.
18
Altar kanqan patiupita mas jawachömi karqan. Anchunmi ishkay chunka pitsqa (25) metru karqan.
19
Yaykuna punkupa frentinchömi juk punkupis karqan. Tsay punkuyaq midiptinmi pitsqa chunka (50) metru karqan. Tsaynömi karqan rupay yarqamunan kaq lädu punkuchö. Tsaypitanam rikarqä norti kaq lädu punku imanö kanqantapis.
20
Norti lädupapis patiuman yaykuna punku karqanmi. Tsay punkutapis largunta y anchuntam midirqan.
21
Pasadïsupa cada lädunchömi kimsa cuartukuna karqan. Rupay yarqamunan lädupa kaykaq punkuchönöllam cuartukunata rakiq pirqa y jatun kaq cuartupis karqan. Midiptin largun karqan ishkay chunka pitsqa (25) metru y anchunnam karqan chunka ishkay metru pullan.
22
Jatun cuartupis, ventänakunapis, palmëra dibüjunkunapis rupay yarqamunan kaq lädu punkuchö kaykanqannöllam karqan. Tsayman yaykunanpäpis qanchis grädakunam karqan. Tsaychöpis patiu kaq lädunpam jatun cuartu karqan.
23
Rupay yarqamunan kaq lädu punkupa frentinchö kaykanqannömi norti kaq lädu punku frentinchöpis ruri kaq patiuman yaykunapä juk punku kaykarqan. Tsay punkuyaq midiptinmi pitsqa chunka (50) metru karqan.
24
Tsaypitanam sur läduchö punkuman pushamarqan. Llapanta midiptinmi wakin kaq punkukunanölla karqan.
25
Cuartunkunapa ventänankunapis wakin kaqpanöllam karqan. Largunta midiptinmi pitsqa chunka (50) metru karqan. Anchunta midiptinnam chunka ishkay metru pullan karqan.
26
Witsänanpäpis qanchis grädakunam karqan. Jatun cuartupis patiu lädupam karqan. Rakiq pirqankunachöpis ishkan läduchömi palmërakuna dibujashqa karqan.
27
Sur läduchö kaykaq punku yaykunapa frentinchöpis ruri kaq patiuman yaykuyänanpä punku karqanmi. Juk punkupita jukaq punkuyaq midiptinmi pitsqa chunka (50) metru karqan.
28
Tsaypitam pushamarqan ruri kaq patiuman yaykuna juk punkuman. Tsay punkuqa sur läduchömi karqan. Tsay punkuta midiptinmi wakin kaq punkukuna tamäñulla karqan.
29
Taksha cuartunkunapis, rakiq pirqakunapis y jatun cuartu alarpis wakin punkukunachö kaykaq tamäñullam karqan. Ventänankunapis sawan lädupam karqan. Midiptinmi ishkay chunka pitsqa (25) metru largun karqan y anchunnam chunka ishkay metru pullan.
30
Lädunkunachö cuartukunata midiptinmi largun karqan chunka ishkay metru pullan y anchunnam ishkay metru pullan.
31
Cuartukunata rakiq pirqankunachöpis palmërakunam dibujashqa karqan. Yarkukuyänan grädankunapis puwaqmi karqan. Punkuqa ura kaq patiumanmi rikakarqan.
32
Tsaypitam rupay yarqamunan kaq lädu ruri kaq patiu punkuman pushamarqan. Tsaychö midiptinmi wakin kaq punku tamäñulla karqan.
33
Taksha cuartunkuna, rakiq pirqankuna y jatun cuartupis tsay tamäñullam karqan. Patiu lädupam ventänankunapis karqan. Midiptinmi largun ishkay chunka pitsqa (25) metru karqan. Anchunnam chunka ishkay metru pullan karqan.
34
Rakiq pirqankunachöpis palmërakunam dibujashqa karqan. Yarkukuyänan grädankunapis puwaqmi karqan. Punku yaykunaqa ura kaq patiumanmi rikakarqan.
35
Tsaypitanam pushamarqan norti lädu punkuman. Tsay punkuta midiptinmi wakin kaq tamäñulla karqan.
36
Taksha cuartunkuna, rakiq pirqankuna, jatun cuartu y llapan ventänankunapis tsay tamäñullam karqan. Midiptinmi ishkay chunka pitsqa (25) metru largun karqan. Anchunnam chunka ishkay metru pullan karqan.
37
Cuartukunata rakiq pirqankunachöpis palmërakunam dibujashqa karqan. Witsäkuyänan grädankunapis puwaqmi karqan. Punku yaykunaqa ura kaq patiumanmi rikakarqan.
38
Tsay punku yaykunachömi juk cuartu karqan. Tsaychömi sacrificiupä apayämunqan ashmakunata pishtaskir mayllayaq.
39
Tsay cuartuchö pishtapakuyänanpämi jukaq lädunchö ishkay y jukaq läduchö ishkay mësakuna karqan. Tsaychömi pishtayaq rupatsina sacrificiupä, purificatsina sacrificiupä y consagratsina sacrificiupäpis.
40
Tsay cuartu waqtanchöpis norti kaq lädu punkuman gräda witsaq lädunchömi ishkay mësakuna karqan. Tsaynöllam jukaq läduchöpis ishkay mësakuna karqan.
41
Tsaymi ruri cuartuchö chusku mësakuna y waqta punku lädunchö chusku mësakuna karqan. Llapan mësakuna puwaqmi karqan. Tsay mësakuna jananchömi sacrificiupä ashmakunata pishtayaq.
42
Pishtapakuyänan manëjukunata churakuyänanpä chusku mësakunam rumipita karqan. Tsay mësakunapa largunpis y anchunpis qanchis chunka pitsqa (75) centïmetrum karqan. Altunnam pullan metru karqan.
43
Cuartupa ruri pirqankunachömi ganchunkuna cuarta masllan jiruruypa jatiräyarqan. Mësakunachönam pishtayanqan ashmakunapa aytsan churaraykarqan.
44
Ruri kaq patiuchömi ishkay cuartukuna karqan. Juk cuartum norti kaq lädu punku lädunchö karqan. Tsay cuartupa punkunmi sur kaq lädupa karqan. Jukaq cuartunam sur kaq lädu punku lädunchö karqan. Tsay cuartupa punkunnam norti kaq lädupa karqan.
45
Pushamaq runam nimarqan: «Sur kaq lädupa punkuyuq cuartuqa templuta cuidaq sacerdötikunapämi kaykan.
46
Norti kaq läduman punkuyuq cuartunam altarchö aruq sacerdötikunapä kaykan. Tsay sacerdötikunam Sadocpita miraq kayan. Leví trïbu mayinkunapita paykunallam Tayta Diospa puntanchö sirviyänanpä kaykäyan».
47
Tsaypitanam tsay runa midirqan ruri kaq patiuta. Midiptinmi largunpis anchunpis pitsqa chunka (50) metru karqan. Tsaymi cuadrädu karqan. Altarqa templu lädunchömi kaykarqan.
48
Tsaypitanam templuman yaykuna kaq cuartuman pushamarqan. Tsaychö ishkan lädunpa pirqata midiptinmi ishkay metru pullan anchun karqan. Punkupa anchunta midiptinnam qanchis metru karqan. Punkupa cada lädunchö kaykaq pirqakunapa largunta midiptinmi juk metru pullan karqan.
49
Tsay cuartupa anchunnam chunka metru karqan. Yaykuna punkupita frentinchö kaq punkuyaq midiptinmi joqta metru karqan. Tsayman witsäyänanpämi chunka grädakuna karqan. Templuman yaykunachö ishkay paradorkunam ishkan läduchö ichiraykäyarqan.
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 41 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48