bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Ezekiel 7
Ezekiel 7
Quechuan QXO (Biblia en Quechua del sur de Conchucos)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 8 →
1
Tayta Diosmi nimarqan:
2
«Runapa tsurin, noqa ninqäta Israel runakunata ninki: «¡Kay entëru nación ushakänanpä kaq junaq chaykämunnam!
3
¡Wallkallanam pishin ushakäyänaykipä! Qamkunata castigarrämi rabyanaynïta päsatsishä. Jutsata rurayanqaykimanmi juzgayäshayki. Melanaypä mana allikunata rurayanqaykipitam castigayäshayki.
4
Manam perdonayäshaykitsu ni kuyapäyäshaykitsu. Tsaypa rantinqa jutsata rurayanqaykimanmi juzgayäshayki. Melanaypä mana allikunata rurayanqaykipitam castigayäshayki. Tsayrämi Tayta Dios kanqäta musyayanki».
5
«Noqa Tayta Diosmi nï: Qatinakurrämi desgraciakuna qamkunaman shamuykan.
6
Ushakäyänaykipä wallkallanam pishiykan. Castiganäpä listunam kaykä.
7
«Judáchö täraq runakuna, ushakäyänayki junaq chaykämunnam. Janaykichönam tsay junaq kaykan. Jirkakunachöpis kushikuyänaykipa rantinmi llakikuyanki.
8
Qamkunata castigayänäpä manam pishinnatsu. Pasaypa castigaptïrämi rabyaynï päsanqa. Melanaypä mana allikunata rurayanqaykipitam chipyaq ushakätsishayki.
9
Manam perdonashaykitsu ni kuyapäyäshaykitsu. Tsaypa rantinqa jutsata rurayanqaykimanmi juzgayäshayki. Melanaypä mana allikunata rurayanqaykipitam castigayäshayki. Tsayrämi tantiyakuyanki noqa Tayta Dios castigayanqäta.
10
«¡Chaykämunnam ushakäyänaykipä junaq! ¡Tsay junaq rasunpam chaykämunna! Maytsaychömi mana allikunata rurayan y runa tukuyan.
11
Llutankunata rurarmi pïmaypis mana alli tikrayashqa. Tsaynö kayanqanpitam llapan ushakäyanqa. Ni riquëzankunapis manam quëdanqatsu.
12
«Tsay junaq janaykichönam kaykan. Castiganäpä kaq hörapis chämushqanam. Rantikuq kaq ni rantiq kaqpis ama kushikuyätsunnatsu. Pasaypa rabyarmi runakunata castigashä.
13
Rantikuq runa mana wanurpis rantikunanpä kaqkunata manam tarinqanatsu. Runakunata ushakätsinäpä willakatsinqänöllam llapanpis kanqa. Jutsata ruranqanpita castigaptï manam pipis qeshpinqatsu.
14
«Pasaypa rabyarmi llapan runakunata castigashä. Tsaymi cornëtata töcamuptinpis guërraman aywayänanpä pipis kanqanatsu.
15
Tsaypa rantinmi marka rurinchö pestiwan y mallaqaywan wanuyanqa. Marka waqtankunachö kaqkunatanam espädawan wanutsiyanqa.
16
Wakinnam mantsakashqa palumakunanö jirkakunaman qeshpiyanqa. Jutsata rurayanqanpita ñakarmi llapanpis waqayanqa.
17
Llapanpis kallpaynaqmi tikrayanqa. Mantsariyllawanmi qonqurninkunapis tsuktsukyanqa.
18
«Lütu röpata jatikurkurmi aqtsankunatapis qara putuypa rutukuyanqa. Mantsariywanmi pasaypa tsuktsukyäyanqa. Penqakurmi cärankunapis pukayashqa umpuräyanqa.
19
Rabyar ushakätsinqä junaq manam qellayninpis ni qorinpis salvanqatsu. Qellaynin kaptinpis rantiyänanpä mikuy manam kanqatsu. Tsaymi qellayninkunatapis cällikunaman mashtayanqa. Qorinkunatapis mana väliq qanratanömi jitayanqa. Tsaynö kanqa qoripä y qellaypä raykur jutsata rurayanqanpitam.
20
«Kuyayllapä qori adornunkuna kaptinmi pasaypa runa tukuyashqa. Tsay adornukunapitam melanaypä ïdulukunata rurayashqa. Tsaymi tsay adornunkunapis melanaypäna kanqa.
21
Jaqiskiptïmi jäpa runakuna imaykantapis suwapäyanqa. Llapan riquëzankunata mana alli ruraq runakuna aparmi manakaqman churayanqa.
22
Kuyayllapä templüman suwakuna yaykur impüruyätsiyaptinpis manam imatapis nishätsu.
23
«Kay nacionchöqa wanutsinakuyllam kaykan. Markachö täraqkunapis maqanakullarmi kayan. Tsaynö kayanqanpitam cadinaräyanqa.
24
Noqam permitishä juklä nación mana alli runakuna chaykamur markachö täraq runakunapa wayinkunata qechuyänanpä. Tsaynöpam poderyuq Israel runakunapis poderniynaq kayänanpä permitishä. Respitayanqan altarkunapis manam sagrädunatsu kanqa.
25
Tsaymi runakuna pasaypa mantsariyanqa. Alli kawayta munarpis manam puëdiyanqatsu.
26
«Imaypis desgraciakunallam päsanqa. Desgraciakuna kananpä kaqllatam pïmaypis parlayanqa. Profëtata tapuyaptinpis willananpä revelacionta manam chaskinqanatsu. Sacerdötikunapis runakunata yätsiyänanpä leynïkunata manam yarpäyanqanatsu. Mayor runakunapis manam ima yätsiytapis puëdiyanqanatsu.
27
Reypis llakikurmi lütuta röpata jatikunqa. Mandaqkunapis llakikuymanmi churakäyanqa. Llapan runakunam mantsariywan tsuktsukyäyanqa. Imanöpis kawayanqanmanmi castigashä. Runa mayinta juzgayanqannöllam kikinkunatapis juzgashä. Tsayrämi Tayta Dios kanqäta musyayanqa».
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48